للتواصل معنا :
Dm فكانال لكبيرة تاع lumed 
لينك القناة : https://t.me/LumedD

اليوم بإذن الله نكملو سلسلة 3ème 🫶😭
العاقبة أنكم تكملوها وتطلعوها نتوما ثاني بعلامات مليحة 🌷🤍

هاييي هااييي👀🌷
اليوم نكملووو آخر فقرة من سلسلة 3ème 🫶
رايحين نحكيو على اينيتي لخرة Gastro والوحش Microbio 😭😭😭
اذا على بركة الله نبداو أولا وش تحتاجو من طروازيام :
بالنسبة لل Gastro :
Physio digestive خفيف خفيف
Histo hémato f cardio ( surtt Foie , cycle de sang )
Anatomie régional : وين جايين الأعضاء برك بلا تفصيل كبير
بالنسبة للميكروبيو راح يكون علم جديد عليكم ✨😍 ضك نحكيو بالتفصيل بإذن الله

Gastrologie

القاسترو هي clincal تاع Digestive
يعني رايحين تقراو فيها دىوس لي يخصو système digestive وتزيدو معاها hémato
كي العادة عباالكم ربع موديلات :
🔸Sémiologie :
كيفته تديرو examen clinique تاع digestive وأهم les motifs لي يجيو عجالهم لي مالاد :
Douleurs abdominale , ictère ( صفير ) ، sdr hémmoragique , Hépatite ....
وكيفاه نديرو examen تاع Foie
تزيدو تقراو les urgences تاع gastro

وفالhémato رايحين تشوفو :
كيفاه نقراو Fns وكيفاه نديروه وأهم les valeurs لي لازم تحفظووووهممممممم وتعرفو وش نورمال ووش لا
تقراو Anémie , hemostase ..
🔶Physiopath :
ساهلة وخفيفة ربع كورات وعليها 12 سؤال ( افضل موديل ) 🫠🫠🫠
Sdr hémmorragique يشبه أصلا لتاع سيميو اقراوهم مع بعض
Ictère كيف كيف اقراوه مع كور سيميو
Occlusion intestinale ة كيييف كيف تلقاوه فسيميو وراديو
HTP : نحسو كور مهم لأنو راح تمد des signes لي تلقاوهم فسيميو
اقراوها متهملوهاش 😭😭😭
🔶Radio : بزاف ساهلة وزيد مترابطة مع السيميو ومع فيزيوبات

🔶Biochimie: عادة انا انسان ميحبش بيوشيمي 😂😂
ولكن هي ساهلة فقرايتها و فيها غير ربع كورات تقراو فيهم les analyses تاع foie , proteines , intestis وتزيدو معاهم كور les marqueurs tumoraux

بالمختصر قاسترو حلوة وهايلة وتقدرو تديو فيها علامات بزاااف هاييلة 😍🫶
فيها غير 25 كور 🫶👀 يعني فريمو نقطة باطل 😭😭🤍
نفوتو ضك نحكيو على الوحششش

Microbiooo

نخوف فيكم باه متخليوهاش للخرررر ابداااا عندكم لازم تقراوها ديجا فكش عطلة وتتهناو منها 😍
وشنو هيا ؟ رايحين تقراو فيها على :
Les bactéries
Les virus
Dignostic
Les ATB
كور Atb فيه بزاااف حفاظة ولكن مهم يااسر
خاصة مبعد اذا بغيتو تسطاجيو فلافارماسي رايحين تعرفو كل Atb وشمن bact يتمد 👀 وخصائص تاعهم وكيفاه حتا تولي البكتيريا مقاومة ليهم🫶
عندكم لي بروف فيها المخيرة ✨بروف كتفي ✨ هايلة هاييلة كيشغل كيما لطرش فالبرازيتو وكورات تاعها ساهلين ولازم تسمعو فوكال تاعها ولا تحضرو تهزو لينوت لأنو تدير منهم كونطرول 🌷

وهكا نكونو كملنا طروازيام ✅✅
اذا عندكم أي أسئلة او غموض قولولي 🫶💡

بما أنو الأسئلة كامل على سطاج غدا بإذن الله نحطلكم بوست على سطاج ( فسطيف بالخصوص )
ونزيدو نحكيو على لي TD

السلام عليكم يا شابيين 😍🤍
اليوم بإذن الله نحكيو على السطاج فسطيف ولي تيدي 🫶🌷
نبداو بالسطاج :

التقسيم :

أول مرة كي قسمونا ، دارو تقسيم عشوائي بلوجيسيال و ليديلقي هوما لي قسموه عشوائيا
بعدها الطلبة مرضاوش و طلبو يبقا نفس تقسيم تاع قروبات لي تيدي

