⚡️Hurmatli hamkasblar!

🎓Raqamli ta’lim platformasiga navbatdagi — 34-mavzu joylashtirildi.

📚🔖Mavzu:Javobgarlikdan yoki jazodan ozod qilish

🖥 Ushbu mavzuda javobgarlikdan yoki jazodan ozod qilishning huquqiy asoslari, voyaga yetmaganlarga nisbatan majburlov choralarini qo‘llagan holda javobgarlikdan yoki jazodan ozod qilish, jazoni o‘tashdan muddatidan ilgari shartli ravishda ozod qilish hamda jazoning o‘talmagan qismini yengilroq jazo bilan almashtirish tartibi haqida batafsil ma’lumotlar bayon etiladi.

‼️Markaz jamoasi sizga sifatli va zamonaviy bilim berish yo‘lida izchil faoliyat olib bormoqda!

📖 Mavzuni tomosha qiling, bilimlaringizni mustahkamlang va kasbiy mahoratingizni yanada oshiring!

📱Telegram | 📱Instagram | ▶️Youtube

🎖 POLKOVNIK

🗣️ Polkovnik — katta ofitserlar tarkibidagi eng yuqori maxsus unvonlardan biri.

🔺 Ushbu unvon uchun alohida xizmat muddati belgilanmagan.
🔺 Polkovnik maxsus unvoni O‘zbekiston Respublikasi ichki ishlar vaziri tomonidan, belgilangan tartibda beriladi.
🔺 Polkovnikdan keyingi maxsus unvon — general-mayor.
🔺 Polkovnik unvoni yuqori darajadagi mas’uliyat, kasbiy tajriba va xizmat vakolatlarini anglatadi.

📱Telegram | 📱Instagram | ▶️Youtube

✨YUKSAK UNVON — MUNOSIB E’TIROF!

Ayni daqiqalarda POLKOVNIK maxsus unvoniga sazovor bo‘lgan barcha hamkasblarimizni yuksak e’tirof bilan chin dildan muborakbod etamiz! 🎉

📱Telegram | 📱Instagram | ▶️Youtube

Bir ustozim haqida...

🇩🇯 IIOlarning ta’lim tizimini isloh qilish va rivojlantirish yo‘lida uzoq yillardan buyon fidokorona xizmat qilib kelayotgan ustozlarimdan biri doimo nasihatlarida:

“Sen mehnat qil, albatta rag‘batini olasan”, der edilar.

🇩🇯 Ustozning o‘zlari ham bu gaplarni shunchaki aytibgina qolmas, balki o‘zlarining mehnati va hayoti bilan isbotlab kelardilar. Berilgan har qanday topshiriqni hech qanday ta’masiz, mas’uliyat va vijdon bilan, bekam-u ko‘st bajarishga harakat qilardilar.

🇩🇯 Hamma bilan samimiy, ochiqko‘ngil munosabatda bo‘lib, qo‘llaridan kelganicha xodimlarga ham, fuqarolarga ham yordam berganlariga ko‘p bor guvoh bo‘lganmiz. Biror marta jamoaviy mukofot yoki boshqa rag‘batlantirish uchun o‘zlarini “ko‘rsatganlarini”, “meni ham unutmanglar”, degan ma’noda harakat qilganlarini ko‘rmaganman.

🇩🇯 Ammo bugun ana shu ustozim navbatdagi — “polkovnik” maxsus unvoniga munosib ko‘rildilar.
To‘g‘risi, o‘zim olgandek xursand bo‘ldim!

Chunki bu voqea men uchun oddiygina unvon olishdan ko‘ra kattaroq ma’no kasb etadi. Halol mehnat, sabr, fidoyilik va o‘z ustida ishlash oxir-oqibat albatta o‘z qadrini topadi.

🇩🇯 Inson har doim ham o‘z mehnatining natijasini darhol ko‘rmasligi mumkin. Ba’zan uning qilgan yaxshiligi e’tiborsiz qolgandek, mehnati qadrlanmayotgandek tuyuladi. Ammo bu insonni to‘xtatmasligi kerak. Chunki mehnatni odamlar uchun emas, vijdon uchun qilish kerak.

🇩🇯 Bugungi voqeadan keyin hayotdagi prinsiplarim yana bittaga ortdi:

🤩 “Sen mehnat qilaver. O‘zi ko‘rib turibdi. Vaqti kelganda, albatta e’tirof etilasan.”

🇩🇯 Ustoz, yangi maxsus unvoningiz muborak bo‘lsin! Bu unvon ortidagi yillar davomida qilgan halol mehnatingiz, sabringiz va fidoyiligingiz yana ko‘plab insonlarga o‘rnak bo‘lsin.

Halol mehnat hech qachon izsiz ketmaydi.

