ကျိုက်ထိုမြို့ ရေစီးရေလာကောင်းမွန်ရေး စုပေါင်းရှင်းလင်း

ကျိုက်ထိုခရိုင်၊ ကျိုက်ထိုမြို့နယ် မြောက်ပိုင်းရပ်ကွက် မြို့ရှောင်လမ်းတစ်လျှောက်ရှိ ချောင်းများနှင့် ရေမြောင်းများ ရေစီးရေလာကောင်းမွန်စေရေး၊ ရေကြီးရေလျှံမှုနှင့် ရေမြောင်းပိတ်ဆို့မှုများ မဖြစ်ပေါ်စေရေးအတွက် ယနေ့ နံနက် ၈ နာရီမှ ၉ နာရီအထိ စုပေါင်းရှင်းလင်းရေးလုပ်ငန်းများ ဆောင်ရွက်ခဲ့ကြသည်။
အဆိုပါလုပ်ငန်းကို အမှတ်(၄၄) ခြေမြန်တပ်မဌာနချုပ် ဒုတိယတပ်မမှူး ဗိုလ်မှူးကြီး ဇော်ဇော်ဝင်းနှင့် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးကံစောလှိုင်တို့ ဦးဆောင်၍ ခရိုင်/မြို့နယ် စီမံအုပ်ချုပ်ရေးအဖွဲ့ဝင်များ၊ တပ်မတော်သားများ၊ ထွေ/အုပ်၊ စည်ပင်၊ ရဲနှင့် မီးသတ်တပ်ဖွဲ့ဝင်များ စုစုပေါင်း ၁၁၀ ဦး ပါဝင်ဆောင်ရွက်ခဲ့ကြောင်း သိရသည်။
ယင်းသို့ စုပေါင်းရှင်းလင်းမှုဖြင့် ချောင်းနှင့် ရေမြောင်းများအတွင်း ရေစီးရေလာကောင်းမွန်စေရေးနှင့် မိုးရာသီ ရေကြီးရေလျှံမှုများ ကြိုတင်ကာကွယ်နိုင်ရေး ဆောင်ရွက်ခဲ့ကြောင်း သိရသည်။

ဧရာဝတီတိုင်းဒေသကြီး၌ အောင်ပွဲရရှေ့တန်းပြန် တပ်မတော်သားများအား ဂုဏ်ပြုကြိုဆို

ဧရာဝတီတိုင်းဒေသကြီး၊ ပုသိမ်မြို့နယ်ရှိ မြေခံတပ်ရင်း၌ အောင်ပွဲရရှေ့တန်းပြန် တပ်မတော်သားများအား စက်တင်ဘာ ၂၇ ရက်တွင် တိုင်းဒေသကြီးဝန်ကြီးချုပ် ဦးအေးကျော်နှင့် တာဝန်ရှိသူများ၊ ဌာနဆိုင်ရာများနှင့် ပြည်သူများက ဂုဏ်ပြုကြိုဆိုခဲ့ကြောင်း သိရသည်။

အဆိုပါ ဂုဏ်ပြုကြိုဆိုပွဲသို့ ဧရာဝတီတိုင်းဒေသကြီးဝန်ကြီးချုပ် ဦးအေးကျော်နှင့် ဇနီး၊ အနောက်တောင်တိုင်းစစ်ဌာနချုပ် တိုင်းမှူးနှင့် ဇနီး၊ ပုသိမ်လေတပ်စခန်းဌာနချုပ်မှူးနှင့် ဇနီး၊ တိုင်းဒေသကြီးအစိုးရအဖွဲ့ဝင်များနှင့် ၎င်းတို့၏ဇနီးများ၊ ဌာနဆိုင်ရာတာဝန်ရှိသူများနှင့် ဒေသခံပြည်သူများ တက်ရောက်၍ အောင်ပွဲရရှေ့တန်းပြန် တပ်မတော်သားများအား နွေးထွေးစွာ ကြိုဆိုဂုဏ်ပြုခဲ့ကြသည်။

ထို့နောက် ဧရာဝတီတိုင်းဒေသကြီးဝန်ကြီးချုပ် ဦးအေးကျော်နှင့် အနောက်တောင်တိုင်းစစ်ဌာနချုပ် တိုင်းမှူးတို့က အောင်ပွဲရရှေ့တန်းပြန် တပ်မတော်သားများအား ဂုဏ်ပြုချီးမြှင့်ငွေများ ပေးအပ်ချီးမြှင့်ခဲ့ကြောင်း သိရသည်။

၂၈-၉-၂၀၂၆ ရက်နေ့ မနေ့က ၁၂ နာရီကျော် လောက်မှာ တပ်မတော် လေယာဉ်တွေက ကျောက်တော်မှာ လေကြောင်းကင်းထောက်နေပါတယ်။

အဲဒီအချိန်မှာ အောက်က AA အကြမ်းဖက် အဖွဲ့တွေက ကြောက်လန့်တကြားနဲ့ လေယာဉ်ကို ထပြစ်ပါလေရော...

