ကလေးမြို့နယ်၊ နတ်ချောင်းတိုက်ပွဲမှာ အကြမ်းဖက်အဖွဲ့မှ ၄ ဦး သေဆုံးကြောင်း ဝန်ခံထုတ်ပြန်ထား။
-
မြေပြင်မှာ ဒီထက်ပိုနိုင်ပါသည်။
-
အမြန်ဆုံးအလင်းဝင်ကြဖို့ ဖိတ်ခေါ်ပါတယ်။

တိုက်ပွဲသတင်းစုံ

မန္တလေး-ရန်ကုန် DEMU အမြန်ရထား ခဲဖြင့် ပစ်ပေါက်ခံရ၊ ပြစ်မှုကျူးလွန်သူအား ဖမ်းဆီးရမိရေး အမှုဖွင့် ဆောင်ရွက်နေ
=====
မြန်မာ့မီးရထား၏ အမှတ်(၆)အစုန် မန္တလေး-ရန်ကုန် DEMU လူစီးအမြန်ရထားသည် ဩဂုတ် ၂၅ ရက် နံနက် ၁၁ နာရီ ၂၀ မိနစ်ခန့်က တပ်ကုန်းမြို့နယ်၊ ညောင်လွန့်ဘူတာနှင့် မကျီးပင်ဘူတာကြား၌ ရထားလမ်း ညာဘက်ခြမ်းမှ ခဲဖြင့် ပစ်ပေါက်ခံခဲ့ရသည်။
အဆိုပါ ပစ်ပေါက်မှုကြောင့် တွဲဆိုင်း (၅) တွဲမြောက် ပထမတန်းတွဲ DEMU F(C) -1006 ၏ ပြတင်းတံခါးမှန် ကြေမွကွဲအက်သွားခဲ့သော်လည်း ခရီးသည်များ ထိခိုက်မှု မရှိခဲ့ပေ။
ဖြစ်စဉ်ကြောင့် ရထား ၂၀ မိနစ်ခန့် ကြန့်ကြာခဲ့ပြီး ပြစ်မှုကျူးလွန်သူအား ဖမ်းဆီး၍ ရထားပို့ဆောင်ရေးလုပ်ငန်း ဥပဒေနှင့်အညီ အရေးယူနိုင်ရေးအတွက် သက်ဆိုင်ရာ နယ်မြေရဲစခန်းတွင် အမှုဖွင့် ဆောင်ရွက်လျက်ရှိကြောင်း သိရသည်။

၂၆-၈-၂၀၂၆ ရက်တွင် မြန်မာနိုင်ငံသို့ ဗီယက်နမ်နိုင်ငံခြားရေးဝန်ကြီး လာရောက်မည်

ဗီယက်နမ် နိုင်ငံခြားရေးဝန်ကြီး လီဟွိုင်ထရွန်း (Le Hoai Trung) သည် ဩဂုတ် ၂၆ ရက်တွင် မြန်မာနိုင်ငံသို့ တရားဝင် အလည်အပတ်ခရီး သွားရောက်ရန် စီစဉ်ထားကြောင်း ဗီယက်နမ် နိုင်ငံခြားရေးဝန်ကြီးဌာနက ထုတ်ပြန်ထားသည်။
-
ထရွန်း၏ အဆိုပါခရီးစဥ်သည် ၂၀၂၁ ခုနှစ် နိုင်ငံရေးဖြစ်စဉ်များအပြီး ဗီယက်နမ် အဆင့်မြင့်အရာရှိတစ်ဦး၏ ပထမဆုံးသော မြန်မာနိုင်ငံခရီးစဉ် ဖြစ်လာမည်ဖြစ်သည်။
-
ထရွန်းသည် ခရီးစဥ်အတွင်း မြန်မာနိုင်ငံခြားရေးဝန်ကြီးနှင့်အတူ နှစ်နိုင်ငံ ပူးပေါင်းဆောင်ရွက်ရေး အစည်းအဝေးကို ပူးတွဲသဘာပတိအဖြစ် ဆောင်ရွက်မည်ဟု မျှော်လင့်ရကြောင်း ဝန်ကြီးဌာန၏ ထုတ်ပြန်ချက်တွင် ဖော်ပြထားသည်။
-
ယခုခရီးစဉ်သည် ဗီယက်နမ်နှင့် မြန်မာတို့ သံအမတ်သစ်များ အပြန်အလှန် လဲလှယ်အပြီး တစ်လအကြာတွင် ပေါ်ပေါက်လာခြင်းဖြစ်သည်။

မြန်မာ-ဗီယက်နမ် B2B ချိတ်ဆက်မှုမှတစ်ဆင့် ခရီးသွားဈေးကွက်သစ်များ ဖော်ဆောင်မည်
=====
မြန်မာနှင့် ဗီယက်နမ် နှစ်နိုင်ငံအကြား ခရီးသွားလုပ်ငန်း ပူးပေါင်းဆောင်ရွက်မှုနှင့် ဈေးကွက်သစ်များ ဖော်ဆောင်ရေးအတွက် B2B Mini Workshop နှင့် Famtrip ခရီးစဉ်ကို ဩဂုတ် ၁၅ ရက်မှ ၁၉ ရက်အထိ ဗီယက်နမ်နိုင်ငံ Da Nang–Hue–Hoi An ဒေသများ၌ ကျင်းပခဲ့ကြောင်း မြန်မာနိုင်ငံခရီးသွားလုပ်ငန်းရှင်များအသင်း (UMTA) ထံမှ သိရသည်။
အဆိုပါ ခရီးစဉ်သို့ UMTA အသင်းဝင် ကုမ္ပဏီ ၅၈ ခုမှ လုပ်ငန်းရှင်များ ပါဝင်ခဲ့ပြီး ဗီယက်နမ် ခရီးသွားအာဏာပိုင်များ၊ မိတ်ဖက်အဖွဲ့အစည်းများနှင့် တွေ့ဆုံကာ နှစ်နိုင်ငံ ခရီးသွားဈေးကွက် အခြေအနေများ၊ ဧည့်သည်များ၏ စိတ်ဝင်စားမှုနှင့် အနာဂတ် ပူးပေါင်းဆောင်ရွက်နိုင်မည့် အခွင့်အလမ်းများကို ဆွေးနွေးခဲ့ကြသည်။
ယခုကဲ့သို့ B2B တိုက်ရိုက် ချိတ်ဆက်မှုများမှတစ်ဆင့် နှစ်နိုင်ငံ ဧည့်သည် အပြန်အလှန် ဝင်ရောက်မှုနှင့် ခရီးစဉ်သစ်များ ပိုမိုဖော်ဆောင်နိုင်မည် ဖြစ်သည်။