اليوم بإذن الله نكملو مع
Biostatistics ❤️
الإحصاء الحيوي
موديل بزاف حلو وهايل وكامل يطلعو بيه 🫶🥹
تقراوه على مدار العام annuel
تستعملوه فاحصاء الأمراض - فعالية الدواء - علاقة بين مرض واستعمال شيء معين ..

اذا نبداو وش تقراو فيه ؟؟

عدد الدروس : 12
تقراو فيه على المصطلحات لي نستعملوها فالاحصاء ، والقوانين لي نستعملوها وحالاتها ( وكت نستعملوها )
تزيدو تقراو على tests وانواعها ، الاستعمالات ..
وتمارين تاعها يكون حالات حقيقية كيما ذكرتهم من قبل ✅✨

أفضل طريقة لدراستها

تحلو فيها بزاااااااااف تاع كيسيام بزاااف حرفيا حتى توالفو تحلو
مفيهاش حفظ شغل جاية كيما رياضيات
فيها علاقات رياضية و تطبقوهم
ولكن لازم برك تعرفو وكت تطبقو وهد الحاجة عبالكم تجي بالمداومة ✅
يعني لازم تحلو بزاف كسيام وتمارين
زيدو معاه كراس صغير اكتبو فيه غير علاقات رياضية تاع كل درس 🫶
وبصراحة مع لي ريزيمي تاعنا رايحين تلقاونا دايرينلكم هد الحاجة قبل كل كسيام تاع كور معين 👀
يعني تحلو ونتوم مريحين وزيد دايرنلكم كيسيام مع الحل تاعهم بالتفصيل وزدنالكم لي ريزيمي تاع كل كور 👀 🫶
البروف عندكم بروف فرماس
تحبو تحضرو او لا هدي حاجة راجعة ليكم ولكن المهم انكم تحلو ليكيسيام بزاف راح تفيدكم صدقوني ✅️

الامتحان

نفسسسس الافكار يتعاودو حرفيااا نفسهم على مدار سنوات 😭
يعني تلقاو غير ارقام ممكن يتبدلو ولا حالة تتبدل ولكن طريقة الحل تبقاا كيف كيف ✅🥹
عندكم زوج كورات يديو النصيب الأكبر تاع الأسئلة
الفصل الأول : the normal distrubution
الفصل الثاني : statistcal tests
هدو تلقاوهم حرففيا نص السيجي عليهم وباقي سيجي موزع على الباقي 👀
فقط هنا كاين تنويه :
امتحام الفصل الثاني يكون نص بيوستات ونص انفورماتيك ✅️
يعني 15 سؤال بيوستات
15 سؤال لاخر انفورماتيك ( موديل آخر سيماستريال يعني تقراوه فالفصل الثاني برك )

الامتحان يكون فيه 30 سؤال
وكيما قتلكم أنيال يعني système compensatoire
والنقطة الإقصائية لا تعوض ❤️
موديل خفيف وساهل ومهوش صعيب أبدا
تديو فيه 20 حتى ( كاين بزاف لي يديوها )
وغدا بإذن الله نحكيو على Chemistry 😭🔮
أي أسئلة خليوهالي فالتعليقات 🥹💬

Hii اليوم طولت عليكم 😭
بإذن الله اليوم نديرو آخر موديل Annuel 🫶🤍

Chemistry الكيمياء ❤️
موديل لمحبين الكيمياء😭 تقراوه على مدار العام annuel

وش رايحين تقراو فيه ؟

عندكم فيه : 6 chapitre (ستة محاور )
مقسمة لاثنين :
💡Chimie générale القواعد العامة للكيمياء
هنا نحكيو على الذرات ، المادة بصفة عامة ، ph , تفكك ، الجدول الدوري ، الروابط الكيميائية
💡Chimie organique كيمياء الكربون ومركباته
البنية ، تفاعلات مع مركبات أخرى ..

تقريكم فيها بروف وناغي ياسمين ( كلية سطيف ) الكور تاعها ميتبدلش ممكن فقط تحذف أشياء صغيرة ، تشرح بالكور 🫶🤍

أفضل طريقة لدراستها

اولا خصكم تفهمو الكور تاعكم والجدول الدوري تحفظوه
عندكن بروف محسن المسكي فاليوتيب يقري بفرنسي عندو نفس تسلسل الكور تاع بروف فالشيمي كنت نقرا منعندو هو مغربي بصح هايل فالشرح 😍🫶
أيضا باه نقلكم بصراحة التيدي ميشبهش إطلاقا للكيسيام تاع لبروف 💀 اي تعاود بزاااف لي كيسيام 👌 مرات سيجي كامل تعاودو 🌷

