‏القراء اللي عندي اي شي يساعد في الموضوع وعطوني توصيات لكتب نقراها

في أي نوع؟ كتب في الأدب واللغة، الشِعر، علم نفس، ديني مُسبط، ديني، روايات -وأي نوع من الروايات؟ بوليسية، جريمة، كلاسيكية، أدب عربي، روايات قديمة أو جديدة وما إلى ذلك..-؟

انا نعرف انهم عالم ولتوا مش عارف شن اللي نبيه بالزبط فيهم

علاش؟
لان جربت نوعت زمان اكتشفت ان فيه انواع كنت متوقعهم ملاح للاسف ماكملتش قراءتهم اساسا وكتب خشيت فيهم لقيتهم ملاح

هوا انا عندي قصة مع كتاب كان فيه اقتباس واحد نقدر نقول غير حياتي وغير في شخصيتي هلبا وكان متسبب في تحول كبير في مسار حياتي

الكتاب اكيد الكل يعرفه اسمه مميز بالاصفر

تقدر تبدا ب العادات الذرية لو تاخد النسخة الانجليزية خير وخير اغلب الناس في بداياتهم يقرو فيه

قريته كان كتاب جميل لكن صار فيه تأثير الشغف اللي حكيتلكم عليه بديت فيه بقوة واندفاع وتميته بعد سنة

كيف حالكم

امس كنت بنزللكم صور المعرض وبنرد على الرسائل اللي وصلوا ولكن للاسف انشغلت

جرب اقرا واحد من كتب الكاتب ادهم شرقاوي جميع كتبه جميلة جدا

عندنا في الحوش كم كتاب ليه حنحاول باذن الله

حاليا بادي في كتاب اسمه the alchemist وفيه كتاب تاني اسمه ربيع الاندلس نبي نقراه لكن امتى؟ مااندري 😂

العناوين هذه صعب تواجدها في المكتبات الليبية، فمابالك لو مالقيتهاش في المعرض نفسه. بالنسبة لكتب عن الأندلس يا إمّا تبحث عن عناوين موجودة بكثرة هني أو توصّي عليهم من ديار نشر ليبية وتوفرهملك (الفرجاني ودار الحكمة يوفروا في عناوين)، ومرات تصدف معاك وتلقى عنوان منهم مستعمل

استنتجت الشي هذا بعد اللي صار في المعرض الفترة الجاية عندي سفرة لو حصلت وقت حنشوف مكتبة مركزية في البلاد اللي حنمشيلها وندورهم ان شاء الله

قريته كان كتاب جميل لكن صار فيه تأثير الشغف اللي حكيتلكم عليه بديت فيه بقوة واندفاع وتميته بعد سنة

الحل الوحيد إنك تغصب نفسك، مش حيجيك الكتاب يبيك تقرأه 😁

فعلا ولكن العلة في تقسيم الوقت عندي ولما تكون عندك حصة في مسؤوليات الحوش يطلعولك مواضيع تلعبلك في جدولك