- مَ حد ح يعطيك من صحته لو تعبت ، و لا حد حَ يعطيك من ضحكته لو زعلت ، وحدة وحدة ؏ روحك "هونها تهون".🖤

- مفش حاجة تغيرت، مع إن كل حاجه تغيرت.

- ما فيش حاجه تدوم على مجهود شخص واحد .

- يا حظ اي حد مشاعره ما تتحكمش في ملامحه .

- مِش لازم تمُوت بَاش النَاس تحِس بخسَارتك، سَاد إنهم يشُوفوك فرحَان معَ غِيرهم

- عارفين الشخص الي لما تحكولة شن مضايقكم يقعد يسمعلكم وساكت يقعد بس ايهزلك بـ راسة عشان اتكمل كلامك، الي ايراجيكم نيين تطلعو كل الي جواكم من ضيق وطاقة سلبية وتفرغوها كلها، بدوون مايعلق على كلامك او يقولك انك غلطان او معاك الحق، الي لما يشوف دمعتك يصبي قدامك ويغطي الرؤية عليك عشان ماحدش ايشوفك ضعيف، الي يخليك اتعيط وتعصب وتطلع كل الي جواك، و بعد ماتهدا وتفرغ كل الي في داخلك ايقولك هذك الكلمة الي ماتخطرش عـ بال حد الي ماتقدرش اتشد ضحكتك عليهاا ويغيرلك جووك كلة بـ كلمة او تصرف وااحد، الناس هذي نعمة كبيره والله و مهما كتبت مش عـ نعرف نوصفهم وربي ولو ماعندكمش في حياتكم حد هكي خليكم في حياة حد بـ الطريقة هذي..

- كِلحد يأذي فِ غيره ع حسب النقص يَلي يعَاني منه .

- ‏لقطة انك ترد حد لحياتك بعد ما تجاوزته تصنف من اوعر اللقطات لي ممكن يصيرن معاك .

- مش صعبه انك تعيش حياه عاديه ،
الصعبه انك تعيش حياه عاديه وفوقها ڪل فتره يريح منك حد غالي عليك .

- فكر امعايا اشويا، لو انك ماتعمقتش في الشخص بزيادة والشخص هذا بعد فترة سيبك، حيكون تأثير افراقه زي اي شخص عادي خش لحياتك وطلع منها وانت مش حتزعل عليه لانك ما تعمقتش فيه وعاملته كيفه كيف اي حد ومرت علاقتك بيه مرور الكرام، بس المصيبه لما تكون تعمقت واستثنيته وما حسبتش احساب انه مافيش حد يدوم لحد، هنا حتكون الكارثه وحتنكسر وانك تنجبر مره ثانيه مش حتكون ساهله ومش حيستوعبها قلبك ولا عقلك، ف ماتتعمقش بزيادة عشان ماتخشش في دوامه انت في غنى عنها. "علاقة سطحيه=حياة صحية" ركزوا فيها.

- يا المتكدّي ..
‏مكَان العزيز عَزيز وين يعَدي؟
‏سَماحة الغلا ترجِيب مُش اتجدّي ،
‏سمَاحة الغلا يبقِى غلا بأقدّاره ،
‏ويزيد الغَلا ويعَمر بنَاس عصَارة .

- ديما عندي إحساس إني حـ نغيب عَ الدنيا قبل ما نوصل للحاجات اللي نبيهم مشعارف عليش هالإحساس مرافقني من صغري.

- ‏لما الناس تموت الحياة تستمر ، بس لما الناس تبتعد الحياة توقف .. غريب إن الموت أرحم من البُعد ، يمكن لأن الموت حاسم والبُعد فيه إحتمالات .

- الزعل مش بس عـ لفراق زعل الفراق ياخذ فترة وتقتنع أن كلشي نصيب وتقتنع أن ربي مقدملك الي فيه الخير، الزعل البايخ أن يسير فراق من غير مايقول ولا كلمة، الزعل أنك تقعد ترجا وتكتشف أن ترجى في شي مايفكرش فيك، الزعل أن يمشي ويسيب الباب مفتوح ومية علامة استفهام محتاجة جواب وماتلقش الهن ولا مبرر، الزعل أن فارق وماودعنش بـ طريقة أتليق بـ الي كان بينا.

- انك تفهمني في الوقت اللي انا فيه مش فاهم روحي حتكون حاجة كبيرة عندي ، وصدقني حنكمل بيك العمر كله .

‏"البيئة المتوترة توهمك أن الإنفعال طبعك،
لعند تكتشف في البيئة الآمنة أنك هادئ".

- حافظو على خصوصية علاقاتكم بيش أدوم ، مش كل شي يسير بينكم يعبي ستورياتكم و يسبق كلامكم لما تحكو مع حد ثاني ، الخصوصية تحفظ العلاقة و تقويها و الرسول قال أستعينو في قضاء حوائجكم بالكتمان .

- ‏اوقات تحس انك تعرفت على شخص نادر وبعدين تطلع انت اللي نادر وانت اللي واجد عليه والله .

- نديـر Log out من الكليـة هادي كيف بس.

- واحد من اكبر مشاكل الجيل هو تبرير الغلط بالغلط ، مثلاً تنصح شخص على فعل فاضح هو يدير فيه في وقت توا غالباً هيرد عليك بغلط انت تدير فيه او حد ثاني يدير فيه ويقولك اهو عادي يدير هضا نا ليش لا ؟

الفكرة انه لما تجيك نصيحه متفكرش في قيمة الناصح بلعكس ركز في قيمة النصيحة او وقعها عليك لو فعلاً هتصلح فيك استقبلها عادي حتى لو من شخص متقبلش .

- الأناقه الْحقِيقيه :
أن يكون الإنسان بَاهِظ الكرَامه ، ثابت المبادئ ، عزِيز النفس ، غنِي الأخلاق ، غني الأخلاق ، غني الأخلاق .