ကျောင်းသင်ခန်းစာမှာပါတဲ့ Speaking ကို ဘယ်လို သင်ပေးနိုင်မလဲဆိုတဲ့ ပတ်သက်ပြီး အသံနဲ့လည်း တင်ပြထားပါတယ်။ ဒီ Link ကို နှိပ်ပြီး ကြည့်လို့ ရပါတယ်။ https://youtu.be/Xdh2Wy2cOTA

ကလေးတွေရဲ့ ပညာရေးနဲ့ ပတ်သက်လို့ ခုနောက်ပိုင်းမှာ STEM Education ဆိုတာကို နိုင်ငံတကာမှာ အာရုံစိုက်လာပါတယ်။

STEM ဆိုတာက
S - Science (သိပ်ပံပညာ)
T - Technology (နည်းပညာ)
E - Engineering (အင်ဂျင်နီယာပညာ)
M - Mathematics (သင်္ချာ) ဖြစ်ပါတယ်။

ဒါတွေက ဖွံ့ဖြိုးပြီးနိုင်ငံတွေ၊ ဖွံ့ဖြိုးမှု အရှိန်ကောင်းကောင်းရဖို့ စီမံကိန်းချကြိုးစားနေတဲ့ နိုင်ငံတွေမှာ အာရုံစိုက်နေတဲ့ ပညာရပ်တွေ ဖြစ်ပါတယ်။

ကိုယ့်နိုင်ငံက ဘယ်လိုအခြေအနေမှာရှိပါစေ ကမ္ဘာကတော့ သူ့အရှိန်နဲ့သူ ဆက်သွားနေမှာ ဖြစ်ပါတယ်။ ကမ္ဘာ့ပြောင်းလဲမှုအရှိန်ကို နိုင်ငံတိုင်း ကြုံတွေ့ရမှာ ဖြစ်ပါတယ်။ ဒါကို မိဘ၊ ဆရာသမားတွေက ဂရုစိုက်မိရင် ကလေးတွေရဲ့ အနာဂတ်လမ်းခရီး ဖြောင့်ဖြူးအောင် ကြိုပြီး လမ်းကြောင်းချပေးနိုင်မှာပါ။

မိဘတွေအနေနဲ့ ကမ္ဘာမှာ ဘာတွေလုပ်နေလဲသိရင် ကိုယ့်ရဲ့သားသမီးတွေကို သိပ်အလှမ်းမကွာအောင် ပြင်ဆင်ပေးလို့ ရပါတယ်။ အခုလို အခြေအနေမှာ မိဘတွေရဲ့ အမြော်အမြင်ဟာ သားသမီးတွေအတွက် အင်မတန် အရေးကြီးပါတယ်။ နိုင်ငံတစ်ဝန်းလုံးက ကလေးတွေရဲ့ ပညာရေးအဆင့်အတန်းက မူဝါဒချမှတ် အကောင်အထည်ဖော်နိုင်သူတွေနဲ့ ဆိုင်ပါတယ်။ ဒါပေမဲ့ ကိုယ့်သားသမီးရဲ့ ပညာရေးကိုတော့ ကိုယ်လည်း အတိုင်းအတာ တစ်ခုအထိ လုပ်ပေးလို့ ရပါတယ်။

