ملاحظة هذي راها منقولة من الـ Canal الكبيرة لي يتحط فيها اي حاجة متعلقة بالطب عموما وأعمالنا و.. (هذي احدى قنواتنا الثانوية لي موجهة لاحد السنوات) 😍🫡

Make sure to join us : https://t.me/LumedD

نحس أنه يكفي لنهار اليوم حكيت بزاف ، حبيت نجاوب على البعض لي رسلولي في NGL ولي متحمسين 😂

🔮 فخلي نختموا كلامنا بنصيحة مهمة ليك فهذي العطلة ولاحقا لما تقرب القراية نتفصلوا في Les modules أكثر وطريقة الدراسة و...

1️⃣ استمتع بالعطلة تاعك، لما ترتاح نفسيا وجسديا بعد تعب عام كامل، راح تدخل بقوة مبعد وتقرا وأنت مرتاح ✨
❗️أحسن من أنكم تعبوا رواحكم قبل الوقت لا يصرالكم Burn out وسط العام!

2️⃣ ما تبدا تقرا في العطلة لأنه الوقت في 1er كافي ، عكس باقي السنوات بسبب نظامهم (Modulaire)
❗️طور لغتك صح خاصة الانجليزية حتى ما تلاقي أي صعوبة لاحقا

3️⃣ في أخر شهر أوت / بداية سبتمبر أرجعوا للرسائل هذوا وتعمقوا أكثر وجهزوا نفسكم للدراسة 🫡 وأي سؤال أكيد راسلونا وباذن الله نردوا عليكم ✅

🔹 Contact
🔻 NGL : your opinion matters

باه ترجعولهم في أخر الشهر و يكون كلش بترتيب (عطلة سعيدة 🤍🔮)
1️⃣ النظام الجامعي
2️⃣ الطب بصفة عامة
3️⃣ السنة الأولى
4️⃣ نظام الامتحانات
5️⃣ نصائح متعلقة بالعطلة

وما تبخلوا زملاءكم وابعثولهم حتى يستفادوا حتى هم 🤍🫡

Make sure to join us
🔹 Lumed | Official
🔹 Lumed — 1st Year

أسئلتكم 👀✨
https://ngl.link/lumed33

ايه كامل تخرجلكم لي سجلو طب

تخرجلكم فبروقرس قروب و ساكسيو تاعكمم

جربي اخرجي من لكونت وعاودي ادخلي بلاك تخرجلك + لي عندو اجابةة يقلها 🌷

بالنسبة للغة الانجليزية
توضيح بالنسبة للطلبة : ماهيش إجبارية على كامل الطلبة صوا تخصص مزدوج او عادي
الفرق بينكم لي داير تخصص طب وحدو يتسجلو فيها تلقائيا يعني ادارة وحدها تسجلكم وتلقاو رواحكم مسجلين فيها كيما قلت من قبل أما بالنسبة للتخصصات المزدوجة مش تلقائيا لي حب يقرا يروح للادارة يطلب يتسجل مبعد يسجلوه باش يبدا يقرا .
بالنسبة لرأي الطلبة فيها كاين لي يشوفو بلي مش محتاجين باه تقراوها نظرا انو كلش يتقرا بالانجليزية ديجا
الطلبة لي ضعاف بزاف لونجلي يقدرو يسجلو فيها وهدو من الاحسن يكون عندهم رصيد شوي معرفي فيها
والطلبة لي ديجا موالفين يستعملو انجليزية وملاح فيها فمش راح تكون عائق ابدا
التخصصات المزدوجة ديجا شارجي بزاف بالنسبة لتخصص الطب وحدو لي اصلا شارجي
المصطلحات العلمية الانجليزية terminology مع لوقت تهزوها من ليكور يعني حتا لي يعرف اونجلي ضكا ميكونش عارفها 👀 وعلى حسب وش قالو ميمدوهالكمش فالانجليزية الطبية
بالنسبة للاختبار تعقبوه اجباريا كامل لأنو لازم يكون عندكم نورمالمو B2 باه تهزو ديبلوم تاع الطب

نبداو نحكيولكم على كل موديل بالتفصيل ؟؟

نبداو باول موديل معرووف جدا جدا جدا 😂😂🫶 🪄علم التشريح 🪄🤓

Anatomy

تقراوها على مدار العام كامل يعني annuel

وش تقراو فيها ؟👀

تقراو فيها على Membre superieure et membre inferieure :
بالانجليزية :
Upper limb and lower limb ✨
لي هوما arm and leg
وش تقراو فيهم :
من واه يتكون كل عضو:
Osteology : العظام
Arthrology : المفاصل
Muscles : العضلات
Vascularisation and innervation :
يعني نظام الدورة الدموية فيهم و الأعصاب
بالمعنى تقراو بالتفصصصييييل كلشي وش فيهم 🫶 حفرة صغيرة كاسنة فالعظم وتقراوها 😭
Anatomy موديل حلو وشباب للي يحبوه طبعا
فيه حفااااظة بزاااف وشوي فهامة 👀

