မော်လမြိုင်-ရန်ကုန်ရထားပေါ်မှ တရားမဝင်ကုန်စည်များ ကျောက်တန်းဘူတာတွင် ဖမ်းဆီးရမိ

ကျောက်တန်း၊ စက်တင်ဘာ ၂၆

ကျောက်တန်းဘူတာ၌ မော်လမြိုင်မှ ရန်ကုန်သို့ ပြေးဆွဲလာသည့် ရထားအမှတ် (၆၈၈) ကို စစ်ဆေးရာ နောက်ဆုံးတွဲအတွင်းမှ အကောက်ခွန်မဲ့ပစ္စည်းများဖြစ်သည့် အမျိုးအစားစိစစ်ဆဲ ဖာ ၉၅ ဖာ၊ ပီနံအိတ် ၄၅ အိတ်၊ ကတ်ဖာ ၁၀ ဖာနှင့် ပီပါခွံ ၁၀ လုံးတို့ကို စက်တင်ဘာ ၂၆ ရက် နံနက်ပိုင်းတွင် ဖမ်းဆီးရမိခဲ့သည်။

စစ်ဆေးချက်အရ ရထားတွဲထိန်း ဦးမောင်မောင်သန့်သည် နေထက်မင်းဆိုသူ၏ ဆက်သွယ်အမှာဖြင့် အဆိုပါပစ္စည်းများကို ကွေ့မဘူတာသို့ ပို့ဆောင်ရန် တင်ဆောင်လာခြင်းဖြစ်ပြီး ပို့ဆောင်ခ ကျပ်သိန်း ၃၀ ရရှိမည်ဖြစ်ကြောင်း ထွက်ဆိုခဲ့သည်။

ဖြစ်စဉ်နှင့်ပတ်သက်၍ ဦးမောင်မောင်သန့်နှင့် သိမ်းဆည်းရမိပစ္စည်းများအား သက်ဆိုင်ရာက ဥပဒေလုပ်ထုံးလုပ်နည်းများနှင့်အညီ ဆက်လက်စစ်ဆေးဆောင်ရွက်လျက်ရှိကြောင်း သိရသည်။

South Dagon Mall ဖွင့်ပွဲအခမ်းအနား ကျင်းပ

ရန်ကုန်၊ စက်တင်ဘာ ၂၆

ရန်ကုန်မြို့၊ မြန်မာ့သားကောင်း အဆင့်မြင့်စစ်မှုထမ်းဟောင်းအိမ်ရာ(လေးထောင့်ကန်)အနီး ဘုရင့်နောင်လမ်းနှင့် အမှတ်(၇)လမ်းထောင့်တွင် တည်ဆောက်ပြီးစီးခဲ့သည့် South Dagon Mall ဖွင့်ပွဲအခမ်းအနားကို စက်တင်ဘာ ၂၆ ရက် နံနက်ပိုင်းတွင် ကျင်းပပြုလုပ်ခဲ့သည်။

အခမ်းအနားသို့ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး တက်ရောက်၍ South Dagon Mall ကို ဖွင့်လှစ်ပေးခဲ့ပြီး Mall အတွင်း ဆိုင်ခန်းများ ဖွင့်လှစ်ရောင်းချလျက်ရှိသည့် အခြေအနေများကို လှည့်လည်ကြည့်ရှုစစ်ဆေးခဲ့သည်။

တပ်မတော်ကာကွယ်ရေးဦးစီးချုပ် ရန်ကုန်တိုင်းစစ်ဌာနချုပ်၊ သန်လျင်နှင့် ဒလတပ်နယ်များမှ အရာရှိ၊ စစ်သည်၊ မိသားစုများအား တွေ့ဆုံ

ရန်ကုန်၊ စက်တင်ဘာ ၂၆

တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦးသည် စက်တင်ဘာ ၂၆ ရက် မွန်းလွဲပိုင်းတွင် ရန်ကုန်တိုင်းစစ်ဌာနချုပ်၊ သန်လျင်တပ်နယ်နှင့် ဒလတပ်နယ်များမှ အရာရှိ၊ စစ်သည်၊ မိသားစုများအား သန်လျင်တပ်နယ်ခန်းမ၌ တွေ့ဆုံ၍ အမှာစကားပြောကြားသည်။

