ကျွန်တော့်ရဲ့ Grade 12 Workbook စာအုပ်က Edition အသစ်ထွက်နေပါပြီ။

ဒီလို စာအုပ်သစ်ထွက်လာချိန်မှာပဲ စက်သုံးဆီတွေရှားပါးပြီး ဈေးမတရားတက်လာတာနဲ့ ကြုံရပါတယ်။ အဲဒီအခါ ကျွန်တော်တို့ စာအုပ်ပို့တဲ့သူတွေ ကြုံရတဲ့ ပြဿနာတစ်ခုက Delivery ခတွေ၊ ကားတန်ဆာခတွေ အဆမတန် တက်သွားတာပါ။

ဂျပ်ဖာတစ်ပုံးဆို အရင်က ငါးထောင်လောက်ပဲ တန်ဆာခ ကျသင့်ပေမဲ့ ခုတော့ နေရာပေါ်မူတည်ပြီး အနည်းဆုံး တစ်သောင်းခွဲ ကျပါတယ်။ စာအုပ်တစ်အုပ်စာတောင် တန်ဆာခ တစ်သောင်းဆိုလို့ ဝယ်တဲ့သူတော့ မသိဘူး၊ ပို့ပေးတဲ့သူက ရင်ဘတ်ဖိနေရတယ်။

Royal Express တို့လို Delivery တွေကလည်း ခုဆိုရင် တစ်ပေပတ်လည်ထက် မကြီးတဲ့ အထုပ်၊ အလေးချိန် 5kg ထက်မများတဲ့ အထုပ်ပဲ ပို့လို့ရတော့တယ်။ (အရင်က 15kg အထိ ရတယ်။) ဒါကြောင့် စာအုပ် ဆယ်အုပ်လောက် မှာတဲ့သူဆိုရင် အထုပ် နှစ်ထုပ်ခွဲပေးရတော့တယ်။ အထုပ်နှစ်ထုပ်ဆို ပို့ခ နှစ်ဆဖြစ်ပါတယ်။ အုပ် လေးဆယ် ငါးဆယ်မှာတဲ့သူတွေဆို ဘယ်လိုပို့ရမလဲတောင် မသိတော့ဘဲ ခေါင်းကိုက်ရတယ်။ အထုပ်တွေအများကြီး ခွဲပို့ရရင် ပို့ခတင် လေးငါးသောင်းဖြစ်နေပြီဆိုတော့လေ။

စာအုပ်တွေ ရပြီဆိုတာနဲ့ သေချာထုပ်ပိုးပြီး ပို့ပေးပေမဲ့ အလေးချိန် kg ကျော်လို့ ပို့မရဘူးဆိုလည်းဆိုရော ပင်ပင်ပန်းပန်းထုပ်ပိုးထားတာတွေ ပြန်ဖြေပြီး အထုပ်တွေ ပြန်ခွဲရတယ်။ ဝယ်တဲ့သူတွေကို ပြန်ဆက်သွယ်ပြီး ဘယ်လိုပို့ပေးရမလဲ မေးရတယ်။ ကားနဲ့ပို့လို့ရတဲ့သူတွေကို ပြောင်းပို့ပေးရတယ်။ ဒုက္ခများလှပါတယ်။

ဝယ်တဲ့ ဆရာ/မတွေကလည်း နယ်အစုံက ဖြစ်ပါတယ်။ ဟိုး တနိုင်းတို့ မိုးညှင်းတို့လို အဝေးကြီးကနေ စရိတ်စက အများကြီး အကုန်ခံပြီး လိုချင်လွန်း တန်ဖိုးထားလွန်းလို့ ဝယ်တာတွေ ရှိပါတယ်။ ဒီလို တန်ဖိုးထားတာကို ကျွန်တော်တို့က ဒီတိုင်း ပြီးပြီးရော မလုပ်ပေးဘဲ အဆင်ပြေအောင် အမျိုးမျိုး ညှိနှိုင်း လုပ်ကိုင်ပေးရပါတယ်။

တစ်ဦးချင်းမှာတဲ့သူတွေအတွက်လည်း Royal က အထုပ်ပေါ်မှာ ကပ်ရတဲ့ Waybill စာရွက်တွေ အလုံအလောက် မပေးနိုင်လို့ အခက်အခဲတွေ့ရပါသေးတယ်။ အမျိုးစုံ ညှိနှိုင်းပြီး လုပ်ပေးရပါတယ်။ ကျွန်တော်တို့က ဒီလိုအစစအရာရာ အကျပ်အတည်းများတဲ့ကာလမှ သူ့ဘက် ကိုယ့်ဘက် အဆင်ပြေအောင် အမျိုးစုံ ကြိုးစားပေးရပါတယ်။

