#للتذكير

مع اقتراب امتحان #التحكم1 و #التحكم_اللاخطي
بحب ذكر انو في كورس لكل مادة موجود على تطبيق Edulab باذن الله هدول الكورسين شاملين كل افكار المادتين وباذن الله فيك تخلصهم بوقت مناسب (وطبعا ليلي دارس المادة خلال السنة او يلي يحب ياخد المادة مكثفة - اكيد بنزلكم شو يلي داخل ومهم من الفيديوهات وشو يلي فيكم تتجاوزوه) ..

للتسجيل عالكورسات فيكم تتواصلوا معي او مع الرقم 0935013197 ..

وبتمنالكم كل التوفيق ✨🌹

كورس التحكم1 يتضمن :

الدرس الاول (57 ثانية) -
ترحيب ..

الدرس الثاني (22 دقيقة) مطلوب -
مهارات رياضيات ..
مراجعة لأهم المهارات الرياضية اللازمتك عشان تمشي بالكورس بثقة .

الدرس الثالث (28 دقيقة) مطلوب -
مهارات لابلاسية ..
مراجعة شاملة لكل الافكار اللازمة من لابلاس ولابلاس العكسي والاهم هي التركات والملاحظات يلي بتسهل عليك الحل ..

الدرس الرابع (18 دقيقة) غير مطلوب -
شرح مفهوم الـ LTI Systems ..
بهاد الفيديو عم اشرحلك اشياء ماتجي بالامتحان( فيك تتجاهلو) ..

الدرس الخامس (23 دقيقة) مطلوب -
تابع التحويل ...
هون نبلش نحكي عن أفكار الحلقة المفتوحة وتعريف تابع التحويل وطرق ايجادو وانواع الاستجابة ..

الدرس السادس (10 دقائق) مطلوب - المخططات الصندوقية ..
بهاد الفيديو بحكيلك عن فكرة المخططات الصندوقية وقواعد اختزالها ..

الدرس السابع (11 دقيقة) مطلوب -
امثلة عن المخططات ..
هون بحللك دورات وبعلمك كيف تتعامل مع النكشات وتعرف تختزل مخططك بسهولة وبساطة ..

الدرس التامن - مطلوب
القسم الاول (26 دقيقة)
القسم التاني (27 دقيقة)  -
الأنظمة من الدرجة الثانية ..
بهاد الدرس بحكي بالتفصيل عن دراسة الانظمة من الدرجة الثانية (استقرارها واهتزازها ومواصفاتها)  ..

الدرس التاسع - مطلوب
القسم الاول (30 دقيقة)
القسم التاني (31 دقيقة)
القسم الثالث (15 دقيقة)
القسم الرابع (قريبا)
بهاد الدرس بحكي عن نايكوست بالتفصيل مع الدورات ..

الدرس العاشر (20 دقيقة) مطلوب
بهاد الدرس نحكي عن الخطأ الساكن  ..

الدرس 11 (18 دقيقة) مطلوب
معيار روث

الدرس 12 (15 دقيقة) غير مطلوب
بهاد الدرس بشرحلك مقدمة عن مسار الجذور عشان تفهمو صح ... وتفهم فكرتو وليش هو موجود ...

الدرس 13 - مطلوب
الجزء الاول (27 دقيقة)
الجزء الثاني (37 دقيقة)
بهاد الدرس بحكي عن قواعد رسم مسار الجذور مع مثال ..

الجزء الثالث (قريبا)

الدرس 14 (قريبا) معيار بود ..

الدرس 15 (قريبا) حل آخر دورة بالتفصيل بالاضافة الى تركات وملاحظات امتحانية لتسريع الحل واغتنام الوقت ..

الخطة المكثفة للتحكم1 🔥✊🏽

استاذ مارح تعمللنا كورس مكثفة !؟
الجواب : عندي الك احسن من الكورس المكثف 😌 عندي الك خطة مكثفة مبنية عهدول الفيديوهات نفسهم ...

استاذ كم يوم بدنا للمادة !؟
الجواب : صراحة عشان ما اغدرك بدك وسطيا (4 أيام مكثفين) ..

اذا كنت دارسها من قبل فيك تضغطها بيومين ...

