سلام عليكم ورحمة الله
لي بعثنالهم version PDF ناقصة Douleur في الأول وللأن ما بعثتلهم النسخة الكاملة يبعثولي وشكرا 🤍

@Lumed_Official

بالنسبة للأناتومي رانا ماكسيموم درنا معلومات من كامل لي بروف وقارنا ليكور ببعض و زدنا معلومات باه نديرولكم سورس واحد تقراو عليه
كيفه تقراو على ملخصاتنا :
افتح الكتاب عندك وفي نفس الوقت حل معاه الكور لي حطوهولكم في الدرايف واقرأ ، لانه الملخصات مخدومين على كورات العام ليفات يعني كيما قادر البروف يزيد كيما قادر ينقص (وهذي الهدرة قلناها مع أول نسخة خدمناها)🤍

🔹في حالة البروف نقص هذي حاجة مليحة تلقاو بالزايد خيرمن الناقص 🤍
🔻في حالة انه زاد، ياك مخليين بلاصة وين تكتبوا les notes صفحة كاملة ، وتقدر حتى تركب stickers ولا تكتبهم داخل الملخص بذات (في الحواف ولا داخل الجداول ..) 🤍 لأنو فجميع الحالات مش راح يزيد حاجة بزاف يعني حتا تشوفي الكتاب مع الكور و شوفي وش ناقص ولا وش زايد لأنو كاين كورات زايدين فيهم و مبعد فكوش دوزيام راكي متهنية أكي تكوني ديجا قريتي الكور مليح وشفتي الصور و عرفاي وش كاين ووش مكانش ❤️

باقي ليموديل مفيهمش يعني مشكل كبير لأنو لي بروف نفسهم وحنا نسعاو باه نديرو خدمة standard وفيها كامل المعلومات ❤️

بالنسبة لمكتبة ماستر
- هي من الأول راه يطبع بالدفعات وكل دفعة فيها كمية كبيرة (+30 version) والحمد لله على هذا الاقبال وانهم مساعدينكم بزاف راهم يخلاصوا بسرعة بل مرات يضطر انه يجيب نسخ من الدفعة الجاية حتى ما يخليكم تستناو بزاف
- راه يطبع بالدفعات حتى ما يطول عليكم كثر في توفير النسخ، في الاخير راهم كتابات كبار حجما ويطولوا في الطباعة أكثر من الكتب الاخرى لي بنفس الحجم (عدد صفحات)
- الدفعات راه يوجد فيهم الصباح أما مبعد يولي عليه ضغط فأكيد راح يطول كثر ، عليها يولي يطبع بالنسخة فقط للحاجة (يعني يجوه ثلاث يحوسوا على لكتاب يطبع ثلاث فقط باه يسارعلهم فيهم)

لكن انشغالك وصل لنا الطبيبة وباذن الله راح نعلموا المكتبة بهذا الأمر ونقولوله رأيك ونحاولوا نزيدوا في الكمية 🤍

خدمنا فيها كتاب anatomie cardio برك كانت بداية افتتاح كتبنا 😭🤍
بإذن الله العام الجاي نكملوها ❤️

تذكير :
❗️ بالنسبة للطلبة لي ما يقدروا يشروا نسخنا (مش لاحقين ماديا)، يتواصلوا معي في @Lumed_Official وراح يكون عندهم نسخة الكترونية كهدية 🤍
• أي نسخة حبيت سواء Tome 01 / Tome 02 / QCMs .. فقط قوللنا وباذن الله راح تكون عندك 🤍🫡

🔻وثان أي سؤال، تعليق، انشغال، طلب... تقدروا تبعثولنا في ngl ولا DM ولا حساب التواصل ✨

ولي ما عنده حاسوب / هاتف مليح حتى باه يقرا من النسخ الالكترونية هذي ثان يتواصل معي وباذن الله نحاولوا نوفروله نسخة مطبوعة (من فضلكم فقط لي صح يحتاجهم يبعثلي)🤍

ابداو تقراو 👀 لي مبداش غير يبدا راه مبقاش اعتبروها إشارة😂

تذكير : البرومو بقالها يومين وتخلاص هد الأسبوع 👀❤️
اغتنموا الفرصة ومتضيعوهاش 🤍
+ رانا حكينا مع مول المكتبة يوفرلكم نسخ ومن الأفضل تروحولو الصباح باه متلقاوهمش خلاصو ولا مام تقولولو يوجدلكم كوموند تعكم تلقاوها العشوة اذا لقيتو كتاب خلص ❤️

🔻 النسخ المطبوعة d'unité 05 Neuro

Tome 01 : 900DA au lieu de 1000DA.
Tome 02 : 650DA au lieu de 750DA.
Livre d'unité : 1400DA au lieu de 1500DA.
Cahier de qcms : 600DA au lieu de 700DA.

