،خادم الخدامݘ … والتراب اجدامݘ… من تجي أيامݘ
تلگين الاسود حاضر
هيأت ورقاتي… وكاتب اكتاباتي… وطينت شيباتي
وصرت لجلݘ شاعر
------------------------------------
انتي سلطان المشاعر وانتي سر الله الݘبير
فاطمة أول غنية وتلبس اثياب الفقير
لْـۆ متت وانة ابحفرتي منكر ايگل النكير
اتنحة ه̷̷َـَْـُذآ الجسد عوفة خادم الزهرة يصير

فاطمة من اتشوفة… لٱ تضن اتعوفة… خل نبوس اݘفوفة
ݘي لطمن ابكل عاشر
-------------------------------------
فاطمة انكترهة لآزٍمٍ م̷ـــِْن نجي انعد النساء
لأن مو أنسية فاطم لوحة م̷ـــِْن رب السماء
ليش كلما اذكر اسمݘ عيني تغرك بالبكاء
علڬ لْـۆ تنطيني رايد خيط م̷ـــِْن ذاك الكساء

ابكل عزة تلگيني… الخدمتݘ وفقيني… نضرتݘ تكفيني
حتة أنة مااضل حاير
------------------------------------
بأسمݘ ايسبح گلبنة وية دگات النبض
مستحب كلشي ابعزائݘ مايهمني اليعترض
فاطمة ݘنݘ صلاتي حبݘ امن الله فرض
باجر ويالمهدي كلنة لجل ثارݘ ننتفض

اشكبر حظة الخادم… وي أمامة القائم… يطلب ابدم فاطم
خل يشفة كسر الخاطر
-------------------------------------
ابدولة المهدي العظيمة خادمݘ يصبح أمير
مجلس انسوي بحظورة واليرد حمزة الزغير
انشوف ياسين الرميثي ابدولة القائم وزير
وكاظم المنظور بيهة ع الشعر خلاه سفير

ذول اصل تربيتي… بيهم ارفع صيتي… والمجالس بيتي
وابقة الطم ابدم فاير
-------------------------------------
تستمر هاي الشعائر وابد منعوف اللطم
لحد ما يذبل جلدنة وننذبح م̷ـــِْن الهظم
نكسر الضلع الزجية اضلوع يومية وعضم
ننفطم عن كلشي بس م̷ـــِْن اللطم ما ننفطم

لحد گطع انفاسي… القامة تطبر راسي… عايش ويحساسي
واحلم اجيلج زاير
---------------------------------------
الجرح ما يلتم وحگج الة نبنيلج صحن
نبني كل خطوة منارة ونبني مرقد للضعن
تجتمع كل الحناجر الحاضرة وية المضن
اتصير تلة الزينبية منبر الملا وطن

شگد احب حنيتة… بيضة كلش نيتة… م̷ـــِْن يرد لطميتة
هستوني احسن صاير
------------------------------------------
كَلَّمَـےـاتِـ الخادم ★ حسين حمدان الدلفي
تمت بنضرة م̷ـــِْن مولاتي الزهراء ع



https://t.me/joinchat/AAAAAEewQk2LsBI86R97TQ

📜مشتاگ ييمة || إلىٰ كل فاگد أم
.
.
🎙️الرادود || حسين الخادم
.
🖋️الشاعر || رعد الفريجي
.
.
🎞️المونتاج || حسين جاسم الطائي
.
.
.
الحسابات الرسميّة للمُلاّ حسين الخادم

يوتيوب || youtube

||https://www.youtube.com/channel/UCQew8VOLM5gSysz99k6INKQ

فيـس بـوك ║ Facebook

║https://www.facebook.com/AhfB1993/

إنستـگـرام ║ Instagram

║الفانز الرسمي حسين الخادمow93hh

تـيـلـيـگـرام ║ Telegram

║https://t.me/joinchat/AAAAAE6NgUTWdnDtGUDehw

فاطميات

أمن المگبرة البيتك ★ بكل عثرة  حسيتك
تمشي على نيتك ★ خطوة ودمع
---------------------------------------
ما  لايڬ  اعليك  الحزن  ومفصلة  ادموعك
مكسور  ضلع  ام  الحسن  والوجع  بضلوعك
مگطوع من غصنك فرع هاي اول افروعك
محتار تمشي اوتلتفت من طفو اشموعك

