Electronic Funds Source ( EFS ) Nima?

Electronic Funds Source (EFS) — yuk tashish va logistika sohasida maxsus moliyaviy xizmatlarni taklif qiladigan platforma. EFS asosan yoqilg‘i xarajatlarini boshqarish, to‘lovlarni nazorat qilish va kompaniyalar uchun hisob-kitoblarni optimallashtirish imkonini beradi. EFS turli yoqilg‘i kartalari va moliyaviy yechimlarni taqdim etadi, bu esa operatorlar va haydovchilar uchun qulaylik yaratadi.

EFS Asosiy Afzalliklari:

1. Yoqilg‘i xarajatlarini boshqarish: EFS yoqilg‘i xarajatlarini real vaqtda kuzatishga yordam beradi. Haydovchilar EFS kartasi yordamida yoqilg‘iga to‘lov qiladilar va shu orqali kompaniya xarajatlarni nazorat qilishi mumkin .
2. To‘lov va Avans xizmatlari: EFS haydovchilar uchun avans olishni osonlashtiradi. Bu esa ular safar davomida qo‘shimcha mablag‘ga muhtoj bo‘lganda qulay bo‘ladi.
3. Xavfsizlik va nazorat: EFS kartalari xavfsizlik uchun PIN-kod bilan himoyalangan bo‘lib, yoqilg‘i xarajatlarini xodimlarga mos ravishda nazorat qilish imkonini beradi .

Masalan:
Bir haydovchi EFS yoqilg‘i kartasidan foydalanib, yuk mashinasiga yoqilg‘i quydi. Barcha xarajatlar real vaqtda kompaniya tizimida qayd etildi va shunday qilib, kompaniya haydovchining yoqilg‘i sarfini nazorat qilish imkoniyatiga ega bo‘ldi. Bu esa barcha xarajatlarni to‘liq hisoblash va moliyaviy rejani samarali boshqarishga yordam beradi.

EFS Platformasi Qaysi Kompaniyalar uchun Qulay?

• Katta va o‘rta logistik kompaniyalar uchun: Har bir haydovchi uchun xarajatlarni alohida kuzatish va nazorat qilish imkoniyatini beradi.
• O‘z haydovchilari bilan uzoq masofada ishlaydigan kompaniyalar uchun: Haydovchilarga yo‘l davomida yoqilg‘i xarajatlari uchun mablag‘ olishni osonlashtiradi.

EFS haqida Qo‘shimcha Ma’lumot uchun Manbalar:

• EFS rasmiy veb-sayti: EFS LLC
• Transport va logistika to‘lov xizmatlari: WEX Inc
• Yoqilg‘i xarajatlarini boshqarish va boshqa afzalliklar haqida: Truckers News

🔗Logistics Info

Touch Freight va No-Touch Freight

Trucking sohasida Touch Freight va No-Touch Freight tushunchalari yuklarni qanday tashish va yuklash/bo‘shatish jarayonlariga bog‘liq. Quyidagi tushunchalarni bilish haydovchilarga ish sharoitlarini tushunishda va o‘z ishiga mos keladigan yuk turlarini tanlashda yordam beradi.

No-Touch Freight Nima?

No-Touch Freight — bu yukni haydovchi hech qanday jismoniy kuch bilan boshqarishi shart bo‘lmagan vaziyat. Ya’ni, haydovchi yukni yuklash yoki tushirishda qatnashmaydi. Yukning barcha yuklash va bo‘shatish ishlari ombor xodimlari yoki boshqa xizmat ko‘rsatish xodimlari tomonidan amalga oshiriladi. Haydovchi faqat transportni boshqarib, yukni o‘z vaqtida yetkazishga javobgar bo‘ladi.

Afzalliklari:

• Haydovchilar jismonan yuk bilan shug‘ullanmasdan faqat transportni boshqarishadi.
• Yuk zarari xavfi kamayadi, chunki yukni yuklash va tushirish jarayonida kamroq qo‘l tegadi.

