Don’t forget this 🤍

ربي يوفقكم ويسرلكم الشبيبة باذن الله فيها خير 🤍
🔮 كامل الدروس تحطوا ، ان شاء الله يفيدوكم (راهم pinned)
🔮 امتحان العام ليفات + السنة تاع Alger رانا خدمناه مع CT Officiel (pas proposée) ، حلوهم وجربوا فيهم نفسكم (pinned) 👌🏽
❗️زايدين شروحات يمكن خارج دروس سطيف لانه النسخة مش موجهة لطلبة سطيف فقط، كاين معنا جماعتنا تاع مسيلة لي متفصلين تفصال الارض (كل كور + 20 صفحة) فباذن الله تفيدكم كامل حتى طلبة باقي الكليات (لكن قدر الله انه تخرج متأخرة)

تاع سطيف بما انه الcontrôle قرب
- دروس Dr. Djoudi تحبوا تقراو مباشرة من دروسها اقراو ، أما لي لاحق يفضل يقرا من عندنا باه يفهم باذن الله على الصح
- دروس Dr. Boudjadi يفضل تقراوهم علينا لانه شارحة بزاف، بالعكس تفرجوا الفيديوهات اذا مزال ما تفرجتوهم

❗️الأخطاء والسهوات كامل لي كاين رانا حطيناهم باذن الله ، سواء لي يستاهلوا ينحطوا سواء لي لا، مام كاين بعض الأمور زدنا وضحناهم (Link تاع الأخطاء، أضغط عليه) 🙂✨

اخر تصحيح حطيناه قالت لبروف هزوها كيما راهي مكتوبة في الكور، يعني كيما كاتبينها كيما راها صحيحة اللهم زيدوا هزوا étiologies
بارك الله في الزميلة لي نبهتنا لهذ الأمر 🤍

Note (explication brq ahfdhoha mch nsinaha)
Cours : les sdr immuno prolifératifs
-Le myélome + amylose AL = plasmocytaire
-Macroglobulinemie de WALDENTRÖM + maladie de chaîne lourde alpha = lymphoplasmocytaire
-Leucémie lymphoïde chronique = lymphocytaire


+ ادعيولنا معاكم 🤍

كلشي حطيناه فليمينو راه هنا
دعواتكم ❤️

IgG4 يطلع مشي يهبط اعكسوها
(يعني اي مكتوبة في mecanismes ومشروحة لكن للي ما انتبه وحفظها لعكس)

On a oublié ce diapo , on a fait un schéma général yaeni f plaçtou mais bon check it 🤍 (cours SIDA)

Même Hado sra fihom decalage w tmhaw
Juste achfaw bli :
- les haptènes rahom des petits molécules devient immunogène uniquement après sa liaison à une protéine porteuse.
(Hadi hia li imprt fihom)

- Rejet de greffe humorale = HS II
- Rejet de greffe cellulaire = HS IV

موفقين 🤍

« اللهم اني استودعك ماحفظت وماقرأت فرده لي عند حاجتي اليه وماكان لي من نقص فاتممه بفضلك وكرمك إنك على كل شيئ قدير »
« رب اشرح لي صدري ويسر لي أمري واحلل عقدة من لساني يفقه قولي .... »
ربي يقدرنا ويوفقنا أجمعين ويسر لنا الامتحان 🤍

يادرا قريتوا دعاء السفر مبين لا تحلوا ولا لا (propos طوال) 😂
لمهم كيفه جاكم مليح ول 🤍👀

سلام عليكم ورحمة الله الشبيبة الزينة 😍
🔮 الزملاء لي مالفين يقراو علينا وعلى Réorganisations / notes لي نحطوهم، قولولنا رايكم بصراحة فيهم وخاصة تاع Immunologie
✅ تحبوا تبعثوا في Direct messages / NGL... لي تساعدكم لمهم أبعثوا وشكرا 🤍🫡
https://ngl.link/lumed33_

انذار دراما

في الأسبوع الماضِ، جانا وحد الهجوم وكذب على خدمتنا وصراحة ما كان الوقت المناسب حتى نردوا! لأنه للطلبة أمور أهم يهتموا فيها وقتها، لكن ما كاين ولا مانع حاليا بما انه رانا Post-contrôle ✨
وهذا الرد راح يكون أول وأخر مرة، ويا خسارة راه صاري في Promo تاعنا عكس الباقي 💔

🔮 الحمد لله كاين الكثير والكثير بعثولنا بلي طلعوا واعتمدوا على réorganisation لي حطيناها فقط 🤍 وحاب نقلكم بلي ما نحن الا سبب ثانوي بعد توفيق الله أولا ثم تعبك ✨
أما الناس لي راها تنتقد في الخدمة وتكذب علينا بلي خدمتنا "AI" كاين ثلاث انواع :
🔹 نوع عمره ما جرب يخدم ب Word / Canva / PDF ... فما يعرف مقدار التعب الحقيقي
🔹 نوع كاره وحاقد بلا أي سبب ، فقط Lumed ما تروق له
🔻 نوع كاره وحاقد رغم معرفته حق المعرفة بالتعب، لكن الكراهية والحقد هذا ينشره بين الناس وهذا النوع لي حرفيا راه يضر في أصحاب العمل لأنه راه يشوه في صورة خدمتهم ويحاول يفسدلهم النية و..