وجهك سمة وغيمة ★ راحت اعز خيمة
بيتك شبه هيمة ★ وبلا زرع
---------------------------------------
شو  تبجي  سكتة  والدمع  بللهن  اثيابك
وثمنطعش  دمعة  وكسر  يا حيدر  ابابك
سير عليهم  كل مسة بالمگبرة احبابك
حاݘي الگبر گلة انتعش من اشتم اترابك

من تنعس اعيونك ★ ڤيي الگبر دونك
دمعك خطف لونك ★ مثل الشمع
-----------------------------------------
اني ادري مينام الجرح  الة  وتسد  عينة
والفاگد اغلة انسان ابد  ما يهجع  اونينة
حيدر دفن جوة اللحد وي فاطمة اسنينة
مات الضوة وشفت الگمر سد كل روازينة

غالي ودفن غالي ★ مات الضوة العالي
تحت الترب تالي ★ وجهج يشع
-------------------------------------------
هوة الجرح مثل النهر شيلمهن أجروفة
والمشكلة بجرح الكلب ياخيط ألي أيروفة
كالولي متشوفة وكلت لو مرت أطيوفة
أغبش ركض كبل الندى والكبر ماأعوفة

اليفكد أعز ناسة ... أيحس خلة بحساسة
وكل نسمة بنفاسة.. تكطع كطّع
---------------------------------------
يستاحش الفاكد ولف لو شافة بحلامة
أمبين عليه من مشيتة ودموعة ولثامة
يتخوصر أبجرت النفس ومطشرة أيامة
أيظل ها أجة وها ماأجة ويعيش بوهامة

والفارك أم بيتة... يموت الهوى بريتة
كل عمرة تاليتة ... ماينجرع
-------------------------------------
الحمدلله
✍كلمات الخادم حسين حمدان الدلفي


https://t.me/joinchat/AAAAAEewQk2LsBI86R97TQ

قصيدة بحق الزهراء على طور (شيعوا نعش الطاهرة المظلومة)


يلله ياشـيعة بحــــزن شــيعوها
الهادي واهل البيت هالحظروها
_____
فوكَ نعش الطاهرة الهادي ارتمة
مــفرع الراس ويصــــيح فاطمة
وللنعش وكَفت خديجة لاطمة
لفاطمة الزهرة الدموع اجروها
______
يلله كثروا النوح واجروه الدمع
حـيدر الكــــرار حاظر منفـــجع
ايصــيح وايلاه ياكســـر الضـلع
الزهرة من شم الهوة حرموها
_____
الحسن عالراس يلطم والصدر
آه يا يمه صـــرخ بـــــيها شكثر
حافي الرجلـــين مذهول الفكر
امهم بغفلة وغدر فكَدوها
_____
يعــــــثر ابمــمشاه ويكَوم ويطيح
هذا حال حــسين يا يمه يصيح
وزينــــــــــب تناديها دلالي جريح
وصاح ابو فاضل سوة حاطوها
______
يلله ياشـيعة علي لبسوا الـسواد
والمنادي ايصيح ويصير الحداد
خل نعزي بفاطـــــمة زين العباد
وي ملائكة السما شيلوها
______
الامام الباقـــر اعله امه حــزن
تقدم التابوت ويصــيح بشجن
هاي روح الهادي ملفوفة بچفن
العين حمرة والضلع كسروها
_______
دم على الوجنات تجري دمعتة
جعـــفر الصادق ينـــوح لجـدتة
وي المعـــــزين يلــــطم هامــتة
صدورهم من اللطم ادموها
______
تعـــــنه من بغـداد مكسور الكَلب
شايل التابــوت وعــــيونه تصـب
يندب الكاظم على الماتت غصب
انشلت چفوف الذي عصروها
______
الرضا ابنعش امه يشتم ريحتة
شاهد الهادي ونزعها اعمامـــــتة
واجت معصومة تنادي تبعـــــتة
ويالنعش طلعوا ولا عافوها
_____
اقروا الها الفاتحة صوت ارتفع
الجواد ايصــــيح وبكَلبه وَجَع
وصل حزنه لفاطمة حد الجزع
بزهرة سنين العمر كتلوها
______
فوكَ متن ابنه علي الهادي اتنچة
نوب فــــوكَ الهام عشـرة شابچة
ونوب لازم صفحتة اعليها وبچة
ساعد الله كَلوبهم واسوها
_______
عاف سامرا واجه محمل الم
الامام العــسكري وناح ولطم
السيدة نرجس اجت وي الحرم
الفاتحة وسط الكَلب نصبوها
_______
يحظر التشييع ودموعة مطر
يمـــشي ويانه الامام المنتظر
اطلــب الها الثار امك تنـــتظر
كَبة امكم ياوكت تبنوها
_______
أسالكم الدعاء رائد الاسدي

