တစ်ယောက်ယောက်က ကိုယ့်ကို Block လိုက်ရင် ဘာလုပ်ကြမလဲ⁉️

ကိုယ့်ကို block ထားမှန်းသေချာအောင် အချိန်ပေးပြီးစစ်ဆေးပါ။ နည်းပညာချို့ယွင်းချက်နဲ့ တစ်ခါတစ်ရံ မတော်တဆဖြစ်ရပ်တွေကြောင့် ဘလော့မိတာမျိုးလည်း ဖြစ်နိုင်ပါတယ်။

ဘလော့သွားတဲ့သူကို မဆက်သွယ်ခင် ကိုယ့်စိတ်ကိုပြင်ဆင်ဖို့ အချိန်ပေးပါ။ သူ့ဘက်ကပြောလာမယ့် အကြောင်းရင်းတွေကိုလက်ခံနိုင်ဖို့နှင့် နားလည်နိုင်ဖို့ကြိုတွေးထားပါ။

တစ်ကယ်လို့ 🙋‍♂️

ဘလော့သွားပြီး အကြောင်းပြချက်မသိရတာမျိုးဆို နှစ်ဖက်လုံးနဲ့ ရင်းနှီးတဲ့သူတွေကနေတစ်ဆင့် အကြောင်းရင်းကိုမေးမြန်းစုံစမ်းပါ။

ပြီးတော့ ကိုယ့်ဘက်ကနေလည်း ပြတ်သားနိုင်ဖို့အတွက် စိတ်ကိုပြင်ဆင်ဖို့လည်းလိုအပ်ပါတယ်။

တစ်ကယ်လို့ မကျေနပ်ချက်တစ်ခုကြောင့် ဒီလိုမျိုးလုပ်တယ်ဆိုရင် ပြန်ပြေလည်နိုင်ပေမယ့် အကြောင်းအရင်းမရှိဘဲ ဘလော့တတ်တဲ့သူတွေကတော့ ပြတ်သားဖို့ထိုက်တန်တဲ့သူတွေဖြစ်ပါ တယ်။

နောက်ပိုင်းမှာတော့❕

ဒီလိုလုပ်ခဲ့တဲ့သူကို ကိုယ့်ရဲ့ဆိုရှယ်မီဒီယာအပြင် ပြင်ပဘဝတွေမှာပါ လက်လွှတ်လိုက်ဖို့လုပ်ရမှာဖြစ်ပါတယ်။

သူ့ကိုမေ့ပျောက်စေဖို့အတွက် ကိုယ့်အတွက်တန်ဖိုးရှိတဲ့သူတွေနဲ့ ပိုပြီးအချိန်ကုန်ဖို့လိုအပ်ပါတယ်ခင်ဗျာ။

📱 - @Life_Explored_Channel

#Moti
#F_W
#Haruki

ကျန်းမာရွှင်လန်းဖို့ ညတိုင်း အိပ်ရေးဝ၀အိပ်ကိုအိပ်ပေးသင့်တဲ့ အကြောင်းအရင်းများ

ကောင်းမွန်တဲ့ တစ်ညတာအိပ်စက်မှုဟာ ကျန်းမာရေးအတွက် သော့ချက်လို့တောင် ဆရာဝန်တွေက ထောက်ခံထားကြပါတယ်။

အခုခေတ်မှာ 💢

လူတော်တော်များများဟာ အိပ်ချိန်မပြည့်ဝမှု ၊ အိပ်ရေးပျက်မှုတွေ ပိုများလာပါတယ်။ ကျန်းမာရွှင်လန်းဖို့ တစ်ညကို အနည်းဆုံး ၇ နာရီကနေ ၉ နာရီအထိ အိပ်စက်ဖို့ ပြောကြတာတွေ ရှိပါတယ်။