သားသမီးတွေအတွက် ဘာလုပ်ပေးရမယ်ဆိုတာ သိရင် ဘယ်သူတွေက လုပ်ပေးနိုင်တယ်ဆိုတာကို ရှာရပါမယ်။ ခေတ်အလျောက် ကောင်းကွက်တစ်ခုက အင်တာနက် နေရာအတော်များများမှာ ရနေတာပါပဲ။ အင်တာနက်ကို ကောင်းကောင်း အသုံးချနိုင်ရင် Khan Academy တို့လို Website တွေကနေ လိုအပ်တဲ့ ပညာတွေ ထိုင်ရာ မထ ဖြည့်ဆည်းထားလို့ ရပါတယ်။ Covid 19 ကြောင့် ကမ္ဘာတစ်ဝန်းမှာ ကျောင်းတွေ အပြည့်အဝ မဖွင့်နိုင်သေးတဲ့အချိန်တုန်းက သူတို့လည်း Online Learning နဲ့ သွားနေရတာဖြစ်တဲ့အတွက် အားလုံးအခွင့်အရေး သိပ်မကွာဘဲ ရတဲ့သဘောပါပဲ။ အသုံးချဖို့တော့ လိုပါတယ်။ အင်တာနက်ကို အကျိုးရှိရှိ အသုံးချနိုင်ဖို့ မိဘတွေဘက်က စီစဉ်ပေးရပါမယ်။ ကလေးစိတ်ပျော်အောင် ဇာတ်ကားတွေ၊ ကာတွန်းတွေ ပြနေတာရပေမဲ့ ဒီလိုလုပ်နေစဉ်မှာ နည်းပညာ၊ သိပ္ပံပညာအခြေခံတွေ ရစေနိုင်မယ့် သင်ခန်းစာတွေလည်း လေ့လာစေမယ်ဆိုရင် အကျိုးရှိမှာပါ။ တစ်ခုတော့ ရှိပါတယ်။ ဒါတွေကို လေ့လာနိုင်ဖို့ဆို အင်္ဂလိပ်စာ စွမ်းရည်လည်း အတိုင်းအတာတစ်ခုအထိ ရှိရမှာပေါ့။ ဒါကိုဖြည့်ဆည်းပေးဖို့ကလည်း မိဘဝတ္တရားထဲ ရှိတယ်ပဲ ပြောရမယ့်သဘောပါ။

ဘယ်လို အခြေအနေပဲဖြစ်ဖြစ် ပညာရေးကို မျက်ခြေမပြတ်သင့်ပါဘူး။ ကျောင်းအခြေပြုပဲဖြစ်ဖြစ်၊ နေအိမ်အခြေပြုပဲဖြစ်ဖြစ် ပညာရှာတာကတော့ ရှိနေရပါမယ်။ ဘယ်မှာ ဘယ်လိုရှာမယ်ဆိုတာကတော့ ကိုယ့်ရဲ့ ဆုံးဖြတ်ချက် ဖြစ်ပါတယ်။

အင်တာနက်မရ၊ လုံခြုံမှုမရှိတဲ့ နေရာက ကလေးတွေအတွက်ကတော့ ဒီလောက်အထိ လုပ်ပေးလို့ မရတာ စိတ်မကောင်းစရာပါ။ သူတို့အတွက်ကတော့ တစ်မျိုးတစ်ဖုံ စဉ်းစားစီစဉ်ပေးရမယ့် အနေအထားပါပဲ။ ရတဲ့အခြေအနေမှာ ကြိုးစားလုပ်ကိုင်ပေးနေတာလေးတွေ တချို့ကို တွေ့မိတော့ စိတ်မကောင်းရင်းက ပညာရေးအတွက် ကြိုးစားပေးကြတယ်ဆိုပြီး အားတက်စရာ ရပါတယ်။

တစ်နိုင်ငံလုံးမှာ တိုးတက်ဖို့ အခြေအနေကောင်းတွေရှိရင် တော့ မိဘတွေလည်း သိပ်အများကြီး စဉ်းစားစရာ မလိုတော့ဘူးပေါ့လေ။ သူ့ဘာသာ အလိုက်သင့် အဆင်ပြေသွားပါလိမ့်မယ်။

Grade 12 ကျောင်းသား၊ ကျောင်းသူများ လေ့လာရအဆင်ပြေစေဖို့ လေ့ကျင့်ခန်းများ ပုံမှန်တင်ပေးသွားဖို့ စီစဉ်ထားပါတယ်။

ပထမဆုံး လေ့ကျင့်ခန်းအနေနဲ့ အစအက္ခရာတွေပေးထားပြီး ကွက်လပ်ဖြည့်ပေးရတဲ့ မေးခွန်းအတွက် Unit 1 က Good Manners နဲ့ ဆိုင်တာလေး စီစဉ်ပေးထားပါတယ်။