يايمه إخذي الحذر ضلعچ لونه انكسر
لا يشوف دموع عينچ والدي
1
محسن انا وادري ساعه وينكسر منچ ضلع
يمه من دگات گلبچ إفتهمت انا الوضع
ارد احذرچ لو بچيتي ينزل بهيده الدمع
بوالدي يايمه افكر شلون بينه ينفجع

جرحي تره مو سهل بأول نفس انقتل
بيا مصيبه يمه حيدر يبتدي
2
ضجه يم الباب صارت وانتي انفاسچ تون
نزلت حرورة دموعچ فوگي من فاظ الجفن
وضحت الغايه ييمه ادري تاليها حزن
صحتي فاطم بت محمد وذاك يصرخ اي وان

ما عنده رحمه وادب لم اعله بابچ حطب
ونتي گلتيله تراني الوحدي
3
علي مچتوف بوصيته وستغل وضعه الجسر
مستعده يمه كونچ ماهي لحظه وننعصر
نار بابچ گمت اشمها يعني خدچ ينسطر
اتحجبي انتي بحجابچ والضلع خل ينكسر

كسر الضلع مو مهم بلا غيره هاي الزلم
يمه لجل الشرف هسه استشهدي
4
كسرة الباب اسمعتها وكلشي بحساسي انكسر
رفع ايده وگبل خدچ خدي يايمه انسطر
ملتي والبسمار شفته ركز اعليچ النظر
فطر ضلعچ مدري ضلعي كلشي بعظائي انفطر

من هسه موتي انحكم گبلچ وصلني الالم
استقبلت موتي ونسيته المولدي
5
راح اطيح ولا محاله اگبالچ اتطشر دمه
حيدر ايتانيني لاچن تنثلم فوگه السمه
ظمي اهاتچ ييمه لو صرخ يا فاطمه
صعبه والله يطيح حيدر وهوه حماي الحمه

هل موقف اشگد صعب حيدر مدامع يصب
راح اشوفه بثوب حزنه مرتدي
6
بعد موتي يعتنيلچ والدي وتحذري
لا يشوف العين حمره بالحجاب اتستري
اگباله لا تحنين ظهرچ صعبه بس اتصبري
لا يحس بكسر ضلعچ يالحنونه الخاطري

من يشعر بهل جرح لمصيبتچ ينذبح
بالصبر اخر وصيتي اتگيدي
****

الشاعر اياد الديراوي

بعد كسر الضلع .. من فدك تنمنع
ظلمهه ..شتمهه .. ونهه ما ينسمع
****

من بعد موت النبي جمعو امرهم
هجمو عله الزهره والقائد عُمَرهُم
زمره جانت حاقده وبين غدرهم
كال احركو الدار هالظالم امرهم
………..
شعل نار الفتن .. ظل يلعنه الزمن
عصرهه… كسرهه ... منهه سال الدمع
***
كل غدرهم والحصل من السقيفه
بعده حي المصطفى وجابو خليفه
ياخليفه هذا اليهاجم شريفه
شايل چفوف الحقد والمو نظيفه
………
من سطر فاطمه .. تبجي دم السمه
عجيبه.. غريبه.. فاطمه تنصفع
***
فاطمه الزهره ستر عرش الجلاله
والعرش مبخوت من يلمح خياله
فاطمه خط احمر ومنهو الدناله
يجرأ ويظلمهه بس راعي النذاله
………
عالظلمهه دعت… زعلت وما رضت
ونيني ..جنيني .. بالطفل تنفجع
***
نارهم بيهه حقد وي جاهليه
فاطمه صاحت يبويه الحك عليه
كيدت غيرة علي ذيج الوصيه
جان يكلبهه نعم راعي الحميه
.........
رغم ذاك الالم .. بالوصيه التزم
يكابر .. يناظر .. حيدر بيا وضع
****
باب دار المرتضى جانت ثكيله
كام يعصرهه بحقد راعي الرذيله
نابت البسمار ماتكدر تشيله
طاحت على الكاع والمدمع تسيله
.........
من رفسهه النذل .. طاح منهه الطفل
مصايب .. نوايب .. ام حسن تندفع
*****
فاطمه وصت علي بالسر دفنهه
هو اليغسلهه ويعدل جفنهه
شبكت حسين وغده ينحب حسنهه
وزينب وياهم بجت وتعلي ونهه
.........
حسين يبجي بقهر .. شمّته من النحر
تكلمه .. تعلمه .. هالنحر ينكطع