Misol: Bir haydovchi ombor markazidan tayyorlangan palletli yuklarni supermarketga olib bordi. Ombor xodimlari yukni tushirishdi, haydovchi esa faqatgina yukni yetkazish bilan shug‘ullandi.

Touch Freight Nima?

Touch Freight — bu haydovchi yukni yuklash yoki tushirishda ishtirok etishi kerak bo‘lgan yuk turi. Haydovchi yukni yuklash, tushirish yoki hatto yukning xavfsizligini ta’minlash uchun mas’ul bo‘lishi mumkin. Bunday yuklarga ko‘pincha o‘ziga xos yuklash usuli talab qilinadigan yuklar, masalan, qurilish materiallari yoki nozik buyumlar kiradi.

Afzalliklari:

• Qo‘shimcha daromad imkoniyatlari: Touch Freight uchun qo‘shimcha haq to‘lanishi mumkin.
• Haydovchi mijoz bilan to‘g‘ridan-to‘g‘ri aloqa qilish orqali xizmat ko‘rsatish sifatini oshiradi.

Misol: Haydovchi qishloq xo‘jaligi mahsulotlarini bozorga olib keladi va ularni tushirish uchun yordam ko‘rsatadi. Shu bilan birga, har bir yuklash/tushirish ishlari uchun qo‘shimcha haq oladi.

Touch Freight Uchun To‘lovlar

Haydovchining to‘lovi yuk tashish kompaniyasining siyosatiga, shartnomalariga va sohadagi odatiy amaliyotlarga qarab farq qilishi mumkin. Ba’zi kompaniyalar touch freight uchun yuqori to‘lov taklif qilishadi, boshqalari esa faqat standart to‘lov beradi. Agar haydovchi o‘z vaqtida qo‘shimcha xizmat ko‘rsatgan bo‘lsa, unga bonus to‘lash yoki mijozdan to‘g‘ridan-to‘g‘ri bonus olish imkoniyatlari ham bo‘lishi mumkin.

Reference:

• No-Touch Freight haqida: TruckingInfo.com
• Touch Freight haqida: TruckingTruth.com
• Haydovchi to‘lovlari va shartnomalari haqida: FreightWaves.com

🔗Logistics Info

Moving Violations

Moving Violations — bu haydovchi harakatda bo‘lganida yo‘l harakati qoidalarini buzishi demakdir. Bular haydovchining ish faoliyatiga jiddiy ta’sir ko‘rsatishi mumkin bo‘lgan jarima va jazolarni o‘z ichiga oladi. Haydovchilar uchun non-moving violations (harakatsiz qoidabuzarliklar) — masalan, noto‘g‘ri joyda parkovka qilish kabi holatlar ham bor.

Truck Driverlar uchun Keng Tarqalgan Moving Violations

1. Speeding (Tezlikni oshirish)
Ruxsat etilgan tezlikdan oshib ketish harakat buzilishlarining eng keng tarqalgan turlaridan biridir. Ayrim shtatlar yuk mashinalari uchun alohida pastroq tezlik chegaralarini belgilaydi.

2. Improper Lane Change
Yo‘nalishni almashtirishda signal bermaslik yoki xavfsiz bo‘lmagan holatda burilishlar qilish, shuningdek, faqat ma’lum transport vositalariga ruxsat etilgan yo‘laklarga chiqish ham noto‘g‘ri yo‘nalish o‘zgarishi hisoblanadi.

3. Reckless Driving
Bu harakat o‘z ichiga orqa tomondan xavfli masofada yaqinlashish, notekis harakatlanish yoki qurilish hududida tezlikni oshirish kabi xavfli qoidabuzarliklarni oladi.

4. Distracted Driving
Yo‘l harakatidan chalg‘itadigan telefon orqali SMS yozish, ovqatlanish yoki qo‘l telefonini ushlab xaritadan foydalanish kabi holatlar kiradi.

