නෑදෑයො කියන්නෙ ලේ ඥාතීන්ම නෙමෙයී....

පුංචි දරුවෙක් මේ ලෝකෙ උපදිනකොටම එයාට උරුම වෙන දේවල් ටිකක් තියෙනවා. හරියට බැලුවොත් එයාට උපතින්ම ලැබෙන දායදයන් වගේ.
- අම්මා, තාත්තා
- නෑදෑයො
- ආගම
- රට
- භාෂාව
- සංස්කෘතිය වගේ දේවල්.
හැබැයි මේ කිසි දෙයක් එයා කැමැත්තෙන් මට ඕන කියලා තෝරගත්ත දේවල් නම් නෙමෙයී (කර්ම ඵල අනුව ලැබෙන දේවල්, ඒක ඇත්ත. ඒක වෙනමම කතාවක්)..

ඉතින් ඔය පුංචි දරුවා ටික ටික උස් මහත් වෙනකොට එයාටත් සමහර දේවල් තේරෙන්න පටන් ගන්නවා. ආදරේ, රැකවරණය, ඇත්ත බොරුව, වේදනාව, සතුට... වගේ හැඟීමුත් එයාට දැනෙන්න පටන් ගන්නවා..

ඒත් එක්කම ටික ටික එයා සමාජෙට මුහුවෙනවා. ඒ අතරෙ නෑදෑයො කියන්නෙ එයා වැඩිපුරම නිරාවරණය වෙන සමාජ පද්ධතිය වෙනවා. අපේ ලංකාව වගේ ආසියාතික රටක සුලභ දෙයක් තමයි ඒ..

ඉතින් ඔය නෑදෑයො කියන කොට්ඨාසය හරිම අමුතු ජීවී කාණඩයක්. මුලින්ම කියන්නම්; මං මේ ලියන්නෙ මගේ ඇත්දැකීමත් එක්ක. හැබැයි මං දන්න සමහර මගෙ යාළුවො හරිම ලෙන්ගතු නෑදෑ පිරිසකට උරුමකම් කියලත් තියෙනවා..

ඒ අතරින් මට උපතින් ලැබුණු ලේ ඥාති ටික විශ්මයජනකයී 😅.. ඒ මිනිස්සු ඇත්තටම මගෙ අම්මා නැති වුණාට පස්සෙ සම්පූර්ණයෙන්ම අපිත් මැරුණු ගාණට සැළකුවා මං හිතන්නෙ. ඒ අයගෙ ආශ්‍රය වුවමනා නම් අනිවාර්යයෙන්ම මං පිදේනි දියයුතුව තිබුණා.. හැබැයි මට පිදේනි දෙන්න පුළුවන්කමක් තිබ්බෙ නෑ. ඒ නිසාමද මන්දා ඔවුන්ට මං එක්ක කිසිම ඇයි හොඳයියක් තිබ්බෙ නැති තරම්.

හැබැයි... මං ඒ ගැන සතුටුයී..

මං හැම මොහොතෙම විශ්වාස කරන දෙයක් තියෙනවා.

"මේ ලෝකෙ ගනු දෙනු කියලා දෙකක් තියෙනවා. හුඟක් වෙලාවට හුඟක් මිනිස්සු අපිට දෙයක් දෙන්නෙ, අපෙන් ආපිට දෙයක් බලාපොරොත්තුවෙන්. ඒ කියන්නෙ අපෙන් දෙයක් ගන්න බලාපොරොත්තුවෙන්. ඒ කියන්නෙ හුඟක් සබඳතා ගොඩනැගෙන්නෙ ගනු දෙනු කියන අත්තිවාරම උඩ."

හැබැයී... "සමහර සබඳතා දෙනු විතරක් පදනම් වෙලා ගොඩනැගෙනවා. ඔයාට එකම එක එහෙම සම්බන්ධතාවයක් හරි තියෙනවා නම් ඔයා හුඟක් වාසනාවන්ත කෙනෙක්. මොකද මේ ලෝකෙ හුඟක් මිනිස්සු එහෙම සබඳතා වලට උරුමකම් කියන්නෙ නෑ.."

මගේ ජීවිතේ මං තෝරගත්ත නෑයොත් අන්න ඒ වගේ. ඒ කියන්නෙ ඇත්තටම මං වාසනාවන්තයී. ඔවුන්ට මගෙත් එක්ක කිසිම ලේ ඥාතීත්වයක් නෑ. ඔවුන් මගෙ අම්මාගෙවත්, තාත්තාගෙවත් කිසිවෙක් නෙමෙයී. හැබැයි ඔවුන් මගෙ නෑයෝ. මටත් වඩා මාව විශ්වාස කරන, ඕනම දුකකදි මාව වැළඳගන්න බලාගෙන ඉන්න, ඕනම විපතකදි මං වෙනුවෙන් දොරවල් විවෘත කරන ඔවුන් වචනයේ පරිසමාප්ත අර්ථයෙන්ම නෑයෝය..