#سيد علي المدني

مرات مو بس مره .. مكسور ضلع الزهره
مره بجنازه بلا ناس**مره برمح شايل راس
مكسور ضلع الزهره .. مكسور ضلع الزهره
******
الزهـره بـضـعه من النبي باخلاقهه نبيّه
درّة محمد فاطمه من روحـه قطعه هيّه
الباري يرضه لو رضت فاطمه عله البريه
يـزعـل وتـنـزل نقمته لـو تـزعـل الزجيه
الزهـره تـوم ويـه الحزن وترافكو سويه
كلّش زغيره عله الحزن وزغيره عالمنيه
.....................
رافكت دوم الدمعه .. وتذوب مثل الشمعه
للحزن صارت مقياس**مره برمح شايل راس
مكسور ضلع الزهره .. مكسور ضلع الزهره
******
ياحـيـف بـس اثمنطعش عاشتهن بمراره
يخلص عمرهه بياذنب بالباب وي بسماره
نسمات الاحزان ابتدت فارك ابوهه دياره
والـتـمـو عليهه الـعـده كـلـمـن مجهز ناره
واليعصر ضلوع ابتهج من يسمع انكساره
حـتـه كـبـر مايـبـقـه الـج لاكـبّـه لا مناره
.......................
اليوم نكسر منج .. باجر الدور عله ابنج
بالخيل صدره ينداس مره برمح شايل راس
مكسور ضلع الزهره .. مكسور ضلع الزهره
********
مكسور ضلع ام الحسن وشچم كسر مر بيهه
كـلّـش هـوايه اتحملت بـس يا كـسـر ياذيهه
من غـاب عـنهه المصطفى ذاك الذي يحميهه
لو عـصـرة الباب ونـزل مـحـسـن اشد عليهه
تـاذيـهـه دفـنـتـهـه لأن بـس حـيـدر يواريهه
طـبـرة الهامه و الحـسـن مسـمـوم ومتانيهه
....................
لو راس ابنهه العالي .. لو زينب بلا والي
مره بچفوف العباس..مره برمح شايل راس
مكسور ضلع الزهره**مكسور ضلع الزهره
*****
اهواي الضلوع انحنت محنيه مثل الهلال
شـافت عليل عله الهزل وبايده شدّو غلال
ياذيهه مهر حسين اجه للخيمه وبلا خيّال
شافت الخيمه تحترك بالبيده فرت اطفال
ياذيهه من مـر الضعن شـافت بديهم حبال
شافت ابنهه عله الرمح ينكط دمه من انشال
.......................
ياذيهه عبد الله هواي .. ياذيهه جود بلا ماي
الزهره بحر الاحساس ..مره برمح شايل راس
مكسور ضلع الزهره**مكسور ضلع الزهره
*****
الـزهـره يلجمهه الضلـع من فاركت ولدهه
كلما يـمـوت الـهه ولـد الدمـع يحرك خدهه
لزينب الزهره شكد بجت من ظلت لوحدهه
وشجم امام عله الارض مسموم من بعدهه
بالدنيا باقي الهه امل واحد يجي بوعدهه
المهدي يحضر ياخلك يبني بدمع مرقدهه
....................
تنتظر وتهل العين .. يطلب بثار الحسين
مره بدمع مره بياس .. مره برمح شايل راس
مكسور ضلع الزهره**مكسور ضلع الزهره
*****
#سيد علي المدني

