လောင်မြိုက်ရမဲ့ ဇာတ်လမ်းတွေကိုမှ ကြိုက်နှစ်သက်သူများအတွက် Love ft. Marriage & Divorce ,
Durian's Affair တို့လို နာမည်ကြီးစီးရီးတွေရဲ့ ပဲ့ကိုင်ရှင်ဖြစ်တဲ့ ဇာတ်ညွှန်းရေးဆရာမ အင်ဆောင်းဟန်ရဲ့
လက်ရာသစ်လေး ထွက်ရှိလာပါပြီ။

Main Cast များအနေနဲ့ Jung E-Chan , Baek Seora , An Woo-Yeon , Joo Se-Bin အစရှိတဲ့
မျက်နှာသစ် သရုပ်ဆောင်များက ပါဝင်သရုပ်ဆောင်ထားပါတယ်။

- ဇာတ်လမ်းအကျဉ်း -

ပါရမီရှင် ဦးနှောက်ခွဲစိတ်ဆရာဝန် ရှင်းဂျူရှင်း (Jung E-Chan) ဟာ သူ့ရဲ့ချစ်သူဖြစ်တဲ့ ထိပ်တန်းမင်းသမီး မိုမို (Baek Seora)နဲ့
လက်ထပ်ဖို့ ပြင်ဆင်နေစဉ်မှာပဲ မိုမိုက မတော်တဆမှုတစ်ခုကြောင့် ခန္ဓာကိုယ်က အကောင်းပကတိရှိနေပေမဲ့
ဦးနှောက်ကတော့ လုံးဝ ပျက်စီးသွားခဲ့ရပါတယ်။

အိပ်ရာပေါ်မှာ သတိလစ်မေ့မြောနေတဲ့ သမီးလေးကို ဒီတိုင်း ကြည့်မနေနိုင်တော့တဲ့ မိုမို့အမေ ဟျွန်းရန်ဟီးက
သူ့ရဲ့ ကိုယ်ပိုင်ဘဝကို စွန့်လွှတ်ဖို့ ဆုံးဖြတ်လိုက်ပြီး ဂျူရှင်းကလည်း သူ့ချစ်သူကို ကယ်တင်ဖို့အတွက်
ဦးနှောက်လဲလှယ်ခြင်း ခွဲစိတ်မှုကို လုပ်ဖို့ စိန်ခေါ်လိုက်တဲ့အခါမှာတော့...

တကယ်ပဲ ကိုယ်ချစ်ရတဲ့သူရဲ့ ခန္ဓာကိုယ်ထဲမှာ တခြားဝိညာဉ် ဝင်ရောက်သွားတဲ့အခါ
ဘယ်အရာကို ဦးစားပေး ရွေးချယ်မိမှာလဲ...

အချစ်ဆိုတဲ့ ခေါင်းစဉ်အောက်မှာ တားမြစ်ချက်ကို ချိုးဖောက်မိသူတွေရဲ့
ပျက်စီးခြင်းအကျိုးဆက်တွေက ဘာတွေဖြစ်နေမလဲ...

ဆရာမ အင်ဆောင်းဟန်ရဲ့ ထူးခြားချက်အတိုင်း ခန့်မှန်းရခက်တဲ့ အလှည့်အပြောင်းတွေနဲ့အတူ
စိတ်ဝင်စားဖွယ် ကြည့်ရှုရမဲ့ ဒရမ်မာလေးဖြစ်တာကြောင့် အပတ်စဉ် စနေ ၊ တနင်္ဂနွေနေ့တိုင်း စောင့်မျှော်အားပေးကြပါဦးနော်။

ဒီတစ်ခါမှာတော့ ကိုရီးယားသမိုင်းမှာ နာမည်ကျော်ခဲ့တဲ့ ဟွာဆောင်းကွင်းဆက်လူသတ်မှုဖြစ်စဉ်ကို ကျောရိုးယူထားပြီး အကြမ်းစား Plot Twist တွေ ပါဝင်မယ့် Thriller ကားသစ်လေးနဲ့ မိတ်ဆက်ပေးချင်ပါတယ်။

"Taxi Driver" ရဲ့ ဒါရိုက်တာ Park Joon Woo နဲ့ ဇာတ်ညွှန်းဆရာ Lee Ji Hyun တို့ ပြန်လည်လက်တွဲရိုက်ကူးထားတာဖြစ်ပြီး
သရုပ်ဆောင်တွေအနေနဲ့ကတော့ “Prison Playbook”, “Squid Game” တို့နဲ့ လူသိများခဲ့တဲ့ မင်းသား Park Hae Soo, “Karma”, “Mouse” ဇာတ်လမ်းတွဲက မင်းသား Lee Hee Joon အပြင် “VIP”, “Crash” စတဲ့ ဇာတ်လမ်းတွဲတွေက မင်းသမီး Kwak Sun Young တို့ အဓိက ပါဝင်ထားပါတယ်။

