بصراحة كاين وكاين
اذا كاينين لي فوكو ويديرو فيديوات للراديو متحتاجيش تاسيستي كيما حنا كانو ديما الطلبة يديرو ولكن انا كنت ناسيستي وندير فوكال تاعي باه نلقاه مسموع وكي تفوتني معلومة ومنكونش متبعة نكتب دقيقة هديك لي كنت تايهة فيها نعاود نرجعلها
كاين لي بروف لي فوكال تاعو مهم وكاين لي متحتاجوش
كاين لي بروف لي ميقبلوش ديرو فوكال باه يديرو لينوت ويطيحو فليكزامان كيما بروف نشادي
الراديو عند بروف بوصوف لازم تديرو فيديو لانو جينيرالمو يدير غير وش يطيح
عادة بروف راديو كثر خيرهم يعني يقولولك على وش تركزي فليكزامان للي يكونو روطار
قتلكم كل اينيتي ضك نحطلكم لبروف لي تسحقو تاسيستو / تسمعو فوكال ولا تعتمدو على الكور فقط
Lumed راح تكون معاكم 😍🫶
https://ngl.link/lumed33

++ ما يغروكم Les cours لي يحطوهم خاصة الفارغين، راهم شبه ملخصات ينظم بيهم لبروف تقديم درسه برك 😂
نصيحة أحضروا لأنه 3ème تعتبر مرحلة انتقالية بين Cycles préclinique et clinique ، حتى لوكان يكون المصدر كامل (Les cours) راح يفيدوكم ببزاف معلومات عندها علاقة بالـ Clinique بناءا على خبرتهم وباه تتفاداو مشكل Vocale مكاش (بالنسبة للي ما يقبلوا)

انا بنادم ياسيستي 😂😂😂باه منطيحش فروطار يعني ديما ناسيستي نكون عبالي كيفاه رانا ماشيين وينا بروف لي نسحق نعاود فوكال ونهز لينوت ووينا لا منعاودش ناسيستي عندو نهائيا 😀
وجينيرالمو نهز لينوت ونا فالحصة يعني كي تفوتني حاجة برك كيما قتلكم نشوف فالفوكال وين فاتتني ونعاود نهزها
لي بروف كيما قتلكم حسب كل اينيتي
مثلا عندكم :
سيميو تاع كارديو : بروف خرشي ، مايو يشرح بصح ميزيدش ، بروف ماكيداش هايلة تخليكم تحفظو الكور ، نشادي لخاطر يزيد ويمنع عليكم ليفوكو ووش يزيد يطيح 😻 خطرة فاتتني نوت وقلت نرمال متهمش بزاف لقيتها فليكزامان 🙂
بروف هارون انساو تمدلكم الكور بكري 🙂 حنا بعثاتولنا فلخر تاع لينيتي وكل اينيتي تدير هك تسما ننصحكم تاسيستو مالقري يعني متحتاجش
ولا راكم تلقاونا خادمينهم ف lumed
بروف شوالي اسيستيو صح تطيح غير وش فلكور بصح تشرح مليح
ني ميدتلك نظرة عامة برك
ني نديرلكم مبعد بالتفصيل ✅

عادي اسمعي ليفوكو كاين بزاف مياسيستوش و يديو مليح
هد الحاجة ترجع لطريقتك فالقراية
اذا راهي مناسباتك هكا مكيش تاسيستي ولاحقة مليحة الطبيبة
اذا لالا شايفة روحك ديري روطار فلقراية و مكش عارفة ليكور وش هوما ممبا هنا لازم ديري حل
كل واحد وتجربتو فالقراية حتى بنادم ميقدر يفرض عليك رايو ✨❤️

بالنسبة للكتب مش راح نحكي عليهم ضكا 👀
اذا راح يكونو كاينين او لا ؟ طبعا راح يكونو فكل وحدة لكن منقدرش نمدلكم تفاصيل اكثر 😍✨
نخليكم تتحمسو شويا للطروازيام🙈🌷