((تَبَّت يدا ابي لهب)) .. والقادمونَ بالحَطَب
والـكـاسـرون ضـلـعَـها .. والـمُـنـزِلـونَ دمعَها
وكلُّ من كان السبب..وكلُّ من كان السبب
************
تبّاً لكلِّ خـائـنٍ بالمصطفى خـيـرِ البشر
تـبّـاً لـهـم من زمـرةٍ تبّاً لـكـلِّ من حَضَر
تـبّـاً لمَن جـاء بـهـم تـبّـاً لـكـلِّ مَن كسر
لا يحملونَ رحمةً والقلبُ فيهم كالحجر
........................
تـبّـاً لاعـداء الـنـبي .. تـبّـاً لـكـلِّ نـاصـبي
لمن ارادوا صفعها .. والـمُـنـزِلـونَ دمعَها
وكلُّ من كان السبب..وكلُّ من كان السبب
************
جاءوا لظلمِ فاطمه بغضاً بآلِ المصطفى
صاح ادفعوها واعصروا قالت لهم كفى كفى
قال اكـسـروا ضلـوعَـها لا راعياً لا خائفا
ثـم اوقـدوا ناراً لها منها غليلاً قـد شفى
.......................
صاح اقتلوا جنينَها .. لا تسمعوا أنينَها
الـقـاتـلـون ابـنَـهـا .. والـمُـنـزِلـونَ دمعَها
وكلُّ من كان السبب..وكلُّ من كان السبب
************
كان ثقيلاً بابُها لمّا هوى ايضاً هَوَت
مابينَ حائطٍ وذا بابٍ ثقيلٍ قد غَدَت
صـارَ هلالاً بـدرُها كجنـةٍ لمّا انحنَت
ماتت ولكن ناقمه دعَت عليهم مارضت
.......................
صاحت عليكم لعنتي .. لاتدخلون جنتي
الغاصبون ارضها .. والـمُـنـزِلـونَ دمعَها
وكلُّ من كان السبب..وكلُّ من كان السبب
************
قد عاينت مسمارَها في الضلعِ نابتٌ غدا
قــال لـهـا قــاتـلُـهـا لا تـنــدُبـي مـحـمـدا
لـيـس لـك مـن نـاصـرٍ وثـٲرُنا هـاقـد بدا
بـعـد الـمـمـاتِ قـبـرُكِ لا قُـبـةً لا مـرقـدا
...........................
لا لن تَرَيْ منارةً .. لن تسمعي زيارةً
سوف يُعادُ قتلُها .. والـمُـنـزِلـونَ دمعَها
وكلُّ من كان السبب..وكلُّ من كان السبب
************
قال لها يا فاطمه موعدُنا في العاشرِ
رجالُكُم فوقَ الثرى ليس لكم من ناصرِ
خـيامُكُم ستحترق ناراً بها ستنظُري
حسينُكُم تدوسُـه خـيـولُـنـا بالحافرِ
..........................
رٲسٌ له سيعتلي .. وتصرخين ياعلي
بنتُك دون اهلها .. والـمُـنـزِلـونَ دمعَها
وكلُّ من كان السبب..وكلُّ من كان السبب
************

سيد علي المدني

يافاطمه العــضــيمه رحــــماك يارحـــيمه
تصدقـــــــــي علينا بكــفــــــك الـــكـريمه
----------------------------------------
1= العـبد من ينهضم يـستـنجد بمولاه يطيــب خاطـــــره بضحكه أذا لا كاه
دخيل أسمج الربـج للخلك خلاه مـــلاذ وعــصمه ويوالي الذي ولاه
-----------------------------------------------------------------------
ياأمـــــنا الشفـــيعه قــلـــــوبـــنا مطيعه
بنهجك مشـــــــــينا الأنــــــــك الشريعه
*************************************************
2= مثل سرب النواس جينه لا وأحلى نزلنه بشاطــي حبج ماكــو مــنه أغلى
ترسنه أمن المدامـع للضلع دجله وعرفـــنه العاصيه بجاهج تـمر سهله
--------------------------------------------------------------------------
يافـخــرنا هـتـفـنا بفضلك وقـــفـــنا
برزءك أنكـويــنا الضلعــــك نزفـــنا
*************************************************
3= أغـيـثــينه الوكت شد حيله يالزهره من دمنه أصبحت كــاع الوطن حمره
محمد كــــال فاطـــــم خيمة الفقره وأحنه وداعــــــــــتج حبينه عالفطره
------------------------------------------------------------------------
تفضلي بجــــودك وأطعــمي جـــنودك
بعشقــك أحتمينا وجــــودنا وجودك

