الدخل السلبي أو ال passive income💰
هو طريقة من طرق إنك تجيب فلوس طريقة مختلفة شوي تتطلب مهارات مختلفة و جديدة. هنا في هذا ال #ثريد كل شي تحتاج تعرفه عن هذا الموضوع مع خطة بسيطة تساعدك تجيب #فلوس_سعيدة 💸💪🏼💡

إيش هو الدخل السلبي؟🤔
هو الدخل اللي تحط فيه استثمار و يبدأ يجيب لك عائد بشكل مستمر بدون جهد إضافي منك غير للصيانات و التعديلات البسيطة..💰

الاستثمار اللي في البداية ممكن يكون
-فلوس زي لما تشتري شقة و تأجرها أو
-جهد و وقت زي إنك تعمل كتاب مثلا و تبيعه عدد كبير من المرات.

طيب بما إنه ما عندك فلوس فالحل هو إنك تستثمر جهدك و وقتك في بناء أشياء تقدر تبيعها عدد لا محدود من المرات بدون ما تحتاج تدخل في كل عملية بيع.

إيش ممكن تكون دي الأشياء طيب؟🤔💰

1. منتجات رقمية.

زي الكتب و الملفات و الأدوات الرقمية اللي أقدر أدفع لك فلوس عليها و توصلني على الإيميل و أحملها و أستخدمها. بكدا مافي تكاليف تصنيع أو استيراد أو شحن. و العملية دي فيه كتير مواقع تقدر إنها تساعدك تبيع دي المنتجات و بمجرد ما العميل يدفع تترسل له تلقائيا زي @SallaApp
.........
2.دورات أون لاين..

. يعني إنك تسجّل الدورة كفيديوهات أو صوت و تجهّز كل الملفات التابعة لدي الدورة و كل الملحقات تبعها و تحطها جاهزة للشراء. بحيث يجي العميل يشتريها و يحضرها بدون ما تحتاج تشتري أدوات و تستأجر مكان و يروح وقتك بكل دورة.
.........
3.اليوتيوب

البودكاست حتعمل أشياء و تتعب عليها وإنت بتعملها و بعد كدا بس ترفعها فيه اكتر من طريقة ممكن تكسب فيها: الإعلانات اللي من المنصات أو السبونسرز و ممكن تعتبره كاستثمار مستمر لأنه اسمك بيكبر و دا حيجيب لك فرص جديدة تقدر تجيب منها فلوس.

كيف تبدأ؟

سهلة جدا.....

💪🏼الخطوة الاولى قلم و ورقة يا ابني و أكتب:
-إنت إيش تبغى تكون؟
-إيش هدفك؟
-إيش ستايلك؟
-إيش الشي اللي تظن إنه الناس يحتاجوه؟

-إيش الشي اللي إنت تقدر تساعد الناس فيه و ممكن يدفعوا لك عليه فلوس؟

الخطوة التانية:

تبدأ تصنع محتوى مجاني على تويتر و إنستجرام و يكون مرتب مو صور ملطشة من جوجل مالها أي علاقة ببعض.
– غذي ذائقتك الجمالية من تطبيق pinterest -خليك متعاون و ساعد الناس و عرفهم إنه إنت الفنان بدا المجال.
-اشتغل على دا المنوال شهرين ثلاثة متواصلة باستمرار.

وقتها حتلاحظ إنه صار عندك قاعدة متابعين ممتازة...

الخطوة الثالثة:

تقدر كل فترة تختبر و تحط واحد منتج من منتجاتك و تشوف ردة الفعل عليه إذا تحمسك إنك تحط كمان منتج أو لا لسه تحتاج تشتغل كمان على وجودك على السوشال ميديا...

وبس والله هذه الخطوات المبسطة عن الاستثمار السلبي الجديد عندك أشياء إضافية تعرفها و تعملها وتجيب دخل سلبي؟

📚 | السلام عليكم ورحمة الله وبركاته

نحييكم في فقرتنا "في رحاب السنة"

حيث نصطفي من سنة النبي المصطفى صلى الله عليه وسلم واصحابة الكرام اعظم المواقف التي تتجسد فيها مكارم الاخلاق من زهدٍ وحلمٍ وصبرٍ ولينٍ وكرمٍ وعفوٍ ثم نقوم بنقلها لكم كل يوم جمعة الساعة الواحدة ظهرًا عبر مكتبة منصة خيط وإبرة .

📚 | الصدق والأمانة ضرب رسول الله

لقّبته قريش بالصادق الأمين قبل البعثة، وكان أهل مكّة يأتمنونه على أسرارهم، وحوائجهم، وأموالهم، ولما بعثه الله -سبحانه وتعالى- وأمره بتبليغ الرسالة صعد -عليه الصلاة والسلام- على جبل الصفا، ونادى في قريشٍ قائلاً: (أرَأَيْتَكُمْ لو أخْبَرْتُكُمْ أنَّ خَيْلًا بالوَادِي تُرِيدُ أنْ تُغِيرَ علَيْكُم، أكُنْتُمْ مُصَدِّقِيَّ؟ قالوا: نَعَمْ، ما جَرَّبْنَا عَلَيْكَ إلَّا صِدْقًا)