‎အာဆီယံအစည်းအဝေးမှာ မြန်မာနိုင်ငံနဲ့ပတ်သက်ပြီး စင်ကာပူ၊ ဖိလစ်ပိုင်နှင့် အရှေ့တီမော နိုင်ငံတွေက အာဆီယံရဲ့ Charter ကို ချိုးဖောက်ပြီး မြန်မာနိုင်ငံရဲ့ ပြည်တွင်းရေးကို ဝင်ရောက်စွက်ဖက်လျက်ရှိပါတယ်။
‎-
‎အဲဒီလိုဝင်ရောက်စွက်ဖက်တာနဲ့ပတ်သက်ပြီး မြန်မာနိုင်ငံအနေနဲ့ နိုင်ငံတော်ရဲ့ အချုပ်အခြာ အာဏာကို ထိပါးလာတာဖြစ်တဲ့အတွက် လက်သင့်မခံသလို နိုင်ငံခြားရေးဝန်ကြီးဌာနကလည်း အာဆီယံဘုံသဘောတူညီချက် ၅ ချက်အပေါ် ရပ်တည်ချက်သဘောထားကို တရားဝင် ထုတ်ပြန် ထားပြီးဖြစ်ပါတယ်။
‎-
‎မြန်မာနိုင်ငံအနေနဲ့ အာဆီယံမှာ နိုင်ငံရေးအရ အသိအမှတ်ပြု မခံရပေမယ့် အာဆီယံတစ်နိုင်ငံ ချင်းအလိုက် ထိတွေ့ဆက်ဆံပြီး အာဆီယံနဲ့ ပူးပေါင်းလုပ်ဆောင်လျက်ရှိပါတယ်။
‎-
‎ဒီလိုပူးပေါင်းဆောင်ရွက်နေပေမယ့် စင်ကာပူ၊ ဖိလစ်ပိုင်နှင့် အရှေ့တီမောနိုင်ငံတွေက မသိကျိုးကျွံပြုကာ မျက်နှာပြောင်တိုက်ပြီး မြန်မာနိုင်ငံရဲ့ အချုပ်အခြာအာဏာကို ဝင်ရောက် စွက်ဖက်နေတဲ့အတွက် Information Sheet သတင်းလွှာထုတ်ပြန်ရေးအဖွဲ့က အဲဒီနိုင်ငံတွေကို Social Media Platform ဘက်ပေါင်းစုံမှ ပြင်းပြင်းထန်ထန် တုံ့ပြန်လျက်ရှိတာကိုတွေ့ရတယ်။
‎-
‎အဲ့ဒီအဖွဲ့က အင်္ဂလိပ်ဘာသာနဲ့ တုံ့ပြန်ချက်တွေကို အာဆီယံနိုင်ငံများသို့ E-mail များ ပေးပို့ နေသလို Twitter(X) စာမျက်နှာမှာလည်း သတင်းများ ဖြန့်ချိနေတာကို တွေ့ရပါတယ်။

ခင်ညိုချော

အွန်လိုင်းလိမ်လည်မှု တိုက်ဖျက်ရေးဆိုင်ရာ ဥပဒေကြမ်းကို ပြည်သူများ လေ့လာနိုင်ရန် အသိပေး

အွန်လိုင်းလိမ်လည်မှု တိုက်ဖျက်ရေးဆိုင်ရာ ဥပဒေကြမ်းကို ယနေ့ မေလ ၁၄ ရက်နေ့မှာ ပြည်သူများ သိရှိလေ့လာအကြံပြုနိုင်ရန် နိုင်ငံပိုင်သတင်းစာကတဆင့် အသိပေးထုတ်ပြန်ထားကြောင်း သိရပါတယ်။

အဆိုပါ ဥပဒေနှင့် ပတ်သက်တဲ့ အကြံပြုစာများကိုလည်း ပြည်ထောင်စုလွှတ်တော်ရုံးသို လိပ်မူပေးပိုနိုင်ကြောင်းလည်း အသိပေးဖော်ပြထားပါတယ်။

အွန်လိုင်းလိမ်လည်မှုကို နိုင်ငံအတွင်း အခြေမပြုနိုင်ရေး ပြည်တွင်းအင်အားစုများအပြင် ပြည်ပနိုင်ငံအစိုးရများနှင့် ပေါင်းစပ်ဆောင်ရွက်ရန် ရည်ရွယ်ချက်အပါအဝင် ရည်ရွယ်ချက်(၇)ချက်ကိုလည်း ဥပဒေကြမ်းမှာ ထည့်သွင်းဖော်ပြထားပါတယ်။

