ဒီတစ်ခါမှာတော့ ကိုရီးယားသမိုင်းမှာ နာမည်ကျော်ခဲ့တဲ့ ဟွာဆောင်းကွင်းဆက်လူသတ်မှုဖြစ်စဉ်ကို ကျောရိုးယူထားပြီး အကြမ်းစား Plot Twist တွေ ပါဝင်မယ့် Thriller ကားသစ်လေးနဲ့ မိတ်ဆက်ပေးချင်ပါတယ်။

"Taxi Driver" ရဲ့ ဒါရိုက်တာ Park Joon Woo နဲ့ ဇာတ်ညွှန်းဆရာ Lee Ji Hyun တို့ ပြန်လည်လက်တွဲရိုက်ကူးထားတာဖြစ်ပြီး
သရုပ်ဆောင်တွေအနေနဲ့ကတော့ “Prison Playbook”, “Squid Game” တို့နဲ့ လူသိများခဲ့တဲ့ မင်းသား Park Hae Soo, “Karma”, “Mouse” ဇာတ်လမ်းတွဲက မင်းသား Lee Hee Joon အပြင် “VIP”, “Crash” စတဲ့ ဇာတ်လမ်းတွဲတွေက မင်းသမီး Kwak Sun Young တို့ အဓိက ပါဝင်ထားပါတယ်။

ဇာတ်လမ်းအကျဉ်း
***

ဆိုးလ်မြို့ကနေ နယ်မြို့လေးကို ရာထူးချခံလိုက်ရတဲ့ စုံထောက် ဂန်ထယ်ဂျူ (Park Hae Soo) ဟာ ရှုပ်ထွေးလှတဲ့ လောကထဲကနေ အနားယူပြီး အေးအေးချမ်းချမ်း နေထိုင်နေသူပါ။
ဒါပေမဲ့ တစ်နေ့မှာတော့ ထောင်ထဲက ကွင်းဆက်လူသတ်သမားတစ်ဦးက ထယ်ဂျူကို အမှုစစ်ဆေးပေးဖို့ တောင်းဆိုလာပါတယ်။

ထယ်ဂျူဟာ လွန်ခဲ့တဲ့ ၃၃ နှစ်က သူစွန့်ခွာခဲ့တဲ့ အမှုဟောင်းတွေကြားထဲ ပြန်ရောက်သွားပြီး
အတိတ်က ရန်ကြွေးရှိခဲ့ဖူးတဲ့ အမှုစစ် ချာရှီယောင်း (Lee Hee Joon) နဲ့ အတူတူ ပူးပေါင်းပြီးတော့ အမှန်တရားကို ရှာဖွေဖို့ ဖြစ်လာခဲ့ပါတယ် .. ။

နှစ်ပေါင်းများစွာ ကြာခဲ့ပြီဖြစ်တဲ့ Cold Case တွေရဲ့ ထုံးစံအတိုင်း အမှန်တရားဟာ ထင်သလောက် မရိုးရှင်းပါဘူး။ "Scarecrow" (စာခြောက်ရုပ်) လူသတ်မှုတွေရဲ့ နောက်ကွယ်မှာ ထယ်ဂျူကိုယ်တိုင်တောင် မထင်မှတ်ထားတဲ့ လျှို့ဝှက်ချက်တွေ ရှိနေတဲ့အခါ...

သူက ဒီလူသတ်မှုကြီးကို အဆုံးသတ်နိုင်မယ့်သူ ဖြစ်လာမလား ..

ဒါမှမဟုတ် ပေါ်ထွက်လာမယ့် လှည့်ကွက်အသစ်တွေကြားမှာပဲ သူ့ဘဝတစ်ခုလုံး ပျက်စီးသွားမလားဆိုတာ ရင်တထိတ်ထိတ်နဲ့ မျက်တောင်မခတ်တမ်း ကြည့်ရှုခံစားရမှာဖြစ်ပါတယ်။

Sold Out On You အပိုင်း (4)

Matthew Lee ဆိုတာ စကားပြောရင် ခပ်ပြတ်ပြတ်နဲ့ အသံမာမာ ပြောတတ်လို ရွာထဲမှာ "ငုံး" ဆိုပြီး နာမည်ပြောင်ပေးခံထားရတဲ့ လူငယ်တောင်သူတစ်ယောက်ပါ။ ဒါပေမယ့် သူ့ရဲ့ခက်ထန်တဲ့ ပုံရိပ်နောက်ကွယ်မှာ နူးညံ့တဲ့ နှလုံးသားရှိပြီး ကိုယ်တိုင် အပင်ပန်းခံ စိုက်ပျိုးထားတဲ့ အဖြူရောင် နူရီမှိတွေကိုတော့ အင်မတန် ဂရုစိုက်တတ်သူပါ။ တစ်နေ့မှာတော့ သူ့ရဲ့အေးချမ်းတဲ့ စိုက်ခင်းလေးထဲကို Dam Ye-Jin ဆိုတဲ့ မြိုသူလေးတစ်ယောက်က မဖိတ်ခေါ်ပဲ ရောက်ရှိလာပါတယ်။ သူမက Home Shopping နယ်ပယ်မှာ ထိပ်တန်းအရောင်းအလှည့်စားဆုံး Host တစ်ယောက်ဖြစ်ပြီး Matthew ရဲ့ နူရီမှိတွေကို စွဲလန်းလွန်းလို စာချုပ်အသစ်ချုပ်ဖို ရောက်လာတာပါ။ အေးအေးဆေးဆေး စိုက်ချင်လို အကြိမ်ကြိမ်ငြင်းလွှတ်ခဲ့ပေမယ့် သူမကတော့ အခွင့်အရေးမရမချင်း Matthew နောက်က တစ်ကောက်ကောက်လိုက်နေပါတော့တယ်။ မှိစိုက်ခင်းထဲမှာ စတင်ခဲ့တဲ့ စီးပွားရေးစစ်ပွဲလေးကနေ ဘယ်အချိန်မှာ အချစ်တွေ ပွင့်လန်းသွားမလဲ။ မြိုပြနဲ့ တောရွာအကြာက ကွာဟချက်တွေကို ရိုက်ကူးပြထားတဲ့ ဒီဇာတ်လမ်းလေးဟာ ကြည့်ရှုသူတွေကို အပြုံးတွေ၊ ရင်ခုန်သံတွေနဲ့အတူ ဆွဲဆောင်စေမှာပဲဖြစ်ပါတယ်။

