الله يساعدكم

أكو سالفة نبهت عليها توني ماعرف إذا منتشرة بكثرة يمكم لو لا، هي سالفة الرجال يدوّر ولد، يعني مثليين

هاي أكرر عليها صراحةً الوضع مخيف بشكل ما تتوقعونه، هسة اني أمشي وي ولد والله أحتار بي إذا دربه ولادي لو لا، تكررت حالات يمنا أن بعض الزوجات يوصلن للطلاق لأن زوجهن يدوّر ولد وجداً أعتذر على هيج طرح بس ما خُفي أعظم، نسبة كبيرة من الشباب وحتى الكبار اتجهوا بهذا الدرب التعبان فهاي خلوها بالحسبان لا بعدين تنفتح السجلات وتنصدمون

الرسالة :- يتم تمديد العزوبية مدى الحياة

مو خوش

رسول الله (صلى الله عليه وآله): لركعتان يصلّيهما متزوّج أفضل من رجلٍ عَزَبٍ يقوم ليله ويصوم نهاره(1).
وعنه (صلى الله عليه وآله): المتزوّج النائم أفضل عند الله من الصائم القائم العزب(2).
وعنه (صلى الله عليه وآله): من تزوّج فقد أحرز شطر(3) دينه، فَلْيَتَّقِ الله في الشطر الثاني(4).
 وعنه (صلى الله عليه وآله): من تزوج فقد أعطي نصف العبادة(5).
وعنه (صلى الله عليه وآله): خيار أمتي المتأهلون، و شرار أُمَّتِي العُزاب(6).
وعنه (صلى الله عليه وآله): من تزوج أحرز نصف دينه.
وفي حديث آخر: فليتق الله في النصف الآخر ــ أو الباقي ــ(7).
الإمام السجاد (عليه السلام): من تزوّج لله عزّ وجلّ، ولصلة الرحم، توجه الله تعالى بـتـاج الملك(8).
الإمام الباقر (عليه السلام): إن ركعتين يصليهما رجل متزوّج أفضل من رجل يقوم ليله ويصوم نهاره أعزب(9).
الإمام الصادق (عليه السلام): ركعتان يصليهما المتزوج أفضل من سبعين ركعة يصليها أعزب(10).

الرسالة :- بالنسبة للقنادر حشاك الي تدور ولد هاي كارثة وشفتها دا تنتشر مثل مذكرت بشكل مخيف واللّٰه ادخل للتيك توك كاااارثة المنشورات والتعليقات كبار وشباب وأطفال وشياب كلها تدور انوب يفتخرون بالمعصية ويكتب اني هيج سويت وهلكد لزمت وعادي مخلي صورته وماخذ راحتة كأن موضوع طبيعي يحجي بيه انوب تشوفه شكله مرتب ورجولي ولا عبالك يم هاي السوالف لو اذا ميدور يروح يشجعلي الي هيج مثل هاي النماذج التعبانة الي طلعت بآخر فترة والطامة الكبرى حتى بعض البنات يشجعونهم والعباس فد لعبان نفس حطب جهنم وما ادري هل فعلًا هاي الأشياء منتشرة بكثرة يمنا غير عن باقي الدول لو هم يطمطمون لو شنو الوضع لأن دا اشوف العراقيين عدهم هل الشي بكثرة وهسة مو بس الشباب حتى البنات عدهم هيج والمدارس تشهد كمية قرف مو طبيعية گبر طمكم كون واللّٰه حارگين گلبي

هاي العام عود رايح لجامعة النهرين بالجادرية و أول مرة أدخل بمكان ببغداد غير الكاظمية فوصلت للكرادة توني داخل شفت بنية ما تعرف شي حياء وحشمة كلت لا حول ولا قوة الا بالله وين وصل بينا الدهر، مشت السيارة طاحت عيني على وجهها طلع ولد

التيك توك صاير بؤرة فساد خاف جانت الوضعية شوية بالخفية هسة صارت علني بسبب التيك توك، صديقي زيد كل فترة يجيني مصدوم حول حالة مجتمعية يكلي باقر شنو جاي يصير بالمجتمع اني عود محنك ما أنصدم لأن الوضعية خرطت من كل الجوانب

إذا أريد أصير ناقد مجتمعي هسة ما أخلّص رغم اني مو من النوع الي يبحث بهيج أمور بس شفت أشكال وأنواع خلتني أتمنى من جنت شوية فطير وأشوف الناس زينة

بس مع ذلك أكو جوانب زينة بالمجتمع وبيئة عن بيئة تختلف يجوز لو يجينا شخص عايش بنص بغداد يكول أنتم عايشين بنعيم