افضل طريقة للدراسة تاعه :

تحفظو + تسييو تشغلو الذاكرة البصرية لأنو كم المعلومات بزاف ولذلك من احسن تستعملو الذاكرة البصرية
كيفاه ؟
منيش نقصد ابدااااا ترسمو 🙂 اذا سقسيتوني نقلكم هذي تضياع وقت 🙂
تسحقو اذا تحبو تتفكرو رسم تقريبي بكر خفيف تع خمس دقايق باه تتفكرو بيه فلكونطرول
افضل حاجة هي الاسقاط
تستعملو Shéma تاع الاعضاء لي قريتوها وتسقطو عليها الكور هدي افضل طريقة

منين تجيبو الصور ؟

كاينين ف أطلس ، kamina ، كتب بروفيسيو ر حمودي 
مي باه نسهلها عليكم خلاص ومتسحقوش تشريو كتب كبار كيما هدو 🫶
تلقاو الصور تاعهم عندنا تاع Lumed 👀❤️
تقدرو تشوفو هنا مثال >  https://t.me/LumedD1st/26?single

الامتحان

قتلكم فلول بلي نظام annuel
يعني نقطة الفصل الثاني تعوض الفصل الأول والعكس : système compensatoire
من غير النقطة الإقصائية : تحت خمسة هدي   ما تقدرو تعوضوها غير تدخلو للراطراباج 🫶
وش راكم حابين موديل نحكي عليه next ?

بالنسبة للأساتذة نحكيو على اناتو ( كلية سطيف ) :
حمادوش : يشرحلكم هايييل بزاف مليح وأسئلة تاعو كامل من الكور
حمادان : تشرح فطابلو يعني ترسملكم خصكم تبعو معاها ومتنعسوش 🙂 كيف كيف اسئلة من لكور ميخرجوش منو

باقي لي بروف تاع Tp كل مرة يجيكم واحد
يحطولكم ليماكات ويروحو يخليوكم نص ساعة ولا ساعة معاهم
هنا ابروفوتيو كامل وش قريتو سييو تشوفوه فليماكات واجبدو كور معاكم

المصادر :
Application 3d atlas anatomy
Kamina
Atlas
Pr.hammoudi
ضك نحطلكم تاع بروف حمودي pdf كي تدخلو تقراو
Youtube :
Taimtalks med (+++++)
Kenhub
بالنسبة للكيسيام ( أسئلة السنوات الماضية مع الحل ) مترجمين عندكم lumed افضل فالترجمة بشهادة الطلبة تاع العام ليفات ✨👀 خاصة اناطو 🌷🫶

السلام عليكم 😍😍🫶
اليوم بإذن الله نحكيو على biochemistry : الكيمياء الحيوية 👀❤️
هدا موديل أنيال يعني تقراوه على مدار العام فالفصل الأول والثاني

وش تقراو فييه ؟؟

الكيمياء الحيوية رايحين تقراو فيها أهم الجزيئات الوظيفية عند الإنسان
البنية تاعها وعملية الأيض الخاصة بيها Metabolism and structure
عندكم فيها :
Proteins
Carbohydrats ( glucides )
Lipides
كل وحدة فيهم تقراو البنية تاعها وظيفتها و عملية الأيض تاعها بالتفصيل الممل 😂
لالا مهيش مملة حلوة 😔😔
مهم نكملو 😍🤍

افضل طريقة لدراستها :

البيوكيميستري موديل يعتمد على الحفظ والفهم معا ( والفهم أكثر)
متقدرش تحفظ بلا ما تفهم
أيضا لينوت تاع لي بروف بشكل كبير
راح تقريكم فيها مدام جنان وخباط
مدام جنان تخدم كلشي فطابلو تقري فيه تسما لازم تديرو كايي سبيسيال تاعها تروحو تكتبو معاها بصح مبعد تلقاو كلشي فالكور وشنو تستفادو منها ✨
مدام خباط تشرح بالكور
أيضا خصكم تطبيق مبعد فميتابوليزم تحسبو عدد Atp ..
يعني خصكم تحلو لي كيسيام ( تاعنااا 😭)🫶

