💡 نشاطات الفيزياء
مصممة بذكاء ... مرتبة بأجزاء

لا تتحمس ...
لأنها قيد الانشاء 🙂

اراكم في اقرب لقاء 🧡
✔️ t.me/Lujainstein

My pleasure🧡

📖 راح تجي صعبة ... لو سهلة ؟
📖 يجوز ما اجاوب ... يجوز اخربط

شوف باع ... خلي ببالك :
ماكو شي تجي سهلة لو صعبة
⭕كلما تقرا مضبوط كلما تشوف السهولة بكل مكان
⭕وكلما تقصر كلما تشوف الصعوبة بكل امتحان

اني عندي طلبة بحيث شافوا حتى الـ 100 قليل بحقهم كمعدل من كد ما تعبوا بالدراسة ...

ومن امتحنوا وزاري شافوها روضة ... واحدهم يلعب طاولي بالاسئلة ... والثاني يغني طيور الجنة من يكتب ... قابل هاي جتي من فراغ ؟

اكيد لا ... انت بس اقرا واتعب على روحك وصدكني بعدها راح تجيك فرحة الارض ما راح تشيلك

⚫️وكلها هاي كوم ... ونفسيتك كوم
رجاءً لا تخاف ولا تقلق ... ادري شعدنا تلي تبيز لو طلاب سادس
طلاب كامت تخربط بالامتحان وأجلت بسبب الخوف ... وهو على شنو ؟

⭕يعني تقبلها تضيع عليك درجات اذا مو امتحان كامل بسبب خوفك الي جاي من افكار سلبية ؟! ... وسامع من كم واحد يائس وبائس يحجيلك اي كلام سوداوي مثله وانت تجي كبل تكله فعلاً وتروح تنزلي ستوري اريد ابطل وربي نجحني والله تعبت ...

⚫️باع اذا مو كدها روح توكل من هسة ... ترى هاي الساحة للي يريد ينحت اسمه بالذهب ويرفع راس اهله للسحاب

وصدك اذا بقيت على هاي العقلية والنفسية
فراح تخسر الاول والتالي وتضيع كل تعبك هذا
فخليك بطل ... خليك واعي ... خليك حقيقي
لا تخلي المحيط يأثر بيك ... وركز على دائرتك
وما بقى الا القليل ...
وراح تشهد على موسم حصادك 💛

📥 Lujain➖@Lujainstein

💡 خطة المراجعة ↗️ الفيزياء

⭕للجدول الجديد ( مع عيد الغدير )
⭕تم ترتيب مراجعتك لبقية المواد

❗️هذا مجرد اقتراح والباقي بعد يمك

✅ الجدول الجديد : اضغط هنا

✔️ t.me/Lujainstein

بعد الخطة ...
رجعلكم كيلو الشكر لو بعده ؟ ☕️

@LujainIQ_bot

مع قطرات الندى ...
✨ لكم الورد من شذى
عيد مبارك لمن هدى ...
✨ ومحبة مني بلا مدى

عيد الاضحى 💛
كل عام وانتم بخير

@LujainIQ_bot

📖 شوكت راح تبطلون تصدكون بذولة العالم ؟!

صاحب القناة على الاغلب مستخدم تليكرام (مكرك)
بحيث ما يبين بالوصف اذا مسوي تعديل او لا
فهي اليوم نزلت الاسئلة وهو مسوي تعديل اليوم على منشور البارحة وبين للبقية هو ناشرها ومسربها ...

⚫️لكن يمي عندي طريقة تعلمتها اخذ المنشور مالته وافتحه بنافذة خاصة ويبين وقت التعديل حتى لو مالته التلي مكرك ... وبالدليل 🙂

✅ طبعاً غوشت المعرف والاسم مالته حتى لا يظهر ... لان احنا نريد نوعي هنا مو نهاجم

شوفوا الصورة فوك (المنشور على اليسار) ...