الامتحان

كيما قتلكم كيسيام معاودين 🙂 بالنسبة للشيمي جينيرال فوقتنا مكانش عندنا كيسيام بجيستفيكاسيو 😭 ماشي كيما ضكا عندكم lumed 👀🌷نشفا فعامي انا حرفيا قبلها بليلة كنت نشوف فالكيسيام حرفيا نشوف فيهم معرفتش نحلهم 🙂 لغدوى صبح لقيت نفس الكيسيام معاودين شافية غير على الحل وشمم حرف C B .. 😂😂 وطلعتها مليح 😂😂
بالنسبة للشيمي اورقانيك كاين لي يديو فيها 20 حلوة وهايلة وكيسيامم تاعها مش تعجيزية🌷🤍
الامتحان يكون فيه من 30 ل 40 qcm
موديل متوسط الصعوبة 🫶
أي أسئلة خلوهالي فالتعليقات 🥹🤍 الأيام الجاية نبداو فليموديل لي تقراوهم غير فصل واحد semestriel ✅🌷
وفقكم الله أطباء المستقبل🤍

السلام عليكم جماعة الخير 🤍🥹
اليوم بإذن الله نحكيو على les modules semestriels ونبداو بتاع S1 ❤️

اذا نحكيو على embryolgy 😍🤍
Embryo علم الأجنة ✨🌷
موديل تقراوه غير فالفصل الأول ومبعد فالفصل الثاني تقراو فبلاصتو Histology ( علم الأنسجة ) عند نفس البروف 🫶✨

وش رايحين تقراو فيه ؟

عدد الدروس : 7 دروس + 4 اعمال موجهة
رايحين تقراو على تشكل الجنين🥹🤍
موضوع بزاف هايل وبزاف شباب و تقولو سبحان الله أبدع في خلقه 😭
أولا تبداو بتشكل النطاف عند الرجل والبويضات عند المرأة
كيفاش حتى يكون عندنا جنين ؟ 👼
ومبعد تقراو أول أربع أسابيع ( الشهر الأول ) من الحمل 🤰🫶
ومع بروف قطاف ( كلية سطيف ) رايحين تستمتعو ونتوم تقراو فيه 😭😭❤️

أفضل طريقة لدراستها

لازم تاسيستيو لبروف قطاف ولا تسمعو اافوكال تاعو ✅️ رايحين تفهمو معاه هايل 😭🫶🫶
زيد كاين Ninga nerd فاليوتيب يشرحلكم كيفاه 🥹🤍
عندكم ثاني بروف قطاف يمد " لي كادو " عادة ما يسقسي عليهم فكونطرول تاعو 🫶 ضك نحطلكم كانال هيا اي تحط فلينوت تاعها تاع عام ليفات قرات بالانجليزية وتحيكلكم تجاربها ( طالبة سنة ثانية الآن )

الامتحان

بروف قطاف جامي يعاود ليكيسيام 🙂 وجامي يعاود أفكار تاعهم 😭😭😭😭
حرفيا يجيه الابداع كل عام 😍
عادة ما يديرولكم نظام Qcs يعني اجابة وحدة صحيحة ويكون فيه من 20 الى 30 سؤال 🫶✨
اي أسئلة خلوها فلكمنتس 🫶🤍

وهدي كيما حكيتلكم
طالبة سنة ثانية تشارك معاكم تجربتها فالدراسة كان من برومو لي قراو أول مرة بالانجليزية 🫶🤍
تحطلكم ايضا لينوت ومصادر لي قرات منهم كامل روحو عندها 😭😭😭❤️❤️
https://t.me/+tSyof4lO5Ec3ZGI0

السلام عليكم جماعة الخير
لن أنشر هذه الأيام إحتراما لإخواننا في جيجل وباقي الولايات المتضررة من الحرائق
اللهم اجعل هذه النار بردا وسلاما عليهم 💔
نستأنف النشر بعد مرور هذه الفاجعة
لي عندو أي معلومات للمساعدة يبعثلنا فالخاص ننشروهم 🤍
شكرا على تفهمكم 🤍

غدا بإذن الله نرجعو لمحتوانا 😍🤍
خلولي أسئلتكم فقط كي تحطو سؤال اكتبو قدامو 1 باه نميزكم على جماعة الدوزيام 😭❤️
https://ngl.link/lumed33

راني ديجا حكينا على كلشي
باقي فقط ثلث موديلات نزيدو نكملوهم هد الأيام ونبداو نحكيو على المصادر 😭❤️❤️
الميساجات كامل راهم مثبتين
واضغطوا على الروابط الزرقاء يخرجولكم الرسائل
1️⃣ النظام الجامعي
2️⃣ الطب بصفة عامة
3️⃣ السنة الأولى
4️⃣ نظام الامتحانات
5️⃣ نصائح متعلقة بالعطلة

