ضك نبعثلكم مساجات لي حكينا فيهم عطروازيام هنا
ونتوم خليولي تساؤلاتكم ضك نجاوبكم كيي العادة 🫶
https://ngl.link/lumed33

كامل لي مطلعين مرحبا بكم فالسنة ثالثة ❤️ عام طويل ولكن قراية حلوة وشابة
( ندعم فيكم باه متدبرسوليش من ضك😔 )

سيستام لقراية

كيما عبالكم سنة ثالثة فيها Unités + modules مخلطة يعني 😍
عندكم فيها 4 unités + 5 modules

Les modules

نحكيو على لي موديل لي يجيو فكل اينيتي باه مبعد نحكيو الاز وتكونو فاهمين :
💡La semiologie : la science qui étudier les signes et les symptôme : أساس الطروازيام والميدسين كاملة تقراو فيها
Examen clinique : يعني كي يجيكم مالاد وش ديرولو اول حاجة وش تسقسيوه كفه حتا تستنتجو التشخيص ..
هنا تقراو كل اينيتي والسيميو تاعها الأعراض لي خاصين بكل إينيتي ..
💡La physiopathologie : عكس الفيزيولوجي 🥹
هدا موديل بزاااف بزاف حلو بزاف هايل بزاف ملييييح و زيد عليه أسئلة بزاف فليكونطرول مقارنة بعدد الكورات الصغير 🥹
💡Radio : موديل شباب وأكيد مع Lumed مستحيل تلقاز فيه صعوبات سقسيو جماعة طروازيام منين قراو راديو 👀✨
تسحقو فيه أناطو شويا و زيد تقراو فيه جميع أجهزة راديو وبرانسيب كيفاه يخدمو و راديو تاع كل أباراي 🤍 وزيد كفاه ديرو interprétation للراديو وهدي لاباز تاع الكاطريام والراديو تقراوها غير فطروازيام وكاطريام مش بزاف 👀 لازم تهزو فيها les principe تسحقوها ودروس يجيوكم شوي صعاب بصح كاينة lumed 😍
💡Biochimie : مفيهاش كورات بزاف مام عدد الأسئلة مش بزاف + تقراو كي العادة على les enzymes ..

نبداو ب S1 :

Fih unité cardio + 2 modules anapath et pharmaco

Unité : cardio respiratoire

اينيتي كارديو اكم قريتوها ديجا فدوزيام ضك فطروازيام وش راح تقراو فيهاا :
La semio مقسمة فيها لثلاثة
🔸Semio general : 6 cours تعرفو فيها وش معناها السيميو اصلا و علاه تقراوها و كيفاه تديرو اكزامان جينيرال
🔸Semio cardiaque : تقراو الأعراض المشهورة لي كاينين فسارفيس الكارديو + كيفاه تديرو اكزامان cardio vasculaire
🔸Semio respiratoire : كيف كيف
Physiopath تاعها حلوة ثاني وحوايج لي لاااازم تعرفو معناهم مثلا مثلا état de choc
Radio :
تقراو فيها كيفاه يخدم سكانار ، irm , radio standard , الخطورة تاع كل واحد .. و طبعا كيفاه تقراو الراديو ستوندار
Biochimie ايضا تاعها مليحة ونصيحة مني اقراو ليكور تاعها كاامل كاامل كاامل 😂
ضك راني مبعد كل ما تدخلو اينيتي نحطلكم لي بروف لي يقريوكم و نحكيلكم بالتفصيل عليها ضك ني نحكي عامة برك ❤️

Pharmaco et anapath :

نصيحتي ليكم ابداو اقراوهم ملول متخليوش للخرررر ابدااااا زيد كارديو راها فيها لوقت مش كيما مبعد ف S2 ولذلك اقراهم
كون تخليوهم مع لخر راكم تتحشرو بزااف ومتقدروش تقراوهم في عوض قادرين تقراوهم وتطلعو بيهم 17 عادي
Pharmco : تقراو فيها عالدوا من اسمها باين تقريكم بروف قرقروي بزاف هايلة بزاف ناس ملاح وتفهممم ملييح اسيستيولها ✅
+ تعاود ليكيسيام👀✨
Anapath : لي بروف تاعها ماشاء الله يقريو مليح وهايلين : انابات تقراو فيها على
Etude de tissu sous le microscope et définir l etat pathologique
تقراو فيها على les biopsie ، كيفاه تندار étude ، les tumeurs ..
مهم هدو موديلات بزاف ملاح وخفاف وحلوين 😔 ( بصح أحلى وحدة مزالت للخر مع افضل بروف 😍 )
يادرا حماسكم للطروازيام 🤓