الرسالة :- السلام عليكم
شنو رئيك بدراسة الحوزة للمرأة ؟

عليكم السلام
الحوزة من أساسها عندي مشكلة وياها سواء للرجال أم للنساء، لاختلاط العلوم الوضعية في دراستهم مع علوم محمد وآل محمد عليهم السلام، كالمنطق والفلسفة وعلم الرجال وعلم الأصول عامّةً

أنقل لك كلام الايرواني المجتهد : لم اقرأ أي حديث في الصلاة أو الزكاة أو الخمس أو الحج أو الحدود
وكنا نقرأ أقوال العلماء الفقهية وضيعنا عمرنا ١٠ سنوات ١٥ سنة ندرس فقط ما قاله ابن المطهر الحلي وما قاله صاحب اللمعة وصاحب الجواهر وصاحب الرسائل وصاحب المعتبر وصاحب الشرائع وحتى التعارض بين الروايات لم يعلمونا وروايات أهل البيت مهملة متروكة حتى يأتي طالب الحوزة إلى مرحلة البحث الخارج بعد سنين عديدة من الدراسة ويقرأ بعض الأحاديث القليلة عن الاحكام.

الرسالة :- انت منين تاخذ الاحكام الشرعيه؟

مباشرةً من الروايات

الرسالة :- يعني ما تقلد إي مرجع؟

إي

توضيحًا لمسألة التقليد

هل التقليد -كما هو شائع بين الناس اليوم- هو واجب ؟
الجواب هو لا، إذًا منين ناخذ الأحكام الشرعية ؟ ناخذها من الفقيه، زين شنو الفرق عن التقليد ؟ ركّز وياي

من زمن الأئمة عليهم السلام كان مفهوم التقليد عند الشيعة هو تقليد الإمام بالمرتبة الأولى، أمّا رجوعهم للفقهاء فالفقيه الي كان يفتي الناس يفتيهم بحديثٍ مروي عن الأئمة مباشرةً

فمثل ما گال الإمام الصادق عليه السلام لأبان بن تغلب "أفتِ الناس" فهو هم گال عن أبان أنه روى عن الإمام الصادق وحده 30 ألف حديث وهنا تتضح لك صورة الإفتاء والرجوع إلى الفقيه في ذاك الزمن

هم بعدنا ما وصلنا لنتيجة، شقّل الجمجمة وياي

وصلنا لزمن الغيبة، صفت بس العلماء، الإمام غاب والسفراء توفوا، استُحدِث عدنا علم الأصول، منين جابوه ؟ من السنّة، باقر منيلك هذا الحجي ؟ من محمد باقر الصدر

أريد أوصلك لنقطة، كل الروايات بالإجماع من تريد تعلمك على نهج الإفتاء تكلك القرآن والسنة، بالجديد شنو صار عدنا ؟ الإجماع والعقل

يعني الحكم الشرعي عند المراجع يدخل ضمن نطاق العقل والإجماع، وهنا تصير المشكلة، من ليمتة العقل صار حاكم أمام القرآن والسنّة ؟ زين يجوز المرجع يريد يفتي على ما استحصل من العلم بالكتاب والسنّة بس ما يكدر لأن أجمع العلماء على قولٍ واحد في هذه المسألة، والإجماع عند أهل البيت عليهم السلام ماله أي قيمة

أتمنى وصلت الفكرة
هذا مختصر لمختصر لمختصر كلام هواي، ما ردت أشمر الحجاية وأروح هاي هم ذمّة فوضّحت

الرسالة :- تگدر تتوسع بهالخصوص اذا امكن؟ يعني سوالف التقليد و الي ذكرتهن، يعني انتَ گلت
"هذا مختصر لمختصر لمختصر كلام هواي"
توسعلنا فد يوم بهذا الكلام الهواي وجيب دلائل هَم، حتة تكتمل الصورة عدنا.

عن عبد الله بن مسكان قال: سمعت أبا عبد الله (عليه السلام) يقول:

إياكم وهؤلاء الرؤساء الذين يترأسون، فوالله ما خفقت النعال خلف رجل إلا هلك وأهلك.

📕 الكافي ج٢.

إعلَم رَحِمك الله أن قصده عليه السلام هو تحذير لك من أن تتبعَ الرجل بكل قوله دون برهانٍ ودليل، يعني أنت تتبع شخص وتصدق كل قوله وفعله وهو قابل بهذا الشي، هنا هو صار رئيس عليك، هنا هو راح يهلك وأنت راح تهلك.

زين شلون باقر احنا جاي ناخذ من العلماء ونصدقهم ؟

إعلَم إن أخذَك من العالِم لا يتم بدون إقامة الدليل والبرهان، يعني اني ما أكدر أخلي عالم آخذ منه بدون ما أعرف الدليل والرواية الي استند عليها، النبي وصاك بالقرآن والعترة ما وصّاك بإتباع العلماء، ولفظة العالم ما تتم بمعانيها إلا أن يكون هذا العالم متّبِعاً للقرآن والسنة