5. Driving Under the Influence, DUI (Spirtli ichimlik yoki narkotik modda ta’sirida haydash)
Spirtli ichimlik yoki narkotik moddalar ta’sirida transport vositasini boshqarish jiddiy qoidabuzarlik hisoblanadi, va yuk tashuvchi haydovchilar uchun bu qoidalarni yanada qat’iyroqdir.

Moving Violationsning Oqibatlari:

Moving violations haydovchi rekordida qayd etiladi va turli oqibatlarga olib kelishi mumkin. Jarimalar, haydovchilik guvohnomasiga qo‘shimcha ballar, hatto guvohnoma bekor qilinishi kabi jiddiy choralar qo‘llaniladi. Truck driverlar uchun bu qoidabuzarliklar sug‘urta to‘lovlarini oshirishi, ishga olish imkoniyatlarini pasaytirishi va og‘ir holatlarda litsenziyani yo‘qotishiga olib kelishi mumkin. Shu sababdan, har doim qoidalarga rioya qilish orqali xavfsizlik va qonunchilikka muvofiqlikni ta’minlash juda muhimdir.

Reference:
• Moving violations haqida kengroq ma’lumot olish uchun: DMV.org
• Transport xavfsizligi ko‘rsatmalarini bilish uchun: FMCSA.gov
• Sug‘urta tariflari va harakat buzilishlari ta’siri haqida: Insurance.com

🔗Logistics Info

Forced Dispatch va No Force Dispatch

Trucking sanoatida haydovchilar uchun “Forced Dispatch” va “No Force Dispatch” tushunchalari muhim ahamiyatga ega. Quyida har birining mohiyati va ularning haydovchilar uchun qanday oqibatlarga olib kelishi mumkinligi haqida qisqacha ma’lumot beramiz.

Forced Dispatch

Forced Dispatch - bu kompaniya tomonidan haydovchiga yukni qabul qilish majburiyati yuklatilgan holat. Haydovchi o‘z istagiga qaramay, kompaniya talabi bilan yukni bajarishi kerak bo‘ladi. Bunga sabablar sifatida jadvaldagi zichlik, tez yetkazib berish zaruriyati yoki haydovchilarning cheklanganligi ko‘rsatiladi.

Misol: Agar haydovchiga uzoq masofaga kechasi yurishni talab qiladigan yuk berilsa va u dam olishni istasa, kompaniya uni yukni bajarishga majbur qilishi mumkin.

Manba: FMCSA Final Rule on Forced Dispatch

No Force Dispatch

No Force Dispatch – haydovchiga yuklarni qabul qilish yoki rad etishda erkinlik beriladi. Kompaniya haydovchiga qaysi yukni qabul qilishni o‘zi hal qilishiga imkoniyat beradi. Bu tizim ko‘pincha kichik kompaniyalar yoki mustaqil haydovchilar uchun amal qiladi, chunki ular ishni o‘zining qulayligi va istaklariga qarab rejalashtirish imkoniga ega bo‘ladi.

Misol: Bir haydovchiga uzoq safar taklif qilinsa va u oilasi bilan vaqt o‘tkazishni istasa, bu yukni rad etishi mumkin.

Manba: Trucking Truth - No Force Dispatch

Haydovchi Qaysi Holatlarda Yukni Rad Etsa Bo‘ladi?

Haydovchining yukni qabul qilmaslik uchun asosli sabablari quyidagilar bo‘lishi mumkin:

• Ish soati cheklovlari: Haydovchining ish vaqti cheklovlaridan oshib ketish xavfi bo‘lsa.
• Haydovchining salomatligi: U charchagan yoki kasal bo‘lsa.
• Texnik muammolar: Yuk mashinasida texnik nosozliklar mavjud bo‘lsa.
• Yukning xususiyatlari: Xavfli yoki tartib bilan bog‘liq muammolar mavjud bo‘lsa.
• Shartnomaviy talablar: Shartnoma shartlariga mos kelmasa.

