‏أمست جميع الأوادم والجريح أمسى
‏يسامر اللّيل والأشواق .. وحداني

‏يا محمد الوقت لوّ يجرح ولوّ يقسى
‏أنا ما أحبّ أكسر الخطّر ولا أداني

‏ولو إني أنسى جميع الناس كيف أنسى
‏اللّي حلف ما يخلّيني .. وخلّاني ؟

‏ماخفت في عمري وجيه المقابيل
‏إلّا بـ هذا الوقت .. يا قوّ خوفي !

سقى الله ذاك الوقت يا لندن وبيروت
‏ترى جيتكم لـ أجله .. وحبيتكم منّه

‏وأنا من عرفته .. والعمر زاين ومبخوت
‏وتضحك لي الأيام لا من ضحك سنّه

‏أحبّه قبل لا أحيا وأحبّه بعد ما أموت
‏وباذن الله .. أحبّه وحنا هل الجنّه

"قدْ تجيءُ القصيدةُ..
‏.. أو لا تجيء
‏قدْ تمرُّ الأميرةُ.. تحتَ نوافذِ قلبي
‏وقد لا تمرُّ
‏ولكنَّني رغمَ بردِ الطريقِ.. وصمتِ الظلالْ
‏وما قِيلَ عَنِّي... وما قدْ يُقالْ
‏سأشتلُ قلبي..
‏على الغيمِ –
‏صَفْصَافةً ظامئة
‏وأبقى على الدربِ..
‏مرتقباً خطوَكِ الحلوَ… "

- عدنان الصائغ

‏عرفت إن القدر فرصة سعيدة و الحياة أعراف
‏لو إن الشوق من كثر البعاد المر .. صالينا

‏أنا ما كنت في عمري إلى هالمنتهى شفاف
‏لقيتك و الزمان حالف يخون أطهر أمانينا

‏أزورك حلم من خلف الحقيقة و الشعور لحاف
‏ما دام إن الوله واقف على سكة هقاوينا

دروب التيه تاخذنا بعيد ومارضينا نخاف
نقول إن التعب يكفي شقاه.. بكل مافينا

أبيّن ضحكة الدنيا الرحيبه والجروح ضعاف
يمر العمر واحلامي معك نشبك ايادينا

عسى لاغبت عن عينك أوادع والقلوب نظاف
و أبشكر نجمة تسهر وتشوف أجمل ليالينا.

‏"خلها تقلب الدنيا على راسها.. ضحكتك طفلةٍ مرفوع عنها العتب."

#Day1 :

موعد فراقك للقاء آخر مطاف
يالله عسى الليله تخْلف و عدها

“من ليلة الفرقا ! انا ماني ب اخاف
لكن ؟ اخاف الليله اللي بعدها" ..

*سعود مهدي

#Day2 :

‏تمر السنين و تاخذ العمر و تكمّل
‏و لا عاد باقي حاجه اصدق من العزله

"‏عسى الليله اللي كن ساعاتها رّمل
‏تعدّي علي ما تفتق الجرح و اتغزله" ..

*ناصر مناحي

#Day3 :

‏في ليلةٍ غبتي بها كانت الريح
‏تْعاتب الباب الخشب ، و الدرايش

‏”وانا بعد ليل العنا ، و التباريح
‏مستغرب انّي كيف لـ الحين عايش” ..

*فهد العيبان

فقدتك والزمن بعدك توقّف والفرح عسّاس
يدوّر فـ المدى آثار من ضحكك تسليني

من اللي مثلك يداري ؟ من اللي يختصر هالناس
أنا عقبك عرفت إن الأمل ما عاد يغريني .

.

تبهرني المراعاة لأنها تدل على عمق معرفة وشعور وثقافة ووعي وتجربة وأشياء كثيرة تجعل الشخص لايبدو أجوفًا من الداخل، وهذا الإمتلاء جذاب ..

لا طرى جرحٍ عليه من أجمل أيامك ضماد
‏قلت: ماهو من يديه الجرح هذا؛ كان أرق

‏كم لي أجاهد ظنوني على الفايت جهاد
‏وأطوي الأيام .. وأعيد ترتيب الورق

‏يخفت شعور المحبّه بكثر الاعتياد
‏للحزن هذا الشعور، وللضياع، وللغرق

‏جذوة ابن آدم ما بين انطفاء واتّقاد
‏لا ألفته مات وإن شفت معروفه فرَق.

"يا حبيبي يوم فلَّ الليل لوعة ساهرينه؟
‏الصبْح ما كان أخفّ، ألَّا جعلَها سرمديّة
‏كل ما بانت خيوط الشمس من شرق المدينة
‏ما ذكرت ألّا سنَاك .. وما فقدت ألّا مجيِّه"

يطول الدرب .. و أنا امشي عشان ألقاه
‏و أشوفه ضاق و أنا امشي على : كتفه

‏ما يستثير الشعور "الراكد" إلا يداه
‏ لا صار طاريه يربكني وصدري "نهر"

‏ما خفت في عمري وجيه المقابيل
‏إلّا بهذا الوقت .. یا قوّ خوفي

‏خايف أشوفك قطرةٍ في رجا سیل
‏وما تاسع فجوج الأراضي كفوفي

‏"صرت مابغى شي كون الانطلاقة
‏ودّي اجيها ماهيب اللي تجيني"

تجي.. مثل الـ 'خلاص' ليّا سبقها لـحّ
وأجـي مثل الكـلام اللي مع الصّيحة

يقول لسانك: إبقى.. بس فعلك: رحّ
ولا يخفـى عزيز النّفس تلمـيحه

‏ياحبيبي والقصايد ماتسلّي
‏والمدى شف وجهه المرتاب ليّل
‏
‏فيه غصنٍ ذابل وشِعر وتجلّي
‏وفيه قلبٍ مايملّ وضحك عيّل

‏للصباحات القديمة جيت كلّي
‏جيت افتش عن صباحٍ لي مهيّل

‏وأغزل الماء في يدّي وأركض واهلّي
‏واتحادى وأهتف أهتف ياغزيّل:

‏كل ماضاقت بي الأيام قلّي؟
‏ليه أغمض وأنطق أسمك وأتخيّل

‏من بداية خطوتك لآخر مطافك
‏تتبعك روحي ولا هي مستفيده

‏افطني للصوت والتفتي خلافك
‏عن مداهيل الغلا .. منتي بعيده
‏- البطحي جابر

أن جيت برضاي والا رحت مغصوبي
الحين ما كل شي يهز ّ وجداني
يمكن كبرت أو نسيت العام مطلوبي
يمكن تغافلني الحلم وتعداني

‏معك خافقي ماهوب يشرى ولا ينباع
‏لحزنك وفرحك وأبتسامتك وجراحك
عسى مايطاولني من الهم .. والأوجاع
‏فدا المبسم اللي من عرفته، وهو ضاحك

يمكن يزول حزني والشعور يهدى
وأترك الحلم وألقى حلم غيره هنـاك