ဒီလို အခက်အခဲတွေများတဲ့ကြားထဲက စာအုပ်တွေ တန်ဖိုးထားမှာယူတဲ့ ဆရာ/မတွေ၊ ကျောင်းသား/သူတွေ၊ မိဘအုပ်ထိန်းသူတွေကိုလည်း ကျေးဇူးအထူး တင်ရပါတယ်။ လိုအပ်တာတွေရှိရင်လည်း ဆွေးနွေးပြောဆိုလို့ ရပါတယ် ခင်ဗျာ။

စာအုပ်ကို ကြည့်ရန် Link ကို နှိပ်ပေးပါ။
https://t.me/LessonsEETS/1639

Grade 12 English Workbook စာအုပ် 2026-2027 ပညာသင်နှစ်အတွက် အသစ်ထွက်ရှိထားပါတယ်။ ရှေ့လက ထွက်ထားတာ ကုန်သွားလို့ ထပ်ပုံနှိပ်ထားတာ ခု ပြန်ရနေပါပြီ။

စာအုပ်အကြောင်း အသေးစိတ်ကို ဒီ Link လေး နှိပ်ပြီး ဖတ်ကြည့်ပေးပါ။
https://www.facebook.com/share/p/19g34TTWK2/

စာမြည်းဖတ်ရှုရန်
https://www.facebook.com/share/p/1B76mMzWLV/

ဆိုင်တွေကို ဖြန့်ချိပေးတာက အရုဏ်သစ်စာပေပါ။ ဒါကြောင့် ဘယ်မြို့ ဘယ်ဆိုင်မှာ ရနိုင်တယ်ဆိုတာ ကျွန်တော် အတိအကျမသိပါဘူး။

မြင်မိသလောက်​၊ ဝယ်တဲ့သူတွေ ပြောပြသလောက် ဒီဆိုင်တွေမှာ ရနိုင်ပါတယ်။

💟 ရန်ကုန်
အရုဏ်သစ် စာပေ
ဖုန်း 01 703 047, 01 241 263, 01 250 199
ဘုန်းမြင့်မိုရ် စာပေ
https://www.facebook.com/share/p/17YHx7b9dd/
ကျော်သိန်းစာပေ
KMK ရွှေပညာစာပေ

💟 မန္တလေး
ထွန်းဦးစာပေ
ဆရာမဒေါ်ဝေဝေထွန်း
https://www.facebook.com/share/18oVUFoFDZ/

💟 မကွေး
မျိုးဆက်သစ်

💟 ပုသိမ်
ဆရာချစ်
https://www.facebook.com/share/p/1CijhaVqVq/
ပြုံးချိုစာပေ

💟 ဟင်္သာတ
ရွှေဟင်္သာ စာပေ

💟 မအူပင်
ဒေါ်ကျော့ကျော့ရီစာပေ

💟 ပခုက္ကူ
သမဂ္ဂသုခ

💟 တောင်ကြီး
မီလျံနာ စာပေ

💟 မော်လမြိုင်
ကျော်ကျော်စာပေ

ဒါတွေက သိသလောက်ပါ။ တခြားရနိုင်တဲ့ မြို့တွေ ဆိုင်တွေ သိရရင်လည်း comment ပေးခဲ့ပါ ခင်ဗျာ။ edit လုပ်ပြီး တင်ပေးပါမယ်။ စာအုပ်တင်ရောင်းပေးတဲ့ ဆိုင်တွေက မိတ်ဆွေတွေလည်း ကိုယ့်ဆိုင်နာမည်ပြောပြလို့ ရပါတယ်။ လိုချင်တဲ့သူတွေရှိရင် ညွှန်းပေးပါမယ်။

စာအုပ် ဝယ်ယူသူ ဆရာ/မ၊ ကျောင်းသား/သူ အားလုံး၊ စာအုပ်ရောင်းပေးသူအားလုံးကို ကျေးဇူးအထူးတင်ရှိပါတယ်။ အားလုံး စိတ်ချမ်းသာ ကိုယ်ကျန်းမာစွာနဲ့ အောင်မြင်မှု သရဖူ ဆောင်းနိုင်ပါစေ။

Photo
Gemini