ဘာလို့လဲဆိုတော့

See next Post

#Daily_Life
#Health
#Forward_only
#Haruki

ကျန်းမာရွှင်လန်းဖို့ ညတိုင်း အိပ်ရေးဝ၀အိပ်ကိုအိပ်ပေးသင့်တဲ့ အကြောင်းအရင်းများ

💪 - ကိုယ်ခံအားစနစ် ပိုကောင်းစေတယ်

ကိုယ်ခံအားစနစ်ပိုကောင်းဖို့ များများအိပ်ပေးဖို့လိုပါတယ်။ အိပ်နေချိန်မှာ လူ့ကိုယ်က Cytokines လို့ခေါ်တဲ့ ပရိုတိန်းတွေထုတ်ပေးပါတယ်။

ဒီပရိုတိန်းတွေက ကူးစက်မှုနဲ့ ရောင်ရမ်းခြင်းတွေကို တိုက်ထုတ်ပေးနိုင်ပါတယ်။

🧠 - မှတ်ဉာဏ်လုပ်ဆောင်ချက်အတွက် အရေးပါတယ်

အိပ်စက်ခြင်းဟာ မှတ်ဉာဏ်တွေကိုစီစဉ်တာ၊ ရှင်းထုတ်တာလုပ်ဖို့ ဦးနှောက်ကို အချိန်ပေးတာပါပဲ။

အိပ်စက်ခြင်းဟာ ဦးနှောက်ထဲက အဆိပ်အတောက်ဖြစ်စေမယ့်အရာတွေကို ရှင်းထုတ်ရာမှာလည်း အရေးပါတဲ့ဖြစ်စဉ်ပါ။

အိပ်နေချိန်မှာ ဦးနှောက်ထဲကဆဲလ်တွေ ကျုံ့သွားရာက Cerebrospinal အရည်တွေကနေ မလိုအပ်တဲ့ အညစ်အကြေးတွေကို ပြန်စွန်ပစ်ပါတယ်။

မှတ်ဉာဏ်တွေကို ထိန်းသိမ်းနိုင်စွမ်းကိုလည်း အိပ်စက်မှုကအကျိုးပြုပါသေးတယ်။

😋🍴 - စားချင်စိတ်ပေါ် သက်ရောက်မှုရှိတယ်

အိပ်ရေးပျက်ခြင်းဟာ ဆာလောင်မွတ်သိပ်မှုကို ပိုဖြစ်စေတယ်လို့ ဆရာဝန်တွေက တွေ့ရှိထားပါတယ်။

အိပ်ရေးပျက်တာများလေလေ ခန္ဓာကိုယ်က Ghrelin လို့ ခေါ်တဲ့ အစာစားချင်စိတ်ကိုလှုံ့ဆော်တဲ့ ဟော်မုန်းကိုထုတ်ပေးပါတယ်။

သူထုတ်ပေးတဲ့ အစာစားချင်စိတ်ကလည်း ကာဗွန်ဟိုက်ဒရိတ်ဓါတ် ၊ သကြားဓါတ်နဲ့ အဆီဓါတ်တွေက အဓိကပါပဲ။

တစ်ဆက်တည်းမှာပဲ ခန္ဓာကိုယ်ဟာ အစာစားချင်စိတ်ကို မျှခြေထိန်းပေးမယ့် Leptin ဟော်မုန်းထုတ်မှုနည်းသွားပါတယ်။ အကျိုးဆက်က ဝိတ်တက်တာတွေ ဖြစ်လာတတ်ပါတယ်။

👨‍⚕ - ကင်ဆာဖြစ်နှုန်းကို ပိုနည်းစေတယ်

ခန္ဓာကိုယ်ကဆဲလ်တွေလည်း အိပ်စက်ဖို့လိုပါတယ်။

အိပ်ရေးပျက်တဲ့အလုပ်တွေ လုပ်ရတဲ့အမျိုးသားတွေမှာ ဆီးကျိတ်နဲ့ အမျိုးသမီးတွေမှာ ရင်သားကင်ဆာပိုဖြစ်နှုန်းများတာ တွေ့ရပါတယ်။

