كاين لي مزال مبداش ؟؟ باه نضربكم 🙂

بالنسبة للناس لي كانت عندهم ظروف بصراحة هد الأمر عادي ❤️ و كل واحد يصرا فحياته تغيرات مرات يحتاج راحة لأنو مكاش فحياتنا غير الميدسين 🌷

بالنسببة للجماعة لوخرا معنديش وش تقلكم صافي خوتي مكاش وقت لتأنيب الضمير 🙂 بقا وقت تشدو فيه العزم

لي مزال مبداش نديرلكم خطة جنونية تاع آخر دقيقة تتعبو بصح عالأقل تطلعو 🙂
لي مزال مبداش :
أولا تحكم الدار مكانش الخرجة لا من لا من 😍
تخير زوج موديلات من اناتو ايستو فيزيو
( خير لي متمكن فيهم مثلا كاين واحد يقرا اناتو مليح بصح فيزيو شوي شوي تسما هذا يخير اناتو ايستو )
وش ننصح : تخيرو ايسطو لأنو ساهلة وتزيدو معاها فيزيو و لا اناتو على حساب كل واحد من واش متمكن

ديراكتمو خويا عندك زوج كورات صبح زوج كورات لعشية فليل تروكوشي وش راك قاري من قبل
ف سبعيام راح تكون كملت 28 كور تقريبا نص لينيتي

ومتديروش لعفسة تع تخيرو كورات قصار و تقولو صاي اني قريت 🙂 كي تشوفو كور قصير كيما مثلا gg vegetatif متقراوهش وحدو وتحسبوه كور زيدو معاه gg rachidiens

نصائح :
حلو ليكيسيام بزاف كل ما تروكوشي حل لي كيسيام
كثرو لي روكوش احسن من انو تقراو كور مرة وحدة لأنو ضك رانا فعملية جمع النقاط مبقاتش تقرا باه تقرا ضك تقرا باه تطلع
استعينوا بالله و ادعيو بزاف بزاااف على قد متقدرو و حافظوا على وردكم لأنو القرآن يزيد البركة فالوقت 🫶" ما زاحم القرآن شيئا إلا باركه "
و كيما قتلكم اتكلوا على الله ومتبقاوش تخمو لو و لوكان بديت ولوكان درت لأنو ضك صاي مبقاش وقت لتأنيب ضمير
ومل ميفسد برقرام عاودوه ولوكان ميتين مرة

وبيوفيزيك رانا فارضين انكم قاريينها هذي مفروغ منها 😭 ساهلة تقدر حتى ترعدها وتحل qcms لي دارهم لبروف وتدي فيها باذن الله 🤍

لي مبداش يروكوشي كاين ضك فريقين :
1 - مزالو يقرا مكملش لينيتي بضح مبداش يروكوشي :
هنا حماعة نمد نصيحة بصح شوفو وش يخرج عليكم ❤️
طريقة لولة : تروكوشي نفس الكور من ليموديل فثلاثة :
مثال :
Anato oreille -physio oreille - histo oreille - biophy audition
طريقة ثانية تروكوشي بالنص موديل فحالة مراك مروكوشي والو
وكتاه تروكوشي ؟؟ متخيروش فترة صباحية تاع ورا ما تنوضو هذي لا أنصح لأنو راح تنعسو و أصلا الفترة الصباحية ( الفجر ) مخصصة للحوايج المعقدة مثلا تمارين معقدة تقرا كور جديد وواعر .. لأنو كورتيزول يكون طالع
ومتروكوشيوش فليل طول قبل النوم لأنو أيضا راح تكونو عيانين و مخكم مليان معلومات ويحتاج النوم باه ينظم معلومات هدوك فبلايصهم ( تخيلو مخكم شغل مكتبة ولاوم تنظم كل معلومة فالدرج تاعها )
الوقت الأفضل تروكوشيو فيه هو فالنهار
هنا تحبو مثلا تقراو كور ايستو تروكوشيو معاه كورات اخرين تاع ايسطو ولا ورا متكملو مهامكم تبداو تروكوشيو وتريفيزيو خفيف وش قريتو