تم تقسيم كل قروب تيدي لأربع مجموعات تحتية
كل قروب يسطاجي مرة فشهر :
نفس القروب كامل عندو نفس السارفيس:
Et chaque sous groupe a une date spécifique ystagi fiha

لي سارفيس

تدورو على ثمنية تاع لي سارفيس
1- Cardio Chu
2- Pneumo Chu
3- Hémato chu
4- Hémato cac
5- Maxillo faciale ( فكازوراك )
6- Medcine interne Chu
7- Anapath Cac
8- Radio Chu
طبعا مش بترتيب هذا كل قروب تيدي باه يبدا
الغياب ممنوع خاصة سارفيس ماكسيلو فاسيال وميدسين انتارن
غير كي يكون عندكم جيستفيكاسيو تقدرو تعوضو

علاه تسطاجيو ولا وشنو هو Objectif ?

أهم حاجة فسنة ثالثة هي la sémiologie
يعني كيفاه تستقبلو المريض - وش تهدرو معاه بالضبط ووش الأسئلة لي تسقسوهم - وكيفاه تديرو examen تاع كل appreil وحدها - وكيفاه تسميو les signes et les symptômes لي عندو
فلخر تعرفو تعمرو Observation médicale ( هدي هي الأساس ووش لازم تتعلمو من السطاج )
اني نحطلكم pdf تاعها من تحت 🫶

كيفاه نستفادو من سطاج ووش نديرو فيه ؟

عندكم زوج حالات :
تروحو ويستقبلكم chef de service ولا انتارن وهو يمدلكم وش تديرو :
هنا تروحو تبعوه وش يدير واسك راهم يديرو la tournée ابقاو معاهم ..
لي سارفيس لي دارو هد الحاجة هوما :
Pneumo - Maxillo faciale - medcine interne - hémato (les deux ) - Radio
مبعد ني نحيكلكم على كل سارفيس بالتفصيل
الحالة الثانية هي تروحو و واحد ميسمع بيكم 🙂 يعني اذا متحركتوش واحد ميقلكم علاه جيتو
Service cardio 😭😭😭
واذا صادفتو واحد من لي سارفيس لي ذكرتهم من فوق دار هد الحاجة هنا تديو نوت بوك تاعكم وسيال تاعكم وتروحو للي مالاد

كيفاه تحكيو مع لمالاد

خيرو لمالاد تاعكم ( انا جينيرالمو نشوف فوجهم لي نشوفو هكا يبان ناس ملاح نروح 😂😂 )
تروحو للمالاد تقوولولو وشراك .. وتضحكو معاه 🙂 متروحوش مشنفيش 😭 تسقسوه تقولولو اسك يقبل تسقسوه اسئلة وتفحصوه
متحكيوش بالفرنسي مع لي مالاد كاين لي ميفهموش 🫶
هنا لي مالاد كاين وكاين
كاين لي ناس ملاح وتلقاه يقلك كلش ويسميلك وش عندو .. ولي تلقا معاه قارد مالاد ثان يشرحلك وش عندو وكلش
وكاين لي تلقاه مسكين كاره وتعبان من المرض يقلك متسقسينيش هذو اعذروهم جماعة
تديرو معاه وش قريتو ضك تقراوه مأول كور فالسيميو examen clinique وضك نزيد نديرلكم سلسلة وحدها نشرحلكم فيها كل examen وتخبيو ليميساج عندكم كي تروحو للسارفيس تلقاوه 🫶
مبعد ورا متكتبو فنوت بوك تاعكم تروحو لبلاصة وحدكم وتلقاو وين تكتبو وتسييو تعمرو observation بهدوك المعلومات
هنا كاين جماعة ينارفيوني لي يبعثو لشات جبت يديرلهم 😭 هاا لازم تتعلممو بذااتكم لوينتا والطلبة يععتمدو اعتماد كلي على Ai 🙂
والله وصلنا لمرحلة كارثية نقص الابداع و التفكير غير من ai 🥲
مهم تبداو تتعلمو بشويا كيفاه تديرو هديك observation ومبعد اذا لقيتو انتارن ولا اديولو observation يشوفلكم اذا غلطتو فشي حاجة ولا يشرحلكم المرض لي عند هداك لمالاد 🫶

وش تديو معاكم فالسطاج ؟ واسك لازم tenue

مش رايحين تحتاجو tenue غير كي تدخلو للبلوك فسارفيس ماكسيلو فاسيال لازم tenue
باقي لي سارفيس عادي بالمئزر
والبنات بالحجابات مش رايحين تلقاو مشكل 🫶
أول حاجة تديو cahier de stage
تديو معاكم مئزر ( طابلية ) - Note book ولا اديو writing board ( لسارفيس ميدسين انتارن لي يديها يزيدلو عشرين فالتقويم 😂😂) - ستيلو طبعا هذي أقل حاجة تدوها 🙂 ، زيدو اديو stétho