ဒါကြောင့် ကျန်းမာတဲ့ဆဲလ်တွေဖြစ်အောင် အခုလက်ရှိထက် ပိုအိပ်ပေးဖို့လိုပါတယ်ခင်ဗျာ။

🔆 - @Life_Explored_Channel

#Daily_Life
#Health
#Forward_only
#Haruki

Good Morning 🌻 ပါ

ကျွန်တော့်ရဲ့ စာဖတ်သူလေးတို့ရေ

အေးချမ်းသာယာစွာ နေ့သစ်လေးကို အကောင်းမွန်ဆုံး ဖြတ်သန်းနိုင်ပါစေခင်ဗျာ။

အိပ်ယာကနိုးရင်  Morning ပြန်ပို့ခဲ့ပါဦးနော်။🤍

ချမ်းတယ်" နွေနွေးထွေးထွေးလေးနေပါ။💭

#Haruki

It's a art✨

#Drawings
#Haruki

ဖောက်ပြန်သွားတဲ့ ရည်းစားနဲ့ပက်သက်ပြီး မပြုလုပ်သင့်တဲ့အရာများ

ကိုယ်နဲ့လက်ရှိတွဲနေတဲ့ရည်းစားက ဖောက်ပြန်သွားတဲ့အခါ တချို့ကတော့ စိတ်နာပြီးချက်ချင်းပြတ်နိုင်ပေမယ့် တချို့ကျတော့ အရမ်းချစ်ပြီး လက်မလွှတ်နိုင်ဘဲ ခံစားနေရတာမျိုးလည်း ရှိပါတယ်။

ဘယ်လိုပဲဖြစ်ဖြစ် 💢

ဖောက်ပြန်ပြီဆိုထဲက ဒီလူနဲ့ဆက်တွဲဖို့ မစဉ်းစားသင့်တော့ပါဘူး။ ဒါကြောင့် ဖောက်ပြန်သွားတဲ့ ရည်းစားနဲ့ပက်သက်ပြီး မပြုလုပ်သင့်တဲ့အရာတွေကို ပြောပြပေးချင်ပါတယ်။

❤️‍🩹 - ဖတ်ရန်နှိပ်ပါခင်ဗျာ။

#Solve_Problems
#Moti
#Relationship_Knowledge
#Haruki

ဘယ်လိုအခက်အခဲ အကြပ်အတည်းတွေကြုံလာကြုံလာ တကျော့ပြန်ထနိုင်သူတွေရဲ့ ထူးခြားမှုများ

ဘဝဆိုတာ အရှုံးတလှည့် အနိုင်တလှည့်ကြုံစမြဲ ကစားဝိုင်းတစ်ခုပါပဲ။ ဘယ်လိုပဲ အရှုံးတွေနဲ့ကြုံလာပါစေ လဲတာကနေ ပြန်ရုန်းထနိုင်ဖို့ အားလိုပါတယ်။

အရှုံးတွေ၊ အခက်အခဲအကြပ်အတည်းတွေနဲ့ မွန်းကြပ်မှုတွေကြုံလာချိန်မှာ တကျော့ပြန်ထနိုင်သူတွေက ချီးကျူးစရာကောင်းတဲ့လူတွေပါပဲ။

ဒီလိုလူတွေကို လေ့လာကြည့်ရင် အခုကျွန်တော်ပြောပြမယ့် ထူးခြားမှုလေး တွေ တွေ့ရတတ်ပါတယ်ခင်ဗျာ။

See next Post

#Life_Success
#Forward_only
#Haruki

ဘယ်လိုအခက်အခဲ အကြပ်အတည်းတွေကြုံလာကြုံလာ တကျော့ပြန်ထနိုင်သူတွေရဲ့ ထူးခြားမှုများ

🔆 - အကောင်းမြင်တတ်ခြင်း

ဘဝမှာဆက်ပြီးရှင်သန်နိုင်ဖို့ အကောင်းမြင်တတ်မှဖြစ်ပါမယ်။ အကောင်းမြင်တတ်ခြင်းဆိုတာ ဘယ်လိုအခြေအနေရောက်ရောက် မျှော်လင့်ချက်တွေရှိနေတာမျိုးပါပဲ။