📱Telegram | 📱Instagram | ▶️Youtube

O‘zbekistonda 1-oktyabrdan Sun’iy intellekt instituti ish boshlaydi

📱Telegram | 📱Instagram | ▶️Youtube

#SavolJavob

⚡️Kontraktni 4 qismga bo‘lib to‘lash tartibi qanday? Bunday bo‘lib to‘lash imkoniyati “super” kontraktda o‘qimoqchi bo‘lganlarga ham tegishlimi?

Ushbu savollarga Oliy ta’lim, fan va innovatsiyalar vazirligi bo‘lim boshlig‘i Qurbonnazar Ortiqov javob berdi.

📱Telegram | 📱Instagram | ▶️Youtube

🎇 Ilon va kapalak haqida ibratli rivoyat

Bir kuni ilon osmonda yengilgina uchib yurgan kapalakni ko‘rib qolibdi.
Uning go‘zalligi, yengilligi va erkinligi ilonni g‘azablantiribdi.

Ilon kapalakni quvlay boshlabdi…
Quvibdi, quvibdi… lekin hech yetolmapti.

Kapalak hayron bo‘lib so‘rabdi:
— Men senga nima yomonlik qildim? Nega meni quvlayapsan?
Ilon javob beribdi:

— Sen menga hech narsa qilmading…
Lekin sening uchib yurishing, erkinliging menga yoqmaydi…

🧠 Xulosa:
Ba’zi insonlar sizga yomonlik qilmasligi mumkin.
Ammo ularni sizning baxtingiz, yutug‘ingiz yoki erkinligingiz bezovta qiladi.

Shuning uchun hammaga yoqishga harakat qilish shart emas.
Eng muhimi — o‘z yo‘lingizdan to‘xtamang 🛤

✨ Siz uchishda davom eting… hatto kimdir bundan norozi bo‘lsa ham.

📱Telegram | 📱Instagram | ▶️Youtube

🌿 KUN HIKMATI

📚🔖"Hayotingizda eng qorong'u kunlar kelib, hech kim yordam bermagan payt, "Taslim bo'laman" deb turgan paytingnizda ozgina "SABR" qiling.

Chunki tunning eng qorong'u qismi tongga 1 soat qolganda bo'ladi!✨

📱Telegram | 📱Instagram | ▶️Youtube

Yashasin O'zbekiston Respublikasi!
Yashasin O'zbekiston xalqi! ✨

📱Telegram | 📱Instagram | ▶️Youtube

O'zbekiston Respublikasi mustaqilligining 35 yilligi barchamizga muborak bo'lsin!

📱Telegram | 📱Instagram | ▶️Youtube

O‘zbekiston mustaqilligi bayramida O‘zbek baxshichiligining mumtoz namunasi “Biyigul” qo‘shig‘i fonida SSSR o‘zbek xalqi boshiga keltirgan azob uqubatlar sahnalari namoyish etildi.

Mustaqilligimiz abadiy bo‘lsin!✨

📱Telegram | 📱Instagram | ▶️Youtube

⚡️Hurmatli hamkasblar!

🎓 Raqamli ta’lim platformasiga navbatdagi 35-mavzu joylashtirildi.

📚 🔖Mavzu: Tibbiy yo‘sindagi majburlov choralari va ularning turlari

🖥 Ushbu mavzuda tibbiy yo‘sindagi majburlov choralarini qo‘llashning huquqiy asoslari, ularni tayinlash tartibi va shartlari, mazkur choralarni qo‘llashga asos bo‘ladigan holatlar hamda tibbiy yo‘sindagi majburlov choralarining turlari haqida batafsil ma’lumotlar bayon etiladi.

Shuningdek, ruhiy holati bilan bog‘liq holda jinoyat sodir etgan shaxslarga nisbatan tibbiy yo‘sindagi majburlov choralarini qo‘llashning o‘ziga xos xususiyatlari, ularni davom ettirish, o‘zgartirish va tugatish tartibi yuzasidan muhim tushunchalar yoritiladi.

‼️ Markaz jamoasi sizga sifatli va zamonaviy bilim berish, kasbiy bilim hamda ko‘nikmalaringizni muntazam oshirish yo‘lida izchil faoliyat olib bormoqda!

📖 Mavzuni diqqat bilan tomosha qiling, bilimlaringizni mustahkamlang va kasbiy mahoratingizni yanada oshiring!

📱Telegram | 📱Instagram | ▶️Youtube

Bugun men uchun oddiy kun emas...

🇩🇯 Bugun ko'nglimga yaqin, hayotimda o‘ziga xos o‘rin tutgan inson — ustozim, hamkasbim va akam, mayor Nodirbek Sayfullayev yana bir yuksak e’tirofga sazovor bo‘ldilar.

