تجربة بروف محمد الخير ميرغنى أورتشي الخاصة بإنتاج البصل المبكر ٢

تجربة بروف محمد الخير ميرغنى أورتشي الخاصة بإنتاج البصل المبكر ٣

تسجيلات القرج للدكتور الخير ميرغنى جبارة أورتشى 👇

تجربة بروف محمد الخير ميرغنى أورتشي الخاصة بتربية قطيع أمهات ضأن القرج ١

تجربة بروف محمد الخير ميرغنى أورتشي الخاصة بتربية قطيع أمهات ضأن القرج ٢

تجربة بروف محمد الخير ميرغنى أورتشي الخاصة بتربية قطيع أمهات ضأن القرج ٣

تجربة بروف محمد الخير ميرغنى أورتشي الخاصة بتربية قطيع أمهات ضأن القرج ٤

تجربة بروف محمد الخير ميرغنى أورتشي الخاصة بتربية قطيع أمهات ضأن القرج ٥

بروف محمد الخير ميرغنى وملاحظاته عن تشتيل البصل والطماطم

🪱🪱🪱🪱🪱🪱
*فيرمى كومبوست من إنتاج صارقيل سودانى ١٠٠%*
الصورة صباح الأحد ١٢ يونيو ٢٠٢٢
🪱🪱🪱🪱🪱🪱
١- على اليمين شكل الفيرميكومبوست بعد م ينجض . شكله وملمسه بالضبط زى الطين . عشان كده الناس بتفتكر انه الصارقيل بياكل الطين .
٢- على اليمين ٣ شوالات صفق فيها صارقيل شغال تحت . الشوال الرابع الصارقيل قلب الصفق فيرمى كومبوست . لاحظ الحجم انخفض للنص تقريبا .

🪱🪱🪱🪱🪱🪱
*عاش كفاح الصارقيل السودانى*

~*بلا ريدوقلر بلا زاحف أفريقى بلا لمه*~

مشكلة الأسمدة العضوية الأساسية تكمن فى أنها فقيرة للغاية فى العناصر الغذائية البحتاج ليها النبات زى ما وضحنا ليكم فى ملف *الفرق بين الأسمدة والمخصبات* وملف *المختصر المفيد فى التخصيب والتسميد*. عشان كده من رابع المستحيلات انك تعتمد على أسمدة عضوية لإنتاج كميات كبيرة من المحاصيل الغذائية تكفى لإطعام سكان العالم .

لقطة الشاشة الفوق 👆🏿 ، بتوريك انه تعداد البشر فى العالم سنة ١٨٠٠م كان تقريبا مليار . العدد ده خلال ١٠٠ سنة تضاعف ليصل مليارين سنة ١٩٠٠م . توقعات الأمم المتحدة بتقول إنه سنة ٢٠٥٠م عدد سكان العالم ح يصل قريب العشرة مليار . وبما إنه طريقة الزراعة العضوية لا تمكن من إنتاج غذاء يكفى لعُشر سكان العالم ، عشان كده العالم صرف عنها النظر نهائيا واتجه للزراعة التقليدية بإستخدام الاسمدة الكيميائية .

تصنيع الكوكوبيت

🍃🍂🍂🍃🍂🍂
*نَصْرٌ مِّنَ اللَّهِ وَفَتْحٌ قَرِيبٌ ۗ وَبَشِّرِ الْمُؤْمِنِينَ*
🍂🍂🍂🍂🍂🍂
كَمْبِس العدار....
ما تديهو النار

أثناء بِحّيتى فى النت لقيت فى نبات إسمه عشبة السودان (SudanGrass) . لمن بحَّتَّ زيادة ، قلت النبات ده ٩٩% يكون هو العدار حقنا ذاتو .
طبعا العدار حقنا من فصيلة الذرة الرفيعة (Sorghum) . لمن بَحَّتَّ أكتر لقيت انه نسبة الكربون للنيتروجين (c/n ratio) فى الذرة الرفيعة تتراوح بين ٢١ و٢٥ . طبعا الجربندية عارفين انه نسبة الكربون للنيتروجين المثالية للكمبسة مابين ٢٥ و ٣٠ .
برضه لو تذكروا فى ملف تعريف الكمبسة ضربت ليكم مثل بالقطية والعدار .
اهااااا ...
قلت لى روحى لو افتراضاتى دى طلعت صحيحة ، معناها العدار الناشف ممكن يتكمبس براهو لو اترطب ... صاح ولا ما غلط؟
   
ولو الكلام ده طلع مظبوط معناها العدار ده بدل ماهو نقمة ح يكون نعمة . ولا شنو يا جماعة ؟

لحدى هنا الكلام الفوق 👆🏿 ده كله عبارة عن نظرية بتاعت أفندية .

الحمد لله واحد من الجربندية وافق يعمل لينا تجربة جربندية لإثبات النظرية .