အကြမ်းဖက် တော်လှန်ရေးကျဆုံးသွားတာဟာ NUG အဖွဲ့ကြောင့်ပဲ... NUG ဟာ စစ်ကိုင်း LPDF တွေကို သူတို့ရဲ့ COC အောက်ဝင်ရမယ်ဆိုတဲ့ ခေါင်းစဉ်နဲ့ တော်လှန်ရေးကို ဖျက်ဆီးပြစ်လိုက်တာပဲ... အခုဆိုရင် စစ်ကိုင်း local PDF တေွဟာ အုံလိုက်ကျင်းလိုက်ကို တပ်မတော်ထံ အလင်းဝင်နေကြပြီ...

ထားဝယ်မှာ မိုးရေချိန် ၁၁ လက်မ တဲ့။ ဒါက နှစ်ပေါင်း ၅၀ အတွင်း စံချိန် ထပ်ချိုးတာပဲ။ သူ့အရင်က ၉ လက်မ ပဲ ရှိတယ်။


၁၁ လက်မ မိုးရေချိန်ဆိုတော့ ဘယ်လောက်တောင် အဆက်မပြတ် ရွာခဲ့လေ မလဲ။ စိမ့်ဝင်စရာ၊ စီးဝင်စရာ ချောင်း ရှိရင်တော့ ခံသာ သေးတာပေါ့။ တောင်ကြီးက တောင်ပေါ်မြို့ ဖြစ်ပါရက် ဘာလို့ ရေကြီးတာလဲ ဆိုတာရဲ့ နောက်ကွယ်မှာ ဒီလို အဖြေတွေရှိနေတယ်။

ဒီလောက် မိုးရွာရင် ပြဿနာတွေ အများကြီး။ ရေနှုတ်မြောင်း မကောင်းရင် ရေလျှံမယ်။ တောင်ကျရေ များရင် တောင်ပြိုမယ်။ လမ်းပိတ်မယ်။ ကူညီကယ်ဆယ်ရေးတွေ အချိန်မီ လာနိုင်ဖို့ ခက်မယ်။ သောက်ရေစနစ် ပျက်စီးမယ်။ ဝမ်းရောဂါတွေ ကူးစက်မယ်။ စိုက်ပျိုးမြေ တွေ ဆုံးရှုံးမယ်။ အိမ်တွေပြိုမယ်။ လူ့အသက်တွေ အန္တရာယ်ရှိမယ်ပေါ့။ ဖြစ်ခြင်း၊ မဖြစ်ခြင်းက နောက်ထား။ ဖြစ်လာနိုင်တာကိုတော့ ကြိုပြင်ထားရတော့မယ်။



(နရီမိုး)

နှောင်ကြိုးပါသော နိုင်ငံရေးသမား (သို့) သတင်းသမားအရေခြုံ အပေါစားနိုင်ငံရေးသမား

၂၀၂၂ ခုနှစ်နောက်ပိုင်း ပထမဆုံးအကြိမ်အဖြစ် ရုရှားနှင့် ဂျာမနီ နိုင်ငံခြားရေးဝန်ကြီးများ တွေ့ဆုံ

နယူးယောက်၊ စက်တင်ဘာ ၂၈
၂၀၂၂ ခုနှစ်တွင် ရုရှားနိုင်ငံက အထူးစစ်ဆင်ရေး စတင်ခဲ့ချိန်ကတည်းက ပထမဆုံးအကြိမ်အဖြစ် ရုရှားနိုင်ငံခြားရေးဝန်ကြီး Sergei Lavrov နှင့် ဂျာမနီနိုင်ငံခြားရေးဝန်ကြီး Johann Wadephul တိုသည် စက်တင်ဘာ ၂၆ ရက်က နယူးယောက်မြိုရှိ ကုလသမဂ္ဂ ရုံးချုပ်တွင် ခေတ္တတွေ့ဆုံခဲ့ကြသည်။