🔻النسخ الالكترونية d'unité 05 Neuro

Livre d'unité : 1000DA au lieu de 1500DA.
Cahier de qcms : 300DA au lieu de 500DA.

+ اعطونا افكار في https://ngl.link/lumed33_ حابينا نديروهم ليامات هذوا ولا كورات حابين محطوهم ect. 🫡

سلام عليكم طلبة مسيلة
حابين نخبروكم انه اليوم اخر يوم قبل ما نرسلوا طلبياتكم، فلي حاب وما زال ما دار يدير في Formulaire هنا!
++ لي داروا طلبيات وللأن ما وصلتهم راح تكون عندكم نسخة الكترونية تقراو بيها الى غاية توصلكم طلبيتكم، هكا نتفاداو التأخير 🤍

آخر يوم للتخفيضات 👀🤍
الكتب المطبوعة متوفرة عند مكتبة ماستر
الكتب الإلكترونية تواصلوا معنا عبر الخاص
وفقكم الله ورعاكم وضك نجي نحطلكم حاجة شابة 😍🫶

وش متوقعين نحطلكم ؟🤓

نبداو بأول مفاجئة اذا لقيت فيها قلوب نحطلكم حاجة لي كامل بعثولنا عليها 😔🫶

Biophysique la vision✨🤍

لي راه معول يليمينيها غير يبطل راها فيها غير زوج كورات وكور طويل حطيتلكم عليه réorganisation ✨🙂

ضك نضحكو شوي ونهدرو سيريو شوي 😔❤️
نديرلكم toxic motivation 🤓
شريت لكتاب ولا شريت ليكور راك حاطهم قدامك وتتفرج فيهم زعما تستناهم يديرو الخطوة الأولى 🙂 ؟؟؟ كون متقراش معندها حتا فايدة والله وتشري ميتين كتاب و ألفين كور تحطهم قدامك ومتقراهمش راهي بلا معنى 😍🫶
و اذا خلعوك وجاوك بزاف نقلك ابدا ومتخافش الكمية راح تنقص كي تبدا تقرا مهيش راح تزيد
وكيما نقلكم ديما بالنسبة للي راهم روطار
Quality over quantity دائما
اقراو كوراتكم مليح وروكوشيهم مليح على قد ما روكوشيتو وحليتو ليكيسيام بزاف عقلكم نهار ليكزاما ميتخلعش من الكيسيام بسك ديجا يكون موالف يحل ✨
ركزو على كيسيام والحل تاعهم ولازم توليو تعرفو تكوشيو وهد الحاجة تجي بالممارسة اجماعة لأنو كي تكون قاري ومتكونش موالف تحل لي كيسيام بزاف غلطات راح يصراولك نهار ليكزاما وكي تخرج تقول ياك هدي انا عارفها علاه كوشيتها غالطة ؟ وني نحكي عن تجربة جماعة 🤍
ولي مزال مبداش خلاص نصيحة : اقرا ايستو كاااملة كوراتها ساهلين و تضمن بيهم نقطة زيدلها فيزيو كاملة تقريبا اي تشبه لليستو كور بيوفيزيك خفيف واتكل على ربي بإذن الله تطلع مش نقولك نوت مليحة ولكن على الأقل تطلع 🫶
بالنسبة للي بداو من قبل العطلة وبداو يحسو بالفشل جماعة هدا هو الوقت تاع الصح مدام بديت تقرا كمل قرايتك ابداو روكوشيو بشويا وحلو لي كيسيام و flashcards واشرحو الدروس لزملائكم و متحبسوش عندكم هدي أكبر غلطة انو الواحد يبدا ومبعد فلخر يفشل
الصح كامل فهد سمانتين لخرين اقراوهم على حقهم و بإذن الله فيها خير 🤍

#study_tips@Lumed2nd

كامل وش حطينا راه pinned ❤️
وش تحتاجو أيضا خبرونا 🤍

https://ngl.link/lumed33
لي شراو كيسيام تاعنا آرائكم 👀❤️

لعباد لي مزال ما بداو Anatomie نهائيا، راطيتوا اجمل خدمة و schémas في الدنيا لكن معليش يبقاولكم للصيف ان شاء الله 😭

لكن طويلة ياسر باه تبداها في هذا الوقت فنظن أفضل خيار انك تقرا من edition 01 ، تلقى فيها 8 أو 9 كورات في 17 صفحة برك وباذن الله تهز منها الكثير!!
+ ضك نحطولكم généralités des nerfs أقراوه ثاني لعل وعسى تعرف شوي معلومات يساعدوك في حل qcms 🤍🫡
لمهم ركزوا على 3 Modules لي حكينا عليهم من قبل وركزوا على quality اكثر من Quantity 🤍