လောကဓံအနိမ့်အမြင့် အတက်အကျတွေအကြားမှာ ထက်သန်တဲ့စိတ်နဲ့ဆက်ပြီးရပ်တည်နိုင်ဖို့အတွက် အကောင်ူမြင်စိတ်ရှိဖို့ လိုပါတယ်။ အကြပ်အတည်းတွေကနေ ရုန်းထွက်နိုင်သူတွေဟာ အခုပြောတဲ့အကောင်းမြင်စိတ်ရှိတဲ့သူတွေ ဖြစ်ပါတယ်။

💠 - အမှားကနေ အဖြေရှာတတ်ခြင်း

ရှုံးနိမ့်တယ်ဆိုတာ ဖြစ်မြဲဓမ္မတာပါ။ ဒါပေမယ့် အမှားတစ်ခုတည်းကိုပဲ ထပ်တလဲလဲကျူးလွန်နေရင်တော့ လူညံ့စာရင်းဝင် သွားပါလိမ့်မယ်။

အရှုံးတစ်ခုကြုံတိုင်း သင်ခန်းစာတစ်ခုအဖြစ် ပြောင်းနိုင်မှ အခက်အခဲတွေနဲ့ အရှုံးတွေကနေ ရုန်းထွက်နိုင်သူ ဖြစ်မှာပါ။

ဘယ်တော့မှ မမှားဖူးသူဆိုတာ မရှိပါဘူး။ အမှားကနေ သင်ခန်းစာထုတ်ပြီး ဘဝကို အကောင်းဆုံးတည်ဆောက်နိုင်သူပဲ အထက်ရောက်ပါတယ်။

💪 - စိတ်ဓါတ်ခိုင်မာပြတ်သားခြင်း

စွဲမြဲခိုင်မာတဲ့စိတ်ကို အရင်းခံပြီး အရှုံးကိုအနိုင်ပြောင်းနိုင်ပါတယ်။ အောင်မြင်မှုပန်းတိုင်ရရှိသူတွေနဲ့ ရှုံးနိမ့်သူတွေအကြားမှာ အဓိက ပိုင်းခြားပေးလိုက်တာဟာ ပြင်းပြထက်သန်တဲ့စိတ်အဓိဌာန်ပါပဲ။

ဘယ်တော့မှအရှုံးမပေးဘူးဆိုတဲ့လူတစ်ယောက်ကို အနိုင်ရဖို့ခက်ပါတယ်။ လောကဓံလက်သီးတွေဟာ စိတ် ဓါတ်ပြတ်သားခိုင်မာသူကို လက်မြှောက်ပေးတတ်ပါတယ်။

❣️ - စည်းကမ်းကောင်းခြင်း

စည်းကမ်းကောင်းတယ်ဆိုတာ အစီအစဉ်ကောင်းတာပါပဲ။ ဒီတစ်ခေါက်အရှုံးကို နောက်တစ်ခေါက်မှာ အရင်းအနှီးအဖြစ် ပြောင်းနိုင်သူဟာ အရှုံးကို အနိုင်ပြောင်းဖို့ အစီအစဉ်ကောင်းရှိသူလို့ ဆိုရမှာ ဖြစ်ပါတယ်။

စည်းကမ်းကောင်းသူဟာ ကိုယ်လုပ်မယ့်အလုပ်အပေါ် အာရုံထားတာ ၊ စနစ်နဲ့ လုပ်တာ ၊ ပြည့်ပြည့်စုံစုံလေ့လာပြင်ဆင်ထားတာကို ခေါ်တာပါ။

အရှုံးကနေ အောင်မြင်မှုထုတ်ယူနိုင်သူတွေမှာ Self-Discipline လို့ခေါ်တဲ့ ပင်ကိုယ်စည်းကမ်းကောင်းတဲ့စရိုက်တွေ့ရတတ်ပါတယ်ခင်ဗျာ။

💖 - @Life_Explored_Channel

#Life_Success
#Forward_only
#Haruki

လူသူဝေးတဲ့ပင်လယ်အလယ်မှာလက်ဝါးကပ်တိုင်ကြီးဘာလို့တည်ဆောက်ထားလဲ?