بالنهاية الموضوع فضفاض بيرجع (لهمتك🔥✊🏽 وتركيزك 😌✨ وقدرتك عالدراسة)




الخطة عالشكل التالي :

لا تشغل بالك بعدد الفيديوهات
بيندرسو بسهولة باذن الله (بس انت ركز بالفيديو ولخص الافكار عورقة A4 واهتم بالتفاصيل يلي بحكيها عشان تخفف عحالك وقت وجهد) وفي نوط فيك تتبع فيهم يلي بحكيه بالفيديو تلاقيه نفسو بالنوطة بس مع شرح ...



📢اليوم الأول :

بدك تختم أفكار الحلقة المفتوحة والصناديق (يعني افكار السؤال الاول كامل بالدورات) تختم السؤال الاول باليوم الأول ... في عندك (الفيديو التاني والتالت هدول مراجعات تفرج عليهم وخد فكرة مو غلط) شغلتهم نص ساعة للساعة بالكتير بساعدوك على الحسابات بسرعة بلابلاس العكسي ..

الشغل الجد يبلش (الفيديو الخامس والتامن ) خلص الخامس والتامن بالاول ... بدهم شي اربع ساعات ...

بعدين تروح عالمخططات (السادس والسابع) خفاف نظاف .... شغلة تلت ساعات بيخلصو نشالله ...



اليوم الثاني :
تبلش بالفيديو التاسع تخلصو كلو ... واذا زاد معك وقت خلص العاشر والـ11 مو صعبين ....

اليوم التالت : يوم مسار الجذور
الفيديو الـ 13 تعتكف عليه يوم كامل ....

واخر يوم : الفيديو 14 تبع بود ...

وهيك باذن الله تكون خلصو كل افكار المادة بالتكثيف المطلوب ...

وبالتوفيق جميعا ✊🏽🔥✨

كورس التحكم اللاخطي يتضمن :

الدرس الأول (10 دقائق) غير مطلوب -
يحتوي على شرح لأهم المفاهيم المذكورة ضمن المادة ...

الدرس الثاني (10 دقائق) غير مطلوب -
يحتوي على شرح ومدخل لنظرية المكافئ التوافقي ...

الدرس الثالث (30 دقيقة) مطلوب -
نظرية المكافئ التوافقي - كيفية ايجاد w(t) الحالة الأولى ...

الدرس الرابع (18 دقيقة) مطلوب -
نظرية المكافئ التوافقي - كيفية ايجاد w(t) الحالة الثانية ...

الدرس الخامس (31 دقيقة) مطلوب -
نظرية المكافئ التوافقي - كيفية ايجاد N(x1) ورسم المحل الحرج ...

الدرس السادس (39 دقيقة ) مطلوب -
نظرية المكافئ التوافقي - تمارين اضافية ...

الدرس السابع (48 دقيقة) مطلوب -
نظرية المكافئ التوافقي - دراسة الاهتزازات الحرة ...

الدرس الثامن (21 دقيقة) مطلوب -
نظرية المكافئ التوافقي - دراسة الاهتزازات الحرة - تمارين اضافية ...

الدرس التاسع (1 ساعة) مطلوب -
نظرية بوان كاريه - الفكرة الأولى ..

الدرس العاشر (قريبا) مطلوب -
نظرية بوان كاريه - الفكرة الثانية ...

الدرس الـ11 (قريبا) مطلوب -
نظرية ليابونوف ...

اللهم ارزقنا في الدنيا حسنة ✨
وفي الآخرة حسنة 🤍
وقنا عذاب النار 💔

#مشورة الموسم الثاني
للمتميز ياسر الحزيمي ✨
تستحق المتابعة 🌙👍🏽

احيانا نعتاد الكلام اللطيف ...
ونعتاد على المبررات الجاهزة ...
نعتاد على المواساة الدائمة من الأصدقاء والعائلة ..

الحياة صعبة ...
الظروف ماعم تساعدني ...
حظي قليل ...
البلد هو السبب ...

أحياناً نحتاج إلى بعض القسوة ..
كف يخليك تفيق على حقيقة الأمر ..

عاداتك .. طريقة تفكيرك .. خططك .. مهاراتك .. ايمانك ..

هدول يلي يفرقو بنهاية المطاف ..

