ليست مجرد " هَوِيَّة بَصَرِيَّة "
🦅 ⭐⭐⭐

بل هي " حُلْمٌ جَدِيْد " ✨
" أَمَلٌ وَلِيْد "
" مُسْتَقْبَلٌ وَاعِد " بإذن الله

مهما اختلفنا ...
نتفق على عزة الوطن ووحدة الأمة ...

بكل فخر
#الجمهورية_العربية_السورية الحرة 💚

مع اقتراب الامتحانات ...
لابد نعمل شي نساعدكم على اجتياز الامتحان ...

باذن الله بحاول باقصى جهدي شاركم كل معرفتي بما يخص المواد التالية :
معالجة الاشارة - تحكم١ - تحكم٢ - تحليل٣

بجلسات على تطبيق تلغرام
باذن الله حتكون مجانية تماما

ماعليك الا تبعتلي اسمك وتاكدلي رغبتك بحضور هالجلسات الاونلاين واكيد اسم المادة يلي حابب تستفيد فيها

اكيد لا تنسى تنادي رفقاتك
وتضيفهم

وباذن الله مارح قصر مع حدا

بالتوفيق يارب ✨

بما انو ضغط امتحانات

والكل مشغول بالدراسة

والتخرج على الأبواب

والنوط همها كبير مع البرزنتيشن
وكيف بدنا نلقي العرض ونقدم مشروعنا بأفضل صورة

أنا بقدر ساعدكم
بكتابة نوطة احترافية
مع عرض بوربوينت شامل جميع أفكار مشروعكم بطريقة عرض ممتعة ومشوقة وبنفس الوقت تعرض ابرز نقاط المشروع

تواصلوا على الرقم 0932623679

وباذن الله تلاقو شي يعجبكم
وبالتوفيق جميعاً❤️

عفية النشامى 🔥✊🏽🤍

أي حدا عندو روبوتية عالتكميلي
هاي نوطة صغيرة كنت عاملها لجلسة امتحانية السنة الماضية
باذن الله ممكن تساعد 😁🔥
موفقين يارب وعقبال التخرج 🦾

يمكن تشوفوا هاد الموضوع (رفاهية) ...
نغش أو ما نغش ...
- كبر عقلك هي الحياة كلها ماشية هيك ) ...
- ما حتوقف عندي غشيت أو ما غشيت ...
- عأساس جامعتنا كتير عريقة أو قال يعني عم ناخد هداك العلم العظيم ولا هالشهادة يلي رح ناخدها ما كل العالم عارف انو ما عم نستفيد شي بهالكلية والشهادة أصلا بهاد الزمن صارت شي رمزي عبارة عن فلوكلور المهم هو خبرتك ....
- بعدين يا أخي والله هالدكاترة عقدونا مستحيل ترفع موادهم اذا ماغشيت ... هنن عم يجبرونا نعمل هيك ....


هاي كلها مبررات وحجج (واهية صراحة) تبرر الغش ..
ولكن يا شباب الغش بضل اسمو غش ...
القصة مو موقفة على امتحان ولا شوية معلومات تحفظهن اليوم تنساهن بكرا ...
القصة انك تدرب نفسك انك ماتاخد طرق ملتوية لو شو ماصار ...
اذا بررت لنفس تغش اليوم بكم معادلة رياضيات ..
بكرا حتبرر لنفسك تدخل لجيبك مصاري مشبوهة ..
بعد بكرا حتبرر لنفسك بنتك ما تتحجب ..

بالنهاية النهي عن الغش هو تدريب سلوكي ...
وهو لبنة لبناء شخصية انسان سوي متزن ...

مع بداية فصل جديد ...
بتمنالكم كل التوفيق والاجتهاد 🔥✊🏽

وبإذن الله أكيد مارح انساكم ورح ساعدكم كالعادة بكورسات متميزة لجميع المواد يلي أنا بعطيها حتى ترفعو موادكم بجهدكم وماتحتاجو أي شي تاني بإذن الله ...

الحمدلله الذي أبكى قلوبنا فرحاً قبل عيوننا 🤍✨
كانت ليلة لن ننساها لعقود لم ننم فيها ...
ولم نشعر بمثل هكذا شعور منذ ١٤ سنة 🔥✊🏽 شعور النصر  ...
شعور زوال الإستبداد ...
شعور التمكين ...

8/12/2024
ليس مجرد تاريخ
هذا يوم نهاية حقبة زمنية هي الأقسى علينا 💔
لاتزال ذكراها تؤلمنا
ولا نزال نشعر بمرارة مافقدنا فيها 🥀

حزب البعث العربي الاشتراكي
نظام الأسد
معتقلات النظام
شبيحة الأسد
الحركة التصحيحة
القائد الخالد حافظ الاسد
الرئيس بشار الأسد
التقارير الكيدية
المخابرات الجوية
المخابرات العامة
الشرطة العسكرية

هاي كلها كلمات كل مانقرأها او نذكرها
يهتز شي جواتنا سواء خوف او رعب او حتى حقد وكره وعضب ...