ကမ္ဘာ့နေရာအများအပြားမှာအထင်ကရနေရာတွေများစွာရှိပါတယ်။ထိုအထဲမှာဖိလစ်ပိုင်နိုင်ငံရှိ Sunken Cemetery အမည်ရပင်လယ်ရေခေါင်လူသူဝေးတဲ့နေရာမှာတည်ဆောက်ထားတဲ့လက်ဝါးကပ်တိုင်ကြီးဟာလည်းတစ်ခုအပါအဝင်ဖြစ်ပါတယ်။ထိုကဲ့သို့လူသူဝေးနေရာမှာဘာလို့တည်ဆောက်ထားတယ်ဆိုတဲ့အကြောင်းအရင်းဟာတော့လူတွေအတွက်စဥ်းစားစရာပဲ ဖြစ်ပါတယ်။


ဒေသကန္တာရအချက်အလက်များအရ၁၈၇၀ခု နှစ်မှာပြင်းထန်သောမီးတောင်ပေါက်ကွဲမှုကြီးနှင့်အတူကြီးမားသောမြေငလျှင်တစ်ခုမှယခု Sunken Cemetery အမည်ရထိုဒေသရှိမြို့ကြီးတစ်မြိုးလုံးနှင့်အတူ သခ်ျိုင်းတစ်ခုကိုလည်းပင်လယ်ရေအောက်မြှုပ်စေခဲ့ကြောင်းသိရပါတယ်။ထိုသို့ပျောက်ဆုံးသွားသောမြို့တော်ကြီးအားသတိတရရှိစေရန်လက်ဝါးကပ်တိုင်အမှတ်အသားကိုထိုနေရာမှာတည်ဆောက်ခဲ့ကြောင်းသိရပါတယ်။ထိုလက်ဝါးကပ်တိုင်အမှတ်အသားကြီးဟာ၁၉ရာစုအတွင်းလူလူပ်ထားသောအံ့သြဖွယ်အမှတ်အသားဖြစ်သော်လည်းထိုနေရာရဲ့ စိတ်မကောင်းဖွယ်ဒဏ္ဍာရီကြောင့်ဖိလစ်ပိုင်နိုင်ငံသားများနှင့်ကမ္ဘာ့လှည့်ခရီးသည်များအတွက်အထင်ကရနေရာလည်းဖြစ်နေပါတယ်။


ထိုမျှမကနိုဝင်ဘာ၁ရက်နေ့မှာသေဆုံးခဲ့သူတို့အတွက်အမှတ်တရနေ့အဖြစ်သတ်မှတ်ကာထိုနေ့ရောက်ပါကကမ်းရိုးတန်းတစ်လျှောက်မှာလွမ်းသူ့ပန်းခွေချခြင်းများပြုလုပ်ပေးကြကြောင်းသိရပါတယ်။ယခုအခါမှာတော့ဒီရေကျချိန်မှာရေပေါ်မှနေပြီး သခ်ျိုင်းကြီးကိုမြင်နိုင်ကြောင်းခရီးသွားတို့ရဲ့ပြောကြားချက်အရသိရပါတယ်။ခရီးသွားပြည်သူနေအနေဖြင့်အထိမ်းအမှတ် မှတ်တိုင်များ၊သခ်ျိုင်းအပျက်အစီးများနှင့်သန္တာကျောက်များကိုကြည့်ရှုလိုပါကရေငုပ်နိုင်ကြောင်းလည်းသိရပါတယ်။




#Life_Knowledge
#wanderland
#Do_Not_copy📌
#forward_only
#DOYAR 🖇