Manba: CDL Career Now - Forced Dispatch

Forced Dispatchning Salbiy Oqibatlari

Agar kompaniya haydovchini kontraktda kelishmagan holatda yukni qabul qilishga majburlasa, u qator jarimalarga duch kelishi mumkin. FMCSA qoidalariga ko‘ra, yukni majburlab qabul qildirish qonunbuzarlik hisoblanadi va kompaniyaga har bir holat uchun $16,000 gacha jarima solinishi mumkin.

🔗Logistics Info

Assalomu alaykum.

Kimda nima savol, taklif, yoki nimadir etmoqchi bo’gan bo’sa, bemalol yozishilar mumkin 👇

Box Truck: Siz Bilishingiz Zarur Bo‘lgan Asosiy Ma’lumotlar

Box truck – bu yuk tashishga moslashtirilgan, to‘rtburchak shaklidagi yopiq yuk mashinasi. U kichik va o‘rta bizneslarda keng qo‘llaniladi. Box trucklar qulaylik, ko‘p funksionallik va xavfsizlikni ta’minlagan holda yuk tashishda muhim o‘rin tutadi.

Box Truckning Tuzilishi

1. Kabina
• Haydovchi joylashadigan qism bo‘lib, ikkita turga bo‘linadi:
• Tekis yuzli (Flat-faced): Dvigatel kabinaning ostida bo‘lib, yuk joyi kattaroq va manёvr qulay.
• An’anaviy (Conventional): Dvigatel old tomonda joylashgan bo‘lib, yoqilg‘i tejamkorroq.
• Ba’zi modellarda kichik dam olish joylari (sleeper) ham mavjud.

2. Yuk Tashish Qismi (Box)
• Odatda alyuminiy yoki fiberglassdan tayyorlangan.
• Qoplangan va derazasiz bo‘lib, orqa eshiklari yuqoriga yoki yon tomonlarga ochiladi. Ayrim modellarda yon eshik ham mavjud.

Box Truck O‘lchamlari

Kichik – Yengil Yuk Box Truck (10–12 fut)

• Uzunligi: 10–12 fut (3–3,7 metr)
• Kengligi: 6 fut (1,8 metr)
• Balandligi: 6 fut (1,8 metr)
• Kichik ko‘chishlar, masalan, studio yoki 1 xonali kvartira uchun mos.

O‘rta – O‘rta Yuk Box Truck (14–17 fut)

• Uzunligi: 14–17 fut (4,3–5,2 metr)
• Kengligi: 7 fut (2,1 metr)
• Balandligi: 7 fut (2,1 metr)
• Kichik uy yoki 2 xonali kvartirani ko‘chirish uchun qulay.

Katta – Og‘ir Yuk Box Truck (20–26 fut)

• Uzunligi: 20–26 fut (6–8 metr)
• Kengligi: 8 fut (2,4 metr)
• Balandligi: 8 fut (2,4 metr)
• 3–4 xonali katta uylarni yoki katta hajmdagi yuklarni tashish uchun ideal.

Turlari

1. Quruq yuk tashiydiganlar (Dry Vans): Oddiy, non-perishable yuklar uchun.

2. Sovitiladigan yuk mashinalari (Refrigerated Box Trucks): Mahsulotlarni salqin holatda tashish uchun.

3. Liftgate yuk mashinalari: Og‘ir yuklarni yuklash/o‘tkazishni osonlashtiruvchi mexanik lifti mavjud.

4. Utility Box Trucks: Elektrik va boshqa soha vakillari uchun maxsus uskunalar bilan jihozlangan.

Box Truckning Qo‘llanilishi

Box trucklar quyidagi sohalarda keng ishlatiladi:
1. Ko‘chish xizmatlari: Ko‘p joylashtiriladigan yuklar uchun eng qulay vosita.