ဂျာမနီဘက်က စက်တင်ဘာ ၂၅ ရက်တွင် "နောက်ဆုံးအချိန်ရောက်မှသာ" တွေ့ဆုံရန် တောင်းဆိုခဲ့ခြင်းဖြစ်ကြောင်း Sergei Lavrov က ပြောကြားခဲ့သည်။ နိုင်ငံခြားရေးဝန်ကြီး နှစ်ဦးသည် Sergei Lavrov ၏ အထွေထွေညီလာခံ မိန့်ခွန်းမပြောကြားမီ အချိန်တွင် တွေ့ဆုံခဲ့ကြခြင်း ဖြစ်သည်။

ထိုင်းမှာ ဖြစ်တာ အယ်လ်နီညို တောင် မဟုတ်သေးဘူး။ မုတ်သုံလေ အားကောင်းပြီး မိုးအဆက်မပြတ်ရွာတာကနေတောင် လူပေါင်း ၅ သောင်းလောက် ထိခိုက်ရင်...မြန်မာဆိုရင် ဘယ်လောက် အခြေအနေ ရှိနိုင်မလဲ။


ခု လက်ရှိ ထိုင်းနဲ့ ဆက်စပ်တဲ့ တနင်္သာရီမှာတောင် မိုးကြီး ၊ ရေလျှံမှုတွေ ရှိလာပြီ။ ဒီမုတ်သုံလေက မြန်မာဘက်ကို ရွှေ့လာဦးမယ်။ အနည်းဆုံးတော့ ပဲခူးအနောက်ခြမ်း၊ ကရင်၊ မွန် ဒေသတွေမှာ မိုးများဦးမယ့် သဘောပဲ။


မြန်မာနိုင်ငံမှာက မိုးများရင် ချက်ခြင်း ရေကြီးတတ်တဲ့ အစဉ်အလာရှိတယ်။ မြို့တွေမှာ ရေနှုတ်မြောင်း စနစ် အားမကောင်းတော့ဘူး။ ပြင်သင့်တယ်လို့ အကြိမ်ကြိမ် မြင်နေရပေမယ့် အဲဒီစိတ်က မိုးရာသီလောက်ပဲ ခံတယ်။ လူတွေရဲ့ လမ်းဘေး အမှိုင်ပစ်တတ်တဲ့ အကျင့်ဆိုးကြောင့်လည်း ခက်တယ်။


အယ်လ်နီညို လာရင် ဘာဖြစ်မလဲ မေးကြတယ်။ ၂ ချက်ပဲ။ အလယ်ပိုင်းဒေသတွေ ပိုပူမယ်။ တောင်ပေါ်ဒေသတွေ မိုးများပြီး တောင်ပြိုလာနိုင်ခြေ ရှိတယ်ပေါ့။ ပူတာရဲ့ နောက်ဆက်တွဲ ပြဿနာက လျှပ်စစ်ပြဿနာရှိတယ်။ ဆီ လိုအပ်ချက်မြင့်မယ်။ မီးဘေး ကြောက်ရမယ်။ အသက်ကြီးတဲ့သူတွေ အမောမခံနိုင်ဘဲ အသက်ပျောက်နိုင်တယ်ပေါ့။ မြေပြိုရင်လည်း ထူးမခြားနားပါပဲ။ နီပေါမှာ ဖြစ်သွားတာကမှ မကြာသေးဘဲ။


ဒီတော့ တကိုယ်ရည်စာ မိသားစု အတွက်တော့ အပူဒေသ ရှောင်ရမယ်။ တောင်ပေါ်ဒေသတွေမှာ မိုးကြီး ရေလျှံဖြစ်ရင် လမ်း၊တံတားတွေ ကျိုးနိုင်တယ်။ တံတားကျိုးရသ် ကုန်စည်ပြတ်လပ်မယ်။ ကုန်ဈေးနှုန်းကြီးမယ်။ လောဘကြီးဖို့ မဟုတ်ပေမယ့် ရှင်သန်ရေး အတွက်တော့ ပြင်ဆင်ထားစရာ ရှိတာ ပြင်ထားကြစေချင်တယ်။



(နရီမိုး)