تحتاجيها شويا فالراديو فقط مشي بزاف يعني
لي مهمة هي الفيزيو

نكملو ضكا S2

بعد ما تكملو كارديو لي هيا أطول اينيتي فالعام ضكا يجيوكم اينيتيات خفاف وحلوين 🥹🤍
سوماستر الثاني فيه :
3unités + 3 modules
Unité :neuro + endocrino + gastro
Module : parasito + immuno + microbio

Neurologie

نبداااو اينيتي نوروو 😍
هنا جماعة تسحقو فيها كورات وشويا معريفة قديمة :
Physiologie neuro : الكور الثالث تاع conduction + sys pyramidale et extrapyr  + diff types de la sensibilité ..
+ histologie de la peau
وش تقراو فيها ؟
La semiologie :
🔸Semiologie neuro : Les sdr تقراو مختلف متلازمات لي كاينة فالنورو بزاف حلوين بزاف ساهلين وخفاف وشابيين جيست لازم تكونو شوي شافيين على فيزيو نورو ولا حتى تحطو ليريزيمي تاعكم ولا كتابنا قدامكم كي تكونو تقراو 
Les sdr comme : sdr cérébelleux , myogène , mysthénie ..
🔸Semiologie locomoteur : شوي  صامطة 😂😂 بصح عادي تقراو فيها على العظام و الكسور و كيفاه تفرقو بين
Douleur mécanique et douleur inflammatoire
وطبعا السيميو كامل صوا سيميو كاردياك ولا نورو ولا لوكوموتور راح يكون كاين كور تاع examen clinique يعني كيفاه تستقبلو المالاد وش تسقسوه ..
🔸Semiologie cutanné : فيها كور واحد عند بروف ميمون اسيستيوه 😍  ساهل وشباب تسحقو فيه شويا histologie de la peau تعرفوها برك خفيف خفيف

Physiopatholgie :📉📈 هنا تقراو حوايج مش داخلين فالنورو رايحين تقراو على الاختلالات تاع الشوارد في الجسم تاعنا وكيفاه يأثرو + كور تاع Hypertension intracranienne (HIC )
DysNa+ / DysCa+ /Dysmg / DysPh

Radio : 🩻
Radio du crane + Tdm cerebrale en urgence +pathologie vasculaire cérébrale : الجلطات الدماغية وكيفاه تفرقو بيناتهم ووش أول راديو نستعملوه ..
Radio du rachis en tdm irm ...
Imagerie du bassin

Biochimie :🧪 LCR + les enzymes + les liquides d'épanchement  معندهمش علاقة بالنورو بزاف

Parasitologie

نحكيو على موديل آخر Parasitoo 😍
موديل بزاف هايل بزاف حلو بزاف شباب 🥹 والبروف بزاف هايلى اسيستيو متندموش حرفيا وتستاهل تاسيستيولها وكي تكون تقري أصلا تقلكم على واش تسقسي
معباليش شكون خوفكم منو ولكن تقدرو تشوفو لافيشاج تاع بارازيتو تاعنا ولا رايحين تشوفو العلامات  + اي تعاود لي كيسيام واذا معاودتهمش تعاود افكارهم واذا ما اسيستيتوش اسمعو فوكالها 😍❤️
وش تقراو فيه ؟ تقراو فيه على les parasites بأنواعها منهم الفطريات و الدودات و les protozoires تقراو فيهم les parasites لي عندهم أعلى نسبة قتل فالعالم + الدودات لي منتشرة بزاف 🫶

3ème année:
Système d'étude +cardio anapath pharmaco
neuro + parasito
Endo+ immuno
Gastro + microbio

تعديل فقط :
السوماستر لول فيه كارديو ونورو و انابات وفارماكو
السوماستر دوزيام يبدا بعد ما تكملو ليكونطرول تاعهم ✅️

هدا برقرام الوزارة تمشي بيه كل عام بالنسبة لكلية سطيف وملحقة المسيلة ايضا

راح نقلكم نورو
بصح نتوم ضك راكم داخلين كارديو تسما راجعي شويا مفاهيم كارديو ولا استمتعي بالعطلة 😭
كي تجي العطلة تاع الشتاء راجعي شوي النورو
ضك لي حب يبدا يقرا وراه متحمس يقرا واحد من ليموديل فارماكو ولا انابات باه كي تدخلو ركزو مع لينيتي
لي حاب يعني مشي حاجة لي مهمة ولا
تقدرو تقراوها مع اينيتي عادي لأنو الوقت يكفي فالكارديو ممكن s2 لي يجيكم مضغوط لانو فيه ثلث موديلات

