- ‏لقطة انك ترد حد لحياتك بعد ما تجاوزته تصنف من اوعر اللقطات لي ممكن يصيرن معاك .

- مش صعبه انك تعيش حياه عاديه ،
الصعبه انك تعيش حياه عاديه وفوقها ڪل فتره يريح منك حد غالي عليك .

- فكر امعايا اشويا، لو انك ماتعمقتش في الشخص بزيادة والشخص هذا بعد فترة سيبك، حيكون تأثير افراقه زي اي شخص عادي خش لحياتك وطلع منها وانت مش حتزعل عليه لانك ما تعمقتش فيه وعاملته كيفه كيف اي حد ومرت علاقتك بيه مرور الكرام، بس المصيبه لما تكون تعمقت واستثنيته وما حسبتش احساب انه مافيش حد يدوم لحد، هنا حتكون الكارثه وحتنكسر وانك تنجبر مره ثانيه مش حتكون ساهله ومش حيستوعبها قلبك ولا عقلك، ف ماتتعمقش بزيادة عشان ماتخشش في دوامه انت في غنى عنها. "علاقة سطحيه=حياة صحية" ركزوا فيها.

- يا المتكدّي ..
‏مكَان العزيز عَزيز وين يعَدي؟
‏سَماحة الغلا ترجِيب مُش اتجدّي ،
‏سمَاحة الغلا يبقِى غلا بأقدّاره ،
‏ويزيد الغَلا ويعَمر بنَاس عصَارة .

- ديما عندي إحساس إني حـ نغيب عَ الدنيا قبل ما نوصل للحاجات اللي نبيهم مشعارف عليش هالإحساس مرافقني من صغري.

- ‏لما الناس تموت الحياة تستمر ، بس لما الناس تبتعد الحياة توقف .. غريب إن الموت أرحم من البُعد ، يمكن لأن الموت حاسم والبُعد فيه إحتمالات .

- الزعل مش بس عـ لفراق زعل الفراق ياخذ فترة وتقتنع أن كلشي نصيب وتقتنع أن ربي مقدملك الي فيه الخير، الزعل البايخ أن يسير فراق من غير مايقول ولا كلمة، الزعل أنك تقعد ترجا وتكتشف أن ترجى في شي مايفكرش فيك، الزعل أن يمشي ويسيب الباب مفتوح ومية علامة استفهام محتاجة جواب وماتلقش الهن ولا مبرر، الزعل أن فارق وماودعنش بـ طريقة أتليق بـ الي كان بينا.

- انك تفهمني في الوقت اللي انا فيه مش فاهم روحي حتكون حاجة كبيرة عندي ، وصدقني حنكمل بيك العمر كله .

‏"البيئة المتوترة توهمك أن الإنفعال طبعك،
لعند تكتشف في البيئة الآمنة أنك هادئ".

- حافظو على خصوصية علاقاتكم بيش أدوم ، مش كل شي يسير بينكم يعبي ستورياتكم و يسبق كلامكم لما تحكو مع حد ثاني ، الخصوصية تحفظ العلاقة و تقويها و الرسول قال أستعينو في قضاء حوائجكم بالكتمان .

- ‏اوقات تحس انك تعرفت على شخص نادر وبعدين تطلع انت اللي نادر وانت اللي واجد عليه والله .

- نديـر Log out من الكليـة هادي كيف بس.

- واحد من اكبر مشاكل الجيل هو تبرير الغلط بالغلط ، مثلاً تنصح شخص على فعل فاضح هو يدير فيه في وقت توا غالباً هيرد عليك بغلط انت تدير فيه او حد ثاني يدير فيه ويقولك اهو عادي يدير هضا نا ليش لا ؟

الفكرة انه لما تجيك نصيحه متفكرش في قيمة الناصح بلعكس ركز في قيمة النصيحة او وقعها عليك لو فعلاً هتصلح فيك استقبلها عادي حتى لو من شخص متقبلش .

- الأناقه الْحقِيقيه :
أن يكون الإنسان بَاهِظ الكرَامه ، ثابت المبادئ ، عزِيز النفس ، غنِي الأخلاق ، غني الأخلاق ، غني الأخلاق .

ـ الحزن و الكآبه و الوحدة اللي أنت فيها
أغلبها بسبب ثقتك الزايدة وقت وهمت نفسك
بأنك غالي عليهم و لكن أكتشفت العكس.

- مانتكلمش على حد لما نفارقه ولا نطعن في معدنه ولا ننسى مواقفه .. ولا نلقح عليه ولا انزل من قيمته ولا نحطه في مكان مايليقش بالعشره و السنين .. بالعكس مانتمنالكش الا كل خير و يارب اللي مالقاش فيا الخير يلقى الخير في اللي خير مني .. و يارب اللي طعن في عشرتي بيه و مايتفكرليش الا المش كويس يارب يلقى غيري مايتفكرش معاه الا الكويس .. الحياة قدامكم اللي يبي حاجه يديرها و اللي يدير حاجه يكون قدها.

- ‏أرق و إرهاق ونقص نوم وخمول و كسل و نية طايرة .

- المشاعر حاجة صعب بكل أن تزيـف فيها، ألي يقولك مية مرة أن مرايفلك وهو مش مرايفلك اصلا حـ تحسها، الي أيحبك مش محتاج أن كل شوي يقولها لك عشان حـ تحسها من تصرفاتة وخوفة عليك،الي ايفرحك من قلبة ويبيك في حياتة بـ جديات حـ يبان عليه وحـ اتحس بيه، المشاعر هيا مرايا تعكس الي في قلوبنا وقلوبنا مستحيل تكذب فـ المشاعر.

- مافيش شخص يعرف أنت مريت بشنو، وشن تواجه! حتى لو موضوع قديم، ومافيش شخص يعرف الكلام والمواقف اللي أنت تتجاوز فيها، ومافيش شخص يعرف كم المواقف اللي كانت نقطة تحول في شخصيتك
•••
كلهم يحكموا من الجزء اللي هما يشوفوا فيه فقط، مافيش شخص يعرف، مافيش شخص مهتم، وللأسف مافيش شخص حيعرف أنت كيف حتكون لو خسرت الأمل الأخير اللي يخلي فيك تواجه أي شيء .

- 14:14 م
تخّالن سَاعة ..
وجَابن منَاقض كلهَن دمّاعه ،
أنظارِي مع عَقلي..

- ‏في كسرة خاطر عـ قد ماتحاول تشرحها بـ شكل الي حاسها بيه، ماتعرفش.