بالنسبة للكارديو
كي تدخلو تقراو باذن الله ني نحطلكم على كل بروف وكل موديل بالتفصيل ✅
ونصيحتي ؟ اسيستيو وديرو لي فوكو و صورو 👀
بصح اصبرو ؟ كااااييينة Lumed 😍😍 مفاجئات تنتظركم باذن الله ✨
لي جاتنا صعيبة حنا نسهلوها عليكم باذن الله
أسئلتكم
https://ngl.link/lumed33

ونتوم وش فبالكم 👀⏳️
Stay tuned 😍
https://ngl.link/lumed33

بصراحة كاين وكاين
اذا كاينين لي فوكو ويديرو فيديوات للراديو متحتاجيش تاسيستي كيما حنا كانو ديما الطلبة يديرو ولكن انا كنت ناسيستي وندير فوكال تاعي باه نلقاه مسموع وكي تفوتني معلومة ومنكونش متبعة نكتب دقيقة هديك لي كنت تايهة فيها نعاود نرجعلها
كاين لي بروف لي فوكال تاعو مهم وكاين لي متحتاجوش
كاين لي بروف لي ميقبلوش ديرو فوكال باه يديرو لينوت ويطيحو فليكزامان كيما بروف نشادي
الراديو عند بروف بوصوف لازم تديرو فيديو لانو جينيرالمو يدير غير وش يطيح
عادة بروف راديو كثر خيرهم يعني يقولولك على وش تركزي فليكزامان للي يكونو روطار
قتلكم كل اينيتي ضك نحطلكم لبروف لي تسحقو تاسيستو / تسمعو فوكال ولا تعتمدو على الكور فقط
Lumed راح تكون معاكم 😍🫶
https://ngl.link/lumed33

++ ما يغروكم Les cours لي يحطوهم خاصة الفارغين، راهم شبه ملخصات ينظم بيهم لبروف تقديم درسه برك 😂
نصيحة أحضروا لأنه 3ème تعتبر مرحلة انتقالية بين Cycles préclinique et clinique ، حتى لوكان يكون المصدر كامل (Les cours) راح يفيدوكم ببزاف معلومات عندها علاقة بالـ Clinique بناءا على خبرتهم وباه تتفاداو مشكل Vocale مكاش (بالنسبة للي ما يقبلوا)

انا بنادم ياسيستي 😂😂😂باه منطيحش فروطار يعني ديما ناسيستي نكون عبالي كيفاه رانا ماشيين وينا بروف لي نسحق نعاود فوكال ونهز لينوت ووينا لا منعاودش ناسيستي عندو نهائيا 😀
وجينيرالمو نهز لينوت ونا فالحصة يعني كي تفوتني حاجة برك كيما قتلكم نشوف فالفوكال وين فاتتني ونعاود نهزها
لي بروف كيما قتلكم حسب كل اينيتي
مثلا عندكم :
سيميو تاع كارديو : بروف خرشي ، مايو يشرح بصح ميزيدش ، بروف ماكيداش هايلة تخليكم تحفظو الكور ، نشادي لخاطر يزيد ويمنع عليكم ليفوكو ووش يزيد يطيح 😻 خطرة فاتتني نوت وقلت نرمال متهمش بزاف لقيتها فليكزامان 🙂
بروف هارون انساو تمدلكم الكور بكري 🙂 حنا بعثاتولنا فلخر تاع لينيتي وكل اينيتي تدير هك تسما ننصحكم تاسيستو مالقري يعني متحتاجش
ولا راكم تلقاونا خادمينهم ف lumed
بروف شوالي اسيستيو صح تطيح غير وش فلكور بصح تشرح مليح
ني ميدتلك نظرة عامة برك
ني نديرلكم مبعد بالتفصيل ✅

عادي اسمعي ليفوكو كاين بزاف مياسيستوش و يديو مليح
هد الحاجة ترجع لطريقتك فالقراية
اذا راهي مناسباتك هكا مكيش تاسيستي ولاحقة مليحة الطبيبة
اذا لالا شايفة روحك ديري روطار فلقراية و مكش عارفة ليكور وش هوما ممبا هنا لازم ديري حل
كل واحد وتجربتو فالقراية حتى بنادم ميقدر يفرض عليك رايو ✨❤️

بالنسبة للكتب مش راح نحكي عليهم ضكا 👀
اذا راح يكونو كاينين او لا ؟ طبعا راح يكونو فكل وحدة لكن منقدرش نمدلكم تفاصيل اكثر 😍✨
نخليكم تتحمسو شويا للطروازيام🙈🌷

تحتاجيها شويا فالراديو فقط مشي بزاف يعني
لي مهمة هي الفيزيو

نكملو ضكا S2

بعد ما تكملو كارديو لي هيا أطول اينيتي فالعام ضكا يجيوكم اينيتيات خفاف وحلوين 🥹🤍
سوماستر الثاني فيه :
3unités + 3 modules
Unité :neuro + endocrino + gastro
Module : parasito + immuno + microbio