ထိုပြင် ဥပဒေမှာ အခန်း(၁၃)ခန်းပါဝင်ပြီး တားမြစ်ချက်များ၊ပြစ်ဒဏ်များ ၊နိုင်ငံတကာနှင့်ပူးပေါင်းဆောင်ရွက်ခြင်း၊ သတင်းအချက်လက်ဖလှယ်ခြင်း ၊ တားဆီးကာကွယ်ခြင်းစသည့်အချက်များ လည်းပါဝင်ကြောင်း သိရပါတယ်။
#News

ပြည်ပသို့ ရေငန်ထွက်ကုန်များ အေးခဲတင်ပို့မှုထက် အရှင်တင်ပို့နိုင်ပါက နိုင်ငံခြားငွေတိုးမြင့်ရရှိလာမည်

ရန်ကုန် ၊ မေ ၁၃

တနင်္သာရီတိုင်းဒေသကြီး ကော့သောင်းနှင့် မြိတ်တို့မှ ရေငန်ထွက်ကုန်များကို ပြည်ပသို့ အေးခဲတင်ပို့လျက်ရှိပြီး အရှင်တိုက်ရိုက်တင်ပို့နိုင်ပါက နိုင်ငံခြားဝင်ငွေပိုမိုရရှိလာမည်ဟု သိရသည်။

၂၀၂၄-၂၀၂၅ ဘဏ္ဍာရေးနှစ်တွင် တနင်္သာရီတိုင်းဒေသကြီးမှ ရေထွက်ကုန်တင်ပို့မှုမှ အမေရိကန်ဒေါ်လာ ၃၀၃ ဒသမ ၆၂ သန်းရရှိခဲ့ပြီး ပုစွန်၊ ကျောက်ပုစွန်၊ ကဏန်းပျော့နှင့် ဂျင်းခရုများကို ပြည်ပသို့ တင်ပို့လျက်ရှိသည်။

လက်ရှိတွင် မြိတ်မှ ထိုင်းနိုင်ငံသို့တင်ပို့ကာ ထိုမှတစ်ဆင့် တရုတ်နိုင်ငံသို့ လေကြောင်းဖြင့် ဆက်လက်တင်ပို့နေရသော်လည်း မြိတ်လေဆိပ်မှ တရုတ်နှင့် ဂျပန်နိုင်ငံများသို့ တိုက်ရိုက်အရှင်တင်ပို့နိုင်ပါက ပို့ကုန်တိုးမြှင့်နိုင်ပြီး ရေထွက်ကုန်အရှင်တင်ပို့မှု ဈေးကွက်သစ်တစ်ခု ဖော်ဆောင်နိုင်မည်ဖြစ်ကြောင်း သိရသည်။

ခင် ညို ချော

မြန်မာအစိုးရ၏ မူဝါဒများကို တရုတ်ဘက်က ဆက်လက်ထောက်ခံကြိုဆိုမည်ဟု ချုံချင့် နိုင်ငံခြားရေးဌာနညွှန်ချုပ်ပြောကြား

Chongqing မြူနီစီပယ်အစိုးရ နိုင်ငံခြားရေးဌာန ညွှန်ကြားရေးမှူးချုပ် မစ္စဝမ်းဝမ်က မြန်မာအစိုးရရဲ့ ဆက်လက်အကောင်အထည်ဖော်မယ့် မူဝါဒများနှင့် လုပ်ငန်းစဉ်များကို တရုတ်နိုင်ငံဘက်မှ အစဉ်တစိုက် ထောက်ခံကြိုဆိုသွားမည်ဖြစ်ကြောင်း ပြောကြားခဲ့ပါတယ်။

ယင်းပြောကြားချက်ကို Chongqing ရှိ မြန်မာကောင်စစ်ဝန်ချုပ်ရုံးမှ ကောင်စစ်ဝန်ချုပ် ဦးကျော်ဇေယျာလင်းနှင့် မေ ၁၂ ရက်က တွေ့ဆုံစဉ် ပြောကြားခဲ့ခြင်းဖြစ်ကြောင်း သိရပါတယ်။

ညွှန်ကြားရေးမှူးချုပ် မစ္စဝမ်းဝမ်က ချုံချင့်မြူနီစီပယ်အစိုးရအနေဖြင့် မြန်မာနိုင်ငံနှင့် ကဏ္ဍပေါင်းစုံမှာ ပူးပေါင်းဆောင်ရွက်သွားရန် အသင့်ရှိကြောင်းနှင့် Chongqing ဟာ တရုတ်-မြန်မာ ဆက်ဆံရေးအတွက် အရေးပါတဲ့ မြိုတစ်မြိုဖြစ်ကြောင်းလည်း ပြောကြားခဲ့ပါတယ်။
#News

တပ်မတော်ချစ်မြတ်နိုးသူ မိဘပြည်သူများက ဗန်းမော်စစ်သည်တော်များအတွက် ပေးပို့လှူဒါန်းသည်။

(VOX)
တိုက်ပွဲသတင်းစုံ