ဖြေကြည့်ပါ။ အဖြေတိုက်ကြည့်ပါ။

နောက် video နဲ့ ရှင်းလင်းချက်တွေလည်း တင်ပေးပါမယ်။ ကိုယ့်ဘာသာ အရင်ဖြေကြည့်ပါ။

နောက်ထပ် သင်ခန်းစာတွေ ပုံမှန်ဆက်တင်မှာမို့ လက်မလွတ်ဘဲ စောင့်မျှော်ပေးပါဦး။

Grade 12 ကျောင်းသား၊ ကျောင်းသူများ လေ့လာရအဆင်ပြေစေဖို လေ့ကျင့်ခန်းများ ပုံမှန်တင်ပေးသွားဖို စီစဉ်ထားပါတယ်။

ဒီတစ်ခါ Unit 3 Diet and Nutrition က အစစာလုံးပေးထားပြီး ကွက်လပ်ဖြည့်ပေးရတဲ့ မေးခွန်းတွေ ဖန်တီးပေးထားပါတယ်။

ဖြေကြည့်ပါ။ အဖြေတိုက်ကြည့်ပါ။

နောက် video နဲ့ ရှင်းလင်းချက်တွေလည်း တင်ပေးပါမယ်။ ကိုယ့်ဘာသာ အရင်ဖြေကြည့်ပါ။

နောက်ထပ် သင်ခန်းစာတွေ ပုံမှန်ဆက်တင်မှာမို လက်မလွတ်ဘဲ စောင့်မျှော်ပေးပါဦး။

Grade 12 ကျောင်းသား၊ ကျောင်းသူများ လေ့လာရအဆင်ပြေစေဖို လေ့ကျင့်ခန်းများ ပုံမှန်တင်ပေးနေပါတယ်။

ဒီတစ်ခါ Unit 8 Renewable Energy နဲ့ ပတ်သက်တဲ့ ကွက်လပ်ဖြည့် လေ့ကျင့်ခန်းတွေ လေ့လာပါဦး။

Grade 12 English က Unit 11 မှာပါတဲ့ စာကြောင်း တစ်ကြောင်းက -
Coming out while you were poised unsteadily ... ဆိုတာပါ။
Textbook ရဲ့ စာမျက်နှာ 125 မှာပါပါတယ်။ A Day's Wait ဆိုတဲ့ ဇာတ်လမ်းလေးကပါ။

ဒါကို ကျွန်တော် သင်ပြပေးထားတဲ့ video သင်ခန်းစာအောက်မှာ တစ်ဦးက "you" က ဘာကို ရည်ညွှန်းတာလဲ ရှင်းပြပေးပါတဲ့။ ဇာတ်လမ်းထဲမှာ you က ပြန်ရည်ညွှန်းပေးရမယ့်လူ မပါတော့ ရှင်းပြစေချင်တာပါ။

အဖြေသိရုံတင်မက ​ပြည့်ပြည့်စုံစုံ ​နားလည်စေဖို့ Practical English Usage ကို ကိုးကားပြီး ရှင်းပြပါမယ်။

💟 လူတွေအကြောင်း ယေဘုယျပြောဖို့ one ဒါမှမဟုတ် you ကို သုံးနိုင်ပါတယ်။ ဒီလိုသုံးတဲ့အခါ ပြောတဲ့သူရော၊ နားထောင်တဲ့သူပါ အကျုံးဝင်တယ်။ 💟

ဥပမာ
✅ One/You can learn a learn a language in six weeks.
ဘာသာစကားတစ်ခုကို ခြောက်ပတ်နဲ့ သင်ယူတတ်မြောက်နိုင်တယ်။

