𝖫𝗂𝗍𝗍𝗅𝖾 𝖲𝖾𝖼𝗋𝖾𝗍° 🇱🇰

සම්මතයන් (Norms)

"ජීවියෙක් අනිවාර්යයෙන් ගැහැණියක් විය යුතුය එහෙමත් නැතිනම් අනිවාර්යයෙන් පිරිමියෙකු විය යුතුය... එතනින් එහා ලිංගික දිශානතියන් සමාජයට, පවුලට ලැජ්ජාවකි, පිළිකුලකි, කලු පැල්ලමකි.

ගැහැණියක නම් පිරිමියෙකු සමඟ, පිරිමියෙකු නම් ගැහැණියක සමඟ විවාහ විය යුතුමය. එතනින් එහා සිදුවන විවාහ ලැජ්ජාවට, සිනාවට කරුණුය.

දරුවෙකු ඇදහිය යුත්තේ තම පවුලෙන් පැවත එන ආගමය.

මාලු වෙළෙන්දාගේ පුතාද, ඇමතිගේ පුතාද, අපරාධකරුවෙකුගේ පුතාද කල යුත්තේ ඒ ඒ රැකියාවන්මය.

ගැහැණියකට පිරිමියෙකු තරම් ඇඟේ හයියක් නැත.

ගැහැණියකගේ කඳුලු ශක්තිමත් බවේ සංකේතය වුවද පිරිමියාගේ කඳුල දුර්වල බවේ සංකේතයය.

ගැහැණියක නම් ලස්සන රූ සපුවක්, හැඩැති අඟපසඟක්, රණ තිසරුන් සිටිය යුතුය.

පිරිමියෙකු නම් සික්ස් පැක්, එයිට් පැක්ස් අර පැක්ස් මේ පැක්ස් තිබිය යුතුය."

මේ ටිකක් පමණය.... නැවතිල්ලේ මඳක් සිතන්න...මේ දේවල් සමහර විට ඔබත් හිතාන ඉන්නවා ඇති... ඒත් ගැඹුරට හිතලා බලන්න... මේ දේවල් මෙහෙමයි කියලා කවුද ඔබට කිව්වේ? සමහර විට පවුලේ අය, යාලුවෝ එහෙමත් නැත්නම් සමාජ මාධ්‍ය. එතකොට එයාලා මේවා දන්නෙ කොහොමද කවුරු කියලද? ඒ අයත් ඒවා දන්නෙ ඔවුන්ගේ පවුලේ අය, යාලුවන්ගෙන් වෙන්න පුලුවන්.

එහෙම බලන් ගියාම ඉහත කියපු දේවල් ඒ අයුරින්ම විය යුතුමයි කියලා විද්‍යාත්මකව ඔප්පු වෙච්ච කිසිවක් තියෙනවද? කොහේ හරි පබ්ලිශ් වෙච්ච ලිපි තියෙනවද? ගැහැණු හෝ පිරිමියෙකු නොවී වෙනත් ලිංගික දිශානතියන් ඇත්තවුන් මහ රෑ මහපාරේ සිල්ලරට විකිණිය යුතුය එහෙමත් නැත්නම් සැලෝන් එකක කොණ්ඩෙ කැපිය යුතුය (සැලෝන් ක්ශේත්‍රය සිය කැමත්තෙන් තෝරාගත් අයද සිටී..ඒ ඔවුන්ගේ හීනයයි, කැමත්තයි)...ඒත් ඒවා ඇරෙන්න වෙනත් රැකියා ඔවුන්ට අකැපද, කාර්‍යාල සේවය, අධ්‍යාපන ක්ශේත්‍රය ඔවුන්ට අකැපද? දැන් දැන් දියුණු රටවල් වල සෑම ලිංගික දිශානතියකටම ගරු කරන්න උගන්වද්දී අපේ අධ්‍යාපනය තියෙන්නේ කොතැනද?

මේ සමාජ සම්මත ඉපදුණේ කොතැනින්ද? හැදුණේ කොහොමද? සමහර විට ආදී කාලයේ තිබ්බ සමහර විශ්වාස නිසා විය යුතුය. ඒත් අද කාලෙට ඒවා ගැලපෙනවද? මේ සමාජ සම්මත නිසා bullying හා cyberbullying වලින් කී දෙනක් මානසික රෝගින් වෙනවද? සිය දිවි හානි කරගන්නවද?

සමාජ සම්මත සියල්ලම හොඳ නෑ කියන්නෑ නමුත් බොහෝ සමාජ සම්මතයන්ගෙන් මිනිස්සු කායිකව මානසිකව අනේක පීඩා විඳී නම්, කොටින්ම ජීවිතය අතහැර යයි නම් එවන් සම්මතයන්ගෙන් ඇති වැඩේ කුමක්ද?

සචිනි

👍81❤19🔥8👏6🥰4🤩1

4.93K views03:35