تم التعديل 🤍
+ version PDF للي حاب يطبع

سلام عليكم زملاءنا تاع 2ème 🤍
ان شاء الله تكونوا طلعتوا اوندو 🤍 ولي ما خدم بالشكل المطلوب فحاب نقلكم بلي بقاتلكم اخر unité و 2 modules فخصكم تبذلوا le maximum 🤍
Neuro يا Neuro زعما صح تخلع؟
كيما قلتهالكم نهار حكيت على endo نقولهالكم ضك ، يمكن افضل وحدة تعقب عليك في 2ème وبنسبة لي هي افضلهم، ولكنها راها اطول وحدة (7 Semaines)، سو ما خصكم تدخلوا في روطار خلاص خاصة Anatomie - Physiologie وضك نحكوا عليهم حبة حبة

Les modules d'unité 05

Anatomie :
أطول موديل راح تقراوه في الوحدة هذي (أقل حاجة18 كور) وثاني اهم موديل بعد الفيزيو، على قد ماهو ساهل وحلو على قد ماهو صعيب بزاف، خاصة من ناحية les schémas لي ما ينشافوا ولي راح تنخلعوا منهم في لكورات 😂 ، ناهيك على تفاصيل لبزاف لي فيه ولي يتخلطوا نوعا ما كي تجي تحفظ
هنا عكس ليزينيتي لي قبل، ,واجب عليكم تقراوها ب apps 3D كيما Atlas - Learning anatomy لانه ما تقدر تتخيل وحدك وخصك تكتشف التفاصيل الصغيرة لي ما يبانوا بهذوا البرامج حتى يسهال عليك الفهم والحفظ مبعد

Physiologie :
ثاني أطول موديل (تقريبا 16 كور) وأهمهم ، ساهل خلاص وراح تستمتع ونتا تقرا فيه وحلو يتفهم ، الا انه يا كثر التفاصيل لي فيه وعلى عكس فيزيو تاع باقي les unités ، مستحيل تعتمد على الفهم برك ، موديل يتحفظ حرفيا وبتفاصيله كامل ثاني
- بنسبة لتاع سطيف تقريكم Dr. bellouz ولي حرفيا ربي يبارك اسطورية، تشرح ملييح وخفيف تسهل عليكم بزاف ، من غير كي تشوفكم عاقلين يمكن تعاونكم (تنحيلكم شوي من لكورات وتقلكم ما تقراوهم ومرات تقول هذا العنصر "يمكن" نسقسي عليه لكن مش بالضرورة تسقسي هه)، ما تدير بزاف les notes لكن كاين بعض diapos لي محطوطين على شكل مخططات / schémas برك ومش مشروحين فهنا خصكم تبعوا معاها وتفهموا شرح تاعهم وتكتوبه عندكم

Histologie :
موديل مالقري فيه بزاف كورات (14 كور) الا انهم كامل قصار وحلوين باذن الله ما راح تلقاو فيه اي صعوبة وحلو ياسر
خاصة تاع سطيف لا قراتكم دقصي اغلب الكورات كيما حنا راح تستمتعوا سواء في قراية histo سواء في control

Biophysique :
ممتعة بزاااف وساهلة خلاص تقدروا حتى تقراوها سمانة لخرة ، اقراوها على Biophyman حرفيا شارحهم مليح ولكورات لي شرح بيهم (تاع alger) نفسهم تقريبا لي قرا بيهم Guechi (سطيف)
حتى قشي يشرح مليح في لينيتي هذي واسئلته بسييييطة (راه قرا اخر عامين برك سو كي تشوفوا qcms تفهموا وش راني نحكي) وشافي دارلنا مراجعة في ساعة ونص لخص بيوفيزيك كاملة وخرجت من عنده فاهم مالقري مش قاريها + عطانا hints على ديابوات والعناصر لي راح يدير اسئلة عليهم

Part 01!

كنت ناوي نحطه بعد الفطور الا انه راح يبداو العشر الأواخر فخلي نحكوا عليهم ضك احسن 🤍🫡
ضك نكمللكم Part 02

❗️ بنسبة لأناطو علاه قلنا أقل حاجة 18كور و Suivie des cours حطينا 23 هكاك؟
🔹 لانه بعض من Les nerfs crâniens يمكن تقراوهم وحدهم كيما Promo 22 يمكن تقراوهم ضمنيين مع كورات خلاف
nerf II optique , oculomoteurs (III - IV - VI) => Appareil de la vision
nerf IIIV => Appareil de l'audition
اما بالنسبة للباقي ، لاحظت بلي nerf Facial - Trijumeaux ثابتين ديما يتقراو وحدهم، اما الباقي كل مرة وكيفه (حنا مقريناهم بسبب la grêve ولاننا قريناهم مع endo أصلا، بنسبة ل P22 قراو IX و X)

❗️أناطو وفيزيو خصكم تقراوهم لا قدرتوا يوميا حرفيا ، طوال وفيهم تفاصيل بزاف يتحفظوا عكس ايسطو وبيوفيزيك لي ساهلين وتقدر تجيب منهم 7 نقط بالراحة ، خصكم برنامج تنظموا فيه رواحكم باه ما تتعطلوا واسيستو نصيحة مني، راح ينحي عليكم تعب كبير تاع تقرا وحدك

🔻 نورو ما راح تتقرا وحدها وأغلب الظن راح تقراو معاها موديل (Immuno - génétique) وواحد يبقالكم بعد، يمكن أول مرة بنسبة ليكم هذ العفسة لكن حاب نقلكم بلي ما خصكم تهملوا module على حساب لينيتي لانه ناس يطلعوا بيهم وراهم ساهلين ، تركيز اكيد يكون 80% رايح للينيتي لكن الموديل ما تضربه في 0 وضك نحكي عليهم في Part الجاي

Part 02!