ඉතින් මේ මගේ පවුල ගැන කියනවා නම්;
- Sweck මගේ ජීවිතේ හැමදේම
- මං A/L වල ආර්ථික විද්‍යාවට පන්ති ගියපු මගෙ සර් සහ සර්ගෙ wife (මේ තමා මගේ සම්පූර්ණ ශක්තිය, මගේ ජීවිතේ තටු දෙක... ඔය තමයි මගේ පළවෙනි පවුල)
- මං O/L වල ගණිතය විෂයයට පන්ති ගියපු මිස් සහ ඇගේ පවුල (රාජු අන්කල්, සම්මානි නංගි, ජය ශ්‍රී, හංසි, ගමිත, අන්කල්, පුංචි, සීයා, ආච්චි අම්මා.. ඔය තමයී මගේ දෙවෙනි පවුල)
- මගේ ජීවිතේ හැමදේටම මගෙත් එක්ක ඉන්න මගෙ life parntner (අයියා, අම්මා, තාත්තා, චූටි නංගි, ලොකු නංගි, ආච්චි අම්මා, සීයා, ශාලූ, ලොකු අම්මා, සහන් අයියා, තුෂර අයියා... මේ තමයි මගෙ තුන්වෙනි පවුල)
මොවුන් තමයී ගිමී කියන කෙනාව ගොඩනැගුවෙ සහ අදටත් දරා සිටින්නෙ. ඉතින් ඒ ස්තූතිය, ගෞරවය හැමදාමත් ඔවුන්ට හිමිවිය යුතුමයී.

💫 මට මේ post එකෙන් ඔයාලට දෙන්න ඕන වුණේ එකම එක පණිවිඩයයි.. ඔයාලගෙත් පවුල් අභ්‍යන්තරයේ ඕන තරම් ගැටුම්, කෙනෙහිලිකම් ඇතී. ඒ දේවල් ඔයාලගෙ ජීවිතෙන් බැහැර කරන්න. ඔයා ඔයාගෙ ගමන ඔයාගෙ විදිහට යන්න. ඔයා ඉන්නෙ වෙන කිසිවෙකුත් සතුටු කිරීමට නම් නෙමෙයී.. අනික කවදාවත් ඒ දේ කළ නොහැකියී.. නෑයෝ කියන්නෙ "ඔබව ඔබම ලෙසින් පිළිගන්නා, ඔබට ශක්තියක් වන මිනිස්සුන්ට පමණි".. එසේ නොවන්නවුන්ට, ඒ නාමයවත් පුද නොදී සිටින්න.

ඔයාට පුළුවන් විදිහට ඔවුන්ට උදව් කරන්න. ඔවුන්ට කාරුණික වෙන්න. ඔයාගෙ හිත රිදෙන අවස්ථාවන් වලදි ඒ දේවල් බැහැර කරන්න. එවන් විස සහිත මිනිස්සුන්, ඔයාගෙ ජීවිතෙන් බැහැර කරන්න. සතුටින් ජීවත් වෙන්න. දවසක අනිවාර්යයෙන්ම ඔබටත්, 'දෙනු' විතරක් ඇති අසිරිමත් මිනිස්සුන් මුණ ගැසේවී. ඔවුන්ට 'නෑයෝ' ලෙසින් තුති දෙන්න..

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

ජීවිතය වෙනස් කරමු by thomi
@littlesecret_nextlevel

මම ගැන ...

මම මේ ලෝකයේ වැඩිපුරම
ආදරය කරන චරිතය " මම "

මම මේ ලෝකයේ හොඳටම
හඳුනන චරිතය " මම "

මගෙ ලෝකයේ ලස්සනම
රෝමාන්තිකයා " මම "

මගේ ජීවීතයේ මගෙ වීරයා " මම"

මගේ ජීවිතයේ හිස්තැන්
පුරවන්න පුළුවන් එකම කෙනත් " මම "

මොකද මේ හැමදෙයටම
මූලික වෙන්නෙ " මගෙ හිත "

මගෙ හිතේ අයිතිකාරයා " මම "

ඒ හින්දා මම ගැන කාටවත් වඩා
හොඳටම දන්නේ " මම "

💖

තනියම ඉන්න එක හොඳද ?

