نكملو ضكا S2

بعد ما تكملو كارديو لي هيا أطول اينيتي فالعام ضكا يجيوكم اينيتيات خفاف وحلوين 🥹🤍
سوماستر الثاني فيه :
3unités + 3 modules
Unité :neuro + endocrino + gastro
Module : parasito + immuno + microbio

Neurologie

نبداااو اينيتي نوروو 😍
هنا جماعة تسحقو فيها كورات وشويا معريفة قديمة :
Physiologie neuro : الكور الثالث تاع conduction + sys pyramidale et extrapyr + diff types de la sensibilité ..
+ histologie de la peau
وش تقراو فيها ؟
La semiologie :
🔸Semiologie neuro : Les sdr تقراو مختلف متلازمات لي كاينة فالنورو بزاف حلوين بزاف ساهلين وخفاف وشابيين جيست لازم تكونو شوي شافيين على فيزيو نورو ولا حتى تحطو ليريزيمي تاعكم ولا كتابنا قدامكم كي تكونو تقراو
Les sdr comme : sdr cérébelleux , myogène , mysthénie ..
🔸Semiologie locomoteur : شوي صامطة 😂😂 بصح عادي تقراو فيها على العظام و الكسور و كيفاه تفرقو بين
Douleur mécanique et douleur inflammatoire
وطبعا السيميو كامل صوا سيميو كاردياك ولا نورو ولا لوكوموتور راح يكون كاين كور تاع examen clinique يعني كيفاه تستقبلو المالاد وش تسقسوه ..
🔸Semiologie cutanné : فيها كور واحد عند بروف ميمون اسيستيوه 😍 ساهل وشباب تسحقو فيه شويا histologie de la peau تعرفوها برك خفيف خفيف

Physiopatholgie :📉📈 هنا تقراو حوايج مش داخلين فالنورو رايحين تقراو على الاختلالات تاع الشوارد في الجسم تاعنا وكيفاه يأثرو + كور تاع Hypertension intracranienne (HIC )
DysNa+ / DysCa+ /Dysmg / DysPh

Radio : 🩻
Radio du crane + Tdm cerebrale en urgence +pathologie vasculaire cérébrale : الجلطات الدماغية وكيفاه تفرقو بيناتهم ووش أول راديو نستعملوه ..
Radio du rachis en tdm irm ...
Imagerie du bassin

Biochimie :🧪 LCR + les enzymes + les liquides d'épanchement معندهمش علاقة بالنورو بزاف

Parasitologie

نحكيو على موديل آخر Parasitoo 😍
موديل بزاف هايل بزاف حلو بزاف شباب 🥹 والبروف بزاف هايلى اسيستيو متندموش حرفيا وتستاهل تاسيستيولها وكي تكون تقري أصلا تقلكم على واش تسقسي
معباليش شكون خوفكم منو ولكن تقدرو تشوفو لافيشاج تاع بارازيتو تاعنا ولا رايحين تشوفو العلامات + اي تعاود لي كيسيام واذا معاودتهمش تعاود افكارهم واذا ما اسيستيتوش اسمعو فوكالها 😍❤️
وش تقراو فيه ؟ تقراو فيه على les parasites بأنواعها منهم الفطريات و الدودات و les protozoires تقراو فيهم les parasites لي عندهم أعلى نسبة قتل فالعالم + الدودات لي منتشرة بزاف 🫶

بصراحة مشكيتش تقدري إلا اذا حرفيا تبقاي غير فلبيرو تقراي
واذا دارولكم سيستام توت او ريا راح تلتاي غير بالقراية
او ممكن ضكا فبداية لعام تحسي نورمال وكذا وكارديو فيها ثلث شهر لكن مبعد فلخر كي يقرب لباك ويولي عندك خرفيا كل سمانة كونطرول متلحقيش ابدا ابدا
زيدي صلي استخارة الطبيبة وربي يوفقك لما فيه خير لك

