ကျွန်တော် Grade 12 English Workbook စာအုပ်ရေးတုန်းက ကျောင်းသားတွေရဲ့ လိုအပ်ချက်ကို ဖြည့်ဆည်းပေးနိုင်မယ့် ပုံစံကို စဉ်းစားပြီး ရေးသားပြုစုခဲ့ပါတယ်။

Workbook ဖြစ်တာနဲ့အညီ သင်ခန်းစာတွေကို လေ့ကျင့်ခန်းလုပ်ရင်း ကျွမ်းကျင်​တတ်မြောက်စေတဲ့ ပုံစံနဲ့ စီစဉ်တာပါ။ လေ့ကျင့်ခန်းအားလုံးလုပ်ပြီးသွားရင် တစ်ခန်းချင်းစီကို ကြေညက်သွားမယ့် ပုံစံမျိုးပေါ့။

ကိုယ်တိုင်လည်း စာသင်တဲ့ ဆရာဆိုတော့ ကျောင်းသားတွေ ဘာလိုတယ်ဆိုတာ သိတယ်။ လိုတာ ပြင်၊ မှတ်မိနိုင်မယ့်ပုံစံ စီစဉ်၊ ထပ်ခါထပ်ခါ လေ့ကျင့်နိုင်မယ့်ပုံစံ လုပ်ပေးထားတာ။

ဒီ Workbook ကို ဆရာတစ်ယောက်ရဲ့ ရှုထောင့်က ရေးထားတာ ဖြစ်လို့ ဆရာ/မတွေရဲ့ အကြိုက်နဲ့ ကိုက်ညီပြီး တပည့်​တွေကို လေ့ကျင့်ဖို့ ဝယ်ကြပါတယ်။ ကျောင်း​တွေ၊ ကျူရှင်တွေ၊ ဘော်ဒါတွေကို အုပ်ရေအများ မှာယူကြပါတယ်။ စာအုပ်ကို ဝယ်ယူအားပေးပြီး လက်တွေ့အသုံးချကြတာ တကယ်ဝမ်းသာရပါတယ်။ ဝယ်ပြီးသုံးရုံတင်မက တပည့်တွေနဲ့ အမှတ်တရပုံလေးတွေရိုက်ပြီး ပို့ပေးကြတာက ပီတိဖြစ်စရာပါ။

စာကျန်တာတွေ၊ စာလုံးပေါင်းအမှားတွေ ပါတာတော့ ရှိနိုင်ပါတယ်။ မြင်သမျှတော့ ပြင်ပြင်ထားပါတယ်။ တကယ်လို့ အကြံပြုချင်တာရှိလည်း ပြောလို့ ရပါတယ်။

စာအုပ်အသစ်ပုံနှိပ်လိုက်တိုင်း အားပေးကြတဲ့ ဆရာ/မတွေ၊ ကျောင်းသား/သူတွေ၊ မိဘအုပ်ထိန်းသူတွေ ကျေးဇူးကြောင့် ပြန်ကုန်သွားတာ မြန်ပါတယ်။ နောက်တစ်ကြိမ်ပုံနှိပ်ဖို့ အချိန်အကြာကြီး စောင့်ရတာလည်း အားနာပါတယ်။

အခု တစ်ကြိမ်ပုံနှိပ်တာက စနေ/တနင်္ဂနွေ ဝန်းကျင်ဆို ပုံနှိပ်တိုက်က ပြန်ရပါပြီ။ မှာယူထားတဲ့ ဆရာ/မတွေ၊ ကျောင်းသား/သူတွေအားလုံးကို စာအုပ်ပြန်ရတာနဲ့ အချိန်မဆိုင်းဘဲ ပို့ပေးပါမယ်။ လိုအပ်လို့ မှာယူချင်သူတွေတွေကလည်း နောက်မှ ကုန်သွားလို့ အချိန်အကြာကြီးထပ်စောင့်ရတာမဖြစ်ချင်ရင် အခု အချိန်မီမှာယူထားလို့ ရပါတယ်ခင်ဗျာ။

@EssentialEnglishService

မင်းဘူးက ဆရာမတစ်ဦး အမှတ်တရ ပို့ပေးထားတဲ့ ကျွန်တော့်ရဲ့ Grade 12 English Workbook စာ​အုပ်လေးနဲ့ ကလေးတွေရဲ့ အမှတ်တရ ပုံလေးပါ။

ကျေးဇူးအထူးပါ ဆရာမရေ။ ဆရာမရော ကလေးတွေပါ ပျော်ရွှင်ချမ်း​မြေ့ပြီး အောင်မြင်မှုတွေ ဆင်မြန်းနိုင်ပါစေလို့ ဆုမွန်ကောင်း တောင်းပေးပါတယ်။