මිතුරෝ කියන්නේ ජීවිතේක ඉන්න තවත් සමීපතයන්. සමාජයේ ඉන්න අයගෙන් යහපත් මිතුරන් තෝරගෙන එයාලත් එක්ක ඉන්න.

Read Now On :
https://www.telegra.ph/තනයම-ඉනන-එක-හඳද-08-08

හිතට වේදනාවක් ඇති වුනොත් ළඟ ම සමීපතයෙක්ට කියන්න. ඔයාට උදව් කරන කෙනෙක්ට කියන්න. හිතට නිදහසක් දැනෙයි.

✍️ Nethuli @SanhindaLK

All Rights Reserved
© Sanhinda LK * 2022

අවධානය තබා ගන්නේ කෙසේද?

අවධානය කියන්නේ හැම කෙනෙක්ටම ඉතාම වැදගත් දෙයක්. ඔනෑම වැඩක් කිරීමේදි හරියට අවධානය ලබා දී ඒ වැඩේ නිරත වීම තුළින් ඔබ අතින් විය හැකි වැරදි වැඩි ප්‍රමාණයක් අවම කරගත හැකි. එමෙන්ම එම ක්‍රියාකාරකම සාර්ථකව නිම කර ගැනීමටද අවධානය ඉතාම වැදගත් වේ. නමුත් බොහෝ අයට ඇති ගැටලුවක් නම් අවධානය එක් තැනක තබා ගැනීමට ඇති අපහසුවයි. මේ ලිපියෙන් ඔබට ඔබේ අවධානය එක තැනක තබා ගෙන ඔනෑම වැඩක් කිරීමට හැකි වන සුලු ක්‍රමයක් දක්වන්නම්. ඒ නම් POMODORO TECHNIQUE.

මෙය Fransessco Cirillo නම් ඉතාලි ජාතික සිසුවෙක් හදුන්වා දෙන ලදි. ඉතාලි භාෂාවෙන් Pomodoro නම් තක්කාලි යන තේරුමයි. මෙහි පියවර 5ක් ඇත.

1) ක්‍රියාකාරකම තෝරා ගැනීම

මෙහිදි ඔබ සිදු කිරීමට යන ක්‍රියාකාරකම නැතිනම් වැඩේ තෝරා ගත යුතුය. ඔබ මෙම ක්‍රමය පාඩම් කිරීමට භාවිතා කරනවානම් මා ඔබට යෝජනා කරන්නේ බොහෝ කම්මැලි ඔබ අකමැති විශයන් උදේ හෝ දවල් කාලයට යොදා ගන්න. රාත්‍රිය ඔබේ ප්‍රියතම විශයන් වලට යොදවන්න. ඔබ මෙය රැකියාවේදි භාවිතා කරනවානම් ඔබට ඉක්මනින් බාර දිය යුතු හෝ අවසන් කළ යුතු ක්‍රියාවෙන්ම ආරම්භ කරන්න. වැදගත්ම දෙය නම් එක් ක්‍රියාකාරකමක් එක් අවස්තාවකදි තෝරා ගන්න.

2) ඔබේ අවධානය බිදින සියල්ලෙන් ඈත් වන්න.

ඔබගේ අවධානය බිදින සියලු දෙය මද වේලාවකට ඈත් කරන්න. විශේෂයෙන් දුරකථනය, සමාජ මාධ්‍ය, බාහිර ශබ්ද මේ හැම දෙයකින්ම ඈත් වන්න. ඔබ ඔබට වැඩ කිරීමට පහසුම ස්තානය තෝරා ගන්න. ඔබගේ වටාපිටාවේ ඉන්න අයට ඔබ යම් අවධනයකින් වැඩක් කිරීමට යන බව දැනුම් දෙන්න. හැකිනම් සමාජ මාධ්‍ය block කරන app එකක් භාවිතා කරන්න.

3) විනාඩි 25

මේ ක්‍රමයට අනූව ඔබ ක්‍රියාකාරකම සිදු කල යුත්තේ විනාඩි 25 බැගිනි. එනම් ඔබ විනාඩි 25ට වේලාව තබාගන්න. ඒ විනාඩි 25 ඇතුලත එම ක්‍රියාව පමණක් කරන්න. වෙනත් බාහිර වැඩ පසුවට කල් තබන්න.