الإمتحان

عادة ما يكون سهل ويعاودو فيه الأفكار خصكم فقط تكونو قاريين وحالين بزاف كيسيام وعارفين البروف على وش ركزت فالكور تاعها
نظام أنيال يعني نقطة الفصل الأول والثاني يدخلو فمعدل المادة
لايتم تعويض النقطة الإقصائية ( تحت خمسة )
وشمن موديل نحكو علييه Next ??😍

السلام علييكم 🫶🌷
اليوم بإذن الله رايحين نكملو نحكيو على لي موديل annuels 🫶
نحكيو على موديل Cytology : علم الخلايا ✨

وش تقراو فيه ؟

بصراحة يشبه بزاااااف لقراية ليسي حرفيياا رايحين تقراو على الخلية و مكوناتها وأجزاءئها تسما رايحين تتلاقاو مع تفس المعلومات وكاين وين يزيدو يتعمقو أكثر وكاين لي تلقاوهم نفسهم حرفيا اللغة برك تتبدل 🫶
أجزاء ااخلية رايحين تقراوها أيضا بالتفصيل وش فيها ووش دورها وكيفاه تخدم
تزيدو أيضا تقراو فيها خلية جسم الإنسان ، الفيروسات ، البكتيريا ( شكلهم وأنواعهم )
عدد الدروس : 12 مقسمين بين الفصل لول وفصل الثاني
كلية سطيف يقريكم بروف تجار بزاااف ناس ملاح وطيب جدا ماشاء الله 🫶

أفضل طريقة لدراستها

السيتو تعتمد على الحفظ بشكل أكبر لأنو مفيهاش حاجة تاع فهامة معل مات ساهلين يبقا برك لازم تشفاو عليهم 🫶
وباه تشفاو خصكم مصطلح تبقاو تعاودو فيه منا حتا تكملو الميدسين " روكوش " يعني تبقاو تعاودو درس مرة مرتين ثلاثة
كل درس ديرولو 3 روكوش و 4 ليلة الاختبار راح يكون كافي مع حل ليكيسيام هكا نضمنلكم تجاوبو فلكونطرول مام ومعاودوش ليكيسيام ✨🌷
وبإذن الله معانا رايحين نوفرولكم لي كيسيام وملخصات للدروس بالتسختين فرنسية وانجليزية تلقاوهم عند مكتبة ماستر 😭❤️

الإمتحان

معظم الأوقات بروف تجار يعاود ليكيسيام ولكن مرات مرات يجيه الإبداع ويدير كونطرول جامي شفتو اسئلة تاعو 🙂
ولذلك توم ديرو حسابكم اقراو الكور مليح وزيد اعرفو على وش يركز فالكور تاعو
راه قبل الامتحان اصلا يقلكم على وش تركزو
يكون فيه حوالي 30 سؤال ونظام تصحيح ونظام الأسئلة رانا حكينا عليه من قبل فبوست منفصل 🫶
نظام كيما قتلكم أنيال ولا يتم تعويض النقطة الإقصائية
خيرو الموديل لي حابين نحكيو عليه غدوة 😍🫶

1️⃣ النظام الجامعي
2️⃣ الطب بصفة عامة
3️⃣ السنة الأولى
4️⃣ نظام الامتحانات
5️⃣ نصائح متعلقة بالعطلة

المواد :
Anatomy
Biochemistry
Cytology
Biophysics
Biostatistics
Chemistry
Embryology

اللغة الإنجليزية ( تسجيلات - الدخول )

JOIN US Lumed ✅️

باه يمشيو Links :
https://t.me/LumedD1st

السلام عليكم أطباء وطبيبات المستقبل 😭❤️
نكملو بإذن الله اليوم مع موديل جديد :
Biophysics 👀
بزاف متخوفين ومنو ومعبالهمش وش يقراو وفيه ووش هو أصلا ؟
الفيزياء الحيوية 🫶
عبالكم بلي الفيزياء هو علم يدخل فكلش ومنها الجسم تاعنا يمشي بقوانين فيزيائية 🌷

اذا نبداو وش تقراو فيه فعامكم الأول ؟

عندكم أربع محاور أساسية مقسمة على الفصلين

Electricity
Solutions
Geometrical optics
Radiation

نبداو ب elctricity :
تنقسم الى إثنين :
Electrostatics - Electrodynamics
تشبه شويا لوحدة الظواهر الكهربائية لي قريتوها فالباك 😭
وحدة أوم والاستطاعة و القوة ...
ومام الدارة الكهربائية وانتقال الكهرباء ..
صعيبة شويا للي ميحبوش فيزيك 👀 ولكن لي يحبوها راح يلقاو نفسهم تجيهم عادي ويقدرو يفهموها 🫶🌷
Solutions
الوحدة هذي تحكي على انتقال الماء والشوارد ومام تحكيو فيها على مبدأ dialyse وتصفية الدم يقريكم فيها بروف قشي 🫶
Geometrical optics
هدي راح تجيكم حلوة وساهلة بزاف 🥹🤍
ومام فيها جزء من الطب
لأنو Optique تقراو فيها على العدسات وانواعها وطريقة العمل تاعها
وانعكاسات الضوء فالعدسات ...
ومبعد تزيدو تقراو على
العين و كيفاه تلتقط وتحول لرسالة عصبية
ووش مشاكل الرؤية لي يجوها myopie .. ووشمن عدسة لازمهم ( بالقياسات ).

