جماعة بخصوص التوصيل :
تاع المسيلة عمرو معلوماتكم فلفورميلار تاعكم تأكدو أنو فورميلار المسيلة ( كاين لي غلطو ) لأنو عندها موزع خاص 🌷
- الولايات الأخرى أيضا تأكدو تحطو فلفورميلار الخاصة بيكم
بالنسبة لطلبيات ولاية البرج رانا راح نبعثوهم وبإذن الله يوصلوكم فأقرب وقت🤍
الاستفسارات ابعثولنا فالحساب الخاص❤️

نعم بيوفيزيك سيبور بروف بلقط
فيزيو سيبور بروف بلوز
- بالنسبة للتمارين لي فكتاب الكسيام تاع بيوفيزيك : راهم تاع بروف بلقط و راكم تلقاو عنوان مكتوب Pr.belguet يعني تاعو ومام الحل حطينا تاعو و تأكدنا من بلي صحيح

-Les Tds تاع الفيزيو أيضا راهم من سيبور بروف بلوز
-Sommeil + régulation du sommeil تقريكم فيه بروف عجيري مش بلوز يعني راه مخدوم على سيبور بروف عجيري

نتمنى تكون عجبكم العمل 🤍
النسخ كاملة متوفرة عند مكتبة Master

نعم النسخ كامل تاعنا وخدمتنا كلها تلقاوها عند مكتبة ماستر ❤️
بالنسبة لكتاب الكيسيام وش فيه ؟
+800 QCM Classés par cours et justifiés, organisés de façon logique [2016 - 2025]
- Simulation d'examen P23 Sétif : 84QCM
- Anatomie : 275 QCMs
- Histologie : 234 QCMs
- Physiologie : 159 QCM
- Biophysique : 59 QCM
+ 5 Exercises et 14 QCMs de Pr. Belguet

واستغلوا فترة البروموسيو هد الأسبوع تخلاص 💗
📅 أول أسبوع من 15 أفريل الى غاية 23 أفريل :
🔻 النسخة المطبوعة راح تكون 600DA بدل من 700DA
🔻النسخة الالكترونية راح تكون 300DA بدل من 500DA

ختي جيبي ورقة وسيال وتبعي معايا
أولا نفهمكم فحاجة تبقالكم منا للريزيدانا وهي البروقرام يا جماااعة الخير جيبو كراس صغير ولا كناش واعتمدوه بلانر القراية
أول ما تبدا لينيتي جيبو الكناش تاعكم اكتبو اسم لينيتي+ شحال من كور فيها +شحال من يوم فيها+ لادات تاع كونطرول ولادات لي حتبداو تقراو فيها سيريو
هنا من هدوك الأيام لي شحال عندكم نقصو خمس أيام حق سومان بلوكي و شوفو شحال يبقالكم
ديرو توزيع عدد ليكور على هدوك الأيام وديرو توزيع معقول يعني مديرليش ميتين كور فنهار ومبعد تحصل فيهم وتولي تدبرس لخاطر مكملتش تو دو ليست يعني لازم تدير حساب الأيام لي متكونوش قاعدين فيهم مثلا جماعة الاقامة اذا كانو بعاد بزاف نهار هذك اكل راح يروحلهم تسما ثان نقصوه من عدد الأيام زيد كاين جماعة تخدم سواء فايكيب ولا هنا ديرو حساب خدمتكم وشحال تدي الوقت
مبعد ورا متقسم مثلا نقولو اذا بديت ملول طوول راح يطيحولك زوج كورات فالنهار تقراهم
هنا نفوتو للصفحة الثانية تديرو تخطيط اسبوعي بعد ما فتنا من تخطيط لينيتي
هنا تخطيط الأسبوع تبدا الأحد وش نقرا الاثنين وش نقرا إلى يوم السبت كل يوم تديرلو تخطيط راني نحكي علقراية فقط
نروحو P2 ورا الغدا 😂

سلام عليكم ورحمة الله
لي بعثنالهم version PDF ناقصة Douleur في الأول وللأن ما بعثتلهم النسخة الكاملة يبعثولي وشكرا 🤍

@Lumed_Official

بالنسبة للأناتومي رانا ماكسيموم درنا معلومات من كامل لي بروف وقارنا ليكور ببعض و زدنا معلومات باه نديرولكم سورس واحد تقراو عليه
كيفه تقراو على ملخصاتنا :
افتح الكتاب عندك وفي نفس الوقت حل معاه الكور لي حطوهولكم في الدرايف واقرأ ، لانه الملخصات مخدومين على كورات العام ليفات يعني كيما قادر البروف يزيد كيما قادر ينقص (وهذي الهدرة قلناها مع أول نسخة خدمناها)🤍

