اتصل بى بعض الإخوة وطلبوا منى إختصار الاستبيان لأنهم يرونه معقد بعض الشيئ . لذلك سألفى الاستبيان الأول واستبدلة بإستبيانين منفصلين .

الجربندى حسين محمد حسين من أمدرمان الحتانة يسجل نفسه كأول زول يبدأ إنتاج كومبوست هيمنة الفطريات فى السودان بإستخدام جردل بلاستيك مخرم أطلق عليه إسم مفاعل جونسون-سو الحيوى مينى أو (قدر ظروفك) 😂

قارن بين حجم مفاعل جونسون-سو الاصلى و المفاعل قدر ظروفك بتاع حسين محمد حسين
(ما بتحير الا مغير)

حكاية الكومبوست
🍒🍒🍒🍒🍒🍒
اسمعوا الحكاية دي:

في زول داير يعمل عزومة عرس. قفل الشارع ودق الخيمة وجاب اللحمة و الزيت والبصل و الرغيف وكل مواد الأكل وقزازات البارد. طبعا الضيوف ما مكن ياكلو الحاجات دي نيه قبل ما تتطبخ وهم واقفين.
اضطر يمشي يشوف ليهو متعهد بتاع حفلات. المتعهد قال ليهو انا مستعد أجيب ليك الطباخين و الصفرجية والكراسي والطرابيز واكيف ليك الخيمة. وكمان حأجيب ليك من عندي فول حاجات وفشار وقزازات موية يصبرو ليك الضيوف علي بال م الأكل يجهز.

وفعلا زولنا اتفق مع المتعهد و العزومة طلعت حاجة تمام و الضيوف شبعو واتبسطو و الكان داير يخت في الكشف جنيه خت عشرة والكشف غطى مصاريف العزومة وحق الفنان و شهر العسل و فضلت كمان شوية قروش.

طيب علاقة الحكاية دي بالكومبوست* شنو ؟
🍉🍉🍉🍉🍉🍉
1- العريس العايز يعمل العزومة دي هو المزارع أو البستاني.
2- الخيمة هي المزرعة أو الحديقة أو الاصيصة
3- اللحمة والزيت و البصل و كل المواد الغذائية هي الأسمدة سواء كانت كيماوية أو عضوية.
4- الضيوف هم النباتات العايزين نزرعها.
5- *متعهد الحفلات هو الكومبوست*
أ) الطباخين هم البكتيريا و الاحياء الدقيقة الموجودة في *الكومبوست* لأنهم بكسروا المواد الغذائية الموجودة في الأسمدة عشان النبات يقدر يمتصها
ب) الصفرجية والكراسي و الطرابيز هم الخلخلة البعملها *الكومبوست* في التربة البتخلي الجذور تتمدد بسهولة والمويةالحاملة للمواد الغذائية تصل للجذور.
ت) تكييف الخيمة هو تهوية التربة البعملها الكومبوست.
ث) فول الحاجات و الفشار و قزازات الموية هي العناصر الغذائية *القليلة* و الرطوبة الموجودة في *الكومبوست*
ج) الكشف هو المحصول أو كمية وحجم الزهور البديك ليها النبات

*اذا كان الفشار وفول الحاجات بشبع المعازيم يبقي مع الكومبوست انت ما محتاج تسميد*

*وإذا كانت ملعقة حليب البودرة بتعمل كفتيرة شاى باللبن كبيرة ، يبقى الكومبوست سماد عضوى*

*وإذا كان فص قصب السكر بطعم جردل عصير ، برضه نقول على الكومبوست سماد عضوى*

عارف ليه؟
لأنه نسبة العناصر الكبرى البحتاج ليها النبات لتغذيتو لو بالغت بتساوي ٣% ، يعنى NPK 1-1-1 ،
يعنى عشان تجيب ليك نيتروجين يعادل كيلو يوريا واحد ، انت محتاج ل ٤٦ كيلو كومبوست جاف . فكيف تكون اليوريا سماد والكومبوست سماد؟😳

كدى اسأل الذكاء الإصطناعى:
كم هى نسبة العناصر الكبرى فى الكومبوست؟

محجوب عبدالقادر سليمان أورتشي
مزارعي جربندي

سنة ٢٠١٨

🪴 تقليم الجذور وتجديد التربة🪴

⏰تمت إضافة الكبسولة الزراعية رقم 6 بالعنوان اعلاه إلى قناة كبسولات زراعية/هاك من الآخر على تطبيق واتساب .

⏰نسبة لإزدحام مكتبة LiveCompost الرقمية على تيليقرام بالملفات والفيديوهات، فقد رأينا أن نخصص قناة الواتساب للكبسولات الزراعية ولن تتم إضافتها لقناة التيليقرام.

⏰لقراءة الكبسولات السابقة واللاحقة ، يمكنك متابعة القناة بإستخدام هذا الرابط:
https://whatsapp.com/channel/0029VbAlKkq7Noa8Cmap3H2T

فيديو مترجم عن كيفية إستخدام "أصايص تقليم الجذور الهوائى"
Air Pruning Planters

https://youtu.be/erd3rjOW1XU?feature=shared

كعادته .... الجربندى حسين محمد حسين يحول جردل بوهية إلى أصيصة تقليم جذور هوائى . إن شاء الله سنتابع معه تجربة الزراعة فيها.

هالة النبات Plant Halo
أصيصة الهالة Halo Planter
لمزيد من المعلومات تابع قناة "هاك من الآخر"
Follow the كبسولات زراعية/هاك من الآخر channel on WhatsApp: https://whatsapp.com/channel/0029VbAlKkq7Noa8Cmap3H2T

للإشتراك فى قناة كبسولات زراعية على تطبيق تيليقرام:

https://t.me/AgriCapsuls

تفاجأت اليوم بخبر وفاة اخينا حسن محمد زين و هو من الأعضاء المؤسسين لمجموعة قروبات LiveCompost. نسأل الله له الرحمة والمغفرة وان يجعل البركة فى ذريته.

https://www.facebook.com/share/1A8MHNuW4v/

رحم الله أخانا حسن محمد زين . اللهم اجعل هذا الفيديو فى ميزان حسناته:

https://youtu.be/X94xUSKFbjY?si=geWtb0Ow5nB4QQPG

واخيرا .... لأول مرة فى السودان

الجربندى حسين محمد حسين ينجح فى إنتاج شطة الهبنيرو HABANERO فى السودان . بإذن الله سنتابع معه طريقة الرعاية حتى الحصاد وبإذن الله سنوافيكم بالنتائج