Legend of White Snake ထဲက မြွေဖြူမလေး Ju Jingyi နဲ့ Mysterious Lotus Casebook ထဲက မင်းသားချော Zeng Shunxi တို့အပြင် ပရိတ်သတ်အားလုံးသိပြီးသားဖြစ်တဲ့ Chen Duling နဲ့ Tian Jiarui တို့လို နာမည်ကြီး Cast တွေ စုစည်းထားတဲ့ကားလေးမို့ မကြည့်မဖြစ် ကြည့်သင့်ပါတယ်နော်

ဇာတ်လမ်းအကျဉ်း 📝

ဝူရှန်းယွဲ့ရဲ့ အငယ်ဆုံး အမြီးကိုးချောင်းမြေခွေးမလေး Lu Wuyi ဟာ ထက်မြက်ပြီး ဉာဏ်များတဲ့သူလေးပါ သူမဟာ နာမည်ကျော်မိစ္ဆာ Xiao Wei ကို ရှာဖွေဖို့ လူ့လောကက လော့အန်းမြို့ထဲကို ရုပ်ဖျက်ပြီး ဝင်ရောက်ခဲ့ပါတယ်

ဒါပေမဲ့ သူမ တစ်ယောက်တည်းတင် မဟုတ်ဘဲ အခြားသူတွေလည်း ရည်မှန်းချက်ကိုယ်စီနဲ့ ရောက်နေကြတာကို တွေ့လိုက်ရပါတယ် အတိတ်က နာကျင်စရာ သွေးကြွေးတွေရှိနေတဲ့ ရှေးဟောင်းပညာရှင် Wu Shiguang နူးညံ့သိမ်မွေ့ပုံရပေမဲ့ အတွင်းစိတ်က လှည့်ကွက်တွေနဲ့ ပြည့်နေတဲ့ အမြီးကိုးချောင်းမြေခွေးမလေး Wu Wangyan နဲ့ ကြည့်ရတာ ရိုးအသယောင်ရှိပေမဲ့ နောက်ကြောင်းမရှင်းတဲ့ Ji Lingတို့ပါပဲ

သူတို့အားလုံးဟာ Xiao Wei ဆီမှာရှိတဲ့ နဂါးနတ်ဘုရားစွမ်းအားကို ရယူဖို့ ရောက်လာကြတာပါ အဲဒီစွမ်းအားကို တစ်ယောက်က ကာကွယ်ဖို့ ကြိုးစားချိန်မှာ နောက်တစ်ယောက်ကတော့ သတ်ဖြတ်ဖို့အတွက် အသုံးချချင်နေပါတယ်

အချင်းချင်း စမ်းသပ်တာတွေ ပူးပေါင်းတာတွေ လုပ်ရင်းနဲ့ သူတို့ကြားမှာ သူငယ်ချင်းသံယောဇဉ်နဲ့ အချစ်တွေ ပေါက်ဖွားလာခဲ့ပေမဲ့ သူတို့အားလုံးရဲ့ကြားမှာ ကျော်လွှားလို့မရတဲ့ အတားအဆီးတွေ ရှိနေခဲ့ပါတယ်

လောကကြီး ငြိမ်းချမ်းဖို့အတွက် မိစ္ဆာအပေါင်းရဲ့ အရှင်သခင် ကို နှိမ်နင်းဖို့ ကြိုးစားတဲ့အခါမှာတော့ သူတို့ဟာ အချစ် တာ၀န်နဲ့ အသက်တွေကြားမှာ ခက်ခဲတဲ့ ရွေးချယ်မှုတွေကို လုပ်ကြရလာတဲ့အခါ.....

သူတို့လေးယောက်ရဲ့ဇစ်မြစ်အမှန်က ဘာဖြစ်မလဲ နဂါးနတ်ဘုရားရဲ့ စွမ်းအားကို ဘယ်သူက နောက်ဆုံးမှာ ပိုင်ဆိုင်သွားမလဲဆိုတာ SoulKingdom မှာ အတူတူ စောင့်ကြည့်လိုက်ရအောင်

Native Title : 月鳞绮纪
English Title : Veils of Shadow
Starring : Ju Jingyi, Zeng Shunxi, Chen Duling, Tian Jiarui
Genre : Wuxia / Fantasy / Romance
Episode : 29
Aired : 1 April, 2026
Original Network : Youku