​هذ النقطة راح نحكي عليها 🙂
عندكمممممم يقولولكم نأجلو انابات وفارماكو ورا العطلة وتقبلووو عندكم 😍
راح تطيحو فأكبر غلطة بالمعنى الحرفي وهذ الشي لي صرالنا
كي دارو صونداج بعض العاقلين كانو رافضين ولكن الباقي قالك ايه نأجلوهم وهنا ورا العطلة فعوض ما نبداو نقراو نورو نص الغاشي بدا يقرا انابات لأنو كونطرول تاعها مقدم وبقات غير سمانة لنورو وورا النورو بأسبوع فارماكو
وكيما قتلكم لازم نعقبو ليكونطرول تاع S1 كامل باه تبدا الادارة اوندو يعني زادو ضغطونا فالوقت وزادت تعاودتلنا فلخر مع ميكروبيو
يعني فعوض ما نقراو نورو لي ساهلة ونطلعوها مليح عشينا نقراو ففارما وانابات وكل حاجة نمدولها سمانة ( أغلبية البرومو )
مهم اذا دارولكم صونداج متقبلوش 🙂
اقراو كارديو مع فارما وانابات من البدية وعقبو كونطرولهم فلخر
اونكا ومتديوش مليح فكارديو تعوضوها بالنورو فيها ممبا 27 كور وساهلة بزااااااااف

بصراحة فيزيو كارديو كنت نخدم فيها هدوين تاع دوزيام
فطروازيام مكمش رايحين تحتاجوها بزاف
ومفاهيم تاعها ساهلة مش حاجة لي صعبة كيما نورو
فقط لي مش قاارييها نهائيا هدا صح يروح يراجع شويا
ولكن ناس لي قراتها نشوف بأنو مكمش رايحين تحتاجوها بزاف 🫶

هاي هاااييي
نكملو مع السلسلة😍🤍
نحكيو ضكا على أوندو و إيمينو ✨👀

Endocrino

اينيتي ساهلة بزااااف مفيهاش بزاف ليكور ميفوتوش 30 حلوة خفيفة و تعتمد بشكل كبير على دوزيام لي قرا دوزيام اوندو طروازيام تجيه شغل مراجعة حرفيا 😂❤️
تقريبا نفس حتى عناوين ليكور 👀 خاصة بيوشيمي
هيا نبداو ضكاا 😍
Sémiologie
🔸Sémio endo : تقراو فيها على الغدد و أمراض تاعهم مثلا hyper/hypothyroïdie ، prostate , glande surrénale ..
🔸Sémio génital : ( gynéco + app genital masculin )
تقريبا جزء تاع genital fem هو الأكبر > تقراو كيفاه يندار examen عند جينيكو ، les pathologie de l'app تقراو ثاني على sein فالمسيلة دارو كور وحدو على cancer de sein ..
وعبالكم مع أفضل بروف 😍 شوالي 👀 بزاف بزاف بزاااف هايلة اسيستيو 😭😭❤️
🔸Sémio urinaire : تقريبا زوج كورات بصح نفسهم هه حنا دارولنا زوج كورات وكل واحد فيه معلومات ولينا جمعنا المعلومات ❤️فكور واحد مع لينوت و حطيناه فلوماد
كور ساهل وخفيف ومن اسمو بايين 😭

Radio :
Thyroide - prostate - sein .. ساهلة وحلوة وخفيفة 🌷🥹

Biochimie : نفسها تاع دوزيام 🙂 زايد فيها برك كيفاه نديرو prélèvment + les valeurs normaux فيها ثمن كورات ) لينيتي الوحيدة لي فيها عدد كورات لبيوشيمي بزاف هيا لوندو مع ذلك متخافوش منها مع السيميو وكذا تلقاو معلومات متشابهيين
Physiopathologie :
كي العادة شويا مختلفة ولكن تقراو فيها على acidocétose diabétique ,dysk وأيضااا كور تاع acidose et alcalose metabolique ..
مدام جبدنا عليها نقلكم بلي كور équilibre acido basique راح يبقا يلاحقكم 😭😭😭😭 لي مقراهش فدوزيام راح يقراه فطروازيام ويزيد🥲