اللهم في هذه الأيام الفضيلة ✨
فك أسر الشيخ #سمير_مصطفى
أنت وليه والقادر عليه 💔

هذا الشخص يستحق تسمعوه
وتدعولو الله يفك عنو

اللهم في هذه الأيام الفضيلة ✨
فك أسر الشيخ #سلمان_العودة
أنت وليه والقادر عليه 💔

الشيخ سلمان بمثابة الأب المربي
ولا مرة رح تسمعلوا الا رح تحسوا انو أب
سواء كنت شاب أو فتاة
ابرز ماعرف عنو برو لأمو
هاي الخصلة هي يلي خلتني اسمعلو واتعرف عليه
ادعولو الله يفك أسروا

في فكرة منتشرة هاليومين ...

راح زمن المبرمجين 🙃
والزمن هاد زمن الـ AI Agents ...

طيب انا مارح ناقشك بجواب هاد السؤال ...
رح ناقشك بسؤال تاني ...

طبعا اشهر موقع ai agents للمبرمجين حالياً هو replit
وطبعا مالك الموقع هو امجد مسعد شاب اردني ..

السؤال
ليش أمجد مسعد عندو موظفين ومطورين شغالين عندو ويعطيهم مبالغ محترمة !؟
ليش ما يخلي الموقع تبعو هو يطور نفسو بنفسو 🙂
مو هو ai agent يستطيع البرمجة !؟ ليش مايبرمج نفسو !؟

فكر بهاي النقطة
حتعرف تلقائيا
انو الـ AI agents هي مساعدة للمبرمجين
وليست بديلة عنهم ...

اتعلم برمجة وطور نفسك ...
لا توقف وتستسلم لانو صار في AI ...
استخدمو لتمشي اسرع مو لتوقف ..
الـ AI عشان يسهل عليك التعلم ويسرع زمن البحث والتنضيد .. مو عشان تبطل تتعلم وتقفل مخك ...

#روبوتية قيد الإنجاز🔥

الكورسات يلي حنزلها هاد الفصل إذا الله راد :

تحكم1
تحكم2
تحكم لاخطي
معالجة إشارة
روبوتية

الكورسات Online

يبدأ التسجيل قريباً إذا الله راد

وأنا قاعد بشتغل على نوطة الروبوتية (يلي بالمناسبة حتكون قوية بإذن الله 😎)
كنت عم اسمع بودكاست عن الموضوع الشاغلني هالفترة ...
وانصدمت حقيقة ...
بصراحة ماكنت متوقع بيوم انو ممكن شيخ يوعيني عن الذكاء الاصطناعي ...
ويوضحلي نقاط انا كنت غير منتبه لها ...
بودكاست مهم جداً صراحة ... يخليك واعي لقضية أن الذكاء الاصطناعي ليس ذكاء بمعناه المعروف ... وأن هذه الخوارزميات لم تطورها الشركات وتدفع عليها مليارات الدولارات لكي تعطيك إياها بالمجان ...

رابط الحلقة كاملة :
https://youtu.be/elzRkoM26Gg?si=gkRkWBtRDd_UFAUt

في الحقيقة وهذا كلام أنا أقوله (الشركات تستخدمك أنت لكي تدرب لهم خوارزمياتهم ... انت من خلال تفاعلاتك مع الخوارزميات وتزويدها بالمعلومات والصور والفيديوهات والبيانات ... انت وغيرك الملايين من البشر تجعلون هذه الخوارزميات أقوى .. وهذا ليس في صالحك أنت ... لان السيرفرات وهذه الخوارزميات هي مملوكة لجهات ليست صديقة لك ولها مصالحها الخاصة ... وانت كمستهلك أنت الحلقة الأضعف في هذه المعادلة ...
الرسالة : " استخدم الخوارزمية فيما يفيدك ويسهل عملية تعلمك ، دون أن تجلعلها تقوم بالتعلم نيابة عنك وأنت مجرد متفرج " حتى لا يأتي يوم تصبح أنت لاشيء بدون هذه الخوارزمية ... وأن تصبح أنت معتمد اعتماداً كلياً عليها .... وهاي النقطة انك تكون انت صفر عالشمال شرحها (أسامة الزيرو) بالتفصيل بهاد البودكاست

https://youtu.be/uQPGbKe_78g?si=GAiHLlftPnZHtR3f

ملخص المشكلة (الذكاء الاصطناعي قوة بيدك بشرط ان تكون السيرفرات والخوارزميات مملوكة من قبلك انت ... يعني روح انت طور خوارزمياتك الخاصة على سيرفراتك انت .. هاد شي ممتاز ... اما انك تساعد بجعل خوارزمياتهم اقوى وانت اساسا ماعندك خوارزميات منافسة الهم هاي مصيبة ...