အက်ရှင်အလန်းစား ကားတွေကို စောင့်မျှော်နေကြသူများအတွက် Zo In-Sung, Park Jeong-Min,
Shin Sae-Kyeong, Park Hae-Jun တို့လို ထိတ်ထိတ်ကြဲ မင်းသား၊ မင်းသမီးတွေ အဓိက
ပါဝင်သရုပ်ဆောင်ထားတဲ့ ရုံတင် စပိုင်အက်ရှင်ကားသစ်ကြီးကတော့ ထွက်ရှိလာပြီပဲ ဖြစ်ပါတယ်။

HUMINT ဆိုတာကတော့ "Human Intelligence" ရဲ့ အတိုကောက် စကားလုံးဖြစ်ပြီး
သတင်းပေး၊ ထောက်လှမ်းရေးသမားစတဲ့ လူသားအရင်းအမြစ်တွေကို အသုံးချပြီး
သတင်းအချက်အလက် စုဆောင်းရယူတဲ့ ထောက်လှမ်းရေးလောက အသုံးအနှုန်းတစ်ခုပါ။

- ဇာတ်လမ်းအကျဉ်း -

တောင်ကိုးရီးယား အမျိုးသားထောက်လှမ်းရေးအဖွဲ့က ဌာနမှူးဂျို (Zo In-Sung) ကတော့
အရှေ့တောင်အာရှမှာ ဖြစ်ပွားတဲ့ နိုင်ငံတကာ ရာဇဝတ်မှုတွေကို ခြေရာခံလိုက်နေသူပါ။

သူဟာ HUMINT စစ်ဆင်ရေးတစ်ခုအတွင်းမှာ အသက်ပေးလိုက်ရတဲ့ သတင်းပေး ချန်ထားခဲ့တဲ့
သဲလွန်စနောက်ကို လိုက်ပြီး ရုရှားနိုင်ငံ ဗလာဒီဗော့စတော့မြို့ဆီ ရောက်ရှိလာခဲ့ပါတယ်။

အဲဒီမြို့မှာ ဌာနမှူးဂျိုဟာ မြောက်ကိုးရီးယားစားသောက်ဆိုင် ဝန်ထမ်းမလေး ချယ်ဆွန်းဟွာ (Shin Sae-Kyeong)နဲ့
ဆုံတွေ့မိပြီး ဆွန်းဟွာကို သူ့ရဲ့ HUMINT စစ်ဆင်ရေးအသစ်အတွက် သတင်းပေးအဖြစ် ရွေးချယ်လိုက်ပါတော့တယ်။

တစ်ဖက်မှာလည်း နယ်စပ်ဒေသမှာ ဖြစ်ပွားနေတဲ့ လူပျောက်မှုတွေကို စုံစမ်းဖို့အတွက် ဗလာဒီဗော့စတော့မြို့ဆီ
စေလွှတ်ခြင်းခံရတဲ့ မြောက်ကိုးရီးယား နိုင်ငံတော်လုံခြုံရေးဝန်ကြီးဌာနက ခေါင်းဆောင် ဘတ်ဂွန်း (Park Jeong-Min) ဆိုသူက
ဒီအမှုရဲ့ နောက်ကွယ်မှာ မြောက်ကိုးရီးယား ကောင်စစ်ဝန်ချုပ် ဟွမ်ချီဆောင်း (Park Hae-Jun) ရှိနေမှန်း သိလိုက်ရပါတော့တယ်။

မတူညီတဲ့ ပန်းတိုင်ကိုယ်စီနဲ့ ဗလာဒီဗော့စတော့မြို့မှာ ထိပ်တိုက်ဆုံတွေ့မိကြတဲ့ မြောက်နဲ့‌ တောင်ကိုးရီးယား အေးဂျင့်တွေရဲ့
အားပြိုင်ပုံကို ဒီဇာတ်လမ်းလေးထဲမှာ ရင်ခုန်စိတ်လှုပ်ရှားစွာနဲ့ ဆက်လက် ကြည့်ရှုလိုက်ကြပါဦး

