📖 بخصوص اسئلة امتحان اليوم #للفيزياء

برأيي جدا #سهلة وبهواي اسهل من الدور الاول ... وهل مرة اريد احجي بكل #صراحة واخليك شوية تصحى على وضعك


✔️ اولا ... بصفتك طالب دور ثاني فهذه جانت #فرصتك_الثانية يعني فوك قرايتك للمنهج بالدور الاول انوب جتك فرصة تقرا بالدور الثاني وبصراحة جانت اكثر من #كافية حتى للي ما مضبط وضعه


✖️ولحد يكول صعبة #ويشوش البقية ويسويها دراما حتى يغطي على فشله ويعطوا عذره وحقه يمتحن دور ثالث ... واني ابد مو ضد يعطوكم يا لكن ما اريدك #توهم روحك والبقية وتكول صعبة ... وانما كول :
⭕اني ما جاوبت وما قريت زين
⭕اني غيرت مصدري واعتمدت عليه
⭕اني اعتمدت على مرشحات ابن فلان
⭕اني قصرت بنومي وصحتي فخربطت
⭕اني ما نظمت وقتي وضيعت وقت


❓قابل الطلبة الي جاوبوا اعطوهم غير اسئلة ! ... ذولة #فرقهم عنكم :
⭕ما يثقون بكلام اي احد ويقرون كلشي
⭕ما يعتمدون على ابن فلان وعلان
⭕ما يضيعون وقت وتسخيت وونسة
⭕ما يبجون وخايفين ونفسيتهم واثقة برب العالمين وهو مسوي الي عليه وراضي #ضميره

📌#عذرك شي واحد ... الا اذا صارتلك #ظروف سواء صحية او شخصية وهنا ثق وتأكد انو ما تعرف خير ربك وين ... فلا تحزن💛


❗️ثانيا ... بعض #الاساتذة كالوا صعبة (طبيعي لان ما جتي من مرشحاته وخصوصاً النشاط) ... وجماعة #قنوات المرشحات الي ضلوا يحلفون للطلاب راح تجي نصا ومنا تاليها طك الفيوز

#وهسة مكضيها تغليس ووداعية سندباد وجانوا ذولة نفسهم الي كل امتحان يكولون اجة نصاً وهسة #صنطة وصارت غصاً ... وبلشوا يناشدون للدور الثالث حتى يكسبون الطلاب ويوهمون بصعوبة الاسئلة

❗️وحتى اني لمن نزلت النشاطات المهمة ذكرت اخر شي هاي مو مرشحات ولا تعتمد عليهم فقط ... لان اعرف الوزاري #يغدر ... فلا اني عرافة بالغيب ولا عندي عرف بالوزارة ولا عندي الخبرة كمدرس #اقدم حتى ارشح بكل ثقة


🖤 شكرا لكل الاساتذة والقنوات الي دعموني بالنشر ... وشكر خاص للاستاذ #محمد_زياد على جهوده ويا الطلبة وخصوصا البث ... حقيقة مبدع وجان كد الثقة كالمعتاد ... وصلوله سلامي وفرحوا بفرحتكم :
@mo_ziyad

✅ للي ختم السادس الف مبارك ... والي منتظر دور 3 او راح يعيد بسبب #تقصير فشد حيلك وهاي بداية الك ... والي بسبب #ظروف فان شاء الله ربك راح يجبر بخاطرك ويعوضك

ختامها مسك ... الحمد الله 🤍

👞 لجين مراد

📖طبعا #اعتذر اذا قصرت بحقكم
واذا ما جاوبتكم بالخاص او بالبوت
حقيقة الضغط والتعب وصل فوك طاقتي

ولا تزعلون مني اذا فد يوم كلت كلمة حق امامكم ... اني ما احب اجامل ابد لان بعمرها ما فادت احد

والطلاب الي خلصوا سادس لا تغادرون القناة لان راح انشر شي الكم يفيدكم ان شاء الله

دمتم بخير💛
@LujainIQ_bot