كيف حالكم

امس كنت بنزللكم صور المعرض وبنرد على الرسائل اللي وصلوا ولكن للاسف انشغلت

جرب اقرا واحد من كتب الكاتب ادهم شرقاوي جميع كتبه جميلة جدا

عندنا في الحوش كم كتاب ليه حنحاول باذن الله

حاليا بادي في كتاب اسمه the alchemist وفيه كتاب تاني اسمه ربيع الاندلس نبي نقراه لكن امتى؟ مااندري 😂

العناوين هذه صعب تواجدها في المكتبات الليبية، فمابالك لو مالقيتهاش في المعرض نفسه. بالنسبة لكتب عن الأندلس يا إمّا تبحث عن عناوين موجودة بكثرة هني أو توصّي عليهم من ديار نشر ليبية وتوفرهملك (الفرجاني ودار الحكمة يوفروا في عناوين)، ومرات تصدف معاك وتلقى عنوان منهم مستعمل

استنتجت الشي هذا بعد اللي صار في المعرض الفترة الجاية عندي سفرة لو حصلت وقت حنشوف مكتبة مركزية في البلاد اللي حنمشيلها وندورهم ان شاء الله

قريته كان كتاب جميل لكن صار فيه تأثير الشغف اللي حكيتلكم عليه بديت فيه بقوة واندفاع وتميته بعد سنة

الحل الوحيد إنك تغصب نفسك، مش حيجيك الكتاب يبيك تقرأه 😁

فعلا ولكن العلة في تقسيم الوقت عندي ولما تكون عندك حصة في مسؤوليات الحوش يطلعولك مواضيع تلعبلك في جدولك

قابلني كتاب عليه صورة شخص ردني لايام 2007 والفترة هذيكا كان مش غالط في السنة مانعرفش هل حتعرفوه ولالا

من يعرفه ويعرف وين كان يعرضوا في برنامجه؟