وش ديرو كي تروكوشيو :
1- حلوووو لييي كيييسياااااام / فلاش كاااردز / لي كويييز ...
2 - الناس لي تحفظ هاي موالفة هز واحفظ و ناس لي متقدرش تحفظ كيفي تقرا كور شغل راهي تفهم فيه لواحد اخر شغل اقراوه بالصوت وكل معلومة اشرحوها كيما راكم تقريو فواحد قدامكم


ضك الفريق لي راه مكمل بقاولو كورات خفاف وراه لاحق يمشي مع لي بروف
هدا يبدا يروكوشي ديراكت بليموديل وكل ما زادو كور يقراه وهذ الفريق ننصخو يا خوتي متفشلوش ومتخليوش هد سمانة لخرة متقراوش كملو تقراو للخر هذي السمانة هي لي لازم تقراو فيها وهي الصح 🤍 ولذلك عندكم تحبسو 🫶

ختي راكي مليحة كملي برك متحبسيش 💫 كملي بمعدل ثلث كورات فليوم و روكوش à chaque fois
متفشليش برك وربي يوفقك والله 22 كور راهي تقريبا نص لينيتي ❤️

ادعولها كامل جماعة 🤍
يارب تدي حتا ل 20 🫶 وفقك الله ويسر لك متفشليش فقط كملي للخر 🫶

ليكيسيام غير ما تفرطوا فيهم خاصة فيزيو وأناطو، باه تعرفوا ستيل الأسئلة كيفه راح يجي وتعودوا رواحكم على طريقة الجواب، غير هذا يمكن تكون قاري مليح لكن ما تقدر تجاوب بعيد الشر فانتبهوا 🤍

كاين أمل ايه لكن راح تضربه في الصفر اذا ما روكوشيت ، تفاصيل كثيرة مستحيل تبقى شافي عليهم من أول قراية، فأبدا تروكوشي وأقرا الجديد بعد ما تروكوشي 🤍

أقراو وش حكينا وخاصة لي درنالهم pin، بزاف messages فأعذرونا اذا ما ردينا عليك لكن حاولنا نردوا على أهم الميساجات خاصة لي تكرروا
لمهم ربي يوفقكم ويقدركم ويا رب تطلعوا بواش حابين وكثر حتى وجميع واحد وصانا بالدعاء 🤍

W hada l audition 🌷🫶
Ro7o t9raw dok👀

سلام عليكم ورحمة الله
1️⃣ أولا، ربي يوفقكم ويقدركم ولي مزال ما بدا يراجع غير يراجع ويقرا الجديد في نفس الوقت، تكون قاري دروسك على الصح احسن من انك قاريهم بالكلام برك
2️⃣ ثانيا، رانا حطينالكم بعض الدروس والحمد لله لي وفقنا ربي باه نخدموا كتابات، وبما انه دخلنا في اخر عشر أيام فحاب نقلكم بلي اي درس حبيتوه من الكتاب راح تقدروا تطبعوه مفصول عند مكتبة ماستر وفقط ، وأعذرونا لانه مش راح نحطوهم تفاديا لواش وقعلنا من قبل وشكرا على التفهم 🤍
🔮 أي حاجة سؤال .. تقدروا تقولوا في Comments 🫡

Audition biophy

السلام عليكم جماعة هنا R بالتربيع راه
قالهم بروف بلقط صححوها فلكور مالا زيدو صححوها فلكتاب 🫶

يكفوك 14 يوم(المسيلة ) ناس تكمل فيهها برقرام 😂😂❤️
تسما ديري كل يوم تروكوشي نص موديل مع لي كيسيام تاعو و وزيدي معاه كور اناتو لا بغيتي 👀 خيري كورات اناتو الساهلين ولا les organes de sens بسك ديجا يكون غتدك معرفة أناتومية عليهم فليكور لوخرين 😭😭

سيي تهزي منهم les notions importantes برك لي يحكيو عليهم فلكيسيام بزاف ديريلهم هايلايت و اقرايهم خفيف خفيف صنن مزال لحال يعني اذا كنتي مكملة لباقي 🫶