𝖫𝗂𝗍𝗍𝗅𝖾 𝖲𝖾𝖼𝗋𝖾𝗍° 🇱🇰

බුද්ධාගම ඉවරයි
********************
ගෝටාගෝගම සිතුවම් ලද කලු පාට බුද්ධ චිත්‍රයක් හා තවකෙකු සාදන ලද කලුපාට අටපට්ටමක් දැක මෙන්න බුද්ධාගම ඉවරෝ කියා කෑ ගසනු දුටිමි.

පටාචාරා, චිංචිමානවිකාව හෝ අංගුලිමාල සිටියා නම් අද කුමකින් කුමක් මේ බොදුනුවන් කරාවිදැයි මා නොදනිමි.

ලොව මෙතෙක් සියලු යුද්ධ හා කලකෝලාහල ඇති වී ඇත්තේ ආගම හා දේශපාලනය තමන්ගේ කර ගැනීම නිසාවෙනි.
බුද්ධාගමට අගරු කරන්නට කිසිවෙකුට නොහැක. එසේම එය නගා සිටුවන්නටද කිසිවෙකුට නොහැක.

මිනිසුන් පරිහානියට පත් වන අතර පන්සල් නගා සිටුවිය හැක.

අනෙක් ආගම් සම්බන්ධයෙන්ද මගේ අදහස එයම වුවත් මගේ ආගම ගැන පමණක් කතා කරන්නේ ඒ සදහා මට අයිතියක් ඇති නිසාවෙනි.

ගෝටාගෝගමෙහි ආමිස ප්‍රතිපත්ති වලට මුල් තැන දෙමින් වෙසක් සම්ප්‍රදායන් පිලිපදිනු දුටුවෙමි.
පෝයට ගෝටාගම කොල්ලො කෙල්ලෝ සිල් ගත්තේ නෑ නේද කියා ඇසූ මානසිකත්වය පසුගිය නම වෙනිදා උන්ට පහර දෙනවාද දුටිමි.

මා පන්සල් කෝවිල් පල්ලි කඩනවාට විරුද්ධය. එහෙත් බුදුහාමුදුරුවන්ට යමෙකු බැන්න හොත් මට කේන්ති යන්නේ නැත. මන්ද උන්වහන්සේ අපට උගන්වා ඇත්තේ එයය. උන්වහන්සේට අපහාස කරන්නට කිසිවකුට නොහැක. (මෙහි අදහස මම මාර පොරක් යන්න නෙමේය)

බුද්ධාගමට මැරීගෙන ආදරය කරන කිසිවෙකු ධම්මපදයේ එකදු ගාථාවක්වත් හරියට තේරුම්ගෙන නැත.

කේන්ති ගන්නෙම තමන්ගෙ කර ගන්න නිසා බං. තමන්ගෙ කර ගන්නෙ ආදරේ නිසා. බවුද්ධ දර්ශනය කියන්නෙ ආදරේ කරලා හුරතල් කරන්න ඕනෙ කියන මිනිස්සු ඉන්න රටක උදේ හවස ස්පීකර් වලින් බණ ඇහුනට පුදුම වෙන්න එපා ඉතිං.

කවුරු හරි ලේ වලින් බුදු රුවක් ඇන්දොත් ඌව මරන ජාතිය බොදුනුවො අපි. මතකනෙ බුදු රුව පච්ච ගහපු සුද්දිට අපි කරපු වැඩේ.

බුදු සමිදුනි අප අසරණ වී ඇත.

©අරවින්ද හබක්කල