🇩🇯 O‘zbekiston Respublikasi Mustaqilligining 35 yilligi munosabati bilan Ichki ishlar vazirligida o‘tkazilgan tantanali tadbirda O‘zbekiston Respublikasi Prezidentining farmoni asosida ta’sis etilgan “O‘zbekiston Respublikasi mustaqilligining 35 yilligi” ko‘krak nishoni bilan taqdirlandilar.

🇩🇯 Eng quvonarlisi, ushbu yuksak mukofotni shaxsan O‘zbekiston Respublikasi Ichki ishlar vazirining qo‘lidan qabul qilib oldilar.

🇩🇯 Ba’zi insonlarning yutug‘i — shunchaki ularning shaxsiy muvaffaqiyati emas. Ularning har bir mukofoti ortida mehnat bor, fidoyilik bor, tun-u kunlik izlanish bor, eng muhimi — Vatanga sadoqat bor.

🇺🇿 Ustozim sifatida — Sizdan o‘rganganlarim bilan faxrlanaman.
Hamkasbim sifatida — yoningizda xizmat qilayotganimdan mamnunman.
Akam sifatida — bugungi yutug‘ingizdan chin qalbimdan quvonaman.**

🇩🇯 Bu ko‘krak nishoni — birgina ko‘krakka taqiladigan mukofot emas.
Bu — halol mehnatga berilgan e’tirof, Vatanga xizmat yo‘lidagi fidoyilikka bildirilgan hurmat va yana-da ulkan marralar sari chorlovdir.

🇺🇿 Kelajagingiz doimo sharafli, qadamingiz qutlug‘, xizmat yo‘lingiz bundan-da zalvorli bo‘lsin!

📱Telegram | 📱Instagram | ▶️Youtube

Bugun — 2-sentyabr. IIV Akademiyasi tashkil etilgan kun! 🧑‍🎓

1994-yildan buyon bu qutlug‘ maskan minglab yoshlar uchun katta hayot, sharafli kasb va ulkan mas’uliyat sari yo‘l ochib kelmoqda.

IIV Akademiyasi devorlari orasida bilim olgan ko‘plab bitiruvchilar bugun yurtimiz ravnaqi, xalq osoyishtaligi va davlat boshqaruvi yo‘lida munosib xizmat qilmoqda. Ular orasida vazirlar va davlat boshqaruvi tizimining ko‘plab rahbarlari ham bor.

Bu — shunchaki Akademiya emas.
Bu — burch. Mas’uliyat. Jasorat. Vatanga sadoqat!

Bugun Akademiya yangi taraqqiyot bosqichida. Ishonamizki, amalga oshirilayotgan islohotlar va yaratilayotgan yangi imkoniyatlar uni yaqin kelajakda respublikamizning eng ilg‘or va nufuzli oliy ta’lim muassasalaridan biriga aylantiradi.

IIV Akademiyasi tashkil etilgan kun muborak bo‘lsin! 🎓

Ushbu qutlug‘ dargoh jamoasi, kursantlari, tinglovchilari va bitiruvchilariga ulkan zafarlar, yuksak marralar va Vatan ravnaqi yo‘lidagi sharafli faoliyat tilaymiz!

📱Telegram | 📱Instagram | ▶️Youtube

🎓 Akademiyani bitirish — bu dargoh oldidagi mas’uliyatning yakuni emas

Esimda, bundan 10 yil avval respublikada yuridik diplom beruvchi ta’lim muassasalari o‘rtasida yuridik fanlar bo‘yicha olimpiadalar va boshqa tanlov-musobaqalarda juda qizg‘in bahs va raqobatlar kechardi.

🔺Davomi

📱Telegram | 📱Instagram | ▶️Youtube

⚡️IIV Akademiyasida ta’lim tizimi tubdan takomillashtiriladi

“Ichki ishlar organlari uchun professional kadrlarni tayyorlash tizimini transformatsiya qilish chora-tadbirlari to‘g‘risida”gi Prezident qarori PQ–303-son, 2026-yil 26-avgust qabul qilindi.

⚡️IIV Akademiyasida “School” tizimi joriy etiladi

2026/2027-o‘quv yilidan Akademiyada ta’lim jarayoni dunyoning TOP-1000 universitetlari hamda “Yangi O‘zbekiston” universiteti tajribasi asosida bosqichma-bosqich takomillashtiriladi.

Fakultet va kafedralar maqbullashtirilib, ular negizida maktablar va sho‘balar tashkil etiladi.

🔺 Maktablar muayyan ixtisoslik bo‘yicha kadrlar tayyorlash, ilmiy tadqiqot olib borish va huquqni qo‘llash amaliyotini ta’lim bilan integratsiya qilishga mas’ul bo‘ladi.
🔺 Maktablarga IIV departament va xizmat boshliqlari mas’ul direktor sifatida rahbarlik qiladi.
🔺 Kundalik o‘quv-tarbiya jarayonini tashkil etish va nazorat qilish ijrochi direktor tomonidan amalga oshiriladi.