🔹في حالة البروف نقص هذي حاجة مليحة تلقاو بالزايد خيرمن الناقص 🤍
🔻في حالة انه زاد، ياك مخليين بلاصة وين تكتبوا les notes صفحة كاملة ، وتقدر حتى تركب stickers ولا تكتبهم داخل الملخص بذات (في الحواف ولا داخل الجداول ..) 🤍 لأنو فجميع الحالات مش راح يزيد حاجة بزاف يعني حتا تشوفي الكتاب مع الكور و شوفي وش ناقص ولا وش زايد لأنو كاين كورات زايدين فيهم و مبعد فكوش دوزيام راكي متهنية أكي تكوني ديجا قريتي الكور مليح وشفتي الصور و عرفاي وش كاين ووش مكانش ❤️

باقي ليموديل مفيهمش يعني مشكل كبير لأنو لي بروف نفسهم وحنا نسعاو باه نديرو خدمة standard وفيها كامل المعلومات ❤️

بالنسبة لمكتبة ماستر
- هي من الأول راه يطبع بالدفعات وكل دفعة فيها كمية كبيرة (+30 version) والحمد لله على هذا الاقبال وانهم مساعدينكم بزاف راهم يخلاصوا بسرعة بل مرات يضطر انه يجيب نسخ من الدفعة الجاية حتى ما يخليكم تستناو بزاف
- راه يطبع بالدفعات حتى ما يطول عليكم كثر في توفير النسخ، في الاخير راهم كتابات كبار حجما ويطولوا في الطباعة أكثر من الكتب الاخرى لي بنفس الحجم (عدد صفحات)
- الدفعات راه يوجد فيهم الصباح أما مبعد يولي عليه ضغط فأكيد راح يطول كثر ، عليها يولي يطبع بالنسخة فقط للحاجة (يعني يجوه ثلاث يحوسوا على لكتاب يطبع ثلاث فقط باه يسارعلهم فيهم)

لكن انشغالك وصل لنا الطبيبة وباذن الله راح نعلموا المكتبة بهذا الأمر ونقولوله رأيك ونحاولوا نزيدوا في الكمية 🤍

خدمنا فيها كتاب anatomie cardio برك كانت بداية افتتاح كتبنا 😭🤍
بإذن الله العام الجاي نكملوها ❤️

تذكير :
❗️ بالنسبة للطلبة لي ما يقدروا يشروا نسخنا (مش لاحقين ماديا)، يتواصلوا معي في @Lumed_Official وراح يكون عندهم نسخة الكترونية كهدية 🤍
• أي نسخة حبيت سواء Tome 01 / Tome 02 / QCMs .. فقط قوللنا وباذن الله راح تكون عندك 🤍🫡

🔻وثان أي سؤال، تعليق، انشغال، طلب... تقدروا تبعثولنا في ngl ولا DM ولا حساب التواصل ✨

ولي ما عنده حاسوب / هاتف مليح حتى باه يقرا من النسخ الالكترونية هذي ثان يتواصل معي وباذن الله نحاولوا نوفروله نسخة مطبوعة (من فضلكم فقط لي صح يحتاجهم يبعثلي)🤍

ابداو تقراو 👀 لي مبداش غير يبدا راه مبقاش اعتبروها إشارة😂

تذكير : البرومو بقالها يومين وتخلاص هد الأسبوع 👀❤️
اغتنموا الفرصة ومتضيعوهاش 🤍
+ رانا حكينا مع مول المكتبة يوفرلكم نسخ ومن الأفضل تروحولو الصباح باه متلقاوهمش خلاصو ولا مام تقولولو يوجدلكم كوموند تعكم تلقاوها العشوة اذا لقيتو كتاب خلص ❤️

🔻 النسخ المطبوعة d'unité 05 Neuro

Tome 01 : 900DA au lieu de 1000DA.
Tome 02 : 650DA au lieu de 750DA.
Livre d'unité : 1400DA au lieu de 1500DA.
Cahier de qcms : 600DA au lieu de 700DA.

🔻النسخ الالكترونية d'unité 05 Neuro

Livre d'unité : 1000DA au lieu de 1500DA.
Cahier de qcms : 300DA au lieu de 500DA.

+ اعطونا افكار في https://ngl.link/lumed33_ حابينا نديروهم ليامات هذوا ولا كورات حابين محطوهم ect. 🫡

سلام عليكم طلبة مسيلة
حابين نخبروكم انه اليوم اخر يوم قبل ما نرسلوا طلبياتكم، فلي حاب وما زال ما دار يدير في Formulaire هنا!
++ لي داروا طلبيات وللأن ما وصلتهم راح تكون عندكم نسخة الكترونية تقراو بيها الى غاية توصلكم طلبيتكم، هكا نتفاداو التأخير 🤍

آخر يوم للتخفيضات 👀🤍
الكتب المطبوعة متوفرة عند مكتبة ماستر
الكتب الإلكترونية تواصلوا معنا عبر الخاص
وفقكم الله ورعاكم وضك نجي نحطلكم حاجة شابة 😍🫶

وش متوقعين نحطلكم ؟🤓

نبداو بأول مفاجئة اذا لقيت فيها قلوب نحطلكم حاجة لي كامل بعثولنا عليها 😔🫶

Biophysique la vision✨🤍

لي راه معول يليمينيها غير يبطل راها فيها غير زوج كورات وكور طويل حطيتلكم عليه réorganisation ✨🙂