Immunologie

نروحو ضك لموديييل الإييميينو 😍
حنا قراونا فيه زوج :
Prof Djoudi + pr.Benkari (jdida )
بروف جودي كوراتها ساهلين خفاف وميحتاجش تاسيستيو
بروف بن قري كوراتها شوي طوال بصح مش حاجة لي صعيبة
من ناحية تاسيستيو ولا نن للبروف هدي هنا كاين لي عجبتهم وكاين لي معجبتهم تسما مدام قراتكم فدوزيام لي عجباتو ياسيستيلها ❤️
بالنسبة للموديل ايمينو ماهي سااهلة خلااااص ماهي وااااعرة كيما الوحش تع ميكروبيو ( نقصر برك ميكروبيو ثان مهيش واعرة لذيك درجة جيست كي تجي فلخر تاع لعام تولي تقلق )
كوراتها تقراو شغل ايمينو متطورة 😂 الحساسية ، les tests immunologique , les vaccins , greffe , HIV .. , les maladies auto immunes
فيها نرملمن 14كور هكاك ولا اكثر منيش شافية مليح
تقدرو تجيبو فيه علامات ملاح 😍

Chofii physio unité cardio fiha
Cardiaque w repiratoire
Ida marakich 9arya ghir cardiaque rah fiha ghir 5 cour t9dri t9rayhom mn les videos ta3 prof bensouag ida m3ndkch contactini f canal officiel nb3thhomlk
Ida maki 9araya la cardio la respiratoire a9ray hado :
- Ecg
- Débit cardiaque
- hémodynamique ( importante )
W mn respiratoire :
- Mécanique ventilatoire
- Ventilation
- les échanges
عندي ريزيميات تاع فيزيو راسبيراتوار اذا نبعثهملك كونطاكتينا فالشات تاع كانال لكبيرة ❤️

للتواصل معنا :
Dm فكانال لكبيرة تاع lumed 
لينك القناة : https://t.me/LumedD

اليوم بإذن الله نكملو سلسلة 3ème 🫶😭
العاقبة أنكم تكملوها وتطلعوها نتوما ثاني بعلامات مليحة 🌷🤍

هاييي هااييي👀🌷
اليوم نكملووو آخر فقرة من سلسلة 3ème 🫶
رايحين نحكيو على اينيتي لخرة Gastro والوحش Microbio 😭😭😭
اذا على بركة الله نبداو أولا وش تحتاجو من طروازيام :
بالنسبة لل Gastro :
Physio digestive خفيف خفيف
Histo hémato f cardio ( surtt Foie , cycle de sang )
Anatomie régional : وين جايين الأعضاء برك بلا تفصيل كبير
بالنسبة للميكروبيو راح يكون علم جديد عليكم ✨😍 ضك نحكيو بالتفصيل بإذن الله

Gastrologie

القاسترو هي clincal تاع Digestive
يعني رايحين تقراو فيها دىوس لي يخصو système digestive وتزيدو معاها hémato
كي العادة عباالكم ربع موديلات :
🔸Sémiologie :
كيفته تديرو examen clinique تاع digestive وأهم les motifs لي يجيو عجالهم لي مالاد :
Douleurs abdominale , ictère ( صفير ) ، sdr hémmoragique , Hépatite ....
وكيفاه نديرو examen تاع Foie
تزيدو تقراو les urgences تاع gastro

وفالhémato رايحين تشوفو :
كيفاه نقراو Fns وكيفاه نديروه وأهم les valeurs لي لازم تحفظووووهممممممم وتعرفو وش نورمال ووش لا
تقراو Anémie , hemostase ..
🔶Physiopath :
ساهلة وخفيفة ربع كورات وعليها 12 سؤال ( افضل موديل ) 🫠🫠🫠
Sdr hémmorragique يشبه أصلا لتاع سيميو اقراوهم مع بعض
Ictère كيف كيف اقراوه مع كور سيميو
Occlusion intestinale ة كيييف كيف تلقاوه فسيميو وراديو
HTP : نحسو كور مهم لأنو راح تمد des signes لي تلقاوهم فسيميو
اقراوها متهملوهاش 😭😭😭
🔶Radio : بزاف ساهلة وزيد مترابطة مع السيميو ومع فيزيوبات