ဇာတ်လမ်းအကျဉ်း
***

ဆိုးလ်မြို့ကနေ နယ်မြို့လေးကို ရာထူးချခံလိုက်ရတဲ့ စုံထောက် ဂန်ထယ်ဂျူ (Park Hae Soo) ဟာ ရှုပ်ထွေးလှတဲ့ လောကထဲကနေ အနားယူပြီး အေးအေးချမ်းချမ်း နေထိုင်နေသူပါ။
ဒါပေမဲ့ တစ်နေ့မှာတော့ ထောင်ထဲက ကွင်းဆက်လူသတ်သမားတစ်ဦးက ထယ်ဂျူကို အမှုစစ်ဆေးပေးဖို့ တောင်းဆိုလာပါတယ်။

ထယ်ဂျူဟာ လွန်ခဲ့တဲ့ ၃၃ နှစ်က သူစွန့်ခွာခဲ့တဲ့ အမှုဟောင်းတွေကြားထဲ ပြန်ရောက်သွားပြီး
အတိတ်က ရန်ကြွေးရှိခဲ့ဖူးတဲ့ အမှုစစ် ချာရှီယောင်း (Lee Hee Joon) နဲ့ အတူတူ ပူးပေါင်းပြီးတော့ အမှန်တရားကို ရှာဖွေဖို့ ဖြစ်လာခဲ့ပါတယ် .. ။

နှစ်ပေါင်းများစွာ ကြာခဲ့ပြီဖြစ်တဲ့ Cold Case တွေရဲ့ ထုံးစံအတိုင်း အမှန်တရားဟာ ထင်သလောက် မရိုးရှင်းပါဘူး။ "Scarecrow" (စာခြောက်ရုပ်) လူသတ်မှုတွေရဲ့ နောက်ကွယ်မှာ ထယ်ဂျူကိုယ်တိုင်တောင် မထင်မှတ်ထားတဲ့ လျှို့ဝှက်ချက်တွေ ရှိနေတဲ့အခါ...

သူက ဒီလူသတ်မှုကြီးကို အဆုံးသတ်နိုင်မယ့်သူ ဖြစ်လာမလား ..

ဒါမှမဟုတ် ပေါ်ထွက်လာမယ့် လှည့်ကွက်အသစ်တွေကြားမှာပဲ သူ့ဘဝတစ်ခုလုံး ပျက်စီးသွားမလားဆိုတာ ရင်တထိတ်ထိတ်နဲ့ မျက်တောင်မခတ်တမ်း ကြည့်ရှုခံစားရမှာဖြစ်ပါတယ်။

Sold Out On You အပိုင်း (4)

Matthew Lee ဆိုတာ စကားပြောရင် ခပ်ပြတ်ပြတ်နဲ့ အသံမာမာ ပြောတတ်လို ရွာထဲမှာ "ငုံး" ဆိုပြီး နာမည်ပြောင်ပေးခံထားရတဲ့ လူငယ်တောင်သူတစ်ယောက်ပါ။ ဒါပေမယ့် သူ့ရဲ့ခက်ထန်တဲ့ ပုံရိပ်နောက်ကွယ်မှာ နူးညံ့တဲ့ နှလုံးသားရှိပြီး ကိုယ်တိုင် အပင်ပန်းခံ စိုက်ပျိုးထားတဲ့ အဖြူရောင် နူရီမှိတွေကိုတော့ အင်မတန် ဂရုစိုက်တတ်သူပါ။ တစ်နေ့မှာတော့ သူ့ရဲ့အေးချမ်းတဲ့ စိုက်ခင်းလေးထဲကို Dam Ye-Jin ဆိုတဲ့ မြိုသူလေးတစ်ယောက်က မဖိတ်ခေါ်ပဲ ရောက်ရှိလာပါတယ်။ သူမက Home Shopping နယ်ပယ်မှာ ထိပ်တန်းအရောင်းအလှည့်စားဆုံး Host တစ်ယောက်ဖြစ်ပြီး Matthew ရဲ့ နူရီမှိတွေကို စွဲလန်းလွန်းလို စာချုပ်အသစ်ချုပ်ဖို ရောက်လာတာပါ။ အေးအေးဆေးဆေး စိုက်ချင်လို အကြိမ်ကြိမ်ငြင်းလွှတ်ခဲ့ပေမယ့် သူမကတော့ အခွင့်အရေးမရမချင်း Matthew နောက်က တစ်ကောက်ကောက်လိုက်နေပါတော့တယ်။ မှိစိုက်ခင်းထဲမှာ စတင်ခဲ့တဲ့ စီးပွားရေးစစ်ပွဲလေးကနေ ဘယ်အချိန်မှာ အချစ်တွေ ပွင့်လန်းသွားမလဲ။ မြိုပြနဲ့ တောရွာအကြာက ကွာဟချက်တွေကို ရိုက်ကူးပြထားတဲ့ ဒီဇာတ်လမ်းလေးဟာ ကြည့်ရှုသူတွေကို အပြုံးတွေ၊ ရင်ခုန်သံတွေနဲ့အတူ ဆွဲဆောင်စေမှာပဲဖြစ်ပါတယ်။