အက်ရှင်အလန်းစား ကားတွေကို စောင့်မျှော်နေကြသူများအတွက် Zo In-Sung, Park Jeong-Min,
Shin Sae-Kyeong, Park Hae-Jun တို့လို ထိတ်ထိတ်ကြဲ မင်းသား၊ မင်းသမီးတွေ အဓိက
ပါဝင်သရုပ်ဆောင်ထားတဲ့ ရုံတင် စပိုင်အက်ရှင်ကားသစ်ကြီးကတော့ ထွက်ရှိလာပြီပဲ ဖြစ်ပါတယ်။

HUMINT ဆိုတာကတော့ "Human Intelligence" ရဲ့ အတိုကောက် စကားလုံးဖြစ်ပြီး
သတင်းပေး၊ ထောက်လှမ်းရေးသမားစတဲ့ လူသားအရင်းအမြစ်တွေကို အသုံးချပြီး
သတင်းအချက်အလက် စုဆောင်းရယူတဲ့ ထောက်လှမ်းရေးလောက အသုံးအနှုန်းတစ်ခုပါ။

- ဇာတ်လမ်းအကျဉ်း -

တောင်ကိုးရီးယား အမျိုးသားထောက်လှမ်းရေးအဖွဲ့က ဌာနမှူးဂျို (Zo In-Sung) ကတော့
အရှေ့တောင်အာရှမှာ ဖြစ်ပွားတဲ့ နိုင်ငံတကာ ရာဇဝတ်မှုတွေကို ခြေရာခံလိုက်နေသူပါ။

သူဟာ HUMINT စစ်ဆင်ရေးတစ်ခုအတွင်းမှာ အသက်ပေးလိုက်ရတဲ့ သတင်းပေး ချန်ထားခဲ့တဲ့
သဲလွန်စနောက်ကို လိုက်ပြီး ရုရှားနိုင်ငံ ဗလာဒီဗော့စတော့မြို့ဆီ ရောက်ရှိလာခဲ့ပါတယ်။

အဲဒီမြို့မှာ ဌာနမှူးဂျိုဟာ မြောက်ကိုးရီးယားစားသောက်ဆိုင် ဝန်ထမ်းမလေး ချယ်ဆွန်းဟွာ (Shin Sae-Kyeong)နဲ့
ဆုံတွေ့မိပြီး ဆွန်းဟွာကို သူ့ရဲ့ HUMINT စစ်ဆင်ရေးအသစ်အတွက် သတင်းပေးအဖြစ် ရွေးချယ်လိုက်ပါတော့တယ်။

တစ်ဖက်မှာလည်း နယ်စပ်ဒေသမှာ ဖြစ်ပွားနေတဲ့ လူပျောက်မှုတွေကို စုံစမ်းဖို့အတွက် ဗလာဒီဗော့စတော့မြို့ဆီ
စေလွှတ်ခြင်းခံရတဲ့ မြောက်ကိုးရီးယား နိုင်ငံတော်လုံခြုံရေးဝန်ကြီးဌာနက ခေါင်းဆောင် ဘတ်ဂွန်း (Park Jeong-Min) ဆိုသူက
ဒီအမှုရဲ့ နောက်ကွယ်မှာ မြောက်ကိုးရီးယား ကောင်စစ်ဝန်ချုပ် ဟွမ်ချီဆောင်း (Park Hae-Jun) ရှိနေမှန်း သိလိုက်ရပါတော့တယ်။

မတူညီတဲ့ ပန်းတိုင်ကိုယ်စီနဲ့ ဗလာဒီဗော့စတော့မြို့မှာ ထိပ်တိုက်ဆုံတွေ့မိကြတဲ့ မြောက်နဲ့‌ တောင်ကိုးရီးယား အေးဂျင့်တွေရဲ့
အားပြိုင်ပုံကို ဒီဇာတ်လမ်းလေးထဲမှာ ရင်ခုန်စိတ်လှုပ်ရှားစွာနဲ့ ဆက်လက် ကြည့်ရှုလိုက်ကြပါဦး