Neurologie

نبداااو اينيتي نوروو 😍
هنا جماعة تسحقو فيها كورات وشويا معريفة قديمة :
Physiologie neuro : الكور الثالث تاع conduction + sys pyramidale et extrapyr  + diff types de la sensibilité ..
+ histologie de la peau
وش تقراو فيها ؟
La semiologie :
🔸Semiologie neuro : Les sdr تقراو مختلف متلازمات لي كاينة فالنورو بزاف حلوين بزاف ساهلين وخفاف وشابيين جيست لازم تكونو شوي شافيين على فيزيو نورو ولا حتى تحطو ليريزيمي تاعكم ولا كتابنا قدامكم كي تكونو تقراو 
Les sdr comme : sdr cérébelleux , myogène , mysthénie ..
🔸Semiologie locomoteur : شوي  صامطة 😂😂 بصح عادي تقراو فيها على العظام و الكسور و كيفاه تفرقو بين
Douleur mécanique et douleur inflammatoire
وطبعا السيميو كامل صوا سيميو كاردياك ولا نورو ولا لوكوموتور راح يكون كاين كور تاع examen clinique يعني كيفاه تستقبلو المالاد وش تسقسوه ..
🔸Semiologie cutanné : فيها كور واحد عند بروف ميمون اسيستيوه 😍  ساهل وشباب تسحقو فيه شويا histologie de la peau تعرفوها برك خفيف خفيف

Physiopatholgie :📉📈 هنا تقراو حوايج مش داخلين فالنورو رايحين تقراو على الاختلالات تاع الشوارد في الجسم تاعنا وكيفاه يأثرو + كور تاع Hypertension intracranienne (HIC )
DysNa+ / DysCa+ /Dysmg / DysPh

Radio : 🩻
Radio du crane + Tdm cerebrale en urgence +pathologie vasculaire cérébrale : الجلطات الدماغية وكيفاه تفرقو بيناتهم ووش أول راديو نستعملوه ..
Radio du rachis en tdm irm ...
Imagerie du bassin

Biochimie :🧪 LCR + les enzymes + les liquides d'épanchement  معندهمش علاقة بالنورو بزاف

Parasitologie

نحكيو على موديل آخر Parasitoo 😍
موديل بزاف هايل بزاف حلو بزاف شباب 🥹 والبروف بزاف هايلى اسيستيو متندموش حرفيا وتستاهل تاسيستيولها وكي تكون تقري أصلا تقلكم على واش تسقسي
معباليش شكون خوفكم منو ولكن تقدرو تشوفو لافيشاج تاع بارازيتو تاعنا ولا رايحين تشوفو العلامات  + اي تعاود لي كيسيام واذا معاودتهمش تعاود افكارهم واذا ما اسيستيتوش اسمعو فوكالها 😍❤️
وش تقراو فيه ؟ تقراو فيه على les parasites بأنواعها منهم الفطريات و الدودات و les protozoires تقراو فيهم les parasites لي عندهم أعلى نسبة قتل فالعالم + الدودات لي منتشرة بزاف 🫶

3ème année:
Système d'étude +cardio anapath pharmaco
neuro + parasito
Endo+ immuno
Gastro + microbio

تعديل فقط :
السوماستر لول فيه كارديو ونورو و انابات وفارماكو
السوماستر دوزيام يبدا بعد ما تكملو ليكونطرول تاعهم ✅️

هدا برقرام الوزارة تمشي بيه كل عام بالنسبة لكلية سطيف وملحقة المسيلة ايضا

راح نقلكم نورو
بصح نتوم ضك راكم داخلين كارديو تسما راجعي شويا مفاهيم كارديو ولا استمتعي بالعطلة 😭
كي تجي العطلة تاع الشتاء راجعي شوي النورو
ضك لي حب يبدا يقرا وراه متحمس يقرا واحد من ليموديل فارماكو ولا انابات باه كي تدخلو ركزو مع لينيتي
لي حاب يعني مشي حاجة لي مهمة ولا
تقدرو تقراوها مع اينيتي عادي لأنو الوقت يكفي فالكارديو ممكن s2 لي يجيكم مضغوط لانو فيه ثلث موديلات