ဒီလို ပြောလိုက်တဲ့အခါ လူတွေ ဘာသာစကားတစ်ခုကို တတ်မြောက်နိုင်ပုံကို ယေဘုယျပြောတာပါ။ ဘယ်သူရယ်လို့တော့ တိတိကျကျ မဟုတ်ဘူး။ ယေဘုယျပြောတာပဲ။ ဒီလိုမျိုးဆို one သို့မဟုတ် you သုံးလို့ ရပါတယ်။

သတိထားရမှာက ခုလိုသုံးစွဲပုံက ယေဘုယျသဘောမျိုးအတွက်ပဲ သုံးရပါတယ်။

ဒီစာကြောင်း နှစ်ကြောင်းကို နှိုင်းယှဉ်ကြည့်ပါ။

✅ One/You can usually find people who speak English in Sweden.
ဆွီဒင်နိုင်ငံမှာ အင်္ဂလိပ်စကားပြောတတ်တဲ့သူတွေကို တွေ့နိုင်တယ်။
✅ They speak English in this shop.
ဒီဆိုင်မှာ သူတို့က အင်္ဂလိပ်လို ပြောကြတယ်။

ပထမဝါကျမှာ တော်တော့်ကို ယေဘုယျဆန်ဆန် ပြောထားတယ်။ ဆွီဒင်မှာ အင်္ဂလိပ်စကားပြောသူတွေကို တွေ့နိုင်တယ်တဲ့။ ဘယ်သူတွေ့မလဲ။ လူပေါ့။ ဘယ်သူမဆို ဖြစ်နိုင်တယ်။ ဒါကြောင့် One/You ဆိုပြီး လူတွေကို ရည်ညွှန်းဖို့ သုံးလို့ရတယ်။ လူဆိုတဲ့နေရာမှာ ဒီစာဖတ်နေတဲ့သူလည်း ပါတယ်နော်။

ဒုတိယဝါကျမှာတော့ ဒီဆိုင်မှာ အင်္ဂလိပ်စကားပြောသူတွေအကြောင်း။ ဒါကျတော့ အရမ်းယေဘုယျဆန်ဆန်ပြောလို့ မရတော့ဘူး။ One/You speak English in this shop. ဆို ဒီဆိုင်မှာ ဘယ်သူမဆို အင်္ဂလိပ်စကားပြောကြတဲ့ ပုံစံသဘောဖြစ်မှာမို့ အဓိပ္ပာယ်မရှိဘူး။ ဒါကြောင့် one/you မသုံးရဘူး။

ဒါကြောင့် လိုရင်းကို ပြန်ပြောရရင် A Day's Wait မှာပါတဲ့ you ဆိုတာ လူကို ယေဘုယျပြောတာပါပဲ။ ဇာတ်လမ်းထဲမှာပါတဲ့ ဇာတ်ကောင် (အဖေ) တင်မက ဘယ်သူမဆို ဖြစ်နိုင်တယ်။ စာဖတ်သူလည်းပါတယ်။

ဒီလိုမျိုး you သုံးပြီး စာဖတ်သူကိုပါ ဆွဲထည့်လိုက်တော့ ပြောချင်တဲ့ အချက် ပိုပေါ်လွင်သွားတယ်။ စာဖတ်သူကိုယ်တိုင် ဒီအတွေ့အကြုံမှာ ပါဝင်ခံစားရသလို ဖြစ်သွားတယ်။ ဇာတ်လမ်းက ပိုစိတ်ဝင်စားစရာ ကောင်းသွားတယ်။

ဒီလိုမျိုး ရေးနိုင်တာကလည်း စာရေးဆရာရဲ့ အရည်အချင်းပါပဲ။

Grade 12 ကျောင်းသား၊ ကျောင်းသူများ လေ့လာရအဆင်ပြေစေဖို လေ့ကျင့်ခန်းများ ပုံမှန်တင်ပေးနေပါတယ်။

ဒီတစ်ခါ Unit 11 A Day's Wait  နဲ့ ပတ်သက်တဲ့ ကွက်လပ်ဖြည့် လေ့ကျင့်ခန်းတွေ ပေးထားပါတယ်။ လေ့လာကြည့်ပါဦး။