2. Chakana savdo va yetkazib berish: Mebel yoki katta yuklarni do‘kondan mijozga olib borishda.

3. Courier xizmatlari: Paketlar va katta hajmdagi buyumlarni yetkazib berishda.

4. Oziq-ovqat va ichimliklar: Sovutiladigan yuk mashinalar orqali yetkazib beriladi.

5. Ijodiy sohalar: Kino yoki musiqa asboblarini tashish uchun ishlatiladi.

Yurish Talablari

1. Standart haydovchilik guvohnomasi: GVWR (yukning umumiy vazni) 26,001 funtdan past bo‘lsa, odatiy guvohnoma yetarli.

2. CDL guvohnomasi: Agar yuk mashinasining vazni yuqoriroq bo‘lsa yoki xavfli material tashilsa, tijorat guvohnomasi kerak.

3. Minimal yosh talabi: Shtat ichida 18 yosh, davlatlararo yuk tashishda esa 21 yosh.

Box Truckning Afzalliklari

• Ob-havo sharoitidan himoya qiladi.
• Tor shahar ko‘chalarida yurish uchun qulay.
• Tejamkor va oddiy foydalanish tizimi mavjud.

Reference:

1. Box truck haqida ma’lumot: FMCSA rasmiy veb-sayti
2. Liftgate haqida : Liftgate tafsilotlari
3. CDL talablarini bilib oling: CDL haqida

🔗Logistics Info

Logistikada Remotely (masofadan turib ishlash)

Hammada bor savol: Logistikada uydan turib ishlasam bo'ladimi?

Agar siz tog'ridan tog'ri, birdaniga remotely ishlashga kirish haqida so'rayotgan bo'sez, unda bu deyarli imkonsiz.
Hech qaysi kompaniya birdaniga remotely ishlashga ruhsat bermidi (100 tadan 1 ta xolatlar bundan mustasno).

Avval kompaniyaga ishga kirasiz, office ga borib ishlisz va o'zizni ko'rsatasiz ana undan keyin biroz vaqt o'tib remotely ishlash uchun ruhsat olishiz mumkin agar shunchalik uydan turib ishlash zarur bo'sa va kompaniyada bunga ruhsat bo'sa.

Lekin remotely ishlashga ruhsat beradigan kompaniyalar juda juda kam.
Asosan yangi ochilgan va kompaniya egalari O'zbekistonda bo'magan, office olishga budjeti hali yetmaydigan va shunga o'xshash boshqa sabablar bilan kompaniya remotely ish taklif qilishi mumkin.

🔗Logistics Info

Roadside Inspections (DOT Inspection)

Roadside Inspection, ya’ni DOT Inspection, tijorat transport vositalari va haydovchilarning Federal Motor Carrier Safety Administration (FMCSA) xavfsizlik qoidalariga rioya qilishini tekshirish uchun o‘tkaziladi. Ushbu inspeksiyalar xavfsizlik qoidalarini buzishni aniqlashga qaratilgan bo‘lib, jiddiy qoidabuzarlik holatida haydovchi yoki transport vositasi muammo bartaraf etilgunga qadar out of service (OOS) holatiga qo‘yiladi.

DOT inspeksiya davomida nimaga e’tibor beriladi?

Haydovchining hujjatlari:

• Commercial Driver’s License (CDL) — tijorat haydovchilik guvohnomasi.
• Medical Examiner’s Certificate — tibbiy ko‘rikdan o‘tganlik haqidagi sertifikat.
• Record of Duty Status (RODS) yoki ELD (ish soatlari jurnali).
• Hazardous Materials Endorsement (agar kerak bo‘lsa).

Transport vositasi qismlari:

• Brake System — tormoz tizimi.
• Lights and Reflectors — chiroqlar va reflektorlar.
• Steering Mechanism — boshqaruv mexanizmi.
• Tires and Wheels — shinalar va g‘ildiraklar.
• Fuel System — yoqilg‘i tizimi.