4= عليج الماضحك بعـيون أبـوه ليله خـــل يـــرجع المهــــــدي بساع كليله
سلام أمن المــــجالس هاي وديله تـــــره الشيــــعي بغيابه منهدم حيله
-------------------------------------------------------------------------
من عشقنا الســمواي ننــتــضر الفـــتاوي
يامــــــــن لك أنتمينا عهدا فـــــلا نناوي
*************************************************
5= الضلع ياباب أدكــــه يصير كدامي ويطك ساتر دموعي وتــغــرك حلامي
غدت مثل الصور تـتــشابه أيامي عله ضلعـــــــج أنوح وأبنج الضامي
------------------------------------------------------------------------
ســـيدتي الشهــيده بضلــعـك العــقــــيده
الفــقــــدك بكـــينا أيــــــــتها البعـــيده
**************************************************
6= جمر مسمار ضلعــــك يحرك بكلبي غــير أنــــه عـــبد سواني ألج ربي
أذا تردين روحي فاطـــمه طلبي ألـــــج سـمعا وطاعه تركض تـلبي
------------------------------------------------------------------------
عبـــــــيدك بأمرك سر السماء سرك
بــــــــنورك رءينا بدمعــــــنا نسرك
***********************************************
#الخادم عبد الجليل المالكي

السلام على مولاتي الزهراء

رحتي عني وكمت احس
الكون كله بلا شمس
يل اغلى من الهــوه
الدنيه ليش بلا ضوه
=======================================
يمه من رحتي الوضع كلــه تغير حتى حيدر يمه ما ضل ذاك حيدر
يمه مثلي ومثل اخوتي كلبه يسعر
وماابالغ لو اكتلج يمكن اكثر
ينحب ودمعه يهل
هسه ضل بلايه خل
بفركتج كلبي نجوه الدنيه كلهه بلا ضوه
=======================================
شلون احسبه اللي صـطر خدج صحابي

وصحتي يا حيدرتعال احركو بابـــــي
وحين صحتي اعيوني الج ضلت ترابي

فضــــه اسنديني عليه اشتـــــد عذابـــي
سمعتج اني وكمت اون غرك كلبي بالحزن
حيلي يا يمـــه خـــــــوه الدنيه كلهه بلا ضوه
======================================
يمه لتروحين وتعوفيني وحــــدي

وداعت عيونــــج ييمه انمرد جبدي
لخاطر الكرار يمــــــه انه ردي

اني اموت وانتي اللي تضلين ودي
ولا نضل بلايــــه ام يمه ما نحمل هضم
نموت الج كلنه سوه الدنيه كلهه بلا ضوه
=====================================
وين نلكه بعد مثلج يل الزجيـــه

يمكن الله نزلج انه هديـــــه
انتي كتيلي بمصاب الغاضريه

شلون راح اتحمله ردي عليـه
ادري بابج من تــوج خيمتي هم تحتــرج
السوط بمتوني التوه الدنيه كلهه بلا ضوه
=====================================
هسه حيدر عله متنه من يشيلج

نصيح اني واخوتي يمه دخيلج
من نشوف اهموم يمه نشتكيلج
بلكت من احجايه منه يحن دليلج
بلكت تردين الــــي ويفرح ويانه علــي
الشافج كليبه ارتوه الدنيه كلهه بلا ضوه
======================================
الترب لو ضمج احنه اشلون بينــــــــه

نضل يتامه وبعد من يسال علينــــــــه
عليج كون الارض كلهه تضل حزينه

يحفر بكبرج علي ويضرب اجبينــــه
صارت الفركه صدك على راسي كمت ادك
البيت من عفتــي هوه الدنيه كلهه بلا ضـــوه
======================================
صعبه لو ماتت الام واولاده زغـــــار

ويا كلبهه جان الهـــــم معبــــــد ودار
بدفعت الباب وضلعهه يكسره بسماره

والوصيــه امجتفــــه ايدك يكــــــــرار
بينه جرحج ما يطيب وحيل مهضوم الحبيب
الفرح يتركنــــه نوه الدنيه كلهه بلا ضــــوه
=======================================
لخادم العتره الطاهره سيد كريم السعبري