Legend of Female General ရဲ့ Main Lead တစ်ယောက်ဖြစ်တဲ့ Zhou Ye ဟာ ပြိတ်သတ်တို့ရဲ့ဆန္ဒကို ကြားသွားပုံပါပဲ။ LOFG မှာ ထက်ထက်မြက်မြက် Strong Woman အဖြစ်မြင်တွေ့ခဲ့ရသလို အခုညွှန်းပေးမဲ့စီးရီးမှာလဲ Zhou Ye ကို ထက်မြက်တဲ့စွန့်ဦးတီထွင်သူအမျိုးသမီးငယ်လေးအဖြစ် မြင်တွေ့ရမှာပါ။

ဒီကားကို ၁၉၈၃ ခုနှစ်မှာ ဇာတ်အိမ်တည်ထားတာဖြစ်ပြီး Zhou Ye နဲ့အတူ Love in Pavilion မှာ ပါဝင်ခဲ့သလို အပြုံးလှလှပိုင်ရှင်လေးဖြစ်တဲ့ ကိုကို Zhai Xiao Wen က တွဲဖက်သရုပ်ဆောင်ထားပါတယ်။

ဇာတ်လမ်းအညွှန်း >>>

အပြောင်းအလဲများစွာရှိနေတဲ့ ၁၉၈၃ ခုနှစ်မှာ "လုပ်ငန်းခွင်ကျွန်" လို့တံဆိပ်ကပ်ခံထားရတဲ့ ခေတ်မိန်းမပျိုတစ်ဦးဟာ လှိုင်းလေထန်လှတဲ့စီးပွားရေးလောကထဲကို ရဲရဲဝံ့ဝံ့ခြေစုံပစ်ဝင်ခဲ့ပါတယ်။ အဲလိုမိုက်ရူးရဲဆန်မှုကြောင့် လူအများရဲ့ကဲ့ရဲ့ဝေဖန်မှုတွေကိုလဲ ရင်ဆိုင်ခဲ့ရရှာပါတယ်။ ဒါပေမဲ့ မိန်းမငယ်လေးဟာ အဲလိုဝေဖန်မှုတွေကို တွန်းလှန်ပြီး ကိုယ်ပိုင်လမ်းစဉ်တစ်ခုကိုဖော်ဆောင်ဖို့ သန္နိဋ္ဌာန်ချထားသူပါ။ အရာအားလုံးကို ဘာမှမရှိတဲ့ဘဝကနေစတင်ခဲ့ပြီး အခက်အခဲတွေကြား ကြံ့ကြံ့ခံရင်း မြင့်မားလှတဲ့အောင်မြင်မှုဆီ ဖြည်းဖြည်းချင်းတက်လှမ်းနိုင်ခဲ့ပါတယ်။

ဒီလိုစိန်ခေါ်မှုတွေနဲ့ဆင်းရဲပင်ပန်းမှုများစွာကို ရင်ဆိုင်နေရချိန်မှာ ကျိုးချန်လို့အမည်ရတဲ့ ကိုလူချောလေးနဲ့ ဆုံခဲ့ပါတော့တယ်။ မိန်းမပျိုလေးဟာ မဆုတ်မနစ်ကြိုးစားအားထုတ်မှုနဲ့ ထူးချွန်လှတဲ့ဉာဏ်ရည်ဉာဏ်သွေးကို အသုံးချကာ စီးပွားရေးလောကမှာ နေရာတစ်ခုကို အောင်မြင်စွာဖန်တီးနိုင်ခဲ့ပါတယ်။ အဲလိုပဲ တစ်ဖက်မှာလည်း သူနဲ့ကျိုးချန်တို့ရဲ့ပတ်သက်မှုဟာ နှလုံးသားထဲထိစိမ့်ဝင်သွားရာမှာတော့

ချစ်ခရီးအိပ်မက်ဟာ ဖြောင့်ဖြူးလေမလား၊ ရောက်ချင်တဲ့နေရာကိုရော ရောက်လေမလား... ဒီလိုဝေခွဲမရမှုတွေကြားမှာ သေချာတာတစ်ခုကတော့ ကျိုးချန်နဲ့သူရဲ့အချစ်အိမ်ငယ်ဟာ သကာလောင်းတဲ့ပျားသလက်လို ချစ်ရနံ့တို့ချိုမြထုံသင်းနေမှာ အမှန်ပါပဲ။ Romance ဇာတ်အိမ်ကို ပုံမှန်ကြည့်နေရတဲ့ဇာတ်လမ်းတွေကနေ ကွဲထွက်တာမျိုးလေးမှဆို ဒီစီးရီးလေးက အသင့်တော်ဆုံးပါပဲ