Grade 10, Grade 11 နဲ့ Grade 12 အတန်းအတွက် အထူးသဖြင့် Grade 12 အတွက် အကျိုးရှိမယ့် Grammar သင်ခန်းစာတွေကို တစ်ပတ်ကို နှစ်ခုနှုန်းလောက်နဲ့ ပုံမှန်သင်ပြပေးဖို့ စီစဉ်ထားပါတယ်။ ကျောင်းသား/သူတွေနဲ့ ဆရာ/ဆရာမတွေ အကျိုးရှိပါလိမ့်မယ်။

Video နဲ့ သင်ပြပေးပါမို့ Youtube မှာ တင်ပေးပါမယ်။ ဒီ Link ကိုနှိပ်ပြီး Youtube ကို ဝင်၊ Channel ကို Subscribe နှိပ်ထားပါ။ ဒါဆို သင်ခန်းစာတွေကို ပုံမှန်ကြည့်လို့ ရပါလိမ့်မယ်။
https://youtube.com/@sayasithuhtetessentialenglish?si=KtuSliUhEITffRSU

Link နှိပ်လို့ မရရင် ပုံမှာတွေ့သလို Youtube မှာ Saya Sithu Htet လို့ ရိုက်ရှာရင်လည်း ရပါတယ်။

Video မှာ အသုံးပြုတဲ့ file တွေကိုတော့ Download ယူဖို့လွယ်တဲ့ Telegram channel မှာ တင်ပေးပါမယ်။

ဒီ Link ကိုနှိပ်ပြီး Telegram Channel ကို Join ထားပါ။
https://t.me/LessonsEETS

သင်ရိုးကုန်သင်ခန်းစာတွေအကြောင်း သိချင်ရင်တော့ ဒီ Link ကိုနှိပ်ပြီး ဖတ်ကြည့်လို့ ရပါတယ်။
https://t.me/LessonsEETS/1018

It is/was ... that/who ပုံစံသုံးပြီး ရေးရတဲ့ အကြောင်းကို သဘောတရားပြည့်ပြည့်စုံစုံနဲ့ ရှင်းပြထားပါတယ်။ အခြေခံအားနည်းလို့ မှတ်ရခက်တဲ့ ကျောင်းသား/သူတွေအတွက်လည်း အလွယ်မှတ်နည်း ပြောပြထားပါတယ်။

Grade 12 မှာ ဒီအကြောင်းအရာပါလို့ ကျောင်းသား/သူတွေ၊ ဆရာ/မတွေအတွက် အကျိုးဖြစ်ပါလိမ့်မယ်။

သင်ခန်းစာ file ကို pdf file အနေနဲ့ Download ယူနိုင်ပြီး video ကိုတော့ ဒီ link ကို နှိပ်ပြီး ကြည့်နိုင်ပါတယ်။

https://youtu.be/0HjF3f5fM9Q?si=4tQQQzDIGPW6JHmZ

Relative Clauses တွေက သေချာနားမလည်ထားဘူးဆိုရင် ရှုပ်တတ်၊ ဖြေရခက်တတ်ပါတယ်။ ဒါကြောင့် ဒီသင်ခန်းစာမှာ Relative Clause ဆိုတာ ဘာလဲ၊ Relative Clause ဘယ်နှစ်မျိုးရှိလဲ၊ ဖြေတဲ့အခါ ဘယ်လို စဉ်းစားသင့်သလဲဆိုတာတွေ အသေးစိတ် ရှင်းပြထားပါတယ်။ သင်ခန်းစာကို pdf file အနေနဲ့ တင်ပေးထားပါတယ်။

သင်ခန်းစာ video ကိုတော့ ဒီ link မှာ ကြည့်နိုင်ပါတယ်။
https://youtu.be/XuvR3_K801I