ظهرت الكم وقت التعديل بالاسفل ... وهنا التوضيح :
🟠اسئلة امتحان اليوم صايرة اعلى المنشور (السهم الاصفر بالاعلى)
🟠صور المنشور ذني نشرهم البارحة بتاريخ 6/22 | ساعة 5:47 مساءً (شوف الخط الاحمر اسفل المنشور)
🟠وبعدين مسوي تعديل ضاف بدل احد الصور مخلي اسئلة امتحان اليوم والتوقيت موضح بتاريخ 6/23 | ساعة 8:36 صباحاً (شوف الخط الاصفر اسفل المنشور)
❗️وكلمة Edited يعني تعديل وهنا تشير للوقت الي عدل عليه (شوف الخط الازرق اسفل المنشور)
❗️والي يظن اني مسوية فوتوشوب بالصورة فوك فاكدر انزل الكم فيديو اظهر الكم نفس التفاصيل الي حجيتها فوك

⚫️وفوكاها شوفوا ردوده بالصورة فوك على اليمين يكول اني ناشر مرشحات ... وين التعديل ووين التسريب 😐

وهنا اريد اكول شغلة لصاحب القناة ...

⚫️هذا مو زمن 2017 و 2018 وعبالك التليكرام بعده جديد ومنو يعرفه وتكدر تضحك على المتابع ...
⚫️للعلم ... اكو طريقة بعد اقوى من التليكرام المكرك بحيث ما تظهر التعديلات حتى على طريقتي هاي ... ومع هذا اعرف حلها ... وباعتقادي 1% فقط يعرفوها وما اريد احجيها حتى لا تنتشر وتستخدمها هيج قنوات
⚫️فاذا انت كاعد تفيك وتحاول تلعب على المقابل فاعرف اكو خبراء متعلمين طريقتك وكيفية كشفها هم فشلون ما تجي وترهمها ترى راح تنكشف بعدين ...

فحاول اطش بالحلال مو بالظلال ... حتى اساسك يكون ثابت ومبارك

وطلاب ... رجاءً رجاءً ... لا تصدكون بالتسريب

هي هيج قنوات تنتظر هاي الفترة حتى تصعد وكل واحد يذب صنارته ويصيد بيكم ... واني دائماً جنت اسمي هذه الفترة بعنوان :
المساكين وأصحاب السكاكين
ونضل ذاك يحجي وبعدها انت تبجي
وطبعاً عتبي عليكم مو عليه ...
لان شكد نصحناكم ووجهناكم ووعيناكم ...
وبالاخير اذن من طين واذن من عجين ☕️

شاركوا المنشور حتى يصير توعية للكل

واي احد تريدون تأكيد عليه هذا مسربها او لا راسلوني ودزولي المنشور وراح ادزلكم بالدليل الوقت الاصلي ووقت التعديل

دمتم بخير💛

✔️ t.me/Lujainstein

📝 خطة الاستعداد➖الرياضيات

⚫️تقسم مراجعتك للفصول
⚫️توجيهات ليوم ليلة الامتحان
⚫️ملاحظات مهمة اثناء المراجعة

❗️الخطة حسب توجيهات الأستاذ حيدر وليد

✅ مراجعة الأستاذ حيدر وليد : اضغط هنا

✔️ t.me/Lujainstein

💡 تساؤلات في الفيزياء

⭕أجوبة اكثر التساؤلات الشائعة بخصوص المادة
⭕توجيهات حول أفكار الطالب بفترة الامتحانات

📥 الاسئلة : ⬇

ما عندي وقت اقرا الفصول الاخيرة عادي اتركهم ؟ واريد بس انجح شنو اسوي ؟ وشنو اهم شي اركز عليه بالفيزياء ؟

⚫️ركز على اسئلة الفصل + الوزاريات ... مهمة جداً.
⚫️خلي تركيزك على فصل 1 + 2 + 3 ( وهذا مو يعني البقية ما تدرسهم وانما ركز على ذني اكثر من البقية ).
⚫️اترك اخر فصلين لان حصتهم بالوزاري قليلة فلا تضيع وقتك بيهم وركز على بقية الفصول المهمة.
⚫️احفظ الرسوم + النشاطات كلها لان ذني ثوابت وراح تجيك بالوزاري واذا ما تكدر كلها احفظ الي جتي وزارياً.

