تأخرت وبديت أقلق من التأخير
مو عادة لا بغيت تغيب تتأخر !
أشوف بنظرتك حب وكلام كثير
سلامك لي غريب وحيل متغيّر

تهمّك ضحكتي تسأل عساي بخير ؟!
غريبة ربكتك والأغرب الأكثر !
تسولف لي عن غيابك عن التقصير
وتلعن غيبتك كم خلّتك تسهر

أظنّك عاشق وخايف من التفسير
تكابر تحسبك لا قلت أبتكبّر
كأنك صوت مايقوى على التعبير
كأني صمت لا ناديتك أتعبّر

تعال وقول وش قصدك من التأخير
تعبت أفسّر أشياءٍ ماتتفسّر .

'

‏الحب ماهو كلام .. الحب لمسة كفوف
‏فيه أشعر أني مقصر فـ أصدقاي و هلي

‏من راحت سنين من عمره .. يقبّل كتوف
‏ماهو مثل من يقبّل .. خدِّك المُخملي

‏لا تزعل من الغياب ولا تسبّ الظروف
‏جيتك و الأشواق من علوّي اليا أسفلي

‏ولا تسأل إللي يحبك .. لو يطول الوقوف
‏أنت إبتسم لي .. و أنا بسوي إللي علي!

توصيني تقول الوصل خلّه في رقبتك دين
‏ترى الأيام ما تترك رداها و أنت عارفها

‏و أنا عاهدتها ما أبور فيها دامنا حييّن
‏لها وجهي لو تبور الولايف في ولايفها

..يحبك من قلوب الأوادم كريم خصَال
‏يدوّرك، وإن ما جيت مادوّر الزلّه

سوالف عيونك واضحه ماتبي توضيح
‏ليا أوحيتها ربي برحمته يرحمني

‏ترى النظره أبلغ فالمحبه من التلميح
‏هي اللي تعلمني بها .. لا تعلّمني

‏الأيام عدّه والزمان أسرع من الريح
‏سنينه على ضحكة ثمانك تساومني

‏ياكم قلت: مالي قومةٍ من بعد ما اطيح
‏ولا الله كتب لي طيحةٍ ماتقوّمني

عدّيت لك .. ألف زلّه ما عداك الملام
قلت التغابي من خصال الشجاع الذكي

لكّن أبشرك .. أنا غطيت جرحي ونام
من يوم طفّى شموع الوصل كثر البكي

"قل لآخر الليل يسلم ما بقالي كلام
انا أسير المواقف .. وأنت راعي حكي"

" ‏ياكم مرّه يضيّعني التواضع .. لكن الأوضاع
‏ترد الطيّب اللي مستحيل يغيّر اسلوبه

‏واذا طاح المطر و البرق لاح و قرّب المرباع
‏ذكرت اللي تجيني راضيه و تروح مغصوبه

‏سلام الله على وجهٍ .. عليه الخاطر الملتاع
‏مايبرد لو نسانيس الشمال ملاعبه ثوبه

‏وجودي يوم راحت من يدي و انا طويل ذراع
‏وجود الشايب اللي برّ بعياله و باروا به "

‏"تبسّم لي فداك اللي مضى واللي بقى يفداك/ ترى لولا غلاك وضحكتك مابعت خلّاني"
- ضيدان

‏⁦ فكرك⁩ ⁦ على⁩ ⁦ الدنيا⁩ ⁦ مهو⁩ ⁦ مثل⁩ فكري
‏يا والله إنْ قلبك من الود محجوب

‏لا تحْسب إنه ضعْف ويحطّ قدري
‏يومي غديت وصرت بالحب مسلوب

‏بتقول ما تدري عن الحب؟ أدري
‏قلبٍ ليا والَف؛ ولَف كل عذروب..

‏والنجمة اللي شعّت بوسْط صدري
‏أخاف لا تطفي ويرتاع محبوب.

"كفٍّ في جيوب الما يمدّه فوق كل تْراب
‏أجوبك، و السْراب اللي على رمضاك يرويني

‏ضيوفك ما تمر أرضك ضيوف ولا تنام؛ أغراب
‏تلحَّف من جفون أهل البلد و توسَّد إيديني

‏يقلِّطها الظبي نفسه و يبِعد عن ثراها الداب
‏و تحشْم في ثراك و من يعاديها، معاديني"

‏فديتك عن متاهات الطريق وكثرة الهوجاس
‏عن أيام التعب، عن سيلة الكحلة على جفونك

‏توارى خلف صوتي ياحبيبي عن عيون الناس
‏عيون الناس لا تلمح خفاك .. ودمعة عيونك.

‏"وإن بلّلت دهم المزون الأراضين
‏ حنا ربيع أيامنا .. كان بدري
‏عامين .. وأنتِ تنزلين وتشدّين
‏من بيتك لـ بيت القصيدة لـ صدري"

عادك تحّن؟ تخاف لامرّك زحام؟
‏تقرأ دعاء الغيب وتساير الدور؟
‏ولا توسدت الدرايش والأعوام؟
‏ذرّت عليك غبارها هجر وقصور
‏ضاعت سدا أوقاتنا وإنت هدّام
‏ كل مابنيتك فرح بعيني تجور
‏مانلتقي ضدين في عُرف الأيام
تبقى جسد من طين، وأصابعي نور

حبيبي ومعك العمر يمضي دفا و ظلال
‏تجيني سحابٍ عقبه الغيث همالي

‏على ضحكتك ينبت فـ صدري فرح و آمال
‏ومنها تجدد فـ الغلا باقي آمالي

‏ابمسك يدينك وأقهر بحبك العذّال
‏ابفرح و تفرح لعنبو لوم عذّالي

‏ملكت أعظم أنثى ماملك يدّها رجال
‏و لا ودّها اكثر من يدك ياهوَى بالي

‏و لو كان فنجال الهوى مشربه قتّال !
‏عليّ العهد مااهز فالحب فنجالي

‏"معارف جيتك لا غيّب الله زولها من زول
‏كست حتى سنينٍ ماعليها قبلك حسوفه"

‏" ألا ياضحكة الدنيا على وجهي و أنا محتاس
‏أنا أذكر في تفاصيلك شعاع يبدد الظلمه

‏لمحتك في وسط ليلة وكنتي قمره و نسناس
‏ولمحت عيونك اللي من لمحها ماشقى مره "

‏انا أدري بمن يضحك وقلبه علي مغّل
‏وانا أدري بمن يزعل وقلبه علي صافي.

أحبك ما علي من الظروف ومن كلام الناس
‏مدام إني تخيّرتك حبيب بعقلي الواعي

‏" أمسيت أحبه زودٍ .. عن مسا البارح "

‏مالاق أسمك فوق غيرك ولا لاق
‏شِعْرٍ على غيرك كذوب وخطيّه✨

"على هامة الدنيا، مصير الدّروب تْزِلّ
وأنا خطوتي متعلقة فيك، وْشفوفك

تخافك معاليقي، وأنا ما لحقني ذِلّ
إذا خاف قلبي؟ ما توقّيت من خوفك

"تهادت عيونك بين دق الحكي، والجِل
مثل ما تهادى عن عيون الشِّتاء صوفك

على غصنٍ تْهبّه، رياح الصِّبا؟ ما أملّ
أنا كيف أملّ ظلالك، ووجه معروفك؟"