လေယာဉ်ကလည်း ပြန်လှည့်ပြီး သမပေးလိုက်တာ AA အကြမ်းဖက်သမားတွေ ကြွသွားတာမှ အစုလိုက်အပြုံလိုက်ပဲ။

ငါတို့ ဒီမှာဟေ့လို့ တမင် အချက်ပြပေးလိုက်သလားတောင် ထင်ရတယ်...

သေနတ်သံ ထွက်လာရာအရပ်က အကြမ်းဖက်သမားပဲရှိမှာပေါ့... ခေါင်းပါရင်စဉ်းစား...

ရှေ့တန်းပြန်တပ်မတော်သားများအား ဂုဏ်ပြုကြိုဆို

နေပြည်တော်၊ စက်တင်ဘာ ၂၉

နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် စစ်ဆင်ရေးတာဝန်များ ထမ်းဆောင်ပြီး ပြန်လည်ရောက်ရှိလာသော ရှေ့တန်းပြန်နိုင်ငံ့သားကောင်း တပ်မတော်သားများအား ဂုဏ်ပြုကြိုဆိုပွဲကို ယနေ့နံနက်ပိုင်းတွင် ကရင်ပြည်နယ်၊ မြိုင်ကလေးမြို့ရှိ နယ်မြေခံတပ်ရင်း၌ ကျင်းပသည်။

အခမ်းအနားသို့ အရှေ့တောင်တိုင်းစစ်ဌာနချုပ်မှ တာဝန်ရှိသူများ၊ တပ်မတော်သားများနှင့် မိသားစုဝင်များ၊ ဌာနဆိုင်ရာတာဝန်ရှိသူများ၊ မြန်မာနိုင်ငံရဲတပ်ဖွဲ့ဝင်များ၊ စစ်မှုထမ်းဟောင်းများ၊ ပြည်သူ့စစ်(ဌာနေ)တပ်ဖွဲ့ဝင်များ၊ ဒေသခံပြည်သူများ၊ ဆရာ၊ ဆရာမများနှင့် ကျောင်းသား၊ ကျောင်းသူများ တက်ရောက်ကြသည်။

ရှေ့တန်းမှ ပြန်လည်ရောက်ရှိလာသည့် တပ်မတော်သားများအား အောင်သပြေခက်၊ အောင်ပန်းကုံးများဖြင့် ဂုဏ်ပြုကြိုဆိုခဲ့ကြပြီး တိုင်းစစ်ဌာနချုပ်မှ တာဝန်ရှိသူတစ်ဦးက ဂုဏ်ပြုအမှာစကားပြောကြားကာ ဂုဏ်ပြုချီးမြှင့်ငွေများ ပေးအပ်ခဲ့ကြောင်း သိရသည်။

"Naypyitaw"ဟုအမည်ပေးထားသည့် MAI ၏လေ ယာဉ်အသစ် XY-ANE (MSN 1827)ကို ရေပက်ဖျန်းပြီးဂုဏ်ပြုကြိုဆို

"Naypyitaw"ဟုအမည်ပေးထားသော MAI ၏ ATR 72-600 လေယာဉ်အသစ် XY-ANE (MSN 1827)သည် စက်တင်ဘာ ၂၈ ရက်ညနေပိုင်းက ရန်ကုန်လေဆိပ်သိုဆိုက်ရောက်လာရာ ရေပက်ဖျန်း၍ဂုဏ်ပြုကြိုဆိုခဲ့ကြောင်း သိရသည်။

အဆိုပါ လေယာဉ်သည် ပြင်သစ်နိုင်ငံ၊ Toulouse မြိုမှ ပျံသန်းရောက်ရှိလာခဲ့ခြင်းဖြစ်ကာ နောက်ဆုံးပေါ်မျိုးဆက် PW127XT အင်ဂျင်တပ်ဆင်ထားသော ပထမဆုံး ATR 72-600 လေယာဉ်ဖြစ်ရာ လောင်စာဆီသုံးစွဲမှုကို (၅)ရာခိုင်နှုန်းအထိလျှော့ချနိုင်ကြောင်း သိရသည်။

ဒုတိယသမ္မတ ဦးညိုစော e-Government ဦးဆောင်ကော်မတီညှိနှိုင်းအစည်းအဝေး (၁/၂၀၂၆) သို့ တက်ရောက်အမှာစကားပြောကြား

နေပြည်တော် စက်တင်ဘာ ၂၉