محصلتش صورة حصلت فيديو

المعتمرين اللي معانا مستغربين ان هذا جبل الرماة

يشبحوا فيه صغير

ولكن ماخطرش في بالهم زمان ان الحروب مش زي توا كلاشنات وطقني ونطقك من بعيد

كانت جهدك ومايجيب يعني من اللي بيركبلهم من بعد الجهد اللي داره لوطه وبيوصل ومزال عنده جهد يقتل اللي فوق؟

المستثنين من هذا اللي على الفرسان

وبالعكس هذا العلو ممتاز للرماة بحيث الدقة تكون افضل

وهذه تكون المقبرة اللي فيها سبعين شهيد هذه اللي فيها حمزة بن عبدالمطلب

طبعا القبور مش واضحة

وهما اساسا دفنوا كل اثنين او ثلاثة مع بعض

وخدوها بالقرب يعني لو فيه اثنين اقارب يدفنوهم في قبر واحد وهكذا

داروا هكي لان الارض صخرية وصعب الحفر فيها وزيادة كانوا كيف طالعين من حرب ومصابين ماتنسوش ان بداية الحرب كانت نصر للمسلمين

ولما بدوا ياخدوا في الغنائم طمعوا الرماة وعصوا امر النبي صلى الله عليه وسلم ونزلوا

ف التف عليهم خالد ابن الوليد "اللي اسلم وكان ليه دور في فتوحات عظيمة للمسلمين بعدها بمدة" وانقض عليهم من الخلف

وفي الغزة هذه انصاب النبي في رأسه وكسرت رباعيته واللي هيا تكون مقدمة الاسنان اربعة ومن بعدها الانياب كسرت احداها

هيا صحيح فشت غل صارت بعد نصر المسلمين ولكن مزال يعتبر نصر معنوي ووجودي بان الرسول حي وصاحبيه ابوبكر وعمر على قيد الحياة والمدينة ماوصل فيها شي من اذاهم لو مش غالط في النقطة الاخيرة

امتى استاقضوا المشركين بعد مشوا مشوار جتهم لحظة ادراك بانهم لا قتلوا الرسول ولا صاحبيه ولا ولا زي ماقلنا ف قالوا لبعضهم عن اي نصر تتحدثون

وهذا حفظ الله واللي صار هوا حكمة من الله

شكرا ع الجمال

العفو

المصليات اللي يبيعو فيهم غادي رد بالك منهم
فيه منهم اللي فيهم رسومات مش مزبوطة