المواد :
Anatomy
Biochemistry
Cytology
Biophysics
Biostatistics
Chemistry
Embryology

اللغة الإنجليزية ( تسجيلات - الدخول )

JOIN US Lumed ✅️

بارطاجيو 😍🫶
باه يمشي لينك خص تكونو داخلين فالكانال 🫠❤️
https://t.me/LumedD1st

تحتاجوه في Anatomy كاملة على مدار العامين الجايين (1st - 2nd year) 🔥
لكنه يمشي فقط بالنسبة للـ Android يعني لي عنده IOS للاسف ما يمشيله 😔

السلام عليكم 👀❤️

نكملو السلسلة اليوم ؟ 😍🤍
تذكير :
بقاو 4 موديل نحكيو عليهم :
Histology
Physiology
Ssh
Informatique
لي مزال مشافش لوخرين يشوفهم هنا :
https://t.me/LumedD1st/132

Hello future doctors
So today we explain medical english
نحكيلكم شوي على تجربتي وجميع التفاصيل اللي تخص اللغة الانجليزية الطبية
📍اولا اللغة الانجليزية الطبية في دفعة 2025 مظهرتش مع خيارات او بالاحرى مكانتش مكتوبة مع طب كيما اعلام آلي او تسيير واقتصاد....
لكن كي دخلنا نقراو بدات تظهر لبعض الطلبة انهم مسجلين تلقائيا فيها ومش كامل الطلبة يعني
📍نقطة ثانية اللغة الإنجليزية الطبية فيها خمس سنوات يعني عبارة عن ماستر وفيه ايضا شهادة يعني ممكن تساعدك مستقبلا في مسيرتك المهنية
📍النقطة الثالثة اللغة الانجليزية الطبية راهي تتقرا عن بعد يعني مش حضوري وكذلك مهيش مشرفة عليها كلية الطب لالا مشرفة عليها UFC لي معنى نتاعها جامعة التكوين المتواصل
📍النقطة الرابعة الانجليزية طبية عندنها فصلين
Semestre 1
Semestre 2
كذلك ونبعد تظهر في بروغرس كيما ميدسين
📍النقطة الخامسة حنحكيو على les modules وش فيها. تتكون هي من 8 modules راحولي اسمائهم مي ونبعد كي نلقاهم نزيدهم
على كل هذو les modules ميضموش غير الانجليزية الطبية لالا كاين غير module واحد لي هو medical terminology لي يحكي على المصطلحات اما باقي مقاييس فتحكي اغلبيتها على vocabulaire يعني لي ميكونش متمكن يمكن تساعدو وكاين حتى oral لي هو عبارة على فيديوات تسمعهم وتجاوب على اسئلة ......
📍نحكيو على امتحانات والفروض
نبداو بالفروض هذو فروض راهم يرافقوكم طيلة سنة يعني بشكل اسبوعي تقريبا في الاسبوع تلقاو فرضين او ثلاثة، كل فرض يعطيوكم فيه مدة زمنية يعني مدة ثلاث الى خمسة ايام يعني عندكم مدة تقدرو تحلو فيها ومثلا ومثلا اذا فاتك هذا الفرض ونبعد يديرو برنامج في تواريخ معينة يعاودو فيهم فروض بالنسبة لي مداروش وكذلك نفس شيء بالنسبة للامتحانات
📍بالنسبة لامتحانات الفصل الاول كانت في رمضان، اما امتحانات الفصل الثاني كانت كي خلصنا قراية في جامعة
📍بالنسبة كيفاه تدخلو الى غير ذلك كاين طريقتين اما تحملو موقع moodle او ونبعد يحطولكم رابط وتدخلو من google يعني ساهلة ومتحيروش رواحكم ومام نقاط يحطوهم يا في moodle ولارابط لي تدخلو بيه ف google
📍رأيي شخصي فيها🙂😂صراحة على اللول كان عاجبني حال ونحل من قلبي وحتى كي لحقو امتحانات كنت نطبع ليكور الى غير ذلك مي ونبعد وليت تضغطت من داك نلقا روحي نوجد للكنطرول ونبعد نلقاهم حطو واجب ولازوج سما وليت نعاون بشات غير module نتاع medical terminology لي قريتو مليح لانو علابالي بلي نحتاجو
📍على ما اظن هذو كافة المعلومات الخاصة بالانجليزية الطبية اي سؤال قولولي
📍وكذلك ونبعد نحطلكم قنوات على اليوتيوب يساعدكم في medical terminology

أطباء المستقبل متحمسين لأول يوم فالجامعة ؟ 🤍🥹