Rays
رايحين تقراو فيها على les rayonnements و أنواعهم وفرق بينهم وبين les rayons و بين les radiations
اذا راكم شافيين على فيزياء الكم تاع تحفيز إلكترونات والمجوات الكترومغناطيسية .. هدي هيا 😭
يقريكم بروف بلقط فالأغلبية ومرات يجي بروف قشي يقريكم les solutions

بالنسبة لبروف بلقط :
سييو تقعدو فلول فالحصة تاعو باه تسمعوه لأنو ميحبش يدير بالمايك مرات
اديو معاكم نوت بوك تكتبو معاه لأنو يخدم بالطابلو وكور تاعو مفيه والو اقراو بوش يكتبلكم فطابلو الشرح الأمثلة والتمارين ...
بروف قشي يقريكم بالكور تاعو ويفهم مليح 🫶

أفضل طريقة لدراستها

تكتبو مع البروف أولا ويكون عندكم كراس خاص بهديك المادة ( صغير مش كبير )
وتحبو ديرو ريجيستر كيما انا كنت دايرة ومقسماتو على لي موديل
بيوفيزيك موديل يعتمد على الفهم والحفظ قليل حرفيا
لازم تفهموه وتحلو تمارين بزاف تاع ليكيسيام وبإذن الله مع الكيسيام تاعنا راح يكونو فيهم تمارين مع الحل تاعهم بالتفصيل 🫶

الامتحان

بروف قشي نادرا وين يعاود ليكيسيام 😭 ممكن أفكار هكا برك ولكن نتوم حلوهم لأنو مكمش رايحين تلقاو تمارين فمصادر أخرى غير من تاع لبروف ✅
كيما قتلكم حنا Lumed رايحين نوفروكلم ليكيسيام مترجمين ومرفقين بالحل التفصيلي من بداية العام تلقاوهم عند مكتبة ماستر وفقط 🫶
بروف بلقط يعاود لي كيسيام 🙂
يعني حلوهم اجماعة 😂😂 مرات برك يبدل الأرقام ولا
يديرلكم صح اسئلة جديدة ولكن الأغلبية معاودين
اذا جاه الابداع ودارلكم سيجي جديد مره هنا لازم تكونو حالين كيسيام بزاف باه تعرفو تحلو
تسحقو آلة حاسبة باينة كازيو 💡
الامتحان عادة يكون فيه 20 سؤال
موديل انيال يعني système compensatoire✅
النقطة الإقصائية لا تعوض❌

بإذن الله كي تدخلو تقراو ني نحطلكم كراس تاع بيوفيزيك ( وش يكتب فطابلو ) 🫶
وغدا بإذن الله مع موديل جديد 🥹🫶

اليوم بإذن الله نكملو مع
Biostatistics ❤️
الإحصاء الحيوي
موديل بزاف حلو وهايل وكامل يطلعو بيه 🫶🥹
تقراوه على مدار العام annuel
تستعملوه فاحصاء الأمراض - فعالية الدواء - علاقة بين مرض واستعمال شيء معين ..

اذا نبداو وش تقراو فيه ؟؟

عدد الدروس : 12
تقراو فيه على المصطلحات لي نستعملوها فالاحصاء ، والقوانين لي نستعملوها وحالاتها ( وكت نستعملوها )
تزيدو تقراو على tests وانواعها ، الاستعمالات ..
وتمارين تاعها يكون حالات حقيقية كيما ذكرتهم من قبل ✅✨