ايه وتروكوشي +3 فوا
ركزو على وش يركز لبروف فلكور تاعو

كثرمن ثلث مرات
زوج مرات ميجيبولكش بصراحة
وكاين كورات تبقا غير تراجع فيهم
+ روكوشيو مع لي كيسيام ولي كويز

تقدرو تسقسيو عادي ❤️
بالنسبة للانجليزية ننصحك تقراها شويا هد الصيف ضك تلقا فاليوتيب هكا لشتا مفردات
وبإذن الله lumed تكون معاكم ❤️
ليبروف راهم يشرحو بلفرونسي بصح لكور بلونجلي ومام لكونطرول تسما سيي تقرا بلونجلي لخاطر كونطرول حيجيك هكاك

نقدر نقلك فيها وعليها
بصح طبعا الحالة الطبيغية هيا لاباز باه تفهم وشنو باتولوجيك
كاين كيما تورو مستحيل تقدر تفهمها بلا متكون قاري الحالة الطبيعية كيفاه تكون
مثلا ديجاستيف ثاني
وكي تكون عفسة مهمة راهم يديرولكم رابال فلكور متخافوش يعني بصح متغنيش على لي قاري صحصح كي يلقا رابال يتفكر مش يعاود يقرا من جديد ❤️

بالنسبة للسطاج ضك نحكيلكم عليه وحدو
و مكاش هدي يقولولكم مفيهش فايدة وكذا ضك نمدلكم حوايج تديروهم ونشرحلكم كل سارفيس كيفاه يتعاملو فيه باه تستفادو استفادة قصوى متبقاوش واقفين

مهيش صعيبة شارجي برك
مثلا ضكا كي تبداو كارديو مكاش لاشارج خلاص بصح لي مبداش يقرا معاها انابات وفارماكو فلخر يتضغط وكيف كيف بالنسبة لل S2z
باه تتجنبو اقراو كلشي من لول متراكمو حتى حاجة

هاي هاااييي
نكملو مع السلسلة😍🤍
نحكيو ضكا على أوندو و إيمينو ✨👀

Endocrino

اينيتي ساهلة بزااااف مفيهاش بزاف ليكور ميفوتوش 30 حلوة خفيفة و تعتمد بشكل كبير على دوزيام لي قرا دوزيام اوندو طروازيام تجيه شغل مراجعة حرفيا 😂❤️
تقريبا نفس حتى عناوين ليكور 👀 خاصة بيوشيمي
هيا نبداو ضكاا 😍
Sémiologie
🔸Sémio endo : تقراو فيها على الغدد و أمراض تاعهم مثلا hyper/hypothyroïdie ، prostate , glande surrénale ..
🔸Sémio génital : ( gynéco + app genital masculin )
تقريبا جزء تاع genital fem هو الأكبر > تقراو كيفاه يندار examen عند جينيكو ، les pathologie de l'app تقراو ثاني على sein فالمسيلة دارو كور وحدو على cancer de sein ..
وعبالكم مع أفضل بروف 😍 شوالي 👀 بزاف بزاف بزاااف هايلة اسيستيو 😭😭❤️
🔸Sémio urinaire : تقريبا زوج كورات بصح نفسهم هه حنا دارولنا زوج كورات وكل واحد فيه معلومات ولينا جمعنا المعلومات ❤️فكور واحد مع لينوت و حطيناه فلوماد
كور ساهل وخفيف ومن اسمو بايين 😭

Radio :
Thyroide - prostate - sein .. ساهلة وحلوة وخفيفة 🌷🥹

Biochimie : نفسها تاع دوزيام 🙂 زايد فيها برك كيفاه نديرو prélèvment + les valeurs normaux فيها ثمن كورات ) لينيتي الوحيدة لي فيها عدد كورات لبيوشيمي بزاف هيا لوندو مع ذلك متخافوش منها مع السيميو وكذا تلقاو معلومات متشابهيين
Physiopathologie :
كي العادة شويا مختلفة ولكن تقراو فيها على acidocétose diabétique ,dysk وأيضااا كور تاع acidose et alcalose metabolique ..
مدام جبدنا عليها نقلكم بلي كور équilibre acido basique راح يبقا يلاحقكم 😭😭😭😭 لي مقراهش فدوزيام راح يقراه فطروازيام ويزيد🥲