🔶Biochimie: عادة انا انسان ميحبش بيوشيمي 😂😂
ولكن هي ساهلة فقرايتها و فيها غير ربع كورات تقراو فيهم les analyses تاع foie , proteines , intestis وتزيدو معاهم كور les marqueurs tumoraux

بالمختصر قاسترو حلوة وهايلة وتقدرو تديو فيها علامات بزاااف هاييلة 😍🫶
فيها غير 25 كور 🫶👀 يعني فريمو نقطة باطل 😭😭🤍
نفوتو ضك نحكيو على الوحششش

Microbiooo

نخوف فيكم باه متخليوهاش للخرررر ابداااا عندكم لازم تقراوها ديجا فكش عطلة وتتهناو منها 😍
وشنو هيا ؟ رايحين تقراو فيها على :
Les bactéries
Les virus
Dignostic
Les ATB
كور Atb فيه بزاااف حفاظة ولكن مهم يااسر
خاصة مبعد اذا بغيتو تسطاجيو فلافارماسي رايحين تعرفو كل Atb وشمن bact يتمد 👀 وخصائص تاعهم وكيفاه حتا تولي البكتيريا مقاومة ليهم🫶
عندكم لي بروف فيها المخيرة ✨بروف كتفي ✨ هايلة هاييلة كيشغل كيما لطرش فالبرازيتو وكورات تاعها ساهلين ولازم تسمعو فوكال تاعها ولا تحضرو تهزو لينوت لأنو تدير منهم كونطرول 🌷

وهكا نكونو كملنا طروازيام ✅✅
اذا عندكم أي أسئلة او غموض قولولي 🫶💡

بما أنو الأسئلة كامل على سطاج غدا بإذن الله نحطلكم بوست على سطاج ( فسطيف بالخصوص )
ونزيدو نحكيو على لي TD

السلام عليكم يا شابيين 😍🤍
اليوم بإذن الله نحكيو على السطاج فسطيف ولي تيدي 🫶🌷
نبداو بالسطاج :

التقسيم :

أول مرة كي قسمونا ، دارو تقسيم عشوائي بلوجيسيال و ليديلقي هوما لي قسموه عشوائيا
بعدها الطلبة مرضاوش و طلبو يبقا نفس تقسيم تاع قروبات لي تيدي

تم تقسيم كل قروب تيدي لأربع مجموعات تحتية
كل قروب يسطاجي مرة فشهر :
نفس القروب كامل عندو نفس السارفيس:
Et chaque sous groupe a une date spécifique ystagi fiha

لي سارفيس

تدورو على ثمنية تاع لي سارفيس
1- Cardio Chu
2- Pneumo Chu
3- Hémato chu
4- Hémato cac
5- Maxillo faciale ( فكازوراك )
6- Medcine interne Chu
7- Anapath Cac
8- Radio Chu
طبعا مش بترتيب هذا كل قروب تيدي باه يبدا
الغياب ممنوع خاصة سارفيس ماكسيلو فاسيال وميدسين انتارن
غير كي يكون عندكم جيستفيكاسيو تقدرو تعوضو

علاه تسطاجيو ولا وشنو هو Objectif ?

أهم حاجة فسنة ثالثة هي la sémiologie
يعني كيفاه تستقبلو المريض - وش تهدرو معاه بالضبط ووش الأسئلة لي تسقسوهم - وكيفاه تديرو examen تاع كل appreil وحدها - وكيفاه تسميو les signes et les symptômes لي عندو
فلخر تعرفو تعمرو Observation médicale ( هدي هي الأساس ووش لازم تتعلمو من السطاج )
اني نحطلكم pdf تاعها من تحت 🫶