أفضل طريقة لدراستها

تحلو فيها بزاااااااااف تاع كيسيام بزاااف حرفيا حتى توالفو تحلو
مفيهاش حفظ شغل جاية كيما رياضيات
فيها علاقات رياضية و تطبقوهم
ولكن لازم برك تعرفو وكت تطبقو وهد الحاجة عبالكم تجي بالمداومة ✅
يعني لازم تحلو بزاف كسيام وتمارين
زيدو معاه كراس صغير اكتبو فيه غير علاقات رياضية تاع كل درس 🫶
وبصراحة مع لي ريزيمي تاعنا رايحين تلقاونا دايرينلكم هد الحاجة قبل كل كسيام تاع كور معين 👀
يعني تحلو ونتوم مريحين وزيد دايرنلكم كيسيام مع الحل تاعهم بالتفصيل وزدنالكم لي ريزيمي تاع كل كور 👀 🫶
البروف عندكم بروف فرماس
تحبو تحضرو او لا هدي حاجة راجعة ليكم ولكن المهم انكم تحلو ليكيسيام بزاف راح تفيدكم صدقوني ✅️

الامتحان

نفسسسس الافكار يتعاودو حرفيااا نفسهم على مدار سنوات 😭
يعني تلقاو غير ارقام ممكن يتبدلو ولا حالة تتبدل ولكن طريقة الحل تبقاا كيف كيف ✅🥹
عندكم زوج كورات يديو النصيب الأكبر تاع الأسئلة
الفصل الأول : the normal distrubution
الفصل الثاني : statistcal tests
هدو تلقاوهم حرففيا نص السيجي عليهم وباقي سيجي موزع على الباقي 👀
فقط هنا كاين تنويه :
امتحام الفصل الثاني يكون نص بيوستات ونص انفورماتيك ✅️
يعني 15 سؤال بيوستات
15 سؤال لاخر انفورماتيك ( موديل آخر سيماستريال يعني تقراوه فالفصل الثاني برك )

الامتحان يكون فيه 30 سؤال
وكيما قتلكم أنيال يعني système compensatoire
والنقطة الإقصائية لا تعوض ❤️
موديل خفيف وساهل ومهوش صعيب أبدا
تديو فيه 20 حتى ( كاين بزاف لي يديوها )
وغدا بإذن الله نحكيو على Chemistry 😭🔮
أي أسئلة خليوهالي فالتعليقات 🥹💬

Hii اليوم طولت عليكم 😭
بإذن الله اليوم نديرو آخر موديل Annuel 🫶🤍

Chemistry الكيمياء ❤️
موديل لمحبين الكيمياء😭 تقراوه على مدار العام annuel

وش رايحين تقراو فيه ؟

عندكم فيه : 6 chapitre (ستة محاور )
مقسمة لاثنين :
💡Chimie générale القواعد العامة للكيمياء
هنا نحكيو على الذرات ، المادة بصفة عامة ، ph , تفكك ، الجدول الدوري ، الروابط الكيميائية
💡Chimie organique كيمياء الكربون ومركباته
البنية ، تفاعلات مع مركبات أخرى ..

تقريكم فيها بروف وناغي ياسمين ( كلية سطيف ) الكور تاعها ميتبدلش ممكن فقط تحذف أشياء صغيرة ، تشرح بالكور 🫶🤍

أفضل طريقة لدراستها

اولا خصكم تفهمو الكور تاعكم والجدول الدوري تحفظوه
عندكن بروف محسن المسكي فاليوتيب يقري بفرنسي عندو نفس تسلسل الكور تاع بروف فالشيمي كنت نقرا منعندو هو مغربي بصح هايل فالشرح 😍🫶
أيضا باه نقلكم بصراحة التيدي ميشبهش إطلاقا للكيسيام تاع لبروف 💀 اي تعاود بزاااف لي كيسيام 👌 مرات سيجي كامل تعاودو 🌷

الامتحان

كيما قتلكم كيسيام معاودين 🙂 بالنسبة للشيمي جينيرال فوقتنا مكانش عندنا كيسيام بجيستفيكاسيو 😭 ماشي كيما ضكا عندكم lumed 👀🌷نشفا فعامي انا حرفيا قبلها بليلة كنت نشوف فالكيسيام حرفيا نشوف فيهم معرفتش نحلهم 🙂 لغدوى صبح لقيت نفس الكيسيام معاودين شافية غير على الحل وشمم حرف C B .. 😂😂 وطلعتها مليح 😂😂
بالنسبة للشيمي اورقانيك كاين لي يديو فيها 20 حلوة وهايلة وكيسيامم تاعها مش تعجيزية🌷🤍
الامتحان يكون فيه من 30 ل 40 qcm
موديل متوسط الصعوبة 🫶
أي أسئلة خلوهالي فالتعليقات 🥹🤍 الأيام الجاية نبداو فليموديل لي تقراوهم غير فصل واحد semestriel ✅🌷
وفقكم الله أطباء المستقبل🤍

السلام عليكم جماعة الخير 🤍🥹
اليوم بإذن الله نحكيو على les modules semestriels ونبداو بتاع S1 ❤️