Not only … but also

Not only … but also ကို correlative conjunction လို့ ခေါ်ပါတယ်။

correlative conjunction ဆိုတာက both … and, not only … but also, either … or, neither … nor တို့လို အတွဲလိုက်စကားစပ်တွေကို ဆိုလိုပါတယ်။ အတွဲလိုက်၊ အစုံလိုက်ရှိလို့ သူတို့ကို paired conjunction လို့လည်း ခေါ်ပါသေးတယ်။ ဒီစကားစပ်တွေက ဟန်ချက်ညီတဲ့ clauses, phrases ဒါမှမဟုတ် words တွေကို ချိတ်ဆက်ပေးပါတယ်။

Not only … but also က မြန်မာလိုဆိုရင် “သာမက … လည်းပဲ” လို့ အဓိပ္ပာယ်ရပါတယ်။ အခန့်သုံး အင်္ဂလိပ်စာ (formal English) မှာသုံးကြပါတယ်။

ဥပမာလေးတွေကို ကြည့်ရအောင်။
🔹 The war caused not only destruction and death but also generations of hatred between the two communities.
စစ်ပွဲက လူ့အသိုင်းအဝိုင်းနှစ်ခုကြားမှာ ပျက်စီးမှုနဲ့သေကြေမှုကိုသာမက မျိုးဆက်နဲ့ချီတဲ့ အမုန်းတွေကို လည်း ဖြစ်စေတယ်။
🔹 The car not only is economical but also feels good to drive.
ဒီကားက အကုန်အကျသက်သာရုံသာမက မောင်းလို့ကောင်းတယ်လို့လည်း ခံစားရတယ်။

တစ်ခါတစ်လေမှာ also ကို ချန်ထားနိုင်ပါတယ်။

အလေးအနက်ထားချင်တဲ့အခါ not only ကို clause ရဲ့ ရှေ့မှာ သုံးနိုင်တယ်။ အဲဒီလိုမျိုး သုံးတဲ့အခါ subject နဲ့ verb ကို ပြောင်းပြန်ထားပေးရတယ်။ ပုံမှန်ဝါကျဆိုရင် Subject + Verb ပုံစံမဟုတ်လား။ ဒီတော့ ပြောင်းပြန်ထားပေးရတယ်ဆိုတာ Verb + Subject ပုံစံ ရေးရတာကို ပြောတာပါ။

Verb + Subject ရေးတဲ့အခါ အကူကြိယာ (auxiliary verb) သို့မဟုတ် Verb to be ရှိရင်လွယ်တယ်။ အဲဒီ auxiliary verb သို့မဟုတ် Verb to be ကို Subject ရဲ့ ရှေ့မှာ ရေးရုံပဲ။

ဥပမာ -
🔹 Not only was it raining all day at the wedding but also the band was late.
မင်္ဂလာပွဲမှာ တစ်နေ့လုံး မိုးရွာရုံသာမက တီးဝိုင်းကလည်းပဲ နောက်ကျတယ်။
🔹 Not only will they paint the outside of the house but also the inside.
သူတို့က အိမ်အပြင်ကိုသာမက အတွင်းဘက်ကိုလည်းပဲ ဆေးသုတ်လိမ့်မယ်။

auxiliary verb သို့မဟုတ် verb to be မရှိရင် do, does, did ကို သုံးရတယ်။ ဒီတော့ do/does/did + Subject + Verb (infinitive) ပုံစံပေါ့။ infinitive ဆိုတာ verb တစ်ခုရဲ့ အခြေခံပုံစံနော်။ Verb မှာ s, es, ed, ing စတာတွေ ဘာမှ မထည့်ရတဲ့ ပုံစံကို ပြောတာ။

ဒါဆို အလေးအနက်ထားချင်တဲ့အတွက် not only + verb + subject နဲ့ ရေးမယ်ဆိုပါစို့။ ခုလို ရေးနိုင်ပါတယ်။

🔹 Not only did she forget my birthday, but she also didn’t even apologise for forgetting it.
သူက ငါ့ရဲ့မွေးနေ့ကို မေ့ခဲ့ရုံသာမကဘူး မေ့သွားတဲ့အတွက် တောင်းပန်တာတောင် မလုပ်ဘူး။