كيفاه نستفادو من سطاج ووش نديرو فيه ؟

عندكم زوج حالات :
تروحو ويستقبلكم chef de service ولا انتارن وهو يمدلكم وش تديرو :
هنا تروحو تبعوه وش يدير واسك راهم يديرو la tournée ابقاو معاهم ..
لي سارفيس لي دارو هد الحاجة هوما :
Pneumo - Maxillo faciale - medcine interne - hémato (les deux ) - Radio
مبعد ني نحيكلكم على كل سارفيس بالتفصيل
الحالة الثانية هي تروحو و واحد ميسمع بيكم 🙂 يعني اذا متحركتوش واحد ميقلكم علاه جيتو
Service cardio 😭😭😭
واذا صادفتو واحد من لي سارفيس لي ذكرتهم من فوق دار هد الحاجة هنا تديو نوت بوك تاعكم وسيال تاعكم وتروحو للي مالاد

كيفاه تحكيو مع لمالاد

خيرو لمالاد تاعكم ( انا جينيرالمو نشوف فوجهم لي نشوفو هكا يبان ناس ملاح نروح 😂😂 )
تروحو للمالاد تقوولولو وشراك .. وتضحكو معاه 🙂 متروحوش مشنفيش 😭 تسقسوه تقولولو اسك يقبل تسقسوه اسئلة وتفحصوه
متحكيوش بالفرنسي مع لي مالاد كاين لي ميفهموش 🫶
هنا لي مالاد كاين وكاين
كاين لي ناس ملاح وتلقاه يقلك كلش ويسميلك وش عندو .. ولي تلقا معاه قارد مالاد ثان يشرحلك وش عندو وكلش
وكاين لي تلقاه مسكين كاره وتعبان من المرض يقلك متسقسينيش هذو اعذروهم جماعة
تديرو معاه وش قريتو ضك تقراوه مأول كور فالسيميو examen clinique وضك نزيد نديرلكم سلسلة وحدها نشرحلكم فيها كل examen وتخبيو ليميساج عندكم كي تروحو للسارفيس تلقاوه 🫶
مبعد ورا متكتبو فنوت بوك تاعكم تروحو لبلاصة وحدكم وتلقاو وين تكتبو وتسييو تعمرو observation بهدوك المعلومات
هنا كاين جماعة ينارفيوني لي يبعثو لشات جبت يديرلهم 😭 هاا لازم تتعلممو بذااتكم لوينتا والطلبة يععتمدو اعتماد كلي على Ai 🙂
والله وصلنا لمرحلة كارثية نقص الابداع و التفكير غير من ai 🥲
مهم تبداو تتعلمو بشويا كيفاه تديرو هديك observation ومبعد اذا لقيتو انتارن ولا اديولو observation يشوفلكم اذا غلطتو فشي حاجة ولا يشرحلكم المرض لي عند هداك لمالاد 🫶

وش تديو معاكم فالسطاج ؟ واسك لازم tenue

مش رايحين تحتاجو tenue غير كي تدخلو للبلوك فسارفيس ماكسيلو فاسيال لازم tenue
باقي لي سارفيس عادي بالمئزر
والبنات بالحجابات مش رايحين تلقاو مشكل 🫶
أول حاجة تديو cahier de stage
تديو معاكم مئزر ( طابلية ) - Note book ولا اديو writing board ( لسارفيس ميدسين انتارن لي يديها يزيدلو عشرين فالتقويم 😂😂) - ستيلو طبعا هذي أقل حاجة تدوها 🙂 ، زيدو اديو stétho

وش ملازمش تدو معاكم

متديوش معاكم الدراهم السرقة دايرة حالة 🙂
ومتديوش حوايج بزاف يكفيكم حاجة خفيفة تهزوها معاكم واديو صرف تاع طرونسبور ولا فالجيب ولا تحبو ديرو 500da فلابوشات تاع تيليفون مهم متديوش معاكم مبالغ مالية وتخليوها 🙂

كي تكملو

كي تكملو تديو cahier de stage للشاف دسرفيس يكاشيلكم ومرات يقلكم اديوه لليريزيدو يكاشيولكم مهم أولا روحو للشاف دسرفيس يكاشيلكم ومبعد اذا ابعثلكم لريزيدو ولا عادي
مهم كاشيوه 🫶🫶
أي أسئلة خلوها هنا :
https://ngl.link/lumed33