نزلت للمطعم قعدت ندور في سعوديين

طبعا الشي هذا شبه صعب في المكان اللي احني فيه لان فيه تنوع جنسيات رهيب

تخايلوا مطعم تام مافيش ولا سعودي لما احني ناكلوا فيه راجل وزوجته مقعمزين برا في الطرف صعب تكلمهم

المهم بعد خشيت للمطعم لقيت سعودي كيف خاش بيطلب

بعد الطلب كلمته وعندهم كلمة جميلة يقولوا فيها قالي ابشر

جي حاول من هكي لهكي مافيش فايدة

معاه صاحبه نفس الشي

المهم قرر ان نمشوا لمركز صيانة قريب ونجيبوا معانا فني ركبت معاه وطلعنا بارك الله فيه ماقصر

مشوار الطريق كله نتعرفوا على بعض وهدرزة طيبة سبحان الله كيف يسخر الامور

وصلنا للصيانة لقيناهم مسكرين بالصدفة واحد منهم كان في الورشة اللي جنب ماروحش

ركب معانا ورجعنا

الراجل اول ماركب في السيارة ومن اول محاولة خدم 😂

السعودي لين استغرب قاله كيف سويتها ذي 😂😂

الخلاصة بعد الهدرزة الطويلة ان اللي يحاول ومايوقف يحصل نتيجة واهل الخير الله يبارك موجودين

وان كل واحد يساق ليه رزقه وهوا مايندريش

فني الصيانة قال الوقت هذا يكون مسكر اليوم عطل شوية لسبب ما وهوا مايعلمش ان ربي سايقله رزق

الراجل ياجماعة اول ماحط يده على الفرينو مانو خدم واحني لينا قريب نص ساعة نحاولوا باكثر من طريقة 😂

اصبحنا واصبح الملك لله

اللَّهُمَّ صَلِّ وَسَلِّمْ عَلَى نَبَيِّنَا مُحَمَّدٍ

اليوم زرت النبي وابوبكر وعمر
الكلمة كانت غريبة وشعور انك مش مستوعب شن درت قاعد مرادوني

"اليوم 7-11 يوم الجمعة زرت النبي" عليه افضل الصلاة والتسليم

نسيت امس مابعتش الصورة