တွေ့ဆုံစဉ် တပ်မတော်သည် အခြားဌာနဆိုင်ရာများနှင့် ဖွဲ့စည်းမှုနှင့် လုပ်ငန်းတာဝန်အရ သဘောသဘာဝကွဲပြားကြောင်း၊ တပ်တွင်း၌ မိသားစုများနှင့်အတူ နေထိုင်၍ လုပ်ငန်းတာဝန်များ ထမ်းဆောင်နေကြရသဖြင့် တပ်မှူးနှင့် ဇနီးတို့၏ မိဘသဖွယ် မျှတစွာ အုပ်ချုပ်မှုသည် အရေးကြီးကြောင်း ပြောကြားသည်။

ထို့ပြင် တပ်မှူးနှင့် တာဝန်ရှိသူများအနေဖြင့် တော်တည့်မှန်ကန်စွာ အုပ်ချုပ်ရန်လိုအပ်သကဲ့သို့ ကွပ်ကဲမှုအောက်ရှိ အရာရှိ၊ စစ်သည်များအနေဖြင့်လည်း နောက်လိုက်ကောင်းများအဖြစ် အမိန့်နာခံပြီး စည်းကမ်းကောင်းမွန်စွာ နေထိုင်ကြရန် လိုအပ်ကြောင်း အမှာစကားပြောကြားခဲ့သည်။

တပ်မတော်ကာကွယ်ရေးဦးစီးချုပ်နှင့် ဇနီး ရေတပ်လေ့ကျင့်ရေးဌာနချုပ်၌ ကံ့ကော်ပင် အမှတ်တရစိုက်ပျိုး

ရန်ကုန်၊ စက်တင်ဘာ ၂၆

တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦးသည် စက်တင်ဘာ ၂၆ ရက် မွန်းလွဲပိုင်းတွင် ရန်ကုန်တိုင်းစစ်ဌာနချုပ်၊ သန်လျင်တပ်နယ်နှင့် ဒလတပ်နယ်များမှ အရာရှိ၊ စစ်သည်၊ မိသားစုများအား သန်လျင်တပ်နယ်ခန်းမ၌ တွေ့ဆုံ၍ အမှာစကားပြောကြားသည်။

ထို့နောက် တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦးနှင့် ဇနီး ဒေါ်နီလာတို့သည် ရေတပ်လေ့ကျင့်ရေးဌာနချုပ်သို့ သွားရောက်၍ ကံ့ကော်ပင်ကို အမှတ်တရ စိုက်ပျိုးခဲ့ကြောင်း သိရသည်။

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ရန်ကုန်တိုင်းဒေသကြီးအတွင်းရှိ ဒဂုံတက္ကသိုလ်သို့ သွားရောက်ကြည့်ရှုစစ်ဆေးပြီး လိုအပ်သည်များအား ဖြည့်ဆည်းဆောင်ရွက်

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတသည် ယနေ့နံနက်ပိုင်းတွင် ခရီးစဉ်တွင် လိုက်ပါလာသည့် အဖွဲ့ဝင်များ၊ ရန်ကုန်တိုင်းဒေသကြီး ဝန်ကြီးချုပ်၊ ရန်ကုန်တိုင်းစစ်ဌာနချုပ်တိုင်းမှူးနှင့် တာဝန်ရှိသူများလိုက်ပါ၍ ရန်ကုန်တိုင်းဒေသကြီးအတွင်းရှိ ဒဂုံတက္ကသိုလ်သို့ သွားရောက် ကြည့်ရှုစစ်ဆေးသည်။
 
ထိုသို့ ကြည့်ရှုစစ်ဆေးစဉ် နိုင်ငံတော်သမ္မတက တက္ကသိုလ်၏ ရေရှည်ဖွံဖြိုးတိုးတက်ရေး တက္ကသိုလ်အင်္ဂါရပ် နှင့်အညီ အခြေခံအဆောက်အအုံများ ပြုပြင်အဆင့်မြှင့်တင်ရေး၊ ကျောင်းသား၊ ကျောင်းသူများ၏ သွားလာနေထိုင်ရေးနှင့် ကျန်းမာရေးစောင့်ရှောက်မှု ပိုမိုကောင်းမွန်စေရေးတို့အတွက် လိုအပ်သည်များ လမ်းညွှန်မှာကြားခဲ့သည်။