Immunologie

نروحو ضك لموديييل الإييميينو 😍
حنا قراونا فيه زوج :
Prof Djoudi + pr.Benkari (jdida )
بروف جودي كوراتها ساهلين خفاف وميحتاجش تاسيستيو
بروف بن قري كوراتها شوي طوال بصح مش حاجة لي صعيبة
من ناحية تاسيستيو ولا نن للبروف هدي هنا كاين لي عجبتهم وكاين لي معجبتهم تسما مدام قراتكم فدوزيام لي عجباتو ياسيستيلها ❤️
بالنسبة للموديل ايمينو ماهي سااهلة خلااااص ماهي وااااعرة كيما الوحش تع ميكروبيو ( نقصر برك ميكروبيو ثان مهيش واعرة لذيك درجة جيست كي تجي فلخر تاع لعام تولي تقلق )
كوراتها تقراو شغل ايمينو متطورة 😂 الحساسية ، les tests immunologique , les vaccins , greffe , HIV .. , les maladies auto immunes
فيها نرملمن 14كور هكاك ولا اكثر منيش شافية مليح
تقدرو تجيبو فيه علامات ملاح 😍

يا درا 😭😭😭😭😭...

السلام عليكم ورحمة الله
الـ Canal هذي راح تبقى خاصة بـ 2nd year students، اما الخاصة بالسنة الثالثة فهذا هو الرابط تاعها :

Lumed — 3rd Year : https://t.me/Lumed3rd

باذن الله مستمرين معكم دائما ، والقادم أجمل 🤍😍

Already 02 - 08 !?
وقتاه بدات العطلة حتى دخل أوت 😔

Promo 2024 ما زالكم هنا؟
نذكركم انه القناة هذي راح تبقى خاصة بـ 2nd year يعني خصكم تنظموا لقناة 3rd year ✨

Lumed — 3rd Year : https://t.me/Lumed3rd

Promo 2025 🔥
باذن الله نحكولكم على 2nd year الأسبوع هذا ولا أخر الشهر 🫡

نحكيو على الدوزيام 👀✨
كونوا فالموعد 🌷🫶

P24 اذا مزالكم هنا راني بديت نحكي على
طروازيام فكانال تاعكم
باه نبدا نحكي على دوزيام هنا ✨🫶
https://t.me/Lumed3rd/604
https://t.me/Lumed3rd
افرزو رواحكمم قبل الدخول 😂😂😂

2nd year of medical school

نظام مختلف كليا على 1st year.. نظام راح يصدم بزاف ناس خاصة عند النتائج.. هل هو صعيب لهذي الدرجة؟ ولا الناس يبالغوا فقط 👀
باذن الله راح نوضحوا كل شي ونبداوها حبة حبة :

نظام التدريس : Unitaire

🔮 راح تدرسوا في هذا العام 5 unités :
U1 : Cardio-respiratoire (جهاز القلب والدورة الدموية والجهاز التنفسي) : 5 Semaines
U2 : Digestive (الجهاز الهضمي) : 5 semaines
U3 : Urinaire (الجهاز البولي والكلى) : 3 semaines
U4 : Endocrino-génital (جهاز الغدد الصماء والتناسلي) : 7 semaines
U5 : Système nerveux + organes sensoriels (الجهاز العصبي والاعضاء الحسية) : 6/7 semaines
كل وحدة راح تدرسوها منفصلة في مدة محدودة، يعني حتى تخلصوا l'unité وتعقب Examen تاعها باه تبداو تقراو لي بعدها
بمعنى اخر Examen كل شهر تقريبا بخلاف 1st year كل سداسي 🙂✨

⁉️ صحة في كل unité وش راح نقراو؟
كل unité فيها 4 modules ، كاين 3 ثابتين : Anatomy , Histology , Physiology وواحد يتغير على حسب l'unité (اما Biophysics ou Biochemistry)
Biophysics : U1 + U5
Biochemistry : U2 + U3 + U4

