خويي على عهدي ولا يلحقه منقود
‏على طاري الاصحاب يا طيب وقفاته

‏زهمته ولا قصر معي يبذل المجهود
‏وطبع الكفو يعجبك لا جات حزاته .

من لا نهض في لازمك لا نصيته
‏خله ورا ظهرك ولا تلحقه لوم

‏سلم على اللي لا نصيته لقيته
‏هو درعك اليا جاتك علوم وعلوم .

خلي عيون الطير وعيون الغزال
‏عيونك اجمل من جمال عيونها .

كلام الناس ما يغيّر قناعاتي
‏مدام النفس تعرف وش قناعتها .

يا اجمل من الهقوات واكبر من الظن
‏قربك عن إزعاج العمر " ركن هادي " .

جعلنا مانفقد الطيّب اللي مايبور
لا جفانا بارد الوجه عباد الريال

المحازم فل لكن بعضها ما يثور
الله لا يخلي من اللي محازمهم ثقال .

من يطلب الراحه على كف الاحلام
‏يجيه كف الواقع اللي يصحيه

‏مع إن دنيانا زخاريف واوهام
‏لكن نسايرها على اللي تجي فيه

‏ونخوضها في قولة العمر قدام
‏كن العمر مضمون في كف راعيه .

مشكلة بعض الوجيه تشوفها يومياً
‏وكل يوم تحبها اكثر من اللي قبله .

تعال وأزهل ضيقتك كل ماضقت
‏يفداك كل العمر " خيره وشره ".

الطيب دربٍ ماندم من مشى فيه
‏ممشى الكرام أهل النفوس الاصيله .