الصين فهمت الموضوع أكثر منا
وراحت طورت خورازميات ذكاء خاصة فيها (واشهرها Deepseek )
هيك الصين صارت عم تنافس بهاد المجال ...

اسف على هاي النظرة التشاؤمية 🙂💔
ولكن حقيقة انا بحزن كثير لما لاقي ناس تاخد من GPT فتاوي 🤦🏻‍♂️ تخيل
تاخد من GPT قرارات مهمة بحياتهم
كل شغلة يسأل عليها GPT
حتى امتحاناتو ودراستو كلو عالـ GPT

يا اخي استعمل عقلك 🙂
مين يلي عم يدرس انت ولا GPT .. 🤦🏻‍♂️

والله المستعان

ورشة
استكشاف المسارات التقنية
📌 محاور الجلسة:
1️⃣ النظم المضمنة والتحكم الآلي
👤 المهندس حسن نوفل – مدير مكتب طموح
2️⃣ تطوير البرمجيات (Software Development)
👤 منير الدكاك – مطور مواقع وتطبيقات ويب بخبرة 4 سنوات
3️⃣ تطوير الألعاب (Game Development)
👤 بثينة عمار – متخصصة في تطوير الألعاب وتقنيات VR/AR
4️⃣ أمن المعلومات (Information Security)
👤 نور الدين غرة – Senior Cybersecurity Engineer & Penetration Test Supervisor
5️⃣ الروبوتيك والطباعة ثلاثية الأبعاد
👤 عبادة القطمة
6️⃣ الذكاء الاصطناعي والرؤية الحاسوبية (AI & Computer Vision)
👤 م. رزان البلها – خبرة سنتين في المجال
7️⃣ العمل خارج سوريا والمنح الأكاديمية
👤 م. مازن حساني
🎯 ليش تحضر؟
تتعرف على مجالات تقنية مختلفة
تسمع تجارب حقيقية من مختصين
تساعدك تحدد مسارك المهني
لا تنسوا موعدنا غداً الساعة 12 م
مسرح كلية الهندسة الميكانيكية والكهربائية

مالي بالعادة انشر هيك شغلات 🌚

بس صراحة لما شفت اسم الاستاذ حسن والمهندس مازن

قلت خسارة انكم ماتحضروا الورشة😌✌🏽
لانكم صدقاً حتستفادو 🔥
متل ما انا استفدت منهم من قبل

الأستاذ حسن نوفل شخص خبير جداً بالتحكم الصناعي
الو كتب ومؤلفات تدرس
اشتغل مهندس تحكم مستشار لكتير شركات

ماحتخسرو ✌🏽🔥

كتير منكم عم يبعتلي
استاذ ايمت حتبلش معالجة!؟
ايمت حتبلش روبوتية!؟
ايمت حتبلش تحكمات !؟

باذن الله قريبا جدا 😁👏🏽

الروبوتية (صارت جاهزة نوطة القسم والاول والتاني) ...
المعالجة النوط مارح غير عليهن الا تعديل بسيط (هلا عم جهز اول تلت اربع فيديوهات يلي حيكونو تلت المادة) .

بالنسبة للتحكمات (تحكم١ وتحكم لاخطي) تقريبا تلت رباع الفيديوهات جاهزين ...

تحكم٢ رح استنى عليها شوي ...


يعني الخلاصة الاسبوع الجاي باذن الله رح ابدأ تسجيل ومونتاج للفيديوهات ... وبنزلهم اول باول ...


بدكن تطولو بالكن عليي شوي 😅
بحكم اني (بجمع معلومات النوط وتمارينها وبنسقها وبكتبها) وبصور الفيديوهات وبمنتجهم وبعمل العروض prisintation والحركات ....
وبكتب الـ script لكل فيديو وفكرتو ....
كلو هاد بشتغلو لحالي 🤣💔

كل قصة من هدول بدها وقت وجهد مايعلم فيه غير ربنا 😅😁


بس باذن الله تاخدو شي بالاخير
يعجبكم ويساعدكم ويسهل عليكم الافكار والمواد


وبالتوفيق يارب ✌🏽🔥