•كمصادر للدراسة اكيد عدنا ملازم و مصادر خاصة بكل جامعة و موجودات بس شلون استفاد من قنوات اليوتيوب و التطبيقات؟هذا اللي راح نحجي بي هسه ،
قنوات اليوتيوب :
-كشرح نظري للمادة بالمرحلة الاولى اعتمدت (د.ايمن خنفور) طبيب مصري اكثر من راقي ، (بعض من جماعتي جانو يفضلون دكاتره غيره و موجودين ع اليوتيوب ما مقصرين شرح نظري و حتى الكلنكل)
( رابط قناة د.ايمن خنفور و بقية القنوات مثبتة هايلايت🤍)

-بالمرحلة الثانية كالولي ع(د.براق معتز)طبيب عراقي و فعلا شرحه راقي ،بس ما كملت وياه بسبب ضيق الوقت واعتمدت ع الملازم و المقاطع القصيرة(جدا مهمه هاي الخطوة)

-اللي يحبون الشرح باللغة الإنجليزية(نينجا نيرد)موجود وشارح كلشي بطريقة تجنن.
-هاي القناة كنز بيها مقاطع قصيرة لفهم التشريح يشوفكم كلشي بتطبيق 3Dوشرحه يجنن.

•هسه نسولف ع التطبيقات اللي فادتني بدراسة التشريح(صور التطبيقات موجودة بالريل):
-الغني عن التعريف complete anatomy كل تفاصيل التشريح بي من جنت افتحه حتى مجان اكو داعي للملزمة لان حتى الشرح موجود، مشكلته بي اشتراك(جماعتي علموني على طريقة استخدام مجاني اللي يريد يراسلني اعلمه🤍)

-بديل للتطبيق السابق (تطبيق Human Anatomy Atlas )
-و اخيرا تطبيق السچاچة 😂 (Anki pro) تكدرون تستخدموه بكل المواد مو بس تشريح تسوون بي flash cards خاصة بيكم او تحلون الكاردز الجاهزة الموجودة بالتطبيق ع اي موضوع تريدوه ،
-في حال ما حبيتو anki اكو بديل كلش حسن مستواي بالعملي و اللي هوه مصدر (كتاب) Grey’s flash cards موجود عند اغلب طلاب الطب وتكدرون تراسلوني و ادزه الكم🤍

-اهم شي نسوي قبل الامتحان نحل MCQs و هاي اهم خطوة (اكو هواي مصادر امسكيوات إذا ما لگيتوها راسلوني ادزلكم اللي عندي🤍)

و اخيرا اهم نصيحة اكدر اقدمها الكم هيه استمتعوا!✨🤍
نعم مادة التشريح صعبة شوي و ثگيلة بس جانت مادتي المفضلة بعد الفسلجة ، حتلو جنة مقيدين بوقت قليل نحاول نلگة طريقة نستمتع مثلا اني جنت اسوي التيستات ع نفسي و ع اهلي و جنت ارسم ع أيدي و وجهي من ادرس (حنشرهم الكم قريبا لان حلوات و يضحكون 😂🤍)
و اكيد بالمواضيع اللي بيها مجسمات ما جنت اكدر استغني عنهم واني ارسم عليهم و ااشر و اشوف كلشي بعيني (تكدرون تشوفون المجسمات بمتجرنا💙)
كل التوفيق لأشطر دكاترة بالدنيا🤍🤍

It’s better to take a step than to stop 💙

و هم تتدللون💙
توصيل بغداد 5 آلاف
بقية المحافظات 6 آلاف

تعالوا نجهز هذا الطلب سوه💙 چيكو ع متجرنا لطباعة المجسمات اللي راح ترفع مستواكم و تقضي ع ملل العملي بالتشريح 🦴💀

بحيث اللي فايتلها لو يفكر بالغدة لو ينام😂