🔮 وفي أخر العام (يعني لما تخلصوا Les unités) راح تدرسوا 2 Modules :
Génétique (علم الأجنة) + Immunologie (المناعة)
ساهلين ومشابهة لقراية الثانوي ، ويمكن يقروهم تزامنا مع Les unités (عادة مع اخر وحدة في سطيف / مسيلة)

Exams صعاب؟

- راح يكون من نوع QCS (اختيار واحد) وعدد الأسئلة تختلف من وحدة لوحدة، لكن الشيء الأكيد كلهم +70 QCS
- راح يكون كاين Système compensatoire كيما كاين 1st year ، يعني اذا ما طلعت وحدة تقدر تعوض في الثانية لطالما كانت فوق النقطة الاقصائية 5
- معامل الوحدات متساوي بينهم كامل (4)، ومعامل modules راح يكون نصف الوحدات (2)
- الانتقال للسنة الثالثة اكيد : المعدل العام فوق 10 وما كاين ولا وحدة / module فيه نقطة اقصائية (تحت 5)

بالنسبة للـمحاضرات والأعمال الموجهة

راح يكون نفس التوقيت، المحاضرات يكونوا في الصباح، والأعمال الموجهة العشية، وعندكم TD في Anatomy - Histology فقط، عادة Physiology يديروهم على أساس درس (ما عدى في U5 Neuro)
TD Histology :
عادة يكون في اخر الوحدة، ونصيحة أخ تبعوا فيه لأنه عادة يلخصوا فيه Histology كامل الوحدة، واذا شايف نفسك ما راح تبع ، ما تفسد على زملاءك والزم الصمت
TP Anatomy :
راح يكون تقريبا Auto-formation ، يعني يعطوكم المجسمات ونتوم أدرسوا وحدكم، يمكن Prof يجيكم retard بنص ساعة أو أكثر عادي ما تخرجوا وتحسبوه ما جا (تلقاو رواحكم غياب وتجروا باه تعوضوا 😂)، أستغلوه حتى تراجعوا وش قريتوا ولا قروا بعضاكم وحاولوا تاخذوا ذاكرة بصرية لواش راكم تقراو لأنها تفيدكم بزاف في Anatomy (لي معظم الطلبة يكرهوها في 2ème)
ولما يجي Prof حاولوا تطرحوا عليه كامل أسئلتكم وراح يجاوبوكم باذن الله ويشرحولكم 🤍

هل 2ème صعيبة ؟

اختلاف النظام بين السنتين هذو لي راح يخلق الصعوبة، لأنه أغلب الطلبة في النظام السداسي يكونوا مرتاحين في البداية وان تأخروا بشهرين أو أكثر، راح يكون عندهم مدة كافية يتداركوا فيه ما فاتهم
ناهيك على الدروس القليلة في 1er
لكن 2ème؟ الوحدة عندها وقت محدود يعني لو تتأخر بأسبوع أو أسبوعين راح تلقى نصف البرنامج فاتك 😐 فتدارك في الوقت المتبقي صعب كثير وحتى اذا قدرت تلحق تقرا كل شي، راح تكتشف أنك قريت بشكل سطحي وهنا تدخل في حيط لما يجيك الامتحان..

🔻لما يبدا العام دير في حسابك بلي راك متأخر، ما تقتل روحك بالدراسة وفي نفس الوقت ما تأجل، الوحدة الاولى فيها 40 درس فلك ان تتخيل لوكان تأجل ✨
🔻خصك تلقى النظام لي يناسبك في الدراسة، وتدرس بذكاء وجهد في نفس الوقت
🔻معظم الناس يديروا خطأ أنهم يفهموا برك بلاما يحفظوا ويقراو الدرس مرة وحدة حتى يقرب الامتحان باه يقراوه للمرة الثانية وهنا ينصدموا ، راح يفيقوا برواحهم بلي نساو وش قراو ومع ضغط الامتحان هذاك هو ✨
🔻في السنة الأولى كامل الامتحانات كانت 20 / 30 QCM تقريبا ، عمركم لا وصلتوا لـ+70 فلما تجوز أول امتحان لك راح تنصدم خاصة مع ضيق الوقت (مثلا الوحدة الأولى 80 QCS في ساعتين؟ نسيت) راه يلزم تحل Simulations حتى تعود نفسك على المدة هذي، يعني ما يكون Examen هو أول تجربة ليك تحل هذ القدر من الأسئلة