​هذ النقطة راح نحكي عليها 🙂
عندكمممممم يقولولكم نأجلو انابات وفارماكو ورا العطلة وتقبلووو عندكم 😍
راح تطيحو فأكبر غلطة بالمعنى الحرفي وهذ الشي لي صرالنا
كي دارو صونداج بعض العاقلين كانو رافضين ولكن الباقي قالك ايه نأجلوهم وهنا ورا العطلة فعوض ما نبداو نقراو نورو نص الغاشي بدا يقرا انابات لأنو كونطرول تاعها مقدم وبقات غير سمانة لنورو وورا النورو بأسبوع فارماكو
وكيما قتلكم لازم نعقبو ليكونطرول تاع S1 كامل باه تبدا الادارة اوندو يعني زادو ضغطونا فالوقت وزادت تعاودتلنا فلخر مع ميكروبيو
يعني فعوض ما نقراو نورو لي ساهلة ونطلعوها مليح عشينا نقراو ففارما وانابات وكل حاجة نمدولها سمانة ( أغلبية البرومو )
مهم اذا دارولكم صونداج متقبلوش 🙂
اقراو كارديو مع فارما وانابات من البدية وعقبو كونطرولهم فلخر
اونكا ومتديوش مليح فكارديو تعوضوها بالنورو فيها ممبا 27 كور وساهلة بزااااااااف

بصراحة فيزيو كارديو كنت نخدم فيها هدوين تاع دوزيام
فطروازيام مكمش رايحين تحتاجوها بزاف
ومفاهيم تاعها ساهلة مش حاجة لي صعبة كيما نورو
فقط لي مش قاارييها نهائيا هدا صح يروح يراجع شويا
ولكن ناس لي قراتها نشوف بأنو مكمش رايحين تحتاجوها بزاف 🫶

هاي هاااييي
نكملو مع السلسلة😍🤍
نحكيو ضكا على أوندو و إيمينو ✨👀

Endocrino

اينيتي ساهلة بزااااف مفيهاش بزاف ليكور ميفوتوش 30 حلوة خفيفة و تعتمد بشكل كبير على دوزيام لي قرا دوزيام اوندو طروازيام تجيه شغل مراجعة حرفيا 😂❤️
تقريبا نفس حتى عناوين ليكور 👀 خاصة بيوشيمي
هيا نبداو ضكاا 😍
Sémiologie
🔸Sémio endo : تقراو فيها على الغدد و أمراض تاعهم مثلا hyper/hypothyroïdie ، prostate , glande surrénale ..
🔸Sémio génital : ( gynéco + app genital masculin )
تقريبا جزء تاع genital fem هو الأكبر > تقراو كيفاه يندار examen عند جينيكو ، les pathologie de l'app تقراو ثاني على sein فالمسيلة دارو كور وحدو على cancer de sein ..
وعبالكم مع أفضل بروف 😍 شوالي 👀 بزاف بزاف بزاااف هايلة اسيستيو 😭😭❤️
🔸Sémio urinaire : تقريبا زوج كورات بصح نفسهم هه حنا دارولنا زوج كورات وكل واحد فيه معلومات ولينا جمعنا المعلومات ❤️فكور واحد مع لينوت و حطيناه فلوماد
كور ساهل وخفيف ومن اسمو بايين 😭

Radio :
Thyroide - prostate - sein .. ساهلة وحلوة وخفيفة 🌷🥹

Biochimie : نفسها تاع دوزيام 🙂 زايد فيها برك كيفاه نديرو prélèvment + les valeurs normaux فيها ثمن كورات ) لينيتي الوحيدة لي فيها عدد كورات لبيوشيمي بزاف هيا لوندو مع ذلك متخافوش منها مع السيميو وكذا تلقاو معلومات متشابهيين
Physiopathologie :
كي العادة شويا مختلفة ولكن تقراو فيها على acidocétose diabétique ,dysk وأيضااا كور تاع acidose et alcalose metabolique ..
مدام جبدنا عليها نقلكم بلي كور équilibre acido basique راح يبقا يلاحقكم 😭😭😭😭 لي مقراهش فدوزيام راح يقراه فطروازيام ويزيد🥲

Immunologie

نروحو ضك لموديييل الإييميينو 😍
حنا قراونا فيه زوج :
Prof Djoudi + pr.Benkari (jdida )
بروف جودي كوراتها ساهلين خفاف وميحتاجش تاسيستيو
بروف بن قري كوراتها شوي طوال بصح مش حاجة لي صعيبة
من ناحية تاسيستيو ولا نن للبروف هدي هنا كاين لي عجبتهم وكاين لي معجبتهم تسما مدام قراتكم فدوزيام لي عجباتو ياسيستيلها ❤️
بالنسبة للموديل ايمينو ماهي سااهلة خلااااص ماهي وااااعرة كيما الوحش تع ميكروبيو ( نقصر برك ميكروبيو ثان مهيش واعرة لذيك درجة جيست كي تجي فلخر تاع لعام تولي تقلق )
كوراتها تقراو شغل ايمينو متطورة 😂 الحساسية ، les tests immunologique , les vaccins , greffe , HIV .. , les maladies auto immunes
فيها نرملمن 14كور هكاك ولا اكثر منيش شافية مليح
تقدرو تجيبو فيه علامات ملاح 😍