فبما أني Founder of Lumed واجبي أحمي الزملاء لي راهم يتعبوا في العمل ليفيدوا الأمة

🔻 نسخة Claude : ملخص داره أفضل AI كاين في الساحة حاليا ولي ماله أي منافس تقريبا
🔮 نسخة Lumed راها متواجدة في Canal ومام متواجدة في Drive (اضغط على الرابط وراح ياخذك مباشرة)
❗️في الأخير قارنوا بيناتهم راح تجاوبوا نفسكم اذا كانت خدمة "5 min" ولا لا ✨

🔮 رسول الله صل الله عليه وسلم أعظم الخلق وكان له كارهين من قريش ما يحبوه، فشكون حنا حتى يجتمعوا على حبنا الناس، لكن واجب عليكم تحترموا تعب لخرين وما تقللوا منه واذا ما تعرف أي حاجة ما تحكي ! قل خيرا أو أصمت 🤍
❗️ وما راح نتهجم على أي واحد في الأخير حاب نقول حسبنا الله ونعم الوكيل في كل من نوى ينتقدنا بلا أي حق وبلا أي دليل وكذبا وبهتانا 🤍

رسالتي ليك زميلي البشوش من أخ لأخ

✅ باذن الله Lumed تخص الدراسة وفقط، والحمد لله واثق في خدمتنا ومشاريعنا لي راح تجيكم مستقبلا فباذن الله راح نحكي عليهم وفقط دون استنقاص من أي تعب واحد أخر، ما نحتاج نقص من الباقي حتى نبينوا رواحنا حنا Top (الله يوفق جميع واحد نيته حسنة)
✅ مشروعنا مشروع خيري وربحي في نفس الوقت، لمهم مثل ما حكينا في مبادئنا من قبل، باذن الله ما دامك داخل معنا فمعناها راح تخرج مستفاد أكثر ما نحن راح نستفاد بكثير، في الأخير رانا نعطوك في أثمن حاجة عند الانسان ألا وهي وقتنا مقابل مبلغ رمزي تحشم حتى تحكي عليه، وهكاك ياك قلنالكم لي مش لاحق ماديا فأكيد حقه علينا وشرف لنا أننا نفيدوه 🤍
❗️وبما أنه المشروع هذا فيه ربح (مثلا كتاب Immunologie لي سعره 600DA ربحنا للنسخة الواحدة 100DA) فأنا واحد من الناس حاب نحلل رزقنا، لما نتعبوا في الخدمة نقلك بلي تعبنا ، لما يكون فيه Notes / عيوب / شروحات نقلك بلي فيه اللي فيه ! وفي الأخير انت راك بالغ حتى تقرر بنفسك وش يصح لك ✨
✅ ما ننكروا استعمال AI لأنه يسهل العمل نوعا ما، لكن مبادئي ما تسمحلي نعتمد عليه مباشرة لأنه ما وصل للدرجة لي ما يدير فيها ولا خطأ ، فأكيد لمستنا سواء من ناحية تنظيم ولا من ناحية مراجعة راح تكون كاينة دايما، وحاب نوضح أنه خدمتنا كامل في templates تاعنا مبنيين من 0 مش حمل مباشرة وش يعطيك AI ونعدلوا عليه
❗️ اذا صرا أي سهو أو خطأ فتذكروا أننا بشر وراكم تقراو على Edition 01 ولي تعتبر ممتازة جدا مقارنة بأعمال احترافية اخرى (نحكي على خدمة فرق اخرى لي كبار على مستوى الوطن كامل !)
✅ خدمتنا فن وكل أعضاء Lumed فنانين ما شاء الله، لكن ما يعنيش أننا أحسن منكم لأنه في الأخير كل واحد وش يميزه، حنا عطانا ربي موهبة في التلخيص كاين لي ربي عطاه في الرسم الخ.. فما كاين ولا سبب يخليك تحقد علينا هكا لكل واحد ميزاته 🤍😂
✅ الحمد لله Réorganisations تاعنا عالمية وأحسن من دروس Les profs ، لكن عمرنا ما قلنا أننا نفوقهم علما، في الأخير كل واحد وواش يسعى من دروس لي حاطهم :
- حنا نسعوا ديما أن أي واحد يقرا من عندنا يفهم مباشرة وما يتعب كثير ، ويستغل الوقت المتبقي باه يبحث في المصادر الخارجية على معلومات أكثر ( لأنه حاب نذكرك بلي نتا طالب تابع لوزارة التعليم العالي و"البحث العلمي" )
- الـProf يخدم / يجيب دروس بهدف أنه يقدر يقدم درسه بشكل سلس ومفهوم ( عليها بعض منهم يديروا مباشرة Les schémas بلا أي شرح مما يلزم عليك تحضرله )

بالمختصر

اذا حابين الربح السريع فكاين بزاف أمور نقدروا نديروها حتى نحققوا هذ الأمور :
- نستثمر دراهمي كأنها تجارة بحتة عوض ما نعطيك أثمن ما عندي (وقتي)
- النسخ تتحط في أقرب وقت ممكن حتى يكون عليها اقبال عليهم، علاه نخلوا حتى Semaine blockée حتى تتحط
- نبيعوا غير نسخ الكترونية لانها لا تحتمل الخسارة أبدا بالعكس ربحهم يكون x5 ou x10 واش تدخل من نسخ المطبوعة ، ناهيك على الطريقة اللي نتعاملوا فيها مع المكتبة لي قادر ترجع علينا بخسائر أصلا (هذا كامل باه ما تضيعوا وقت ما بين لا النسخة تتطبع خاصة لما يكون كاين ضغط على المكتبة)

وبنفس الجملة لي بديت بيها الكلام حاب ننهي بيها الكلام : حسبنا الله ونعم الوكيل في كل من أراد بنا سوء 🤍
والسلام عليكم ورحمة الله 🤍