بالنسبة لنا Lumed

باذن الله نكونوا معكم كيما كنا مع Promo لي قبلكم، سواء من ناحية كتب Réorganisations أو QCMs ، حتى النصائح كيفه تدرسوا ، الأخطاء لي تتفادوها ... يعني ما تخافوا وباذن الله يعقب من أحلى العوام 🤍🫡

نبداو نحكيو على كل وحدة وش تقراو فيها

اذا نبداو بأول وحدة :
Cardio-Respiratory System 🫁🫀:
تعريف بالوحدة :
هي أطول وحدة من ناحية الدروس والوقت بعد النورو
معلوماتها يحتاجو حفظ وفهامة وممكن فهم أكثر من غير اناطو
عندكم فيها زوج محاور اساسية✨ :
Cardio + Respiratory
يكما شرحتلكم الوحدة متكونة من اربع مواد وكل مادة تقراو فيها محور cardio ومحور repiratory

Anatomy

🫀Cardiac anatomy :
- تقراو بالتفصيل القلب من داخل والخارج و الدورة الدموية تاعه
🫁Repiratory anatomy :
بالتفصيل الجهاز التنفسي + rib cage
تزيدو تقراو ايضا المقاطع العرضية وتحتاجوهم يااااسر

Physiology :

⭐️Cardiac physio :
هنا تقراو على الدورة الدموية + cardiac output + Coronary pressure
خفيفة وحلوة وفيها خمس كورات 🥹🫶 تزيدو معاهم Td ecg لي يعبتر الأساس تتعلمو كيفاه تبلاصيوه وتقراوه ووش معنى تاعو ..
بزاف هايييلة 😍🫶
⭐️Respiratory :
هنا تقراو على الغازات فالدم واهميتها Co2 O2 وكيفاه يمشي فالجسم تاعنا وش حوايج لي يريقلوه وايضا عملية التهوية ventilation ف lungs .. 👀✨

Histology :

هنا تزيدو نعاهم محور ثالث لي هو Hematology ( الدم )
صو يولي عندكم
💫Cardiac histology :
تقراو فيها Dev embryonnaire وهد الكور راح تقراوه فجميع لي زينيتي كل اينيتي تقراو فيها dev embryonnaire
لس هوا بالانجليزية
embryonic development
يعني تطور الجهاز فالمرحلة الجنينية
بزاف مهم 👀 وكيما عبالكم ايستو علم الانسجة يعني تقراو نسيج القلب و الأوعية الدموية و تفرقو بين الشريان والوريد على المستوى النسيجي ..
وطبعا ايستو ليبروف تاعها هاييلييين 😻

💫Respiratory :
كيف كيف تقراو embryoniv dev وتزيدو الأنسجة تاع الأعضاء التابعة للجهاز التنفسي

💫Hematology :
هنا تقراو كل ما يتعلق بالدورة الدمية تصفية الدم وأين تتم صناعته وومن واش يتكون .. والاعضاء لي داخلة فيه تقراو الأنسجة تاعها كيما thyumus و Spleen ..

نفوتو لآخر حاجة لي هيا

Biophysics

راح تقراو فيها على فيزياء الدم فالاوعية الدموية و كيفاه يمشي والسرعة تاعو و قوانين الفيزيائية بصفة عامة ..
تحت اشراف استاذكم القدير بلقط 👀❤️

وباه نقلكم برك Lumed راح تكون دايييماا معكم 😍

اذا كاينين أسئلة بخصوص السنة الثانية ولا وحدة الكارديو قولولي قبل منفوتو للديجاستيف ✨🤍
https://ngl.link/lumed33