4) විනාඩි 5

ඒ විනාඩි 25 න් පසුව විනාඩි 5ක විවේකයක් ගන්න. මේ විවේකය ගන්නා වෙලාවෙදි විනාඩි 5 වඩා යන ක්‍රියාවල නිරත වන්න එපා. වැඩ කරන තැනින් ඉවත්ව කෙටි විවේකයක් ගන්න. හොද හුස්මක් ගන්න. වතුර වීදුරුවක් බොන්න. පොඩි සංගීතයක් අහන්න. විනාඩි 5 ඉවර වූ පසු නැවත විනාඩි ඊළඟ විනාඩි 25ට යොමුවන්න.

5) දිගු විවේකය

මෙවැනි pomodoro ( විනාඩි 25 කොටස්) හතරක් ගිය පසු විනාඩි 20 විවේකයක් ගන්න. ඒ විවේකය තුළ ඔබ කැමති සිංදුවක් අහන්න. මනස නැවත ප්‍රබෝධමත් වන ක්‍රියාකාරකමක නිරත වන්න. ඊළඟ විනාඩි 25 එම ක්‍රියාවට සම්පූර්ණ අවධානය ලබා දිය හැකිවන ලෙස මනස සැහැල්ලු කර ගන්න. මේ විනාඩි 20 ඇතුලත ඔබගේ ක්‍රියාකාරකමේ කිසිම දෙයක් නැත්තම් කලින් කළ වැඩේ ගැන සිතන එක නවත්වන්න. මනස හැකිතරම් සැහැල්ලු කරගන්න.දැන් විනාඩි 20 අවසානයේ නැවත වැඩ කරන්න.

මේ ක්‍රමය දිගින් දිගටම පුහුණු කිරීම තුළින් කාර්යක්ෂමව සහ මනා අවධානයකින් ඕනෑම වැඩක් කිරීමට හැකි වේ.

🖋️ ශ්‍රී පාරමි රාජපක්ෂ
Lecturer Psychology

ඔයාට එයාව දැනෙනවාද?

ඔබගේ ජීවිතයට බෙහෙවින් සමීප, හදවතින් බැඳුණු, තදින් බැඳුණු සබඳතා ගොඩනැඟුණු අයවලුන් හා කටයුතු කිරීමේදී බොහෝ අවස්ථාවලදී ඔවුනොවුන් එකිනෙකා හා දැනෙන්නට,හැඟෙන්නට පටන් ගනී. විටකදී ඔවුන් දෙපාර්ශවයම එකම සිතුවිලි සමඟ ගැටේ. එනම්,

• ඔයාට එයාව දැනෙන විටම එයාටද ඔයාව දැනෙනවා නම්,
• ඔයාට එයාව මතක් වෙන විටන එයාටද ඔයාව මතක් වෙනවා නම්,
• ඔයා එයාට කතා කිරීමට යාමේදී එයත් ඔයාට කතා කරයි නම්......

එතන යම්කිසි ආකාරයකට ගැටෙන සම්බන්ධයක් පවතින බව ඔබට හැඟෙනවා නොවෙද?

බොහෝවිට මෙම සිදුවීම හදවත් හොඳින් වටහාගත්, කාලයක සිට පැවත එන විශ්වාසදායී බැඳීමක් තුළ විශේෂයෙන් ආදර සබඳතාවක් පවත්වන දෙදෙනෙකු තුළ හොඳින්ම දැක ගත හැකිය. මේ සිදුවීම තුළ සැඟවුණු විද්‍යාත්මක ලෙස ප්‍රකට වුණු නවිද්‍යාත්මක පදනම් පවතින බව ඔබ දන්නවාද?

කිසිඳු බාහිර සාධකයක්, සන්නිවේදන උපකරණයකින් තොරව එකිනෙකට තදින්, හදවත් බැඳුණු දෙදෙනෙකගේ සිත් වෙත සිතුවිලි සෘජුවම හුවමාරු වීම නැතහොත් ස්වභාවිකවම සන්නිවේදන වීම මෙහිදී සිදුවෙයි. මෙම සංජානන ක්‍රියාවලිය "ටෙලිපති" (Telepthy) ලෙස හඳුන්වයි.