Les modules

ليموديل حلوين بزاف ورايحة في قراية ليسي سو عندكم نظرة عليهم ديجا
Immuno = Bac (3ème) , Génétique = 1ér + 2ème
أغلب الظن ايمينو تقراوها مع نورو، جينيتيك تبقى هي الاخيرة وحدها والله اعلم

Immunologie :
راح تقراو على المناعة وكل ما يتعلق بيها (LB LT الاجسام المضادة ...) ، فيها مابين 15 الى 18 كور وما راح تتعبوا ونتوم تقراو فيها
تاع سطيف كاين 2 profs يمكن يقروكم :
- بروف Djoudi (قرات لعام ليفات أول مرة) : بروف كوراتها بسيطين وملخصين وما تزيد لينوت ، تقرا من diapos برك.
- بروف Benkari (مالفة تقري هي) : بروف كوراتها طوال وفيهم تفاصيل عظيمة ونفسها لي تقري 4ème pharma ، ما تزيد لينوت لانه اصلا كوراتها ما يخلاصوا وفيهم تفاصيل الارض، تشرح مليح على حسب وش قالولنا واسئلتها بسيطة تاع تقرا تدي مش اسئلة تعجيزية

بنسبة للبروف جودي : لكنطرول لي دارته لعام ليفات حرفيا لي مش قاري ولا حاجة ويجي بثقافة عامة (قراية الباك) يدي 12 14 ، ولي قرا كاين لي داو حتى 20 ، لكن هذا ما يعني انها قادرة تدير كنطرول محترم (مش تعجيزي) لانه هذا دارته باه تعاون جماعة rattrapage !! فما تتغروا وما تقراوها (في راطراباج ما طلعوها لانه حسبوا راح يكون من نفس niveau كنطرول لي عقب تاع تجاوب بثقافة عامة ، ايا دارته اصعب شوي وخلات غير لي قاري يدي)

Génétique :
فيها 15 كور اذا ما خاب ظني، كامل قريناهم في ليسي الا 3 ولا ، وحرفيا 80% نفس التفاصيل قليل وين تزيدوا تتعمقوا كثر على وش قرينا من قبل، كورات ثابتين تاع بروف صفي الدين وفيهم كثرة الهدرة بزاف لكن ساهلين ما يخلعوكم
وضك نحطولكم Version PDF تاع لي خدمناه لعام ليفات مع تعديل عليه وزدنا التفصيل لي نسيناه ولي تسقسي عليه 🤍

Part 03!

Lumed génétique 2e année

Résumé sous forme des tableaux détaillés avec QCMs justifiés. (موديل كامل)

🔹جماعة الفارما باذن الله تلقاوه عند ماستر متوفر 🤍
🔹تاع الماد هذوا تحتاجوه في لخر تاع العام كي تجوا تقراوها 🤍

(تنويه بسيط : لي عندوا النسخة القديمة ما يقرا منها لانه كان فيه بعض الاخطاء + زدنا فيه شويااا)

هل تقدروا تعتمدوا عليه؟ باذن الله ايه ما تلقاو حتى مشكل ، نا شخصيا مالقري قريت 60% من بروقرام منه مباشرة ديت 14.67 ، كاين لي قراو منه في سمانة بلا ما يرجعوا للكور داو 18 🤍 لكن يفضل تقراو من لكور وترجعوا ليه

Small guide للي دخلوا جدد :
Suivie des cours
Unité 05 Neuro وش راح تقراو فيها وعندمن :
P1 - P2
Les modules لي راح تقراوهم مع / بعد neuro :
Immuno - génétique (P3)

- Résumés génétique
- Résumés immuno (Pour les étudients tae M'sila brk! by Arteria)
- Livre neuro!?

تاع مسيلة كوراتكم مختلفين شويا بزاااف على تاع سطيف في ايمينو، سما يفضل تقراو على تاع Arteria بما انه راح تعقبوا بعد العطلة مباشرة، تاع سطيف نهتموا ب Neuro مبعد نخدموا ونعدلوا على ايمينو و تتحط باذن الله كيما génétique 🤍

جيتكم مع ملخصاتي الشابين🩷😁( حوحو يشكر في روحو😂)
هذو ملخصاتي في immuno لأغلبية دروس
لي ما لخصتهمش قريتهم من ليكور فقط 🤍
#arteria