😀Zamonaviy IT va sun’iy intellekt yo‘nalishlari kuchaytiriladi
Akademiyada:
🔺 dasturiy injiniring;
🔺 kiberxavfsizlik injiniringi;
🔺 kompyuter injiniringi — sun’iy intellekt;
🔺 uchuvchisiz uchish qurilmalarini boshqarish;
🔺 maxsus dasturiy ta’minot
fanlari bo‘yicha mahalliy va xorijiy mutaxassislar jalb etiladi.
⚡️ Shuningdek, 2026–2030-yillarda ta’lim, texnologiya, innovatsiya va sun’iy intellekt masalalari bo‘yicha maslahatchi lavozimi joriy etiladi.

🖥Qabul jarayonida yangi imkoniyatlar
IIV akademik litseylarida xakaton va startaplar g‘olibi bo‘lgan o‘quvchilar dastlabki va maxsus kasbiy tanlovdan muvaffaqiyatli o‘tgach, belgilangan kvota doirasida Akademiya bakalavriatiga yakka tartibdagi yakuniy suhbatlarsiz qabul qilinishi mumkin.

AKT sohasidagi OTMlarning 2-bosqichini tamomlagan talabalar uchun esa “Raqamli texnologiyalar sohasida jinoyatlarga qarshi kurashish” yo‘nalishi bo‘yicha “2+2” dasturi asosida maqsadli qabul mexanizmi joriy etiladi.

⚡️  Kursantlar 1-kursdan amaliyotga yaqinlashtiriladi
Ta’lim kredit-modul tizimi asosida tashkil etiladi.
Kursantlar 1-kursdan boshlab IIV sohaviy xizmatlari va hududiy bo‘linmalariga biriktiriladi.
Bitiruvchi kurs kursantlariga o‘qishni yakunlagunga qadar “katta serjant” maxsus unvoni beriladi.
⚡️ Ta’lim dasturini o‘zlashtira olmagani uchun kursantlar safidan chetlatilgan shaxslarga ichki ishlar organlarida safdor yoki serjantlar tarkibida xizmat qilish va 1–3 yil ichida qayta tiklanish imkoniyati yaratiladi.
⚡️ Har yili kamida 50 nafar professor-o‘qituvchi “Yangi O‘zbekiston” universitetida, 30 nafar xodim xorijiy ta’lim tashkilotlarida maqsadli stajirovka o‘taydi.

📱Telegram | 📱Instagram | ▶️Youtube

‼️ IIVning idoraviy texnikumlari tashkil etiladi

Prezidentning PQ–303-son qarori bilan ichki ishlar organlari uchun kasbiy kadrlar tayyorlashning yangi bosqichi belgilanadi.
⚠️ 2027/2028-o‘quv yilidan ro‘yxat bo‘yicha kasbiy ta’lim tashkilotlari yuridik shaxs maqomini saqlagan holda IIVning idoraviy texnikumlari sifatida qayta tashkil etiladi.

🔗Ofitserlar tarkibi uchun — 2 yillik ta’lim
Texnikumlarda “11+2” dasturi asosida:
🔻 2 yillik ta’lim;
🔻 davlat granti asosida kadrlar tayyorlash;
🔻 ikkinchi va undan keyingi kasbiy ta’lim — to‘lov-kontrakt asosida
amalga oshiriladi.

🛡 Safdorlar tarkibi uchun — 6 oylik tayyorgarlik
Oliy ma’lumotga ega bo‘lmaganlar uchun 6 oylik maxsus boshlang‘ich tayyorgarlik dasturi Kasbiy tayyorgarlik markazlarida amalga oshiriladi.
Barcha nomzodlar belgilangan tartibda tanlov asosida qabul qilinadi.

🕯 Qabul kvotasi — 600 nafargacha
Ikki yillik ta’lim dasturi bo‘yicha har yillik umumiy qabul kvotasi 600 nafargacha bo‘ladi.

🎯 Davlat granti asosida o‘qib, texnikumni tamomlagan fuqarolar ichki ishlar organlarida o‘z mutaxassisligi bo‘yicha 3 yil uzluksiz majburiy xizmat o‘tash haqida shartnoma tuzadi.

📚🔖 Ta’limning yangi modeli
Texnikumlarda ta’lim:
🔻 kredit-modul tizimi;
🔻 dual ta’lim shakli;
🔻 IIV Akademiyasi bakalavriat dasturlari bilan integratsiya
asosida tashkil etiladi.

📌 Natijada kasbiy ta’lim bosqichi Akademiya ta’limi bilan uzviy bog‘lanib, ichki ishlar organlari uchun kadrlarni maqsadli tayyorlashning yagona mexanizmi shakllantiriladi.

📱Telegram | 📱Instagram | ▶️Youtube