ග්‍රීක බසින් බිඳී ආ මෙහි "tele" යනු දුර යන්න හා "patheia" යනු හැඟීම,අත්දැකීම හෝ සංජානනය වීම ලෙසට අර්ථ ගනී. මේ අදහස පිලිබදව මුලින්ම Frederic W.H. Myer විසින් අදහස් දක්වා ඇති අතර 19 සියවසේ අග භාගය දක්වාම යුරෝපය පුරා ප්‍රකටව කතාබහ කළ සංසිද්ධියකි. භෞතික විද්‍යාවේ දියුණුව සමඟ භෞතික විද්‍යාත්මක සංකල්ප මානසික සංසිද්ධීන් හා සම්බන්ධ කොට අධ්‍යයනයන් සඳහා යෙදවීමේ අදහසින් මෙම සංකල්පය විශාල ලෙස භාවිතා කරන ලදී. ඒ ඔස්සේ විවිධ සැඟවුණු දෑ සෙවීමටත්, අපරාධකරුවන් හරහා අපරාධ පිළිබදව සෙවීමටත් යනාදී ක්ෂේත්‍ර වලත් මෙම ටෙලිපති සංකල්පය එක ලෙස භාවිතා විය.

නමුත් පසුකාලීන John Taylor, Mario Bunge වැනි භෞතික විද්‍යාඥයන් හා මනෝවිද්‍යාඥ්‍යයින් ගණනාවකගේ මැදිහත් වීමෙන් ගැඹුරින් කළ පර්යේෂණ ගණනාවකගේ පොදු නිගමනය වූයේ මේ ටෙලිපති සංකල්පය පාලනයක් නොමැතිකම හා පුනරාවර්තන හැකියාව පිළිබඳව ප්‍රබල ලෙස විවේචනය වෙමින් කිසිදු විද්‍යාත්මකව පෙන්විය හැකි සාක්ෂි මත පදනම් නොවූ සංකල්පමීය යාන්ත්‍රණයක් ලෙසයි.

එසේම තවත් මනෝවිද්‍යාඥයින් පිරිසක් පැවසූයේ භින්නෝන්මාදයෙන් පෙළෙන මානසික රෝගීන් තුළ පවතින මායාරූප පෙනීම, තවකෙකු කතා කරන ලෙසට ඇසෙනවා හා දැනෙනවා ලෙසට පවසන්නේ මේ ටෙලිපති ක්‍රියාවලිය නිසා විය හැක්කක් ලෙසටය.

කෙසේ වෙතත්, ආදරය හා විශ්වාසය මත පදනම්ව වසර ගණනාවක් පුරා ගලා එන තදින් බැඳුණු හදවත් දෙකක සබැදියාවේ නාමයෙන් මේ පිළිබඳව විමසීමක් කළතොත් මේ හා එකඟ වන්නට එන පිරිස අතිමහත්ය. එසේම මේ සංසිද්ධිය නිරන්තරයෙන් ඔවුනොවුන් හා උපදින අතර එමඟින් ඔවුන්ගේ සබඳතා තව තවත් වර්ධනයටත්, ඔවුන් තුළ ආදරය විශ්වාසය තව තවත් තහවුරු කිරීමට එය මනා පිටුවහලක් වී ඇති බව නොඅනුමානයි.

විද්‍යාත්මක සාක්ෂි මත මේ වන විටත් පදනම් විරහිත වූත්, ගැහෙන හදවත් සන්නිවේදනයෙන් තව තවත් තහවුරු වෙමින් පවතින්නාවූත් මෙම ටෙලිපති සංසිද්ධිය පිළිබඳව මෙහි පෙන්වා දී ඇති කරුණු, මතවාද, සාක්ෂි ඔස්සේ දෙහදක සිතුවිලි සන්නිවේදන මාධ්‍යය විශ්වාසය තැබීම හෝ නොතැබීම ඔබට භාරයි.

උමයංගනී ද සිල්වා
මනෝවිද්‍යා විශේෂවේදී උපාධි අපේක්ෂ,
පේරාදෙණිය විශ්වවිද්‍යාලය.

#telepathy
#umayanganidesilva

රටෙන් ඇයට කරපු ලබ්බක් නැතත් ඇය සිය පදක්කම රටට පුද කර ඇත

බාගෙට ඇඳගත් ගැණු ළමයි අගු පිල් වල නැළවි නැලවි කරන ටික් ටොක් සියල්ල එකතු කොට ගෙන, උදෑසන සජීවී වැඩසටහන් වල පෙන්වන නාළිකාවලට නෙත්මිලාව මගහැරුණේ ඇයි ?

Read Now On :
telegra.ph/ශර-ලකව-පච-රටක-නව---නමත-රට-ඇය-වනවන-කරප-ලබබක-නත-08-08

හිටපු ක්‍රීඩා අමාත්‍යවරයා මෙරට ක්‍රීඩාව වෙනුවෙන් කළ එකම සේවය වූයේ තමන්ගේ චූටි මල්ලි බබාලා දෙන්නට රගර් ගැසීමට අවශ්‍ය පහසුකම් සලසා දීමයි.


All Rights Reserved
© Sanhinda LK * 2022