تي كييف عرفتني كيف؟؟

المحتوى وقف للاسف التصوير بحكم الخدمة وضيق الوقت وقريب حنمشي لمكة ان شاء الله

متطلبات الشعب مش ناسيها 😂

بنحاول في مكة نتم الخدمة بكري ونلهم نصور محتوى باش نعبي شوية ولما نروح توا نمنتجهم

ان شاء الله

فيه موقع جميل جدا في المدينة اسمه مطل العزيزية

مشيتله قبل لكن كانت خت فت اليوم مشيتله بروحي

المكان عبارة عن حافة جبل مطلة على منطقة العزيزة وتشبح منها المدينة شبه كلها ومعبي قهاوي ومحلات

نظام الكرنيش عندنا

المكان فيه سلبية وحده وهيا نفس اللي عنده يعني نقدر نشبهلكم بكرنيش حي الاندلس لما يكون زحمه ومفرخ من الجنسيين طالعين يسنكحوا على بعض

الباقي المكان جميل ورايق ينفع تطلع بالعيلة فيه جدااا

كل شي في المدينة يخلي فيا نتمنى ان كانت معايا عروسة النور

ادعولي بيها خلوها تجي

المفروض اني اللي ندعي بحكم قاعد في الاراضي المقدسة لكن عادي ادعوا معاي

تي هذا مني اللي مش عاجبه وروهولي بس؟؟