2025-2026 ပညာသင်နှစ်အတွက် Grade 12 အင်္ဂလိပ်စာ သင်ခန်းစာတွေ သင်အပြီး မေးခွန်းဟောင်းနဲ့ လေ့ကျင့်ချင်တဲ့ ကျောင်းသား/သူများ၊ လေ့ကျင့်ပေးချင်တဲ့ ဆရာ/မများအတွက် မေးခွန်း​ဟောင်းတွေကို Video တွေနဲ့ နေ့စဉ် ပုံမှန်သင်ပြ၊ ရှင်းပြပေးမယ်ဆိုပြီး ပြောခဲ့ပါတယ်။ တင်ပေးခဲ့တာလည်း Set 1 နဲ့ Set 2 နှစ်ခု ရှိခဲ့ပါတယ်။

ဒါပေမဲ့ တစ်နေ့တစ်ခုနဲ့ စောင့်ပြီး လေ့လာရတာထက် တပြိုင်နက်တည်း သိမ်းထား၊ လိုချင်တာကြည့်ထားလို့ရရင် ပိုအဆင်ပြေမယ်လို့ ထင်လို့ အားလုံးပေါင်းပြီး တင်ပေးလိုက်ပါတယ်။

အကျိုးရှိမယ်လို့ မျှော်လင့်ပါတယ်။

Question No. VII (B) မှာမေးတဲ့ Exchanges မေးခွန်းတွေအတွက် 2024-2025 ခုနှစ်မှာ မေးခဲ့တဲ့ မေးခွန်းဟောင်းတွေထဲက Functional Language: Key Expressions တွေကို အမျိုးအစား တူရာအလိုက် ပြန်စုစည်းပေးထားပါတယ်။ စာမေးပွဲနီးလာလို့ ပြန်ကြည့်တဲ့အခါ တစ်စုတစ်စည်းတည်း ကြည့်နိုင်လို့ ပိုအဆင်ပြေမှာပါ။ လွယ်လွယ်ကူကူ ဖတ်ရှုပြီး print ထုတ်လို့ရအောင် pdf file တင်ပေးလိုက်ပါတယ်။

Question No I, Initial Letters အတွက် မေးခွန်းဟောင်းတွေကို ပြန်ကြည့်ဖိုလည်း အောင်ချက်မြင့်မားရေး ဆွေးနွေးပွဲတွေမှာ ညွှန်ကြားကြတဲ့အတွက် ၂၀၂၄-၂၀၂၅ နှစ်နှစ်မှာမေးခဲ့တဲ့ မေးခွန်းအစုံ ၂၀ ထဲက စာလုံးရေ (ထပ်တာတွေ၊ ဖြစ်နိုင်တဲ့အဖြေတွေ အားလုံးပေါင်းကို စဉ်လိုက်ရင်) ၁၇၄ လုံးအတွက် လေ့ကျင့်ဖို ပေးထားပါတယ်။ အဓိပ္ပာယ်ကို အင်္ဂလိပ်လို ကြည့်ပြီး စာလုံးတွေ ဖြေဆိုရင် အကျိုးရှိမှာပါ။ (လေ့ကျင့်ဖို့အတွက် ကြည်ကြည်လင်လင် print ထုတ်ယူချင်ရင် ဒီ Link ကို နှိပ်ပြီး Download ယူပါ။)

"ဆရာ့ စာအုပ်နဲ့ ကလေးတွေ လေ့ကျင့်ရတာ အရမ်းအဆင်ပြေပါတယ်။

အောက်တိုဘာလ ကတည်းက စာအုပ်မှာပြီး လေ့ကျင့်ဖြစ်ပါတယ်။

အထက ကော့လာ၊ လှိုင်းဘွဲမြို့နယ် ကရင်ပြည်နယ် ကပါရှင့်။"

ခုလို အမှတ်တရ စကားနဲ့ ဓာတ်ပုံလေးတွေ ပို့ပေးလာတဲ့ ဆရာမကို အထူးကျေးဇူးတင်ပါတယ်။ Grade 12 English Workbook စာအုပ်နဲ့ အဆင်ပြေတယ်လို့ ကြားရလို့ ကြားရလို့လည်း ဝမ်းသာပါတယ်။

Workbook ထဲမှာ နံပါတ်တစ်ခုစီအလိုက် မေးလို့ကောင်းမယ့် ပုံစံတွေ၊ Grade 10, 11, 12 ရဲ့ Grammar အမျိုးအစားစုံ၊ မေးခွန်းအစုံတွေ၊ Audio Scripts တွေ၊ Essay တွေကအစ စာသင်ခန်းထဲမှာ သုံးဖို့ အဆင်အပြေဆုံး ဖြစ်အောင် စီစဉ်ပေးခဲ့တာပါ။ စကားစပ်လို့ ပြောရရင် Question No. VII (B) Exchanges တွေအတွက် Grade 6 ကနေ Grade 12 အထိ ပြန်ကြည့်ရမယ်လို့ စာစစ်မှုးချုပ် လမ်းညွှန်ချက်တွေ၊ အောင်ချက်မြင့်မားရေး ဆွေးနွေးပွဲတွေမှာ ဒီနှစ်မှ ပြောပေမဲ့ ကျွန်တော့်ရဲ့ Workbook မှာ Grade 5 ကနေ Grade 12 အထိ English Textbook ထဲက ကောင်းနိုးရာရာ Functional Language တွေ ကောက်နုတ်စီစဉ်ထားတာဆိုတော့ ဒီ Workbook နဲ့ လေ့ကျင့်ခဲ့တဲ့သူတွေက အောင်ချက်မြင့်မားရေး လမ်းညွှန်ချက်နဲ့ ကိုက်ညီပြီးသား ဖြစ်ပြီး အပိုစိတ်ပူစရာ မလိုတော့တဲ့ သဘောပါ။ Essay တွေလည်း ဒီသဘောပါပဲ။

ဒီ ပညာသင်နှစ်အတွက်တော့ Workbook စာအုပ် ထပ်မရနိုင်တော့ပါဘူး။ 2026-2027 ပညာသင်နှစ်မှ ပြင်ဆင်ဖြည့်စွက်ချက်တွေနဲ့ Edition အသစ် ထပ်ထွက်ပါမယ် ခင်ဗျာ။

အားလုံးကို ကျေးဇူးတင်ပါတယ် 😍