✅ ملاحظة : هذه الخطة للطوارئ ... بحيث تجيبلك من معدل نجاح الى معدل جيد نوعاً ما ... لكن برأيي يفضل تقرا جميع الفصول وبدون ترك واذا ما اسعفك الوقت تكدر تلجأ لهذه الخطة.
✅ تذكر : انت عندك ترك سؤال كامل ... يعني لا تخاف وتشيل هم ... بحيث اذا اجاك من الفصول الي مقاريهم فتكدر تتركهم وتجاوب البقية.

راح أجل دور ثاني لان ما لحكت اكمل عادي ؟ وراح تجي صعبة لو لا ؟

📖 الدور الثاني حاله حال الدور الاول وفكرة تكدر تجيب بي معدل او لا فخير دليل شوف هذا المنشور : اضغط هنا

راح تجي اسئلة بيها لوفات ؟ وشلون نتعامل وياها ؟

📖 احتمال وارد ... لكن هذا ما يعني ما راح تكدر تحلها ... اذا جنت مضبط وضعك بكل المسائل الوزارية ومتمرن على مسائل الربط المختلط والافكار المهمة فهنا وضعك لوز.

يا اشتقاقات مهمة لان ما اريد اقراها كلها ؟

📖 الي موجودة بالوزاريات واسئلة الفصل.

راح تجي من الحذوفات ؟

📖 شي اكيد ... احتمال كبير جداً تجي منهم

شكد حصة الدرجات لكل فصل بالوزاري ؟

📖 بشكل تقريبي , شوف ملف الثوابت : اضغط هنا

الاسئلة راح تجي سهلة لو صعبة ؟

📖 جواب سؤالك : اضغط هنا

خايف من الامتحان ويجوز انسى شسوي ؟

📖 جواب لكل مخاوفك : اضغط هنا

✔️ t.me/Lujainstein

📖 بخصوص الهجوم الي صار على استاذ حيدر وليد ...

⚫️للعلم ... اصلاً هو جان ضد فكرة المرشحات وما عنده اي نية او وسيلة حتى يروج لنفسه بهيج طريقة ... وحتى هو نشرله بصمة رفض بيها فكرة المرشحات .. اسمع البصمة بنفسك :
https://t.me/haiderwaleed/13564

⚫️فلي صار اليوم هو ثمار تعبه وجهده وسهره بتحليل الاسئلة حتى يختار الاهم من الاسئلة الوزارية وهذا جاي بناءً على خبرته بهذه السنين كلها

⚫️فلا تخلطون الموضوع وتكولون هذا يسرب وعنده الاسئلة ... انتوا ما تباعون على الخبرة وهيبة هذه السنين كلها بمجاله ... وكبل جيتوا بثقافة النقد السلبي

⚫️وزملائه من القنوات طبيعي يفرحون بي وينشرون انجازاته بالمراجعة ... لان الي صار اليوم هو انجاز بمسيرة الاستاذ ... ومجاية من فراغ ... وانما تعب وسهر وتحليل ودراسة للمادة ... واذا ما نشروا لغير استاذ هم جاب انجاز بمادته فعادي جداً ... ليش تشوفون الموضوع تحيز وما تشوفون يجوز هذا الاستاذ اقرب الهم وصديق عزيز وطبيعي يفرحوله هيج وينشروله

⚫️وترى هذا ما يتسمى ترويج لاستاذ حيدر ... اصلاً هو غني عن التعريف وما يحتاج احد يطبله واسمه قائم لو شكد ما حاولوا يخفوا ... ومو بسبب القنوات صار هيج وانما بسبب اجتهاده بمجاله وحب الطلاب له.

الف مبارك للاستاذ ... وبالتوفيق للجميع 💛

✔️ t.me/Lujainstein

💡  نشاطات ➖ #الفيزياء

⭕تعتبر من ثوابت الوزاري وحصتها 10 درجات
⭕الملف يشمل النشاطات الرئيسية والضمنية

مميزات الملف :
⚫️جميع النشاطات المطلوبة وزارياً
⚫️تم إعادة رسم اغلب الرسوم للنشاطات
⚫️مع ذكر ملاحظات مركز الفحص
⚫️والسنين الوزارية ورقم الصفحة بالكتاب

✔️ t.me/Lujainstein