Yuk xavfsizligi:

• Yukning to‘g‘ri joylashtirilgani va mahkamlanganligi.
• Og‘irlik limitlariga rioya qilinganligi.

DOT inspeksiyalarining darajalari

DOT Inspection 6 ta asosiy darajada o‘tkaziladi:

Level I: North American Standard Inspection

Haydovchi va transport vositasining to‘liq tekshiruvi. Hujjatlar, ish soatlari va transport vositasi tizimlari (tormozlar, chiroqlar, shinalar) to‘liq ko‘rib chiqiladi.

Level II: Walk-Around Inspection

Tashqi ko‘rinishga asoslangan inspeksiya. Transport vositasi tashqi qismlar va haydovchi hujjatlari tekshiriladi.

Level III: Driver-Only Inspection

Faqat haydovchi hujjatlari va faoliyati tekshiriladi: CDL, tibbiy karta, ish soatlari va xavfli yuklar hujjatlari.

Level IV: Special Inspection

Muayyan muammo asosida o‘tkaziladigan inspeksiya.

Level V: Vehicle-Only Inspection

Haydovchi ishtirokisiz faqat transport vositasi tekshiriladi.

Level VI: Enhanced Inspection

Faqat radioaktiv materiallar yoki xavfli yuklar uchun mo‘ljallangan inspeksiya. Radiologik talablar va xavfsizlik ko‘rsatkichlariga alohida e’tibor beriladi.

References:
• FMCSA Inspection Criteria: FMCSA
• CDL hujjatlari haqida ko‘proq ma’lumot: Learn CDL
• Ish soatlari va HOS qo‘llanmasi: Hours of Service

🔗Logistics Info

Weigh Station

Weigh Station nima?
Weigh station — bu yuk mashinalari og’irligini va hujjatlarini tekshirish joyi. Bu punktlar highway (magistral yo’l) bo’ylab joylashgan bo’ladi va yuk mashinalarining qoidalarga rioya qilishini tekshirish uchun ishlatiladi. Bu yerda yukning qonuniy og’irlik chegarasiga mos kelishi va hujjatlarning to’g’ri ekanligi ko‘riladi.

Weigh stationda nima bo‘ladi?
1. Kirish: Yuk mashinasi weigh stationga kirish belgisini ko‘radi va ichkariga kiradi.

2. Og’irlikni o‘lchash: Yuk mashinasi taroziga chiqadi. Tarozi statsionar yoki harakatda o‘lchaydigan bo‘lishi mumkin.

3. Hujjatlarni tekshirish: Tekshiruvchi haydovchidan quyidagi hujjatlarni so‘raydi:
• Driver’s License
• Vehicle Registration
• Insurance hujjatlari
• Logbook (kerak bo‘lsa)

4. Savollar: Tekshiruvchi yukning turi, manzili va boshqa ma’lumotlar haqida so‘rashi mumkin.

Agar qoidabuzarlik aniqlansa:
• Jarima solinadi.
• Yuk mashinasi vaqtinchalik to’xtatib qo’yiladi.

Weigh stationning foydasi nimada?
1. Yo‘l xavfsizligi: Yuk haddan tashqari og’ir bo’lsa, mashina to’xtashi qiyinlashadi yoki ag‘darilishi mumkin. Weigh stationlar bunga yo‘l qo‘ymaydi.

2. Xarajatlardan saqlanish: Yuk og‘irligini nazorat qilish haydovchilarga katta xarajatlardan qochishga yordam beradi.

3. Yo‘llarni saqlash: Yuk me’yorga mos bo‘lsa, yo‘llar kamroq zarar ko‘radi.

Masalan, AQShda yuk mashinalarining maksimal ruxsat etilgan og‘irligi 80,000 funtni tashkil etadi. Agar bu limit oshirilsa, haydovchi jarima to‘laydi yoki yukni kamaytirishi kerak bo‘ladi.

Reference:
• Trucker Path Blog
• CDL Knowledge

🔗Logistics Info