الحمدلله يلي خلصنا
دايما تذكر هاي النعمة ولا تألفها ❤️🌹

السلام عليكم 😁👋🏼
الله يعطيكم العافية جميعاً

مع بداية هالفصل الجديد
أكيد في كورسات حلوة حتنزل
وبما انو صارت علاقتي معكم online عن طريق الـفيديوهات والتسجيلات
بعد ماكانت وجهاً لوجه
صار عندي هلا فرصة أكبر إني قدملكم محتوى أفضل بإذن الله
سواء من ناحية المونتاج أو جودة الصوت والمحتوى
اني ضيفلكم GeoGebra كأداة مساعدة الي عشان وضحلكم المفاهيم الرياضية البحتة عن طريق الـ Deoms والأشكال التوضيحية

طبعاً مع الأسف كل هاد الو ضريبة
والضريبة هي الوقت 😅
انا لحتى اعمل هيك محتوى لازمني وقت كبير
خاصة انو كلوكم تعرفو اني شخص يعمل بمفرده (انا بعمري ماكان معي فريق😅)
كلشي نوط شفتوها الي او فيديوهات انا عاملهم بنفسي

وطبعاً اكيد ماعندي القدرة المادية اني وظف اشخاص تساعدني بصناعة هاد المحتوى

عالعموم بعد هالاطالة هاي حابب اني فوت بصلب الموضوع


الموضوع ياجماعة يتعلم بانو انا بحب خلي كورساتي مجانية
ولكن مع الاسف مارح اقدر فرغلها الوقت الكافية انها تكون احترافية بمايكفي
لان متل متل اي شخص مانو متخذ الخصوصي مصدر ثروة (انا عندي شغل وشغلي ماخد جزء كبير من وقتي)

لهيك بضطر احيانا اني الغي الإضافي يلي ممكن احصل عليه بشغلي يلي هو مجزي نوعاً ما (بنظام شركتنا ساعة الاضافي بساعة ونص وساعة الشغل يوم الجمعة بساعتين) كرمال اعمل الفيديوهات واجمع التمارين ونسق المحتوى واكتب النوط

ففكرة اني خلي الكورسات مجانية تماما حيكون عبء كبير علي للأمانة

وساعتها اسهل الي اني وقف تدريس والغي المشروع

ولكن انا حابب كمل فيه ورسايلكم دايماً تشجعني كمل حقيقة

لهيك انا حابب اسمع رايكم واقتراحكم
انو اذا خلينا رسوم الكورسات رمزية (هاد الشي ممكن يناسب أغلب زملائنا ولا حيكون صعب عليهن خاصة بضروف هالبلد الحالية يلي بعرفها ونعرفها كلها الكساد وقلة فرص العمل ومافي مصاري مع الناس

وفي شغلة تانية حابب ناقشها يلي هي
انا متل ماتعرفو الفصل يلي راح عملت كورسات وكانت مجانية وعملتها على تلغرام
رفضت اعملها على التطبيقات يلي طلعت جديد (بدون ذكر اسماء)
لانو هاي التطبيقات تفرض علي رسوم وتاخد نسبة هاد الشي يخلينا كأساتذة نرفع الاسعار شوي

انا هالفصل رح اعمل نفس الشي يلي عملتو الفصل الماضي
يلي هو كورسات تلغرام

طبعا مابقدر اني خلي الغروبات مفتوحة مية بالمية وقابلة لتحميل المحتوى (عشان احفظ حقوقي من السرقة)

بتمنى تشاركوني برايكم على هاد الغروب
فوتو عليه
https://t.me/+OpGLTZHv6pdmY2Fk

وبتمنى تضيفو زملائكم على هاي القناة (@MA3Samhar) خاصة المستجدين لان انا ماعندي وصول الهم عشان يستفادو هنن كمان
وبتمنالكم كل التوفيق جميعاً ❤️

حب تخصصك 😎
جملة تنقال كتير من اي حدا يحاول يعطيك نصيحة

ولكن انا حقلك هي جملة حق اريد بها باطل 🤣

ترى مو ضروري تحب تخصصك
قال حب تخصصك عشان تبدع فيه

مع انو مافي رابط بين التنين

الرابط الوحيد بينك وبين انك تبدع بمجالك
هو انك تكون فاهمو منيح

حبيتو ماحبيتو ماموضوع

لهيك لا ترد عهالكلام
ولا تدخل المشاعر بالعمل
نصيحة اخوية

المشاعر خليها للعلاقات

بالعلم والدراسة والعمل والشغل
وحتى الدين
في قواعد وضوابط واحكام فقط لا غير ✌🏽
والاهم من كل هاد التزام

بالتوفيق 🔥✊🏽

السلام عليكم ورحمة الله وبركاته 😁👋🏼✨

بعد الأسئلة المتكررة عن المواد يلي رح أعطيها هاد الفصل بإذن الله
حابب خبركم عن المواد يلي عم جهزلها كورسات online 🔥✌🏽😎

صح أنا بغيب ولكن الحمدلله دايماً برجع بالشي المتميز يلي انتو متعودينو مني 😌🌹

والحمدلله بعد نجاح الكورسات المجانية يلي عملتها الفصل الماضي

قررت هاد الفصل إني أعطي كورسات online للمواد التالية :

طبعاً بشكل أساسي ورئيسي 😌
التحكم1 و2