وش ملازمش تدو معاكم

متديوش معاكم الدراهم السرقة دايرة حالة 🙂
ومتديوش حوايج بزاف يكفيكم حاجة خفيفة تهزوها معاكم واديو صرف تاع طرونسبور ولا فالجيب ولا تحبو ديرو 500da فلابوشات تاع تيليفون مهم متديوش معاكم مبالغ مالية وتخليوها 🙂

كي تكملو

كي تكملو تديو cahier de stage للشاف دسرفيس يكاشيلكم ومرات يقلكم اديوه لليريزيدو يكاشيولكم مهم أولا روحو للشاف دسرفيس يكاشيلكم ومبعد اذا ابعثلكم لريزيدو ولا عادي
مهم كاشيوه 🫶🫶
أي أسئلة خلوها هنا :
https://ngl.link/lumed33

حكيت بزاف على السطاج بصح معليش 🙂
احسن من أنو تديرو غلطاتنا رحنا ومعلابالنا بوالو 😭🫶

كي تديرو examen clinique لأي مالاد تعمروها

نكتبلكم ليست تاع ليكور لي تسحقوهم 🫶
بصح لي قاريهم ديجا حتا راه ناسي ميعاودش
ناس لي مقراتهمش نهاااائيا هي تروح تدير طلة
عليهم باه تهز المصطلحات
Cardio :
Anatomie : cour thorax
Physio : débit , regulation de la pression , Hemodynamiqie , ecg

Neuro :
Physio : Conduction ME , somesthésie , ngb , cervelet

Endo :
Physio : Axe hypothalamo hypophysaire
Biochimie : metabolisme phospho calcique - thyroide

Gastro :
Histo Foie
Physio : phase intestinal

ني حكيييت لي مهوش قاري خلااص
لي قاريهم حتى مرة وحدة راح مع rappel يكفيه

السلام عليكم جماعة الخير
لن أنشر هذه الأيام إحتراما لإخواننا في جيجل وباقي الولايات المتضررة من الحرائق
اللهم اجعل هذه النار بردا وسلاما عليهم 💔
نستأنف النشر بعد مرور هذه الفاجعة
لي عندو أي معلومات للمساعدة يبعثلنا فالخاص ننشروهم 🤍
شكرا على تفهمكم 🤍

Précis de sémiologie 3e année

أفضل سورس تقراو عليه سيميو ❤️‍🔥

Précis et al assil:
نفس الكتاب الفرق في الاصيل ملون و هو réorganisation نتاع le précis
هذا مصدر لاغلب الطلبة والاساتذة في دزاير يعني رح تتصادفي بكور نتاع بروف هازو من ثم سواء كما راه ولا زايد ومنقص شوي
أما الكتاب الاخر baptiste (الاخضر) أنا شخصيا ما قريتش بيه بصح مصدر عالمي ماشي في دزاير برك كاين بزاف شكروه فيه فوطوات و تفاصيل اكثر تقدري تجيبي اي واحد لانو العلم واحد ما يختلفش والاخر تزيدي تطلي عليه بدياف
#arteria

هذا توضيح للـفرق بين النسختين لي حطيناهم
Précis
Baptiste 6e edition

اليوم 2 سبتمبر ، يعني 19 يوم على العودة ؟ 😭
يادرا متحمسين ولا لا 👀

حابين شوي Spoilers ؟ ولا كي تلحق الدخلة وساهلة (تفاعلكم يحدد) 👀😍

Spoiler خفيف 😍
(ادعولي بالشفاء لواحد او يخدم فيهم بعين وحدة وثاني نلحق نكمل 😂)

Spoilers خفاف على السريع 👀
1️⃣ جايكم محتوى باذن الله كامل الطلبة من كامل الولايات راح يفيدهم (دعواتكم تكمل في الوقت) 😍✨
2️⃣ طلبة سطيف ومسيلة ربي يعينكم مع QCMs خاصة السنة الثالثة لي مليئة بالأخطاء في كامل الوحدات، لكن باذن الله مش معنا كي العادة 🔥😍

يادرا متحمسين؟ 🔥✨ وقولولنا اقتراحاتكم لي حابين تشوفوها في Lumed السنة، يمكن فكرتك نطبقوها وتكون أول المستفيدين 🤍👀

https://ngl.link/lumed33_/zilla

Work or Art ? 😍
Its Lumed 💡🤍
STAY TUNED 👀⏳️

Promo 2023 setif
https://drive.google.com/drive/folders/1gfa3Tivfo4GQqJ-l-Ft_0IiMVMfzxNVA

https://www.facebook.com/share/18YKoiWpWE/
حطولكم لادات تاع تسجيلات